Moksopaya with Bhaskarakantha's Tika 3.34

अथ राज्ञां युयुत्सूनां भटानां मन्त्रिणाम् अपि । रभसप्रेक्षकाणां च तत्रेमाः प्रोदगुर् गिरः

atha rājñāṃ yuyutsūnāṃ bhaṭānāṃ mantriṇām api / rabhasaprekṣakāṇāṃ ca tatremāḥ prodagur giraḥ

Sanskrit only: no published translation is held for this verse.

चलत्पद्मं सर इव वहद्विहगम् एव वा । नभश् शूरशिरःकीर्णं भाति तारकिताकृति

calatpadmaṃ sara iva vahadvihagam eva vā / nabhaś śūraśiraḥkīrṇaṃ bhāti tārakitākṛti

Sanskrit only: no published translation is held for this verse.

पश्य रक्तपृषत्पूरसिन्दूरारुणमारुतैः । सन्ध्या इव विभान्त्य् एते मध्याह्ने ऽम्बुदभानवः

paśya raktapṛṣatpūrasindūrāruṇamārutaiḥ / sandhyā iva vibhānty ete madhyāhne 'mbudabhānavaḥ

Sanskrit only: no published translation is held for this verse.

किम् इदं भगिनि व्योम पलालभरितं स्थितम् । नेदं पलालं वीराणाम् एते शरभराम्बुदाः

kim idaṃ bhagini vyoma palālabharitaṃ sthitam / nedaṃ palālaṃ vīrāṇām ete śarabharāmbudāḥ

Sanskrit only: no published translation is held for this verse.

यावन्तो भुवि शाम्यन्ति रुधिरैर् अणुरेणवः । तावन्त्य् अब्दसहस्राणि भटानाम् आस्पदं दिवि

yāvanto bhuvi śāmyanti rudhirair aṇureṇavaḥ / tāvanty abdasahasrāṇi bhaṭānām āspadaṃ divi

Sanskrit only: no published translation is held for this verse.

मा भैष्ट नैते निस्त्रिंशा नीलोत्पलदलत्विषः । अमी वीरावलोकिन्या लक्ष्म्या नयनविभ्रमाः

mā bhaiṣṭa naite nistriṃśā nīlotpaladalatviṣaḥ / amī vīrāvalokinyā lakṣmyā nayanavibhramāḥ

Sanskrit only: no published translation is held for this verse.

वीरालिङ्गनलोलानां नितम्बे सुरयोषिताम् । मेखलाश् शिथिलीकर्तुं प्रवृत्तः कुसुमायुधः

vīrāliṅganalolānāṃ nitambe surayoṣitām / mekhalāś śithilīkartuṃ pravṛttaḥ kusumāyudhaḥ

Sanskrit only: no published translation is held for this verse.

ललद्भुजलतालोलरक्तपल्लवपाणयः । मञ्जरीमत्तनयना मध्वामोदसुगन्धयः

laladbhujalatālolaraktapallavapāṇayaḥ / mañjarīmattanayanā madhvāmodasugandhayaḥ

Sanskrit only: no published translation is held for this verse.

याचन्त्यो मधुरालापैर् नन्दनोद्यानदेवताः । तवागमनम् आशङ्क्य प्रवृत्ताः परिनर्तितुम्

yācantyo madhurālāpair nandanodyānadevatāḥ / tavāgamanam āśaṅkya pravṛttāḥ parinartitum

Sanskrit only: no published translation is held for this verse.

प्रत्यनीकं भिनत्त्य् अन्तः कुठारैः कठिनैर् इयम् । सेना ग्राम्येव वनिता दयितं दुष्टचेष्टितैः

pratyanīkaṃ bhinatty antaḥ kuṭhāraiḥ kaṭhinair iyam / senā grāmyeva vanitā dayitaṃ duṣṭaceṣṭitaiḥ

Sanskrit only: no published translation is held for this verse.

