Moksopaya with Bhaskarakantha's Tika 3.27

तस्मिन् गिरितटे ग्रामे तस्मिन् मण्डपकोदरे । अन्तर्धिम् आश्व् आययतुस् तत्रस्थे एव ते स्त्रियौ

tasmin giritaṭe grāme tasmin maṇḍapakodare / antardhim āśv āyayatus tatrasthe eva te striyau

Sanskrit only: no published translation is held for this verse.

अस्माकं वनदेवीभ्यां प्रसादः कृत इत्य् अथ । शान्तदुःखे गृहजने पुण्यपारपरे स्थिते

asmākaṃ vanadevībhyāṃ prasādaḥ kṛta ity atha / śāntaduḥkhe gṛhajane puṇyapārapare sthite

Sanskrit only: no published translation is held for this verse.

मण्डपाकाशसंलीना लीलाम् आह सरस्वती । व्योमरूपा व्योमरूपां स्मयात् तूष्णीम् अवस्थिताम्

maṇḍapākāśasaṃlīnā līlām āha sarasvatī / vyomarūpā vyomarūpāṃ smayāt tūṣṇīm avasthitām

Sanskrit only: no published translation is held for this verse.

सङ्कल्पस्वप्नयोर् मोघक्रियायाः कथनं मिथः । यथेहार्थक्रियां धत्ते तयोस् सा सङ्कथा तथा

saṅkalpasvapnayor moghakriyāyāḥ kathanaṃ mithaḥ / yathehārthakriyāṃ dhatte tayos sā saṅkathā tathā

Sanskrit only: no published translation is held for this verse.

पृथ्व्यादिनाडीप्राणादेर् ऋते ऽप्य् अभ्युदिता तयोः । सा सङ्कथनसंवित्तिस् स्वप्नसङ्कल्पयोर् इव

pṛthvyādināḍīprāṇāder ṛte 'py abhyuditā tayoḥ / sā saṅkathanasaṃvittis svapnasaṅkalpayor iva

Sanskrit only: no published translation is held for this verse.

ज्ञेयं ज्ञातम् अशेषेण दृष्टा द्रष्टव्यसंविदः । ईदृशीयं ब्रह्मसत्ता किम् अन्यद् वद पृच्छसि

jñeyaṃ jñātam aśeṣeṇa dṛṣṭā draṣṭavyasaṃvidaḥ / īdṛśīyaṃ brahmasattā kim anyad vada pṛcchasi

Sanskrit only: no published translation is held for this verse.

मृतस्य भर्तुर् जीवो ऽसौ यत्र राज्यं करोति मे । तत्राहं किं न तैर् दृष्टा दृष्टास्मीह सुतेन किम्

mṛtasya bhartur jīvo 'sau yatra rājyaṃ karoti me / tatrāhaṃ kiṃ na tair dṛṣṭā dṛṣṭāsmīha sutena kim

Sanskrit only: no published translation is held for this verse.

अभ्यासेन विना वत्से तदा ते द्वैतनिश्चयः । नूनम् अस्तङ्गतो नाभूद् ऋतुसन्धाव् ऋतुर् यथा

abhyāsena vinā vatse tadā te dvaitaniścayaḥ / nūnam astaṅgato nābhūd ṛtusandhāv ṛtur yathā

Sanskrit only: no published translation is held for this verse.

अद्वैतं यो न यातो ऽसौ कथम् अद्वैतकर्मभिः । युज्यते तापसंस्थस्य च्छायाङ्गानुभवः कुतः

advaitaṃ yo na yāto 'sau katham advaitakarmabhiḥ / yujyate tāpasaṃsthasya cchāyāṅgānubhavaḥ kutaḥ

Sanskrit only: no published translation is held for this verse.

लीलास्मीति विनाभ्यासं तत्र नास्तङ्गतो ऽभवत् । यदा भावस् तदा सत्यसङ्कल्पत्वम् अभून् न ते

līlāsmīti vinābhyāsaṃ tatra nāstaṅgato 'bhavat / yadā bhāvas tadā satyasaṅkalpatvam abhūn na te

Sanskrit only: no published translation is held for this verse.

अद्यापि सत्यानुभवास् सङ्कल्पास् तेन मां ययुः । सम्पश्यत्व् इत्य् अभिमतं फलितं तव सुन्दरि

adyāpi satyānubhavās saṅkalpās tena māṃ yayuḥ / sampaśyatv ity abhimataṃ phalitaṃ tava sundari

Sanskrit only: no published translation is held for this verse.

