Moksopaya with Bhaskarakantha's Tika 3.36

अथ शृङ्गोपमानेषु स्थितेषु शवरादिषु । गङ्गातुल्यासु जातासु वहद्रक्तनदीषु च

atha śṛṅgopamāneṣu sthiteṣu śavarādiṣu / gaṅgātulyāsu jātāsu vahadraktanadīṣu ca

Sanskrit only: no published translation is held for this verse.

नृत्यत्सु लोलदोर्दण्डं कबन्धेषु सबन्धुषु । ब्रुडत्सु नरहस्त्यश्वरथेषु रुधिराम्भसि

nṛtyatsu loladordaṇḍaṃ kabandheṣu sabandhuṣu / bruḍatsu narahastyaśvaratheṣu rudhirāmbhasi

Sanskrit only: no published translation is held for this verse.

सर्वसैन्येषु यातेषु विरलत्वं विसारिषु । सर्वभीरुषु भग्नेषु विद्रुतेषु दिशो दश

sarvasainyeṣu yāteṣu viralatvaṃ visāriṣu / sarvabhīruṣu bhagneṣu vidruteṣu diśo daśa

Sanskrit only: no published translation is held for this verse.

मातङ्गशवशैलेषु विश्रान्ताम्बुदपङ्क्तिषु । यक्षरक्षःपिशाचेषु क्रीडत्सु रुधिरार्णवे

mātaṅgaśavaśaileṣu viśrāntāmbudapaṅktiṣu / yakṣarakṣaḥpiśāceṣu krīḍatsu rudhirārṇave

Sanskrit only: no published translation is held for this verse.

महतां धर्मनिष्ठानां शीलौजस्सत्त्वशालिनाम् । शुद्धानां कुलपद्मानां वीराणाम् अनिवर्तिनाम्

mahatāṃ dharmaniṣṭhānāṃ śīlaujassattvaśālinām / śuddhānāṃ kulapadmānāṃ vīrāṇām anivartinām

Sanskrit only: no published translation is held for this verse.

द्वन्द्वयुद्धानि जातानि मेघानाम् इव गर्जताम् । मिथो निगरणोत्कानि मिलत्सागरपूरवत्

dvandvayuddhāni jātāni meghānām iva garjatām / mitho nigaraṇotkāni milatsāgarapūravat

Sanskrit only: no published translation is held for this verse.

सपञ्जरः पञ्जरिणा गजौघेन गजोच्चयः । सवनस् सवनेनाद्रिर् अद्रिणेवामिलद् बलात्

sapañjaraḥ pañjariṇā gajaughena gajoccayaḥ / savanas savanenādrir adriṇevāmilad balāt

Sanskrit only: no published translation is held for this verse.

अश्वौघो ऽमिलद् अश्वानां वृन्देनाराविरंहसा । तरङ्गोघेन घोरेण तरङ्गोघ इवार्णवे

aśvaugho 'milad aśvānāṃ vṛndenārāviraṃhasā / taraṅgoghena ghoreṇa taraṅgogha ivārṇave

Sanskrit only: no published translation is held for this verse.

नरानीको नरानीकं समायुधम् अयोधयत् । वेण्वौघम् इव वेण्वौघो मरुल्लोलो मरुच्चलम्

narānīko narānīkaṃ samāyudham ayodhayat / veṇvaugham iva veṇvaugho marullolo maruccalam

Sanskrit only: no published translation is held for this verse.

रथौघश् च रथौघेन निष्पिपेषाखिलं वपुः । नगरं नगरेणेव दैवेनोड्डीनम् अम्बरम्

rathaughaś ca rathaughena niṣpipeṣākhilaṃ vapuḥ / nagaraṃ nagareṇeva daivenoḍḍīnam ambaram

Sanskrit only: no published translation is held for this verse.

सरच्छरभरासाररचितापूर्ववारिदम् । युयुधे स्थगिताकाशा धनुर्धरपताकिनी

saraccharabharāsāraracitāpūrvavāridam / yuyudhe sthagitākāśā dhanurdharapatākinī

Sanskrit only: no published translation is held for this verse.

विषमायुधयुद्धेषु योद्धारः पेलवाशयाः । यदा युक्त्या पलायन्ते रणकल्पानले तदा

viṣamāyudhayuddheṣu yoddhāraḥ pelavāśayāḥ / yadā yuktyā palāyante raṇakalpānale tadā

Sanskrit only: no published translation is held for this verse.

मिलिताश् चक्रिणश् चक्रैर् धनुर्धारैर् धनुर्धराः । खड्गिभिः खड्गयोद्धारो भुसुण्डीभिर् भुसुण्डिनः

militāś cakriṇaś cakrair dhanurdhārair dhanurdharāḥ / khaḍgibhiḥ khaḍgayoddhāro bhusuṇḍībhir bhusuṇḍinaḥ

Sanskrit only: no published translation is held for this verse.

