Moksopaya with Bhaskarakantha's Tika 3.35

अथ प्रोड्डयनोद्युक्ततुरङ्गमतरङ्गकः । उत्ताण्डव इवामत्तो बभूव स रणार्णवः

atha proḍḍayanodyuktaturaṅgamataraṅgakaḥ / uttāṇḍava ivāmatto babhūva sa raṇārṇavaḥ

Sanskrit only: no published translation is held for this verse.

छत्त्रदिण्डीरविश्रान्तशितेषुशफरोत्करः । अश्वेभसैन्योल्ललनकल्लोलाकुलकोटरः

chattradiṇḍīraviśrāntaśiteṣuśapharotkaraḥ / aśvebhasainyollalanakallolākulakoṭaraḥ

Sanskrit only: no published translation is held for this verse.

नानायुधनदीनीतसैन्यावर्तविवृत्तिमान् । मत्तहस्तिघटापीठचलाचलकुलाकुलः

nānāyudhanadīnītasainyāvartavivṛttimān / mattahastighaṭāpīṭhacalācalakulākulaḥ

Sanskrit only: no published translation is held for this verse.

कचच्चक्रशतावर्तवृत्तिभ्रान्तशिरस्तृणः । धूलीजलधरापीतभ्रमत्खड्गप्रभाजलः

kacaccakraśatāvartavṛttibhrāntaśirastṛṇaḥ / dhūlījaladharāpītabhramatkhaḍgaprabhājalaḥ

Sanskrit only: no published translation is held for this verse.

मकरव्यूहविस्तारभग्नाभग्नभटोग्रनौः । महागुडुगुडावर्तप्रतिश्रुद्घनकन्दरः

makaravyūhavistārabhagnābhagnabhaṭogranauḥ / mahāguḍuguḍāvartapratiśrudghanakandaraḥ

Sanskrit only: no published translation is held for this verse.

मीनव्यूहविनिष्क्रान्तशरबीजौघसर्षपः । हेतिवीचिघटालूनपताकावीचिमण्डलः

mīnavyūhaviniṣkrāntaśarabījaughasarṣapaḥ / hetivīcighaṭālūnapatākāvīcimaṇḍalaḥ

Sanskrit only: no published translation is held for this verse.

शस्त्रवारिक्षताम्भोदसदृशावर्तकुण्डलः । संरम्भघनसञ्चारघटातिमितिमिङ्गिलः

śastravārikṣatāmbhodasadṛśāvartakuṇḍalaḥ / saṃrambhaghanasañcāraghaṭātimitimiṅgilaḥ

Sanskrit only: no published translation is held for this verse.

कृष्णायसपरीधानचलत्सेनाम्बुभीषणः । कबन्धावर्तलेखान्तर्बद्धसैन्याद्रिभीषणः

kṛṣṇāyasaparīdhānacalatsenāmbubhīṣaṇaḥ / kabandhāvartalekhāntarbaddhasainyādribhīṣaṇaḥ

Sanskrit only: no published translation is held for this verse.

शरशीकरनीहारसान्धकारककुब्गणः । निर्घोषाशेषिताशेषशब्दैकघनघुङ्घुमः

śaraśīkaranīhārasāndhakārakakubgaṇaḥ / nirghoṣāśeṣitāśeṣaśabdaikaghanaghuṅghumaḥ

Sanskrit only: no published translation is held for this verse.

पतनोत्पतनव्यग्रशिरश्शकलशीकरः । आवर्तचक्रव्यूहान्तःप्रभ्रमद्भटकाष्टकः

patanotpatanavyagraśiraśśakalaśīkaraḥ / āvartacakravyūhāntaḥprabhramadbhaṭakāṣṭakaḥ

Sanskrit only: no published translation is held for this verse.

कष्टटाङ्कारकोदण्डकुण्डलोर्मिघटोद्भटः । अशङ्कम् एव पातालाद् इवोद्यत्सैनिकोर्मिमान्

kaṣṭaṭāṅkārakodaṇḍakuṇḍalormighaṭodbhaṭaḥ / aśaṅkam eva pātālād ivodyatsainikormimān

Sanskrit only: no published translation is held for this verse.

गमागमपरानन्तपताकाच्छत्रफेनिलः । वहद्रक्तनदीरंहःप्रोह्यमानरथद्रुमः

gamāgamaparānantapatākācchatraphenilaḥ / vahadraktanadīraṃhaḥprohyamānarathadrumaḥ

Sanskrit only: no published translation is held for this verse.

गजप्रतिमसम्पन्नमहारुधिरबुद्बुदः । सैन्यप्रवाहविवलद्धयहस्तिजलेचरः

gajapratimasampannamahārudhirabudbudaḥ / sainyapravāhavivaladdhayahastijalecaraḥ

Sanskrit only: no published translation is held for this verse.

स सङ्ग्रामो ऽम्बरग्राम इवाश्चर्यकरो नृणाम् । अभूत् प्रलयभूकम्पकम्पिताचलचञ्चलः

sa saṅgrāmo 'mbaragrāma ivāścaryakaro nṛṇām / abhūt pralayabhūkampakampitācalacañcalaḥ

Sanskrit only: no published translation is held for this verse.

