Moksopaya with Bhaskarakantha's Tika 3.25

नभस्तलाद् गिरिग्रामं गच्छन्त्यौ किञ्चिद् एव हि । ज्ञप्तिचित्तस्थिते भूमितलं ददृशतुस् स्त्रियौ

nabhastalād girigrāmaṃ gacchantyau kiñcid eva hi / jñapticittasthite bhūmitalaṃ dadṛśatus striyau

Sanskrit only: no published translation is held for this verse.

ब्रह्माण्डनरहृत्पद्मं दिगष्टकदलं बृहत् । गिरिकेसरसम्बाधं स्वामोदभरसुन्दरम्

brahmāṇḍanarahṛtpadmaṃ digaṣṭakadalaṃ bṛhat / girikesarasambādhaṃ svāmodabharasundaram

Sanskrit only: no published translation is held for this verse.

सरित्केसरिकानालम् अवश्यायाम्बुबिन्दुकम् । शर्वरीभ्रमरीभ्रान्तं भूतौघमषकाकुलम्

saritkesarikānālam avaśyāyāmbubindukam / śarvarībhramarībhrāntaṃ bhūtaughamaṣakākulam

Sanskrit only: no published translation is held for this verse.

अन्तर्घुणगणाकीर्णं सुरन्ध्रैस् सुषिरैर् वृतम् । उह्यमानं पयःपूरैर् दिवसालोककान्तिमत्

antarghuṇagaṇākīrṇaṃ surandhrais suṣirair vṛtam / uhyamānaṃ payaḥpūrair divasālokakāntimat

Sanskrit only: no published translation is held for this verse.

रसार्द्रं खे भ्रमद्धंसं रात्रिसङ्कोचभाजनम् । पातालपङ्कनिर्मग्ननागनाथमृणालकम्

rasārdraṃ khe bhramaddhaṃsaṃ rātrisaṅkocabhājanam / pātālapaṅkanirmagnanāganāthamṛṇālakam

Sanskrit only: no published translation is held for this verse.

कदाचिद् आस्पदाम्भोधिकम्पकम्पितदिग्दलम् । अधो नागगतानन्तदैत्यदानवकण्टकम्

kadācid āspadāmbhodhikampakampitadigdalam / adho nāgagatānantadaityadānavakaṇṭakam

Sanskrit only: no published translation is held for this verse.

असुरव्रणवल्लर्या सम्भोगसुकुमारया । व्याप्तभूभृन्महाबीजहृदयं बीजभूतया

asuravraṇavallaryā sambhogasukumārayā / vyāptabhūbhṛnmahābījahṛdayaṃ bījabhūtayā

Sanskrit only: no published translation is held for this verse.

जम्बुद्वीप इति ख्यातां विपुलां तत्र कर्णिकाम् । सरित्केसरिकानालां नगरग्रामकेसराम्

jambudvīpa iti khyātāṃ vipulāṃ tatra karṇikām / saritkesarikānālāṃ nagaragrāmakesarām

Sanskrit only: no published translation is held for this verse.

कुलशैलोद्धुरोत्तुङ्गबीजसप्तकसुन्दरीम् । मध्यस्थोच्चमहामेरुबीजाक्रान्तनभस्तलाम्

kulaśailoddhurottuṅgabījasaptakasundarīm / madhyasthoccamahāmerubījākrāntanabhastalām

Sanskrit only: no published translation is held for this verse.

सरःप्रालेयकणिकावनजङ्गलयूथिकाम् । स्वलेखामण्डलान्तस्स्थजनजालाभ्रमण्डलाम्

saraḥprāleyakaṇikāvanajaṅgalayūthikām / svalekhāmaṇḍalāntassthajanajālābhramaṇḍalām

Sanskrit only: no published translation is held for this verse.

तां योजनशताकारैः प्रतिराकां प्रबोधिभिः । सागरैर् भ्रमरैर् व्याप्तां दिक्चतुष्टयशायिभिः

tāṃ yojanaśatākāraiḥ pratirākāṃ prabodhibhiḥ / sāgarair bhramarair vyāptāṃ dikcatuṣṭayaśāyibhiḥ

Sanskrit only: no published translation is held for this verse.

दिग्दलाष्टकविश्रान्तसस्वनाम्भोजषट्पदाम् । भ्रातृभिर् नवभिर् भूपैर् नवधा परिकल्पिताम्

digdalāṣṭakaviśrāntasasvanāmbhojaṣaṭpadām / bhrātṛbhir navabhir bhūpair navadhā parikalpitām

Sanskrit only: no published translation is held for this verse.