मुसुलैर् मुसुलोद्धाराः कुन्तिनः कुन्तधारिभिः । ऋष्ट्यायुधा ऋष्टिधरैः प्रासिभिः प्रासपाणयः

musulair musuloddhārāḥ kuntinaḥ kuntadhāribhiḥ / ṛṣṭyāyudhā ṛṣṭidharaiḥ prāsibhiḥ prāsapāṇayaḥ

Sanskrit only: no published translation is held for this verse.

समुद्गरा मुद्गरिभिस् सगदैर् विलसद्गदाः । प्रासमार्गविदः प्रासैः परशूत्काः परश्वधैः

samudgarā mudgaribhis sagadair vilasadgadāḥ / prāsamārgavidaḥ prāsaiḥ paraśūtkāḥ paraśvadhaiḥ

Sanskrit only: no published translation is held for this verse.

लगुडौघैर् लगुडिन उपलैर् उपलायुधाः । पाशिभिः पाशपरमाश् शङ्कुभिश् शङ्कुधारिणः

laguḍaughair laguḍina upalair upalāyudhāḥ / pāśibhiḥ pāśaparamāś śaṅkubhiś śaṅkudhāriṇaḥ

Sanskrit only: no published translation is held for this verse.

क्षुरिकाभिस् सक्षुरिका भिण्डिपालैश् च तद्भृतः । वज्रमुष्टिधरास् तत्स्थैर् अङ्कुशैर् अङ्कुशोद्धृताः

kṣurikābhis sakṣurikā bhiṇḍipālaiś ca tadbhṛtaḥ / vajramuṣṭidharās tatsthair aṅkuśair aṅkuśoddhṛtāḥ

Sanskrit only: no published translation is held for this verse.

हलैर् हलनिकाषज्ञास् त्रिशूलैश् च त्रिशूलिनः । शृङ्खलाजालिनो जालैश् शार्ङ्खलैर् अलिकोमलैः

halair halanikāṣajñās triśūlaiś ca triśūlinaḥ / śṛṅkhalājālino jālaiś śārṅkhalair alikomalaiḥ

Sanskrit only: no published translation is held for this verse.

शाक्तीकैश् शक्तियोद्धारश् शूलैश् शूलविशारदाः । क्षुभिताः कल्पविक्षुब्धसागरोर्मिघटा इव

śāktīkaiś śaktiyoddhāraś śūlaiś śūlaviśāradāḥ / kṣubhitāḥ kalpavikṣubdhasāgarormighaṭā iva

Sanskrit only: no published translation is held for this verse.

क्षुब्धश् चक्रजलावर्तैश् शरशीकरमारुतैः । प्रभ्रमद्धेतिमकरो व्योमैकार्णव आबभौ

kṣubdhaś cakrajalāvartaiś śaraśīkaramārutaiḥ / prabhramaddhetimakaro vyomaikārṇava ābabhau

Sanskrit only: no published translation is held for this verse.

उत्फालायुधकल्लोलस् सेनाकुलजलेचरः । रोधोरन्ध्रसमुद्रो ऽसौ बभूवामरदुस्तरः

utphālāyudhakallolas senākulajalecaraḥ / rodhorandhrasamudro 'sau babhūvāmaradustaraḥ

Sanskrit only: no published translation is held for this verse.

दिगष्टकजनानीकं पक्षद्वयतया तया । अर्धेनार्धेन कुषितं भूपालाभ्यां तथा स्थितम्

digaṣṭakajanānīkaṃ pakṣadvayatayā tayā / ardhenārdhena kuṣitaṃ bhūpālābhyāṃ tathā sthitam

Sanskrit only: no published translation is held for this verse.

पश्य देशादिसङ्ख्येन प्राग्दिग्भागगतान् इमान् । लीलानाथस्य पद्मस्य पक्षे जनपदाञ् शृणु

paśya deśādisaṅkhyena prāgdigbhāgagatān imān / līlānāthasya padmasya pakṣe janapadāñ śṛṇu

Sanskrit only: no published translation is held for this verse.

पूर्वस्यां काशिमगधाः कोसला मिथिलोत्कलाः । मेकलाः कवटाः पुण्ड्रास् तथौण्ड्रास् समगौडकाः

pūrvasyāṃ kāśimagadhāḥ kosalā mithilotkalāḥ / mekalāḥ kavaṭāḥ puṇḍrās tathauṇḍrās samagauḍakāḥ

Sanskrit only: no published translation is held for this verse.

द्रिमयो मद्रसुह्माश् च ताम्रलिप्तास् तथैव च । प्राग्ज्योतिषा वाजिमुखा अम्बष्ठाः पुरुषादकाः

drimayo madrasuhmāś ca tāmraliptās tathaiva ca / prāgjyotiṣā vājimukhā ambaṣṭhāḥ puruṣādakāḥ

Sanskrit only: no published translation is held for this verse.

