Moksopaya with Bhaskarakantha's Tika 3.28

वज्राङ्गसाराद् ब्रह्माण्डकुड्यान् निबिडमण्डलात् । कोटियोजनसंविष्टात् कथं ते निर्गते उभे

vajrāṅgasārād brahmāṇḍakuḍyān nibiḍamaṇḍalāt / koṭiyojanasaṃviṣṭāt kathaṃ te nirgate ubhe

Sanskrit only: no published translation is held for this verse.

क्व ब्रह्माण्डं क्व तद्भित्तिः क्वात्रासौ वज्रसारता । किलावश्यं स्थिते देव्याव् अन्तःपुरवराम्बरे

kva brahmāṇḍaṃ kva tadbhittiḥ kvātrāsau vajrasāratā / kilāvaśyaṃ sthite devyāv antaḥpuravarāmbare

Sanskrit only: no published translation is held for this verse.

तस्मिन्न् एव गिरिग्रामे तस्मिन्न् एवालयाम्बरे । ब्राह्मणस् स वसिष्ठाख्य आस्वादयति राजताम्

tasminn eva girigrāme tasminn evālayāmbare / brāhmaṇas sa vasiṣṭhākhya āsvādayati rājatām

Sanskrit only: no published translation is held for this verse.

तम् एव मण्डपाकाशकोणकं शून्यमात्रकम् । चतुस्समुद्रपर्यन्तं भूतलं सो ऽनुभूतवान्

tam eva maṇḍapākāśakoṇakaṃ śūnyamātrakam / catussamudraparyantaṃ bhūtalaṃ so 'nubhūtavān

Sanskrit only: no published translation is held for this verse.

आकाशात्मनि भूपीठे तस्मिंस् तद् राजपत्तनम् । राजसद्मानुभवति स च सा चाप्य् अरुन्धती

ākāśātmani bhūpīṭhe tasmiṃs tad rājapattanam / rājasadmānubhavati sa ca sā cāpy arundhatī

Sanskrit only: no published translation is held for this verse.

लीलाभिधाना सञ्जाता तया च ज्ञप्तिर् अर्चिता । ज्ञप्त्या सह समुल्लङ्घ्य खम् आश्चर्यमनोरमम्

līlābhidhānā sañjātā tayā ca jñaptir arcitā / jñaptyā saha samullaṅghya kham āścaryamanoramam

Sanskrit only: no published translation is held for this verse.

प्रादेशमात्रे नभसि सा तत्रैव गृहोदरे । ब्रह्माण्डान्तरम् आसाद्य गिरिं वासवमन्दिरम्

prādeśamātre nabhasi sā tatraiva gṛhodare / brahmāṇḍāntaram āsādya giriṃ vāsavamandiram

Sanskrit only: no published translation is held for this verse.

ब्रह्माण्डात् परिनिर्गत्य स्वगृहे स्थितिम् आययौ । स्वप्नात् स्वप्नान्तरं प्राप्य यथा तल्पगतः पुमान्

brahmāṇḍāt parinirgatya svagṛhe sthitim āyayau / svapnāt svapnāntaraṃ prāpya yathā talpagataḥ pumān

Sanskrit only: no published translation is held for this verse.

प्रतिभामात्रम् एवैतत् सर्वम् आकाशमात्रकम् । न ब्रह्माण्डं न संसारो न कुड्यादि न दूरता

pratibhāmātram evaitat sarvam ākāśamātrakam / na brahmāṇḍaṃ na saṃsāro na kuḍyādi na dūratā

Sanskrit only: no published translation is held for this verse.

स्वचित्तम् एव कचति तयोस् तादृङ् मनोहरम् । वासनामात्रसोल्लेखं क्व ब्रह्माण्डं क्व संसृतिः

svacittam eva kacati tayos tādṛṅ manoharam / vāsanāmātrasollekhaṃ kva brahmāṇḍaṃ kva saṃsṛtiḥ

Sanskrit only: no published translation is held for this verse.