हा पितुर् मम भल्लेन शिरो ज्वलितकुण्डलम् । सूर्यस्य निकटं नीतं कालेनेवाष्टमो ग्रहः

hā pitur mama bhallena śiro jvalitakuṇḍalam / sūryasya nikaṭaṃ nītaṃ kālenevāṣṭamo grahaḥ

Sanskrit only: no published translation is held for this verse.

आपादं शृङ्खलाप्रोतभ्रमत्स्थूलोपलद्वयम् । भ्रमयंश् चित्रदण्डाख्यं चक्रम् ऊर्ध्वभुजो जवात्

āpādaṃ śṛṅkhalāprotabhramatsthūlopaladvayam / bhramayaṃś citradaṇḍākhyaṃ cakram ūrdhvabhujo javāt

Sanskrit only: no published translation is held for this verse.

योधो यम इवायामी याम्याद् आयाति दिक्तटात् । सर्वतस् संहरन् सेनाम् एहि यामो यथागतम्

yodho yama ivāyāmī yāmyād āyāti diktaṭāt / sarvatas saṃharan senām ehi yāmo yathāgatam

Sanskrit only: no published translation is held for this verse.

सद्यश्छिन्नशिरश्श्वभ्रमज्जत्कङ्ककुलाकुलाः । कबन्धाः पश्य नृत्यन्ति तालोत्ताला रणाङ्गने

sadyaśchinnaśiraśśvabhramajjatkaṅkakulākulāḥ / kabandhāḥ paśya nṛtyanti tālottālā raṇāṅgane

Sanskrit only: no published translation is held for this verse.

गीर्वाणगणगोष्ठीषु प्रवृत्ता सङ्कथा मिथः । वद लोकान्तरं वीराः कथं यास्यन्ति के कुतः

gīrvāṇagaṇagoṣṭhīṣu pravṛttā saṅkathā mithaḥ / vada lokāntaraṃ vīrāḥ kathaṃ yāsyanti ke kutaḥ

Sanskrit only: no published translation is held for this verse.

निगिरन्त्य् आगतास् सेनास् स्रवन्तीर् इव सागराः । समत्स्यमकरव्यूहा अहो नु विषमा भटाः

nigiranty āgatās senās sravantīr iva sāgarāḥ / samatsyamakaravyūhā aho nu viṣamā bhaṭāḥ

Sanskrit only: no published translation is held for this verse.

कटेषु करिणां कीर्णा धारानाराचराशयः । पतिता इव सम्पूर्णाश् शृङ्गसङ्घेषु वृष्टयः

kaṭeṣu kariṇāṃ kīrṇā dhārānārācarāśayaḥ / patitā iva sampūrṇāś śṛṅgasaṅgheṣu vṛṣṭayaḥ

Sanskrit only: no published translation is held for this verse.

हा कुन्तेन शिरो नीतं ममेत्य् एवं विवक्षतः । शिर आनीतम् इत्य् एव खे खगेनेव वाशितम्

hā kuntena śiro nītaṃ mamety evaṃ vivakṣataḥ / śira ānītam ity eva khe khageneva vāśitam

Sanskrit only: no published translation is held for this verse.

यन्त्रपाषाणवर्षेण येनास्मान् परिषिञ्चति । सेनास्यां शृङ्खलाजालवलना क्रियतां बलात्

yantrapāṣāṇavarṣeṇa yenāsmān pariṣiñcati / senāsyāṃ śṛṅkhalājālavalanā kriyatāṃ balāt

Sanskrit only: no published translation is held for this verse.

सर्वान् समग्रतो मूढान् नयतार्धमृतान् नरान् । निजान् पादप्रहारेण मैतान् मारयताधमाः

sarvān samagrato mūḍhān nayatārdhamṛtān narān / nijān pādaprahāreṇa maitān mārayatādhamāḥ

Sanskrit only: no published translation is held for this verse.