इदानीं तस्य भर्तुस् त्वं समीपं यदि गच्छसि । तत् तेन व्यवहारस् ते पूर्ववत् सम्प्रवर्तते

idānīṃ tasya bhartus tvaṃ samīpaṃ yadi gacchasi / tat tena vyavahāras te pūrvavat sampravartate

Sanskrit only: no published translation is held for this verse.

इहैव मन्दिराकाशे पतिर् विप्रो ममाभवत् । इहैव स मृतो भूत्वा सम्पन्नो वसुधाधिपः

ihaiva mandirākāśe patir vipro mamābhavat / ihaiva sa mṛto bhūtvā sampanno vasudhādhipaḥ

Sanskrit only: no published translation is held for this verse.

इहैव तस्य संसारे तस्मिन् भूमण्डलान्तरे । राजधानीपुरे तस्मिन् पुरन्ध्र्य् अस्मि व्यवस्थिता

ihaiva tasya saṃsāre tasmin bhūmaṇḍalāntare / rājadhānīpure tasmin purandhry asmi vyavasthitā

Sanskrit only: no published translation is held for this verse.

इहैवान्तःपुरे तस्मिन् स मृतो मम भूमिपः । इहैवान्तःपुराकाशे तस्मिन्न् एव पुनर् नृपः

ihaivāntaḥpure tasmin sa mṛto mama bhūmipaḥ / ihaivāntaḥpurākāśe tasminn eva punar nṛpaḥ

Sanskrit only: no published translation is held for this verse.

सम्पन्नो वसुधापीठे नानाजनपदेश्वरः । सर्वो जवञ्जवीभाव इहैवायम् अवस्थितः

sampanno vasudhāpīṭhe nānājanapadeśvaraḥ / sarvo javañjavībhāva ihaivāyam avasthitaḥ

Sanskrit only: no published translation is held for this verse.

अस्मिन्न् एव गृहाकाशे सर्वा ब्रह्माण्डभूतयः । स्थितास् समुद्गकोशस्य यथान्तस् सर्षपोत्कराः

asminn eva gṛhākāśe sarvā brahmāṇḍabhūtayaḥ / sthitās samudgakośasya yathāntas sarṣapotkarāḥ

Sanskrit only: no published translation is held for this verse.

तद् अदूरम् अहं मन्ये तद् भर्तुर् मम मण्डलम् । क्वचित् पार्श्वस्थितम् इह यथा पश्यामि तत् कुरु

tad adūram ahaṃ manye tad bhartur mama maṇḍalam / kvacit pārśvasthitam iha yathā paśyāmi tat kuru

Sanskrit only: no published translation is held for this verse.

भूतलारुन्धतिसुते भर्तारस् तव सम्प्रति । त्रयो नामाथवाभूवन् बहवश् शतसम्मिताः

bhūtalārundhatisute bhartāras tava samprati / trayo nāmāthavābhūvan bahavaś śatasammitāḥ

Sanskrit only: no published translation is held for this verse.

नेदीयसां त्रयाणां तु द्विजस् ते भस्मसाद्गतः । राजा माल्याम्बरवृतस् संस्थितो ऽन्तःपुरे शवः

nedīyasāṃ trayāṇāṃ tu dvijas te bhasmasādgataḥ / rājā mālyāmbaravṛtas saṃsthito 'ntaḥpure śavaḥ

Sanskrit only: no published translation is held for this verse.

संसारमण्डपे ऽप्य् अस्मिंस् तृतीयो वसुधाधिपः । महासंसारजलधौ पतितो भ्रमम् आगतः

saṃsāramaṇḍape 'py asmiṃs tṛtīyo vasudhādhipaḥ / mahāsaṃsārajaladhau patito bhramam āgataḥ

Sanskrit only: no published translation is held for this verse.

भोगकल्लोलवलनाविकलाकुलचेतनः । जाड्यजर्जरचिद्वृत्तिस् संसाराम्भोधिकच्छपः

bhogakallolavalanāvikalākulacetanaḥ / jāḍyajarjaracidvṛttis saṃsārāmbhodhikacchapaḥ

Sanskrit only: no published translation is held for this verse.