निरावरणम् एवेदं ज्ञप्त्याकाशम् अनन्तकम् । किञ्चित् स्वचित्तेनोन्नीतं स्पन्दयुक्त्येव मारुतः

nirāvaraṇam evedaṃ jñaptyākāśam anantakam / kiñcit svacittenonnītaṃ spandayuktyeva mārutaḥ

Sanskrit only: no published translation is held for this verse.

चिदाकाशम् अजं शान्तं सर्वत्रैव हि सर्वदा । चित्त्वाज् जगद् इवाभाति स्वयम् एवात्मनात्मनि

cidākāśam ajaṃ śāntaṃ sarvatraiva hi sarvadā / cittvāj jagad ivābhāti svayam evātmanātmani

Sanskrit only: no published translation is held for this verse.

येन बुद्धं तु तस्यैतद् आकाशाद् अपि शून्यकम् । न बुद्धं येन तस्यैतद् वज्रसाराचलोपमम्

yena buddhaṃ tu tasyaitad ākāśād api śūnyakam / na buddhaṃ yena tasyaitad vajrasārācalopamam

Sanskrit only: no published translation is held for this verse.

गृह एव यथा स्वप्ने नगरं भाति भास्वरम् । तथैतद् असद् एवान्तश् चिद्धातौ भाति भास्वरम्

gṛha eva yathā svapne nagaraṃ bhāti bhāsvaram / tathaitad asad evāntaś ciddhātau bhāti bhāsvaram

Sanskrit only: no published translation is held for this verse.

यथा मरुजले ऽम्बुत्वं कटकत्वं च हेमनि । असत् सद् इव भातीदं तथा दृश्यत्वम् आत्मनि

yathā marujale 'mbutvaṃ kaṭakatvaṃ ca hemani / asat sad iva bhātīdaṃ tathā dṛśyatvam ātmani

Sanskrit only: no published translation is held for this verse.

एवम् आकलयन्त्यौ ते ललने ललनाकृती । गृहान् निर्ययतुर् बाह्यं चारुचङ्क्रमणक्रमैः

evam ākalayantyau te lalane lalanākṛtī / gṛhān niryayatur bāhyaṃ cārucaṅkramaṇakramaiḥ

Sanskrit only: no published translation is held for this verse.

अदृश्ये ग्रामलोकेन प्रेक्षमाणे पुरो गिरिम् । चुम्बिताकाशकुहरं संस्प्र्ष्टादित्यमण्डलम्

adṛśye grāmalokena prekṣamāṇe puro girim / cumbitākāśakuharaṃ saṃsprṣṭādityamaṇḍalam

Sanskrit only: no published translation is held for this verse.

नानावर्णाखिलोत्फुल्लविचित्रवनकम्बलम् । नानानिर्झरनिर्धूतकूजद्वनविहङ्गमम्

nānāvarṇākhilotphullavicitravanakambalam / nānānirjharanirdhūtakūjadvanavihaṅgamam

Sanskrit only: no published translation is held for this verse.

विचित्रमञ्जरीपुञ्जपिञ्जराम्बुदमण्डलम् । अभ्रकच्छगुलुच्छाग्रविश्रान्तखगसारवम्

vicitramañjarīpuñjapiñjarāmbudamaṇḍalam / abhrakacchagulucchāgraviśrāntakhagasāravam

Sanskrit only: no published translation is held for this verse.

सारवञ्जुलविस्तारगुप्ताखिलसरित्तटम् । असमाप्तशिलाश्वभ्रलतानर्तनमारुतम्

sāravañjulavistāraguptākhilasarittaṭam / asamāptaśilāśvabhralatānartanamārutam

Sanskrit only: no published translation is held for this verse.

पुष्पाभ्रपिहिताकाशकोशकुट्टकवारिदम् । पतद्दीर्घसरित्स्रोतस्सितमुक्ताकलापकम्

puṣpābhrapihitākāśakośakuṭṭakavāridam / pataddīrghasaritsrotassitamuktākalāpakam

Sanskrit only: no published translation is held for this verse.

चलद्वृक्षवनव्यूहवातघट्टितदिक्तटम् । नानावनाकुलोपान्तच्छायासततशीतलम्

caladvṛkṣavanavyūhavātaghaṭṭitadiktaṭam / nānāvanākulopāntacchāyāsatataśītalam

Sanskrit only: no published translation is held for this verse.