धम्मिल्लवलनाव्यग्रे घनोत्कण्ठाप्सरोगणे । भटो दिव्यशरीरेण पार्श्वं प्राप्तो विलोक्यताम्

dhammillavalanāvyagre ghanotkaṇṭhāpsarogaṇe / bhaṭo divyaśarīreṇa pārśvaṃ prāpto vilokyatām

Sanskrit only: no published translation is held for this verse.

फुल्लहेमारविन्दासु च्छायाशीतजलानिलैः । स्वर्गनद्यास् तटीष्व् एवं दूरायातं विलोकय

phullahemāravindāsu cchāyāśītajalānilaiḥ / svarganadyās taṭīṣv evaṃ dūrāyātaṃ vilokaya

Sanskrit only: no published translation is held for this verse.

विविधायुधसङ्घट्टखण्डितोग्राद्रिकोटयः । खे चरन्त्यो झणत्कारैः प्रमृतास् तारका इव

vividhāyudhasaṅghaṭṭakhaṇḍitogrādrikoṭayaḥ / khe carantyo jhaṇatkāraiḥ pramṛtās tārakā iva

Sanskrit only: no published translation is held for this verse.

व्योम्नि शून्यनदीवाहे वहत्सायकवारिणि । चक्रावर्तिनि गच्छन्ति गिरयो ऽप्य् अणुपङ्कताम्

vyomni śūnyanadīvāhe vahatsāyakavāriṇi / cakrāvartini gacchanti girayo 'py aṇupaṅkatām

Sanskrit only: no published translation is held for this verse.

भ्रमद्भिर् ग्रहमार्गेषु शिरोभिर् वीरभूभृताम् । आयुधांशुलतानाललग्नासिदलकण्टकैः

bhramadbhir grahamārgeṣu śirobhir vīrabhūbhṛtām / āyudhāṃśulatānālalagnāsidalakaṇṭakaiḥ

Sanskrit only: no published translation is held for this verse.

केतुपट्टमृणालाङ्कतलैर् लग्नशिलीमुखैः । वहद्वातललत्पद्मं नभः पद्मसरः कृतम्

ketupaṭṭamṛṇālāṅkatalair lagnaśilīmukhaiḥ / vahadvātalalatpadmaṃ nabhaḥ padmasaraḥ kṛtam

Sanskrit only: no published translation is held for this verse.

मृतमातङ्गसङ्घाते गिराव् इव पिपीलिकाः । भीरवः परिलीयन्ते स्त्रियः पुंवक्षसीव वा

mṛtamātaṅgasaṅghāte girāv iva pipīlikāḥ / bhīravaḥ parilīyante striyaḥ puṃvakṣasīva vā

Sanskrit only: no published translation is held for this verse.

अपूर्वोत्तमसौन्दर्यकान्तसङ्गमशंसिनः । वान्ति विद्याधरस्त्रीणाम् अलकोल्लासिनो ऽनिलाः

apūrvottamasaundaryakāntasaṅgamaśaṃsinaḥ / vānti vidyādharastrīṇām alakollāsino 'nilāḥ

Sanskrit only: no published translation is held for this verse.

छत्त्रेषूड्डीय यातेषु छिन्नेषु व्योमचन्द्रिकाम् । इन्दुनैत्य यशोमूर्त्या कृता शुभ्रातपत्रता

chattreṣūḍḍīya yāteṣu chinneṣu vyomacandrikām / indunaitya yaśomūrtyā kṛtā śubhrātapatratā

Sanskrit only: no published translation is held for this verse.

भटो मरणमूर्छान्ते निमेषेणामरं वपुः । स्वकल्पशिल्पिरचितं प्राप्तस् स्वप्नपुरं यथा

bhaṭo maraṇamūrchānte nimeṣeṇāmaraṃ vapuḥ / svakalpaśilpiracitaṃ prāptas svapnapuraṃ yathā

Sanskrit only: no published translation is held for this verse.

