Moksopaya with Bhaskarakantha's Tika 3.31

एवम् आकलयन्त्यौ ते निर्गत्य जगतो निजम् । अन्तःपुरं ददृशतुर् झगितीव विनिद्रिते

evam ākalayantyau te nirgatya jagato nijam / antaḥpuraṃ dadṛśatur jhagitīva vinidrite

Sanskrit only: no published translation is held for this verse.

स्थितपुष्पभरापूर्णमहाराजमहाशवम् । शवपार्श्वोपविष्टान्तश्चित्तलीलाशरीरकम्

sthitapuṣpabharāpūrṇamahārājamahāśavam / śavapārśvopaviṣṭāntaścittalīlāśarīrakam

Sanskrit only: no published translation is held for this verse.

घनरात्रितयाल्पाल्पमहानिद्रजनाकुलम् । धूपचन्दनकर्पूरकुङ्कुमामोदमन्थरम्

ghanarātritayālpālpamahānidrajanākulam / dhūpacandanakarpūrakuṅkumāmodamantharam

Sanskrit only: no published translation is held for this verse.

तम् आलोक्य पुनर् भर्तुस् संसारं गन्तुम् आदृता । पपात लीला सङ्कल्पदेहेनात्रैव तन्नभः

tam ālokya punar bhartus saṃsāraṃ gantum ādṛtā / papāta līlā saṅkalpadehenātraiva tannabhaḥ

Sanskrit only: no published translation is held for this verse.

विवेश भर्तृसङ्कल्पसंसारं कञ्चिद् आततम् । संसारावरणं भित्त्वा भित्त्वा ब्रह्माण्डकर्परम्

viveśa bhartṛsaṅkalpasaṃsāraṃ kañcid ātatam / saṃsārāvaraṇaṃ bhittvā bhittvā brahmāṇḍakarparam

Sanskrit only: no published translation is held for this verse.

प्राप सार्धं तया देव्या पुनर् आवरणान्वितम् । ब्रह्माण्डमण्डपं स्फारं तं प्रविश्य तथा जवात्

prāpa sārdhaṃ tayā devyā punar āvaraṇānvitam / brahmāṇḍamaṇḍapaṃ sphāraṃ taṃ praviśya tathā javāt

Sanskrit only: no published translation is held for this verse.

ददर्श भर्तृसङ्कल्पजगज् जम्बालपल्वलम् । सा हंसी शैलकमलं तमोजलदपङ्किलम्

dadarśa bhartṛsaṅkalpajagaj jambālapalvalam / sā haṃsī śailakamalaṃ tamojaladapaṅkilam

Sanskrit only: no published translation is held for this verse.

देव्यौ विविशतुस् तत् ते व्योम व्योमात्मके जगत् । ब्रह्माण्डे ऽन्तर् यथा पक्वमृदुबिल्वं पिपीलिके

devyau viviśatus tat te vyoma vyomātmake jagat / brahmāṇḍe 'ntar yathā pakvamṛdubilvaṃ pipīlike

Sanskrit only: no published translation is held for this verse.

तत्र लोकान्तराण्य् अद्रीन् अन्तरिक्षम् अतीत्य ते । प्रापतुर् भूतलं शैलमण्डलाम्भोधिसङ्कुलम्

tatra lokāntarāṇy adrīn antarikṣam atītya te / prāpatur bhūtalaṃ śailamaṇḍalāmbhodhisaṅkulam

Sanskrit only: no published translation is held for this verse.

मेरुणालङ्कृतं जम्बुद्वीपं नवदलोदरम् । तत्राथ भारते वर्षे लीलानाथस्य मण्डलम्

meruṇālaṅkṛtaṃ jambudvīpaṃ navadalodaram / tatrātha bhārate varṣe līlānāthasya maṇḍalam

Sanskrit only: no published translation is held for this verse.

एतस्मिन्न् अन्तरे तस्मिन् मण्डले मण्डितावनौ । चक्रे ऽवस्कन्दनं कश्चित् सीमान्तोद्रिक्तभूमिपः

etasminn antare tasmin maṇḍale maṇḍitāvanau / cakre 'vaskandanaṃ kaścit sīmāntodriktabhūmipaḥ

Sanskrit only: no published translation is held for this verse.

तेन सङ्ग्रामसंरम्भप्रेक्षार्थं समुपागतैः । त्रैलोक्यभूतैस् तद् व्योम बभूवात्यन्तसङ्कटम्

tena saṅgrāmasaṃrambhaprekṣārthaṃ samupāgataiḥ / trailokyabhūtais tad vyoma babhūvātyantasaṅkaṭam

Sanskrit only: no published translation is held for this verse.