अथ ते ललने तत्र तदा ददृशतुस् स्वयम् । तं गिरिग्रामकं व्योम्नस् स्वर्गखण्डम् इव च्युतम्

atha te lalane tatra tadā dadṛśatus svayam / taṃ girigrāmakaṃ vyomnas svargakhaṇḍam iva cyutam

Sanskrit only: no published translation is held for this verse.

वहत्प्रणालीपटलं पूर्णपुष्करिणीजलम् । द्विजैः कुरुकुचैः कूजत् सुषिरश्वभ्रकच्छलम्

vahatpraṇālīpaṭalaṃ pūrṇapuṣkariṇījalam / dvijaiḥ kurukucaiḥ kūjat suṣiraśvabhrakacchalam

Sanskrit only: no published translation is held for this verse.

गर्जद्गोवृन्दहुङ्कारकरालाखिलकुञ्जकम् । गुञ्जागुल्मकषण्डाढ्यं सच्छायघनमारुतम्

garjadgovṛndahuṅkārakarālākhilakuñjakam / guñjāgulmakaṣaṇḍāḍhyaṃ sacchāyaghanamārutam

Sanskrit only: no published translation is held for this verse.

दुष्प्रवेशार्ककिरणं पृथङ् नीहारधूसरम् । उदञ्चन्मञ्जरीपुञ्जजटालविशिखान्तरम्

duṣpraveśārkakiraṇaṃ pṛthaṅ nīhāradhūsaram / udañcanmañjarīpuñjajaṭālaviśikhāntaram

Sanskrit only: no published translation is held for this verse.

शिलाफलहकस्फारप्रोच्छलच्छुक्लनिर्झरैः । स्मारिताचलनिर्धूतक्षीरोदधिजलश्रियम्

śilāphalahakasphāraprocchalacchuklanirjharaiḥ / smāritācalanirdhūtakṣīrodadhijalaśriyam

Sanskrit only: no published translation is held for this verse.

फलमालामहाभारभासुरैर् अजिरद्रुमैः । आनीय पुष्पसम्भारं तिष्ठद्भिर् इव सङ्कुलम्

phalamālāmahābhārabhāsurair ajiradrumaiḥ / ānīya puṣpasambhāraṃ tiṣṭhadbhir iva saṅkulam

Sanskrit only: no published translation is held for this verse.

तरत्तरलझाङ्कारकारिमारुतकम्पितैः । कीर्णपुष्पमहावृष्टिं द्रुमैर् इव रसाकुलैः

tarattaralajhāṅkārakārimārutakampitaiḥ / kīrṇapuṣpamahāvṛṣṭiṃ drumair iva rasākulaiḥ

Sanskrit only: no published translation is held for this verse.

अशङ्कितशिलाकूटस्रवदब्बिन्दुझाङ्कृतैः । किञ्चित्कृतरवं गुप्तैर् अशङ्कैश् शङ्कितैः खगैः

aśaṅkitaśilākūṭasravadabbindujhāṅkṛtaiḥ / kiñcitkṛtaravaṃ guptair aśaṅkaiś śaṅkitaiḥ khagaiḥ

Sanskrit only: no published translation is held for this verse.

उत्फाललहरीप्रान्तशीकरास्वादनाकुलैः । नद्याम् उड्डयनावर्तवृत्तिभिर् विहगैर् वृतम्

utphālalaharīprāntaśīkarāsvādanākulaiḥ / nadyām uḍḍayanāvartavṛttibhir vihagair vṛtam

Sanskrit only: no published translation is held for this verse.

उत्तालतालविश्रान्तकाकालोकनशङ्कितैः । बालैः प्रगोपितामिक्षाखण्डं जीर्णस्वभूप्तकैः

uttālatālaviśrāntakākālokanaśaṅkitaiḥ / bālaiḥ pragopitāmikṣākhaṇḍaṃ jīrṇasvabhūptakaiḥ

Sanskrit only: no published translation is held for this verse.