चित्राणि राजकार्याणि कुर्वन्न् अत्याकुलान्य् अपि । सुप्तः तेजस्स्थिततया न जागर्ति भवभ्रमे

citrāṇi rājakāryāṇi kurvann atyākulāny api / suptaḥ tejassthitatayā na jāgarti bhavabhrame

Sanskrit only: no published translation is held for this verse.

ईश्वरो ऽहम् अहं भोगी सिद्धो ऽहं बलवान् सुखी । इत्य् अनन्तमहारज्ज्वा वलितो वशतां गतः

īśvaro 'ham ahaṃ bhogī siddho 'haṃ balavān sukhī / ity anantamahārajjvā valito vaśatāṃ gataḥ

Sanskrit only: no published translation is held for this verse.

तत् कस्य वद भर्तुस् त्वां समीपे वरवर्णिनि । वात्या वनान्तरं गन्धलेखाम् इव वनान् नये

tat kasya vada bhartus tvāṃ samīpe varavarṇini / vātyā vanāntaraṃ gandhalekhām iva vanān naye

Sanskrit only: no published translation is held for this verse.

अन्य एव स संसारस् सेव्यो ब्रह्माण्डमण्डपः । अन्या एव च ता वत्से व्यवहारपरम्पराः

anya eva sa saṃsāras sevyo brahmāṇḍamaṇḍapaḥ / anyā eva ca tā vatse vyavahāraparamparāḥ

Sanskrit only: no published translation is held for this verse.

संसारमण्डलानीह तानि पार्श्वे स्थितान्य् अपि । नूनं योजनकोटीनां कोटयस् तेष्व् इहान्तरम्

saṃsāramaṇḍalānīha tāni pārśve sthitāny api / nūnaṃ yojanakoṭīnāṃ koṭayas teṣv ihāntaram

Sanskrit only: no published translation is held for this verse.

आकाशमात्रम् एतेषाम् इदं पश्य वपुः पुरः । मेरुमन्दरकोटीनां कोटयस् तेष्व् इह स्थिताः

ākāśamātram eteṣām idaṃ paśya vapuḥ puraḥ / merumandarakoṭīnāṃ koṭayas teṣv iha sthitāḥ

Sanskrit only: no published translation is held for this verse.

परमाणौ परमाणौ सर्गवर्गा निरर्गलम् । महाचितस् स्फुरन्त्य् अन्ता रुचीव त्रसरेणवः

paramāṇau paramāṇau sargavargā nirargalam / mahācitas sphuranty antā rucīva trasareṇavaḥ

Sanskrit only: no published translation is held for this verse.

महारम्भगुरूण्य् एवम् अपि ब्रह्माण्डकानि च । तुलायां धानकामात्रम् अपि तानि भवन्ति नो

mahārambhagurūṇy evam api brahmāṇḍakāni ca / tulāyāṃ dhānakāmātram api tāni bhavanti no

Sanskrit only: no published translation is held for this verse.

नानारत्नाचलोद्द्योतो वनवद् भाति खे यथा । पृथ्व्यादिभूतरहिता जगद्वद् भाति चित् तथा

nānāratnācaloddyoto vanavad bhāti khe yathā / pṛthvyādibhūtarahitā jagadvad bhāti cit tathā

Sanskrit only: no published translation is held for this verse.

कचति ज्ञप्तिर् एवेयं जगद् इत्यादिनामभिः । न तु पृथ्व्यादि सम्पन्नं सर्गादाव् एव किञ्चन

kacati jñaptir eveyaṃ jagad ityādināmabhiḥ / na tu pṛthvyādi sampannaṃ sargādāv eva kiñcana

Sanskrit only: no published translation is held for this verse.

यथा तरङ्गस् सरिति भूत्वा भूत्वा पुनर् भवेत् । विचित्राकारकलनादेशा जातास्य् अलं तथा

yathā taraṅgas sariti bhūtvā bhūtvā punar bhavet / vicitrākārakalanādeśā jātāsy alaṃ tathā

Sanskrit only: no published translation is held for this verse.

एवम् एतज् जगन्मातर् मया मृतम् इहाधुना । ममेदं राजसं जन्म तामसं नो न सात्त्विकम्

evam etaj jaganmātar mayā mṛtam ihādhunā / mamedaṃ rājasaṃ janma tāmasaṃ no na sāttvikam

Sanskrit only: no published translation is held for this verse.

ब्रह्मणस् त्व् अवतीर्णाया अष्टौ जन्मशतानि मे । नानायोनीन्य् अतीतानि पश्यामीवाधुना पुरः

brahmaṇas tv avatīrṇāyā aṣṭau janmaśatāni me / nānāyonīny atītāni paśyāmīvādhunā puraḥ

Sanskrit only: no published translation is held for this verse.