अशङ्कितागते ते तु देव्यौ ददृशतुर् नभः । नभश्चरगणाक्रान्तम् अम्बुदैर् इव मालितम्

aśaṅkitāgate te tu devyau dadṛśatur nabhaḥ / nabhaścaragaṇākrāntam ambudair iva mālitam

Sanskrit only: no published translation is held for this verse.

सिद्धचारणगन्धर्वगणविद्याधरान्वितम् । शूरग्रहणसंरब्धस्वर्गलोकाप्सरोवृतम्

siddhacāraṇagandharvagaṇavidyādharānvitam / śūragrahaṇasaṃrabdhasvargalokāpsarovṛtam

Sanskrit only: no published translation is held for this verse.

रक्तमांसमुखोन्नृत्यद्भूतरक्षःपिशाचकम् । वृष्टिपुष्पभरापूर्णहस्तविद्याधराङ्गनम्

raktamāṃsamukhonnṛtyadbhūtarakṣaḥpiśācakam / vṛṣṭipuṣpabharāpūrṇahastavidyādharāṅganam

Sanskrit only: no published translation is held for this verse.

वेतालयक्षकुम्भाण्डैर् द्वन्द्वालोकनसादरैः । आयुधापातरक्षार्थगृहीताद्रितटैर् वृतम्

vetālayakṣakumbhāṇḍair dvandvālokanasādaraiḥ / āyudhāpātarakṣārthagṛhītādritaṭair vṛtam

Sanskrit only: no published translation is held for this verse.

अस्त्रमार्गनभोभागविद्रवद्भूतमण्डलम् । स्वर्गार्हशूरानयनव्यग्रेन्द्रभटभासुरम्

astramārganabhobhāgavidravadbhūtamaṇḍalam / svargārhaśūrānayanavyagrendrabhaṭabhāsuram

Sanskrit only: no published translation is held for this verse.

शूरार्थालङ्कृतोत्तुङ्गलोकपालाग्र्यवारणम् । आगच्छच्छूरसङ्घातगन्धर्वोन्मुखचारणम्

śūrārthālaṅkṛtottuṅgalokapālāgryavāraṇam / āgacchacchūrasaṅghātagandharvonmukhacāraṇam

Sanskrit only: no published translation is held for this verse.

शूरोत्सुकामरस्त्रैणकटाक्षेक्षितसद्भटम् । आहोपुरुषिकाक्षुब्धप्रेक्षकामोटनोद्भटम्

śūrotsukāmarastraiṇakaṭākṣekṣitasadbhaṭam / āhopuruṣikākṣubdhaprekṣakāmoṭanodbhaṭam

Sanskrit only: no published translation is held for this verse.

आसन्नभीमसङ्ग्रामकिंवदन्तीपरम्परम् । लीलाहासविलासोत्कसुन्दरीधूतचामरम्

āsannabhīmasaṅgrāmakiṃvadantīparamparam / līlāhāsavilāsotkasundarīdhūtacāmaram

Sanskrit only: no published translation is held for this verse.

धर्म्यपक्षप्रयुक्ताग्र्यमुनिस्वस्त्ययनस्तवम् । सम्पन्नानेकलोकेशवनितानवसंस्तवम्

dharmyapakṣaprayuktāgryamunisvastyayanastavam / sampannānekalokeśavanitānavasaṃstavam

Sanskrit only: no published translation is held for this verse.

वीरदोर्मण्डलाश्लेषलम्पटस्त्रीगणाकरम् । शुक्लेन शूरयशसा चन्द्रीकृतदिवाकरम्

vīradormaṇḍalāśleṣalampaṭastrīgaṇākaram / śuklena śūrayaśasā candrīkṛtadivākaram

Sanskrit only: no published translation is held for this verse.

भगवञ् शूरशब्देन कीदृशः प्रोच्यते भटः । स्वर्गे ऽलङ्करणं कस् स्यात् को वा डिम्बाहतो भवेत्

bhagavañ śūraśabdena kīdṛśaḥ procyate bhaṭaḥ / svarge 'laṅkaraṇaṃ kas syāt ko vā ḍimbāhato bhavet

Sanskrit only: no published translation is held for this verse.

शास्त्रोक्ताचारयुक्तस्य प्रभोर् अर्थेन यो रणे । मृतो ऽथवा जयी वा स्यात् स शूरश् शूरलोकभाक्

śāstroktācārayuktasya prabhor arthena yo raṇe / mṛto 'thavā jayī vā syāt sa śūraś śūralokabhāk

Sanskrit only: no published translation is held for this verse.