पुष्पशेखरसम्भारवसनग्रामबालकम् । कदम्बनिम्बजम्बीरगहनोपान्तशीतलम्

puṣpaśekharasambhāravasanagrāmabālakam / kadambanimbajambīragahanopāntaśītalam

Sanskrit only: no published translation is held for this verse.

क्षौमानुतस्तास्वरया मञ्जरीपूर्णकर्णया । क्षुत्क्षान्तया भ्रान्तरथ्यं ग्रामखेटककान्तया

kṣaumānutastāsvarayā mañjarīpūrṇakarṇayā / kṣutkṣāntayā bhrāntarathyaṃ grāmakheṭakakāntayā

Sanskrit only: no published translation is held for this verse.

सरित्तरङ्गसङ्घट्टसंरावाश्रुतसङ्कथम् । कर्णजाड्यघनत्रासवाञ्छितैकान्तसंस्थितिम्

sarittaraṅgasaṅghaṭṭasaṃrāvāśrutasaṅkatham / karṇajāḍyaghanatrāsavāñchitaikāntasaṃsthitim

Sanskrit only: no published translation is held for this verse.

दधिलिप्तास्यहस्तांसैर् बद्धपुष्पलताधरैः । नग्नैर् गोमयपङ्काङ्कैर् बालैर् आकुलचत्वरम्

dadhiliptāsyahastāṃsair baddhapuṣpalatādharaiḥ / nagnair gomayapaṅkāṅkair bālair ākulacatvaram

Sanskrit only: no published translation is held for this verse.

तीरशाद्वलवल्लीनां दोलान्दोलनहारिभिः । तरङ्गैर् वाह्यमानाम्बुलेखिकाङ्कितसैकतम्

tīraśādvalavallīnāṃ dolāndolanahāribhiḥ / taraṅgair vāhyamānāmbulekhikāṅkitasaikatam

Sanskrit only: no published translation is held for this verse.

दधिक्षीरघनामोदमत्तमन्थरमक्षिकम् । काल्यभक्तार्थनोद्बाष्पजर्जराम्बरबालकम्

dadhikṣīraghanāmodamattamantharamakṣikam / kālyabhaktārthanodbāṣpajarjarāmbarabālakam

Sanskrit only: no published translation is held for this verse.

गोमयासिक्तवलयकरवारीकृतक्रुधम् । धम्मिल्लवलनाव्यग्रभूतस्त्रीविहसज्जनम्

gomayāsiktavalayakaravārīkṛtakrudham / dhammillavalanāvyagrabhūtastrīvihasajjanam

Sanskrit only: no published translation is held for this verse.

दान्तपुच्छच्छटच्छन्नपतत्ककुदवायसम् । गृहरथ्याङ्गनद्वारकीर्णकुन्दकरण्डकम्

dāntapucchacchaṭacchannapatatkakudavāyasam / gṛharathyāṅganadvārakīrṇakundakaraṇḍakam

Sanskrit only: no published translation is held for this verse.

गृहपार्श्वस्थितश्वभ्रजातैः कुसुमितद्रुमैः । प्रत्यहं प्रातर् आगुल्फम् आकीर्णकुसुमाजिरम्

gṛhapārśvasthitaśvabhrajātaiḥ kusumitadrumaiḥ / pratyahaṃ prātar āgulpham ākīrṇakusumājiram

Sanskrit only: no published translation is held for this verse.

सरच्चामरसारङ्गचलजङ्गलषण्डकम् । गुञ्जानिकुञ्जसञ्जातशष्पसुप्तमृगार्भकम्

saraccāmarasāraṅgacalajaṅgalaṣaṇḍakam / guñjānikuñjasañjātaśaṣpasuptamṛgārbhakam

Sanskrit only: no published translation is held for this verse.

एकान्तरास्तवत्सैककर्णस्पन्दास्तमक्षिकम् । गोपोच्छिष्टीकृतदधिसम्पर्कास्पन्दमक्षिकम्

ekāntarāstavatsaikakarṇaspandāstamakṣikam / gopocchiṣṭīkṛtadadhisamparkāspandamakṣikam

Sanskrit only: no published translation is held for this verse.