संसारमण्डले देवि कस्मिंश्चिद् अभवं पुरा । लोकान्तराब्जभ्रमरी विद्याधरवराङ्गना

saṃsāramaṇḍale devi kasmiṃścid abhavaṃ purā / lokāntarābjabhramarī vidyādharavarāṅganā

Sanskrit only: no published translation is held for this verse.

दुर्वासनाकलुषिता ततो ऽहं मानुषी स्थिता । संसारमण्डले ऽन्यस्मिंस् तङ्गणेश्वरकामिनी

durvāsanākaluṣitā tato 'haṃ mānuṣī sthitā / saṃsāramaṇḍale 'nyasmiṃs taṅgaṇeśvarakāminī

Sanskrit only: no published translation is held for this verse.

करञ्जकुञ्जजम्बीरकदम्बवनवासिनी । पत्त्राम्बरधरा श्यामा शबर्य् अहम् अथाभवम्

karañjakuñjajambīrakadambavanavāsinī / pattrāmbaradharā śyāmā śabary aham athābhavam

Sanskrit only: no published translation is held for this verse.

वनवासनया मुग्धा सम्पन्नाहम् अथो लता । गुलुच्छनयना पत्त्रहस्ता वननिवासिनी

vanavāsanayā mugdhā sampannāham atho latā / gulucchanayanā pattrahastā vananivāsinī

Sanskrit only: no published translation is held for this verse.

पुण्याश्रमलता साहं मुनिसङ्गपवित्रिता । वनाग्निदग्धा तस्यैव कन्याभूवं महामुनेः

puṇyāśramalatā sāhaṃ munisaṅgapavitritā / vanāgnidagdhā tasyaiva kanyābhūvaṃ mahāmuneḥ

Sanskrit only: no published translation is held for this verse.

अस्त्रीत्वफलदातॄणां कर्मणां परिणामतः । राजाहं चाभवं श्रीमान् सुराष्ट्रेषु समाश् शतम्

astrītvaphaladātṝṇāṃ karmaṇāṃ pariṇāmataḥ / rājāhaṃ cābhavaṃ śrīmān surāṣṭreṣu samāś śatam

Sanskrit only: no published translation is held for this verse.

तालीनां तलकच्छेषु राजदुष्कृतदोषतः । नकुली नववर्षाणि कुष्ठनष्टाङ्गिकाभवम्

tālīnāṃ talakaccheṣu rājaduṣkṛtadoṣataḥ / nakulī navavarṣāṇi kuṣṭhanaṣṭāṅgikābhavam

Sanskrit only: no published translation is held for this verse.

वर्षाण्य् अष्टौ सुराष्ट्रेषु देवि गोत्वं मया कृतम् । सोढुं दुर्जनदुष्टाज्ञबालगोपाललीलया

varṣāṇy aṣṭau surāṣṭreṣu devi gotvaṃ mayā kṛtam / soḍhuṃ durjanaduṣṭājñabālagopālalīlayā

Sanskrit only: no published translation is held for this verse.

विहङ्ग्या वैरिविन्यस्ता वागुरा विपिनावनौ । क्लेशेन महता च्छिन्ना अद्येमा वासना इव

vihaṅgyā vairivinyastā vāgurā vipināvanau / kleśena mahatā cchinnā adyemā vāsanā iva

Sanskrit only: no published translation is held for this verse.

कर्णिकाक्रोडशय्यासु विश्रान्तम् अलिना सह । पद्मकुड्मलकोशेषु भुक्तकिञ्जल्कया रहः

karṇikākroḍaśayyāsu viśrāntam alinā saha / padmakuḍmalakośeṣu bhuktakiñjalkayā rahaḥ

Sanskrit only: no published translation is held for this verse.

भ्रान्तम् उत्तुङ्गशृङ्गासु हरिण्या हारिनेत्रया । वनस्थलीषु रम्यासु किरातहतमर्मया

bhrāntam uttuṅgaśṛṅgāsu hariṇyā hārinetrayā / vanasthalīṣu ramyāsu kirātahatamarmayā

Sanskrit only: no published translation is held for this verse.