शूलशक्त्यृष्टिचक्राणां वृष्टयो मुक्तमुष्टयः । व्योमाब्धौ मत्स्यमकरकुलीराश् शूरवत् स्थिताः

śūlaśaktyṛṣṭicakrāṇāṃ vṛṣṭayo muktamuṣṭayaḥ / vyomābdhau matsyamakarakulīrāś śūravat sthitāḥ

Sanskrit only: no published translation is held for this verse.

शरोत्कृत्तपतच्छत्त्रकलहंसैर् नभस्तलम् । भाति सञ्चितपूर्णेन्दुबिम्बलक्षैर् इवावृतम्

śarotkṛttapatacchattrakalahaṃsair nabhastalam / bhāti sañcitapūrṇendubimbalakṣair ivāvṛtam

Sanskrit only: no published translation is held for this verse.

क्रियते गगनोड्डीनैश् चामरैश् चारुघर्घरैः । वातावधूतसारावतरङ्गनिकरद्युतिः

kriyate gaganoḍḍīnaiś cāmaraiś cārughargharaiḥ / vātāvadhūtasārāvataraṅganikaradyutiḥ

Sanskrit only: no published translation is held for this verse.

दृश्यन्ते ते ऽतिदलिताश् छत्त्रचामरकेतवः । आकाशक्षेत्रनिक्षिप्ता यशश् शालिलवा इव

dṛśyante te 'tidalitāś chattracāmaraketavaḥ / ākāśakṣetranikṣiptā yaśaś śālilavā iva

Sanskrit only: no published translation is held for this verse.

वहद्भिर् व्योम्न्य् असङ्ख्येयैः पश्य नीता शरैः क्षयं । शक्तिवृष्टिर् उपायान्ती सस्यश्रीश् शलभैर् इव

vahadbhir vyomny asaṅkhyeyaiḥ paśya nītā śaraiḥ kṣayaṃ / śaktivṛṣṭir upāyāntī sasyaśrīś śalabhair iva

Sanskrit only: no published translation is held for this verse.

एषा प्रसृतदोर्दण्डभटखड्गच्छनत्कृतिः । कठिनात् कङ्कटाज् जाता मृत्योर् एवोग्रहुङ्कृतिः

eṣā prasṛtadordaṇḍabhaṭakhaḍgacchanatkṛtiḥ / kaṭhināt kaṅkaṭāj jātā mṛtyor evograhuṅkṛtiḥ

Sanskrit only: no published translation is held for this verse.

हेतिकल्पानिलक्षुण्णा दन्तनिर्झरवारयः । जनताक्षयकाले ऽस्मिन् भग्ननागा नगा इव

hetikalpānilakṣuṇṇā dantanirjharavārayaḥ / janatākṣayakāle 'smin bhagnanāgā nagā iva

Sanskrit only: no published translation is held for this verse.

सचक्रनाथसूताश्वं व्यूहरक्तमहाह्रदे । हा हा धिग् ब्रुडितं भ्रष्टं विनष्टं रथपत्तनम्

sacakranāthasūtāśvaṃ vyūharaktamahāhrade / hā hā dhig bruḍitaṃ bhraṣṭaṃ vinaṣṭaṃ rathapattanam

Sanskrit only: no published translation is held for this verse.

कटुकङ्कटकुट्टाकखड्गसङ्घट्टटाङ्कृतैः । कालरात्र्या प्रनृत्यन्त्या रणे वीणेव वाद्यते

kaṭukaṅkaṭakuṭṭākakhaḍgasaṅghaṭṭaṭāṅkṛtaiḥ / kālarātryā pranṛtyantyā raṇe vīṇeva vādyate

Sanskrit only: no published translation is held for this verse.

नरेभाश्वशवाद्रिभ्यो ये च्युता रक्तनिर्झराः । पश्य तद्बिन्दुसिक्तेन वायुनारुणिता दिशः

narebhāśvaśavādribhyo ye cyutā raktanirjharāḥ / paśya tadbindusiktena vāyunāruṇitā diśaḥ

Sanskrit only: no published translation is held for this verse.