लक्षयोजनविस्तीर्णाम् आकीर्णां च रजोलवैः । नानाजनपदव्यूहस्थिरावश्यायशीकराम्

lakṣayojanavistīrṇām ākīrṇāṃ ca rajolavaiḥ / nānājanapadavyūhasthirāvaśyāyaśīkarām

Sanskrit only: no published translation is held for this verse.

द्वीपात् तु द्विगुणं सालं लवणार्णवलेखया । दधत्या वलितां बाह्ये प्रकोष्ठम् इव कम्बुना

dvīpāt tu dviguṇaṃ sālaṃ lavaṇārṇavalekhayā / dadhatyā valitāṃ bāhye prakoṣṭham iva kambunā

Sanskrit only: no published translation is held for this verse.

ततो ऽपि द्विगुणं देहं दधत्या वलयाकृतिम् । जगद्भुजलताव्याप्तां शाकाख्यद्वीपलेखया

tato 'pi dviguṇaṃ dehaṃ dadhatyā valayākṛtim / jagadbhujalatāvyāptāṃ śākākhyadvīpalekhayā

Sanskrit only: no published translation is held for this verse.

ततो ऽपि द्विगुणाकारधारिण्या परिवेष्टिताम् । प्रत्यग्रक्षीरपूर्णाब्धिलेखया स्वादुशीतया

tato 'pi dviguṇākāradhāriṇyā pariveṣṭitām / pratyagrakṣīrapūrṇābdhilekhayā svāduśītayā

Sanskrit only: no published translation is held for this verse.

ततो ऽपि द्विगुणाकारधारिण्या परिवेष्टिताम् । नानाजनालङ्कृतया कुशाख्यद्वीपलेखया

tato 'pi dviguṇākāradhāriṇyā pariveṣṭitām / nānājanālaṅkṛtayā kuśākhyadvīpalekhayā

Sanskrit only: no published translation is held for this verse.

ततो ऽपि द्विगुणाकारं धारयन्त्या विवेष्टिताम् । दध्यब्धिलेखया नित्यं सन्तर्पितसुरौघया

tato 'pi dviguṇākāraṃ dhārayantyā viveṣṭitām / dadhyabdhilekhayā nityaṃ santarpitasuraughayā

Sanskrit only: no published translation is held for this verse.

ततः क्रौञ्चाभिधद्वीपलेखयैवम्प्रमाणया । वेष्टितां खातखदया नवां नृपपुरीम् इव

tataḥ krauñcābhidhadvīpalekhayaivampramāṇayā / veṣṭitāṃ khātakhadayā navāṃ nṛpapurīm iva

Sanskrit only: no published translation is held for this verse.

ततो ऽपि च घृताम्भोधिलेखयैवम्प्रमाणया । ततो ऽपि शल्मलिद्वीपलेखयामरपूर्णया

tato 'pi ca ghṛtāmbhodhilekhayaivampramāṇayā / tato 'pi śalmalidvīpalekhayāmarapūrṇayā

Sanskrit only: no published translation is held for this verse.

ततस् सुरामहाम्भोधिलेखया पुष्पशुभ्रया । शेषस्य देहलतया हरिमूर्तिम् इवाश्रिताम्

tatas surāmahāmbhodhilekhayā puṣpaśubhrayā / śeṣasya dehalatayā harimūrtim ivāśritām

Sanskrit only: no published translation is held for this verse.

ततो गोमेदकद्वीपलेखयैवम्प्रमाणया । इक्षूदलेखयाप्य् एवं हिमवत्सानुशुद्धया

tato gomedakadvīpalekhayaivampramāṇayā / ikṣūdalekhayāpy evaṃ himavatsānuśuddhayā

Sanskrit only: no published translation is held for this verse.

ततो ऽपि पुष्करद्वीपलेखया द्विगुणस्थया । अन्ते स्वादूदकाम्भोधिलेखयैवम्प्रमाणया

tato 'pi puṣkaradvīpalekhayā dviguṇasthayā / ante svādūdakāmbhodhilekhayaivampramāṇayā

Sanskrit only: no published translation is held for this verse.

सप्तस्व् अर्णवलेखासु नैरृते ककुबन्तरे । जलेन्धनज्वलज्ज्वालवडवाग्निकणाङ्किताम्

saptasv arṇavalekhāsu nairṛte kakubantare / jalendhanajvalajjvālavaḍavāgnikaṇāṅkitām

Sanskrit only: no published translation is held for this verse.

ततो ऽपि कोटिदशकं तप्तकाञ्चनकान्तया । वलितां कान्तिशालिन्या भुवा गीर्वाणभोग्यया

tato 'pi koṭidaśakaṃ taptakāñcanakāntayā / valitāṃ kāntiśālinyā bhuvā gīrvāṇabhogyayā

Sanskrit only: no published translation is held for this verse.