तरत्तुरङ्गविहगः पतत्करिघटातटः । भ्रमद्भीरुमृगानीकस् स्फूर्जद्घुरघुरारवः

taratturaṅgavihagaḥ patatkarighaṭātaṭaḥ / bhramadbhīrumṛgānīkas sphūrjadghuraghurāravaḥ

Sanskrit only: no published translation is held for this verse.

सरच्छरालीशरभश् शरभङ्गुरसैन्यभूः । तरत्तुरङ्गशरभश् शरभारवहावनिः

saraccharālīśarabhaś śarabhaṅgurasainyabhūḥ / taratturaṅgaśarabhaś śarabhāravahāvaniḥ

Sanskrit only: no published translation is held for this verse.

वलद्वीरेभनिर्ह्रादो रसतूर्यगुहागृहः । विसरत्सैन्यजलदो लुठद्भटमृगाधिपः

valadvīrebhanirhrādo rasatūryaguhāgṛhaḥ / visaratsainyajalado luṭhadbhaṭamṛgādhipaḥ

Sanskrit only: no published translation is held for this verse.

प्रसरद्धूलिजलदो विगलत्सैन्यसानुमान् । पतद्रथवराढ्यङ्गः प्रपतत्खड्गमण्डलः

prasaraddhūlijalado vigalatsainyasānumān / patadrathavarāḍhyaṅgaḥ prapatatkhaḍgamaṇḍalaḥ

Sanskrit only: no published translation is held for this verse.

प्रोत्पतत्पट्टपुष्पाढ्यः पताकाछत्रवारिदः । वहद्रक्तनदीपूरः पतत्साराववारणः

protpatatpaṭṭapuṣpāḍhyaḥ patākāchatravāridaḥ / vahadraktanadīpūraḥ patatsārāvavāraṇaḥ

Sanskrit only: no published translation is held for this verse.

सो ऽभूत् समरकल्पान्तो जगत्कवलनाकुलः । पर्यस्तसध्वजच्छत्रपताकारथपत्तनः

so 'bhūt samarakalpānto jagatkavalanākulaḥ / paryastasadhvajacchatrapatākārathapattanaḥ

Sanskrit only: no published translation is held for this verse.

पतद्विमलहेत्योघभूरिभास्करभास्वरः । कठिनप्राणिसन्तापतापिताखिलमानवः

patadvimalahetyoghabhūribhāskarabhāsvaraḥ / kaṭhinaprāṇisantāpatāpitākhilamānavaḥ

Sanskrit only: no published translation is held for this verse.

कोदण्डपुष्करावर्तशरधारानिरन्तरः । वहत्खड्गशिलालेखाविद्युद्वलयिताम्बरः

kodaṇḍapuṣkarāvartaśaradhārānirantaraḥ / vahatkhaḍgaśilālekhāvidyudvalayitāmbaraḥ

Sanskrit only: no published translation is held for this verse.

उच्छूनरक्तजलधिपतितेभकुलाचलः । नभोविकीर्णनिपतद्यन्त्राश्मगणतारकः

ucchūnaraktajaladhipatitebhakulācalaḥ / nabhovikīrṇanipatadyantrāśmagaṇatārakaḥ

Sanskrit only: no published translation is held for this verse.

चक्रकल्पाम्बुदावर्तपूर्णव्योमशराम्बुदः । अस्त्रकल्पाग्निनिर्दग्धसैन्यलोकान्तरान्तराः

cakrakalpāmbudāvartapūrṇavyomaśarāmbudaḥ / astrakalpāgninirdagdhasainyalokāntarāntarāḥ

Sanskrit only: no published translation is held for this verse.

हेतिवर्षाशनिच्छिन्नभूतभूतलभूधरः । गजराजगिरिव्रातपातपिष्टजनव्रजः

hetivarṣāśanicchinnabhūtabhūtalabhūdharaḥ / gajarājagirivrātapātapiṣṭajanavrajaḥ

Sanskrit only: no published translation is held for this verse.

शरधाराधरानीकमेघच्छन्नमहीनभः । महानीकार्णवक्षोभसङ्घट्टकठिनारवः

śaradhārādharānīkameghacchannamahīnabhaḥ / mahānīkārṇavakṣobhasaṅghaṭṭakaṭhināravaḥ

Sanskrit only: no published translation is held for this verse.

व्याप्त उग्रानिलोद्धूतैर् जलव्यालानलाचलैः । अन्योऽन्यदलनव्यग्रैर् अस्त्रोत्पातफलोत्थितैः

vyāpta ugrāniloddhūtair jalavyālānalācalaiḥ / anyo'nyadalanavyagrair astrotpātaphalotthitaiḥ

Sanskrit only: no published translation is held for this verse.

शूलासिचक्रशरशक्तिगदाभुसुण्डीप्रासादयो विदलनेन मिथो ध्वनन्तः । दीप्ता दधुर् दशदिशं शतशो भ्रमन्तः कल्पान्तवातपरिवृत्तपदार्थलीलाम्

śūlāsicakraśaraśaktigadābhusuṇḍīprāsādayo vidalanena mitho dhvanantaḥ / dīptā dadhur daśadiśaṃ śataśo bhramantaḥ kalpāntavātaparivṛttapadārthalīlām

Sanskrit only: no published translation is held for this verse.