शस्त्रांशुजलधेर् व्योम्नि कालीचिकुरमेचकी । शरकोरकभारस्रग् घेमविद्युद् इवोम्भिता

śastrāṃśujaladher vyomni kālīcikuramecakī / śarakorakabhārasrag ghemavidyud ivombhitā

Sanskrit only: no published translation is held for this verse.

अनन्तरक्तसंरक्तसेनावनिभिर् आयुधैः । भुवनं भात्य् अतिज्वालम् अग्निलोकम् इवाकुलम्

anantaraktasaṃraktasenāvanibhir āyudhaiḥ / bhuvanaṃ bhāty atijvālam agnilokam ivākulam

Sanskrit only: no published translation is held for this verse.

भुसुण्डीशक्तिशूलासिमुसुलप्रासवृष्टयः । अन्योऽन्यच्छेदभेदाभ्यां कणप्रकरताम् इताः

bhusuṇḍīśaktiśūlāsimusulaprāsavṛṣṭayaḥ / anyo'nyacchedabhedābhyāṃ kaṇaprakaratām itāḥ

Sanskrit only: no published translation is held for this verse.

अक्षोभैकप्रहरणाद् अबुद्धान्योऽन्यचेष्टितम् । संरम्भाण्वेषणप्रज्ञं रणं सुप्तम् इव स्थितम्

akṣobhaikapraharaṇād abuddhānyo'nyaceṣṭitam / saṃrambhāṇveṣaṇaprajñaṃ raṇaṃ suptam iva sthitam

Sanskrit only: no published translation is held for this verse.

अनन्यशब्दाविरतहतहेतिझणझणैः । गायतीव क्षयक्षोभमुदितो रणभैरवः

ananyaśabdāviratahatahetijhaṇajhaṇaiḥ / gāyatīva kṣayakṣobhamudito raṇabhairavaḥ

Sanskrit only: no published translation is held for this verse.

अन्योऽन्यहतहेत्यग्रचूर्णपूर्णो रणार्णवः । वालुकामय एवाभूच् छिन्नच्छत्त्रतरङ्गकः

anyo'nyahatahetyagracūrṇapūrṇo raṇārṇavaḥ / vālukāmaya evābhūc chinnacchattrataraṅgakaḥ

Sanskrit only: no published translation is held for this verse.

अतिरभसरसद्विदारितूर्य प्रतिरवपूरितलोकपाललोकः । रणगिरिर् अयम् उग्रपक्षदक्षः प्रविसृतनृत्त इवाम्बरे युगान्ते

atirabhasarasadvidāritūrya pratiravapūritalokapālalokaḥ / raṇagirir ayam ugrapakṣadakṣaḥ pravisṛtanṛtta ivāmbare yugānte

Sanskrit only: no published translation is held for this verse.

हा हा धिक् प्रविकटकङ्कटाटनोद्यत्प्रोड्डीनप्रकटतडिच्छटाः प्रदीप्ताः । क्रेङ्कारस्फुरितगुणेरिता रणन्तो नाराचाश् शिखरिशिलाभिदो वहन्ति

hā hā dhik pravikaṭakaṅkaṭāṭanodyatproḍḍīnaprakaṭataḍicchaṭāḥ pradīptāḥ / kreṅkārasphuritaguṇeritā raṇanto nārācāś śikhariśilābhido vahanti

Sanskrit only: no published translation is held for this verse.

छिन्नेच्छा च्छम् इति न यावद् अङ्गभङ्गं कुर्वन्ति ज्वलदनलोज्ज्वलाः पृषत्काः । तावद् द्राग् द्रुतम् इत एहि मित्र यामो यामो ऽयं प्रवहति वासरश् चतुर्थः

chinnecchā ccham iti na yāvad aṅgabhaṅgaṃ kurvanti jvaladanalojjvalāḥ pṛṣatkāḥ / tāvad drāg drutam ita ehi mitra yāmo yāmo 'yaṃ pravahati vāsaraś caturthaḥ

Sanskrit only: no published translation is held for this verse.