समस्तसद्मसु क्षीणमाक्षिकाक्षिप्तमक्षिकम् । फुल्लाशोकद्रुमोद्द्योतकृतलाक्षिकमन्दिरम्

samastasadmasu kṣīṇamākṣikākṣiptamakṣikam / phullāśokadrumoddyotakṛtalākṣikamandiram

Sanskrit only: no published translation is held for this verse.

शीकरासारमरुता नित्यार्द्रविकचद्द्रुमम् । कदम्बमुकुलप्रोतसप्तच्छदच्छदोत्करम्

śīkarāsāramarutā nityārdravikacaddrumam / kadambamukulaprotasaptacchadacchadotkaram

Sanskrit only: no published translation is held for this verse.

वृतिव्रातलताफुल्लकेतकोत्करमालिनम् । बृहत्प्रणालीपटलीरणद्रुटरुटारवम्

vṛtivrātalatāphullaketakotkaramālinam / bṛhatpraṇālīpaṭalīraṇadruṭaruṭāravam

Sanskrit only: no published translation is held for this verse.

वातायनगुहानिर्यत्सौधविश्रान्तवारिदम् । पूर्णपुष्करिणीपङ्क्तिपूतराजपथान्तरम्

vātāyanaguhāniryatsaudhaviśrāntavāridam / pūrṇapuṣkariṇīpaṅktipūtarājapathāntaram

Sanskrit only: no published translation is held for this verse.

नीरन्ध्रविटपच्छायाशीतलामलशाद्वलम् । सर्वपुष्पास्रवद्बिन्दुप्रतिबिम्बिततारकम्

nīrandhraviṭapacchāyāśītalāmalaśādvalam / sarvapuṣpāsravadbindupratibimbitatārakam

Sanskrit only: no published translation is held for this verse.

अनारतपतत्पुष्पहिमवर्षसितालयम् । विचित्रमञ्जरीपुष्पपत्त्रपल्वलपादपम्

anāratapatatpuṣpahimavarṣasitālayam / vicitramañjarīpuṣpapattrapalvalapādapam

Sanskrit only: no published translation is held for this verse.

गृहकक्ष्यान्तरालीनमेघगुप्तचिरण्टिकम् । सौधस्थमेघविद्युद्भिर् अनादेयप्रदीपकम्

gṛhakakṣyāntarālīnameghaguptaciraṇṭikam / saudhasthameghavidyudbhir anādeyapradīpakam

Sanskrit only: no published translation is held for this verse.

कन्दरानिलझाङ्कारघनघुङ्घुममण्डपम् । चरच्चकोरहारीतहरिणीहारिमन्दिरम्

kandarānilajhāṅkāraghanaghuṅghumamaṇḍapam / caraccakorahārītahariṇīhārimandiram

Sanskrit only: no published translation is held for this verse.

उन्निद्रकन्दलोद्वान्तमांसलामोदमन्थरैः । मरुद्भिर् मन्दम् आदातुम् आरब्धैर् लोलपल्लवम्

unnidrakandalodvāntamāṃsalāmodamantharaiḥ / marudbhir mandam ādātum ārabdhair lolapallavam

Sanskrit only: no published translation is held for this verse.

लावकालापलीलायाम् आलीनललनाकुलम् । कोककोकिलकाकोलकोलाहलसमाकुलम्

lāvakālāpalīlāyām ālīnalalanākulam / kokakokilakākolakolāhalasamākulam

Sanskrit only: no published translation is held for this verse.

सालतालीतमालाढ्यनीलपल्वलमालितम् । वलीवलयविन्यासविलासवलितध्रुवम्

sālatālītamālāḍhyanīlapalvalamālitam / valīvalayavinyāsavilāsavalitadhruvam

Sanskrit only: no published translation is held for this verse.

आलोलपल्लवलतावलितालयानाम् उत्फुल्लकन्दलसिलिन्ध्रसुगन्धितानाम् । साराववारिवलनाकुलगोकुलानाम् आनीलषष्पकुसुमस्थलशोभितानाम्

ālolapallavalatāvalitālayānām utphullakandalasilindhrasugandhitānām / sārāvavārivalanākulagokulānām ānīlaṣaṣpakusumasthalaśobhitānām

Sanskrit only: no published translation is held for this verse.