अथ सप्तार्णवद्वीपहेमोर्वीणां प्रमाणतः । ततो दशगुणेनाधः पातालतलगामिना

atha saptārṇavadvīpahemorvīṇāṃ pramāṇataḥ / tato daśaguṇenādhaḥ pātālatalagāminā

Sanskrit only: no published translation is held for this verse.

निखातवलयेनोच्चैश् श्वभ्रसम्भाररूपिणा । पातालगममार्गेण वलितां भयदात्मना

nikhātavalayenoccaiś śvabhrasambhārarūpiṇā / pātālagamamārgeṇa valitāṃ bhayadātmanā

Sanskrit only: no published translation is held for this verse.

एतस्मात् खलु सर्वस्मात् ततो दशगुणोच्चया । आव्योम सचतुर्दिक्कं श्वभ्रसम्भारभीमया

etasmāt khalu sarvasmāt tato daśaguṇoccayā / āvyoma sacaturdikkaṃ śvabhrasambhārabhīmayā

Sanskrit only: no published translation is held for this verse.

अर्धे म्लानतमोरूपलग्ननीलोत्पलस्रजा । नानामाणिक्यशिखरकल्हारकुमुदाब्जया

ardhe mlānatamorūpalagnanīlotpalasrajā / nānāmāṇikyaśikharakalhārakumudābjayā

Sanskrit only: no published translation is held for this verse.

लोकालोकाचलोत्तालविपुलाट्टालमालया । वलितां त्रिजगल्लक्ष्मीधम्मिल्लवलनाम् इव

lokālokācalottālavipulāṭṭālamālayā / valitāṃ trijagallakṣmīdhammillavalanām iva

Sanskrit only: no published translation is held for this verse.

एतस्माद् अथ सर्वस्मात् ततो दशगुणात्मना । अज्ञातभूतसञ्चारनाम्नारण्येन पालिताम्

etasmād atha sarvasmāt tato daśaguṇātmanā / ajñātabhūtasañcāranāmnāraṇyena pālitām

Sanskrit only: no published translation is held for this verse.

एतस्माद् अथ सर्वस्मात् ततो दशगुणात्मना । नभसेव चतुर्दिक्कं व्याप्तां निर्मलवारिणा

etasmād atha sarvasmāt tato daśaguṇātmanā / nabhaseva caturdikkaṃ vyāptāṃ nirmalavāriṇā

Sanskrit only: no published translation is held for this verse.

एतस्माद् अथ सर्वस्मात् ततो दशगुणात्मना । मेर्वादिद्रावणोत्केन ज्वालाजालेन मालिताम्

etasmād atha sarvasmāt tato daśaguṇātmanā / mervādidrāvaṇotkena jvālājālena mālitām

Sanskrit only: no published translation is held for this verse.

एतस्माद् अथ सर्वस्मात् ततो दशगुणात्मना । मेर्वाद्य् अप्य् अचलनीकं नयता तृणपांसुवत्

etasmād atha sarvasmāt tato daśaguṇātmanā / mervādy apy acalanīkaṃ nayatā tṛṇapāṃsuvat

Sanskrit only: no published translation is held for this verse.

वहताद्रीन्द्रविस्फोटकारिदार्वाग्निहारिणा । निश्शून्यत्वाद् अशब्देन मरुता परितो वृताम्

vahatādrīndravisphoṭakāridārvāgnihāriṇā / niśśūnyatvād aśabdena marutā parito vṛtām

Sanskrit only: no published translation is held for this verse.

एतस्माद् अथ सर्वस्मात् ततो दशगुणात्मना । परितो वलितां व्योम्ना निश्शून्येनैकरूपिणा

etasmād atha sarvasmāt tato daśaguṇātmanā / parito valitāṃ vyomnā niśśūnyenaikarūpiṇā

Sanskrit only: no published translation is held for this verse.

अथ योजनलक्षाणां शतेन घनरूपिणा । व्याप्तां ब्रह्माण्डखण्डेन हैमेन रविपर्वणा

atha yojanalakṣāṇāṃ śatena ghanarūpiṇā / vyāptāṃ brahmāṇḍakhaṇḍena haimena raviparvaṇā

Sanskrit only: no published translation is held for this verse.

इति जलधिमहाद्रिलोकपाल त्रिदशपुराम्बरभूतलप्रणीतम् । जगदुदरम् अवेक्ष्य मानुषी प्राग् भुवि निजमन्दिरकोटरं ददर्श

iti jaladhimahādrilokapāla tridaśapurāmbarabhūtalapraṇītam / jagadudaram avekṣya mānuṣī prāg bhuvi nijamandirakoṭaraṃ dadarśa

Sanskrit only: no published translation is held for this verse.