दृष्टम् अष्टासु दिक्ष्व् अब्धिकल्लोलैर् उह्यमानया । मत्स्याश्वकच्छपास्फोटरटनाटनताडनम्

dṛṣṭam aṣṭāsu dikṣv abdhikallolair uhyamānayā / matsyāśvakacchapāsphoṭaraṭanāṭanatāḍanam

Sanskrit only: no published translation is held for this verse.

पीतं चर्मण्वतीतीरे गायन्त्या मधुरस्वनम् । सारतस् सुरते स्वैरं समन्तात् साधुरञ्जितः

pītaṃ carmaṇvatītīre gāyantyā madhurasvanam / sāratas surate svairaṃ samantāt sādhurañjitaḥ

Sanskrit only: no published translation is held for this verse.

तालीतमालकुञ्जेषु तरलानननेत्रया । क्षीवयेक्षणविक्षोभैः कृतं कान्तावलोकनम्

tālītamālakuñjeṣu taralānananetrayā / kṣīvayekṣaṇavikṣobhaiḥ kṛtaṃ kāntāvalokanam

Sanskrit only: no published translation is held for this verse.

कनकस्यन्दसन्दोहसुन्दरैर् अङ्कपङ्कजैः । स्वर्गाप्सरोऽम्बुजिन्याशुतोषिता सुरषट्पदा

kanakasyandasandohasundarair aṅkapaṅkajaiḥ / svargāpsaro'mbujinyāśutoṣitā suraṣaṭpadā

Sanskrit only: no published translation is held for this verse.

मणिकाञ्चनमाणिक्यमुक्तानिकरभूतले । कल्पद्रुमवने मेरोर् यूना सह रतं कृतम्

maṇikāñcanamāṇikyamuktānikarabhūtale / kalpadrumavane meror yūnā saha rataṃ kṛtam

Sanskrit only: no published translation is held for this verse.

कल्लोलाकुलकच्छासु लसद्गुलुगुलासु च । वेलावनगुहास्व् अब्धेश् चिरं कूर्मतया स्थितम्

kallolākulakacchāsu lasadgulugulāsu ca / velāvanaguhāsv abdheś ciraṃ kūrmatayā sthitam

Sanskrit only: no published translation is held for this verse.

नलिनीनालदोलासु दोलनं सरसानिलम् । चलत्पत्त्रसजालासु राजहंसतया कृतम्

nalinīnāladolāsu dolanaṃ sarasānilam / calatpattrasajālāsu rājahaṃsatayā kṛtam

Sanskrit only: no published translation is held for this verse.

शाद्वलीदलदोलानाम् आन्दोलनविनिद्रताम् । मषकस्य मयालोक्य दीनं मषिकया स्थितम्

śādvalīdaladolānām āndolanavinidratām / maṣakasya mayālokya dīnaṃ maṣikayā sthitam

Sanskrit only: no published translation is held for this verse.

तरत्तारतरङ्गासु चञ्चद्वीच्यग्रचुम्बनैः । भ्रान्तं शैलस्रवन्तीषु जलवञ्जुलबालया

tarattārataraṅgāsu cañcadvīcyagracumbanaiḥ / bhrāntaṃ śailasravantīṣu jalavañjulabālayā

Sanskrit only: no published translation is held for this verse.

गन्धमादनमन्दारमन्दिरे मदनातुरः । पतितः पादयोः पूर्वं विद्याधरकुमारकः

gandhamādanamandāramandire madanāturaḥ / patitaḥ pādayoḥ pūrvaṃ vidyādharakumārakaḥ

Sanskrit only: no published translation is held for this verse.

कीर्णकर्पूरपूतेषु तल्पेषु व्यसनातुरा । चिरं विलुलितास्मीन्दोर् बिम्बेष्व् इव शशिप्रभा

kīrṇakarpūrapūteṣu talpeṣu vyasanāturā / ciraṃ vilulitāsmīndor bimbeṣv iva śaśiprabhā

Sanskrit only: no published translation is held for this verse.

योनिष्व् अनेकविधदुःखशतान्वितासु भ्रान्तं मयोन्नमनसन्नमनाकुलाङ्ग्या । संसारदीर्घसरितश् चलया लहर्या दुर्वारवातहरिणीसरणक्रमेण

yoniṣv anekavidhaduḥkhaśatānvitāsu bhrāntaṃ mayonnamanasannamanākulāṅgyā / saṃsāradīrghasaritaś calayā laharyā durvāravātahariṇīsaraṇakrameṇa

Sanskrit only: no published translation is held for this verse.