तीरद्रुमप्रकरगुप्तसरिद्रयाणाम् नीरन्ध्रपुष्पितलतोग्रवितानकानाम् । उद्यानकुन्दमकरन्दसुगन्धितानाम् गन्धान्धषट्पदकुलान्तरिताम्बुदानाम्

tīradrumaprakaraguptasaridrayāṇām nīrandhrapuṣpitalatogravitānakānām / udyānakundamakarandasugandhitānām gandhāndhaṣaṭpadakulāntaritāmbudānām

Sanskrit only: no published translation is held for this verse.

सौन्दर्यतर्जितपुरन्दरमन्दिराणाम् राजीवराजिरजसारुणिताम्बराणाम् । रंहोवहद्गिरिनदीरवघर्घराणाम् कुन्दावदातजलदद्युतिभासुराणाम्

saundaryatarjitapurandaramandirāṇām rājīvarājirajasāruṇitāmbarāṇām / raṃhovahadgirinadīravaghargharāṇām kundāvadātajaladadyutibhāsurāṇām

Sanskrit only: no published translation is held for this verse.

सौधस्थलोल्लसितपुष्पलतालयानां लीलाविलोलकलकण्ठविहङ्गमानाम् । उल्लासिकौसुमदलास्तरणस्थयूनाम् आपादम् आवलितमाल्यविलासिनीनाम्

saudhasthalollasitapuṣpalatālayānāṃ līlāvilolakalakaṇṭhavihaṅgamānām / ullāsikausumadalāstaraṇasthayūnām āpādam āvalitamālyavilāsinīnām

Sanskrit only: no published translation is held for this verse.

सर्वं तु सुन्दरनवाङ्कुरदन्तुराणाम् हेलोल्लसद्वनलताकुलमार्गगाणाम् । सञ्जातकोमललतोपलसङ्कुलानाम् वर्षत्पयोदपटसंवलितालयाणाम्

sarvaṃ tu sundaranavāṅkuradanturāṇām helollasadvanalatākulamārgagāṇām / sañjātakomalalatopalasaṅkulānām varṣatpayodapaṭasaṃvalitālayāṇām

Sanskrit only: no published translation is held for this verse.

नीहारहारिहरितस्थलविस्तृतानाम् सौधस्थमेघतडिदाकुलिताङ्गनानाम् । नीलोत्पलोल्लसितसौरभसुन्दराणाम् हुङ्कारहारिहरितोन्मुखगोकुलानाम्

nīhārahāriharitasthalavistṛtānām saudhasthameghataḍidākulitāṅganānām / nīlotpalollasitasaurabhasundarāṇām huṅkārahāriharitonmukhagokulānām

Sanskrit only: no published translation is held for this verse.

विध्वस्तमुग्धमृगशावगृहाङ्गनानाम् उन्मत्तबर्हिगणशीकरनिर्झराणाम् । सौगन्ध्यमत्तपवनाहृतसौरभानाम् वप्रौषधिज्वलनविस्मृतदीपकानाम्

vidhvastamugdhamṛgaśāvagṛhāṅganānām unmattabarhigaṇaśīkaranirjharāṇām / saugandhyamattapavanāhṛtasaurabhānām vaprauṣadhijvalanavismṛtadīpakānām

Sanskrit only: no published translation is held for this verse.

कोलाहलाकुलकुलायकुलाकुलानाम् कुल्याकुलाकलकलाश्रुतसङ्कथानाम् । मुक्ताफलप्रकरसुन्दरबिन्दुपातशीताखिलद्रुमलतातृणपल्लवानाम्

kolāhalākulakulāyakulākulānām kulyākulākalakalāśrutasaṅkathānām / muktāphalaprakarasundarabindupātaśītākhiladrumalatātṛṇapallavānām

Sanskrit only: no published translation is held for this verse.

लक्ष्मीम् अनस्तमितपुष्पविकासभाजाम् । शक्नोति कः कलयितुं गिरिमन्दिराणाम्

lakṣmīm anastamitapuṣpavikāsabhājām / śaknoti kaḥ kalayituṃ girimandirāṇām

Sanskrit only: no published translation is held for this verse.