अन्यथा तु निकृत्ताङ्गो रणे यो मृतिम् आप्नुयात् । डिम्बाहवहतः प्रोक्तस् स नरो नरकास्पदम्

anyathā tu nikṛttāṅgo raṇe yo mṛtim āpnuyāt / ḍimbāhavahataḥ proktas sa naro narakāspadam

Sanskrit only: no published translation is held for this verse.

अयथाशास्त्रसञ्चारवृत्तेनार्थेन युध्यते । यो नरस् तस्य सङ्ग्रामे मृतस्य निरयो ऽक्षयः

ayathāśāstrasañcāravṛttenārthena yudhyate / yo naras tasya saṅgrāme mṛtasya nirayo 'kṣayaḥ

Sanskrit only: no published translation is held for this verse.

यथासम्भवशास्त्रार्थलोकाचारानुवृत्तिमान् । युध्यते तादृशस्यैव भक्त्या शूरस् स उच्यते

yathāsambhavaśāstrārthalokācārānuvṛttimān / yudhyate tādṛśasyaiva bhaktyā śūras sa ucyate

Sanskrit only: no published translation is held for this verse.

गोर् अर्थे ब्राह्मणस्यार्थे मित्रस्यार्थे च सन्मतिः । शरणागतयत्नेन मृतस् स्वर्गे विभूषणम्

gor arthe brāhmaṇasyārthe mitrasyārthe ca sanmatiḥ / śaraṇāgatayatnena mṛtas svarge vibhūṣaṇam

Sanskrit only: no published translation is held for this verse.

परिपाल्य स्वदेशैकपालनीयस्थितिं सदा । राजा मृतस् तदर्थं यस् स वीरो वीरलोकभाक्

paripālya svadeśaikapālanīyasthitiṃ sadā / rājā mṛtas tadarthaṃ yas sa vīro vīralokabhāk

Sanskrit only: no published translation is held for this verse.

प्रजोपद्रवनिष्ठस्य यस्य राज्ञो ऽथवा प्रभोः । अर्थेन ये मृता युद्धे ते वै निरयगामिनः

prajopadravaniṣṭhasya yasya rājño 'thavā prabhoḥ / arthena ye mṛtā yuddhe te vai nirayagāminaḥ

Sanskrit only: no published translation is held for this verse.

धर्म्यं यथा तथा युद्धं यदि स्यात् तद् इमां स्थितिम् । नाशयेयुर् अलं मत्ता येन लोकभयोज्झिताः

dharmyaṃ yathā tathā yuddhaṃ yadi syāt tad imāṃ sthitim / nāśayeyur alaṃ mattā yena lokabhayojjhitāḥ

Sanskrit only: no published translation is held for this verse.

यत्र यत्र हतश् शूरस् स्वर्ग्य इत्य् अधमोक्तयः । धर्म्यो योद्धा भवेच् छूर इत्य् एवं शास्त्रनिश्चयः

yatra yatra hataś śūras svargya ity adhamoktayaḥ / dharmyo yoddhā bhavec chūra ity evaṃ śāstraniścayaḥ

Sanskrit only: no published translation is held for this verse.

सदाचारवताम् अर्थे खड्गधारां सहन्ति ये । ते शूरा इति कथ्यन्ते शेषा डिम्बाहवाहताः

sadācāravatām arthe khaḍgadhārāṃ sahanti ye / te śūrā iti kathyante śeṣā ḍimbāhavāhatāḥ

Sanskrit only: no published translation is held for this verse.

तेषाम् अर्थे रणव्योम्नि तिष्ठन्त्य् उत्कण्ठिताशयाः । सुरीभूतमहासत्त्वदयितोत्कास् सुराङ्गनाः

teṣām arthe raṇavyomni tiṣṭhanty utkaṇṭhitāśayāḥ / surībhūtamahāsattvadayitotkās surāṅganāḥ

Sanskrit only: no published translation is held for this verse.

विद्याधरीमधुरमन्थरगीतगर्भं मन्दारमाल्यवलनाकुलमानिनीकम् । विश्रान्तकान्तसुरसिद्धविमानपङ्क्ति व्योमोत्सवे रचितशोभम् इवोल्ललास

vidyādharīmadhuramantharagītagarbhaṃ mandāramālyavalanākulamāninīkam / viśrāntakāntasurasiddhavimānapaṅkti vyomotsave racitaśobham ivollalāsa

Sanskrit only: no published translation is held for this verse.