कर्णाक्षष्ठा अविश्रोत्रा आममीनाशनास् तथा । व्याघ्रवक्त्राः किराताश् च शवरा एकपादकाः

karṇākṣaṣṭhā aviśrotrā āmamīnāśanās tathā / vyāghravaktrāḥ kirātāś ca śavarā ekapādakāḥ

Sanskrit only: no published translation is held for this verse.

माल्यवान् नाम शैलो ऽत्र शिबिवाञ् ज्ञान एव च । वृषभध्वजपद्माद्यास् तथोदयकरो गिरिः

mālyavān nāma śailo 'tra śibivāñ jñāna eva ca / vṛṣabhadhvajapadmādyās tathodayakaro giriḥ

Sanskrit only: no published translation is held for this verse.

अथ प्राग्दक्षिणायां तु इमे विन्ध्याद्रिवासिनः । चेदयो वत्सदाशार्णा अङ्गवङ्गोपवङ्गकाः

atha prāgdakṣiṇāyāṃ tu ime vindhyādrivāsinaḥ / cedayo vatsadāśārṇā aṅgavaṅgopavaṅgakāḥ

Sanskrit only: no published translation is held for this verse.

कलिङ्गपुण्ड्रजठरा विदर्भा मेखलास् तथा । शवरा नग्नपर्णाश् च कण्ठत्रिपुरपूरकाः

kaliṅgapuṇḍrajaṭharā vidarbhā mekhalās tathā / śavarā nagnaparṇāś ca kaṇṭhatripurapūrakāḥ

Sanskrit only: no published translation is held for this verse.

कण्टकस्थलनामानः पृथुद्वीपककोमलाः । कण्ठद्राश् शोणिकाश् चैव तथा चर्मण्वता अपि

kaṇṭakasthalanāmānaḥ pṛthudvīpakakomalāḥ / kaṇṭhadrāś śoṇikāś caiva tathā carmaṇvatā api

Sanskrit only: no published translation is held for this verse.

कोकका हेमकुड्याश् च तथा श्मश्रुधरा इति । बलिग्रीवमहाग्रीवाः किष्किन्धा नारिकेलिनः

kokakā hemakuḍyāś ca tathā śmaśrudharā iti / baligrīvamahāgrīvāḥ kiṣkindhā nārikelinaḥ

Sanskrit only: no published translation is held for this verse.

अथ लीलापतेर् अस्य दक्षिणस्याम् इमे ऽद्रयः । विन्ध्यो ऽथ कुसुमापीडो महेन्द्रो दुन्दुरस् तथा

atha līlāpater asya dakṣiṇasyām ime 'drayaḥ / vindhyo 'tha kusumāpīḍo mahendro dunduras tathā

Sanskrit only: no published translation is held for this verse.

मलयस् सूर्यवांश् चैव गणराज्यनृराज्यकाः । अवन्तिर् इति विख्याता तथा साम्बवतीति च

malayas sūryavāṃś caiva gaṇarājyanṛrājyakāḥ / avantir iti vikhyātā tathā sāmbavatīti ca

Sanskrit only: no published translation is held for this verse.

दशपुर्या एककच्छा ऋषिकास् तुरुष्काश् शकाः । वनवासोपगिरयस् ते भद्रगिरयस् तथा

daśapuryā ekakacchā ṛṣikās turuṣkāś śakāḥ / vanavāsopagirayas te bhadragirayas tathā

Sanskrit only: no published translation is held for this verse.

नागरा दण्डकाश् चैव गणराज्या नृराज्यकाः । सहारा ऋष्यमूकाश् च कार्कोटा वनतिम्बिलाः

nāgarā daṇḍakāś caiva gaṇarājyā nṛrājyakāḥ / sahārā ṛṣyamūkāś ca kārkoṭā vanatimbilāḥ

Sanskrit only: no published translation is held for this verse.

पद्मा निवासिनश् चैव चौरकाः कर्कवीरकाः । वैरिकाः पाशिकाश् चैव धर्मपत्तनपांसिकाः

padmā nivāsinaś caiva caurakāḥ karkavīrakāḥ / vairikāḥ pāśikāś caiva dharmapattanapāṃsikāḥ

Sanskrit only: no published translation is held for this verse.

शाकिकाः कृष्णचेलूरा नार्मदास् ताम्रपर्णकाः । गोनन्दाः कनकाश् चैव चीनपत्तननामकाः

śākikāḥ kṛṣṇacelūrā nārmadās tāmraparṇakāḥ / gonandāḥ kanakāś caiva cīnapattananāmakāḥ

Sanskrit only: no published translation is held for this verse.

तालीकटास् सरित्कीर्णा रहका वेण्णकार्हणाः । वैवुण्डकास् तुम्बवना लाजिनद्वीपकर्णकाः

tālīkaṭās saritkīrṇā rahakā veṇṇakārhaṇāḥ / vaivuṇḍakās tumbavanā lājinadvīpakarṇakāḥ

Sanskrit only: no published translation is held for this verse.

कर्णिकाराश् च शिवयः कुङ्कुणाश् चित्रकूटकाः । कर्णाटमञ्चकटका महाकटविकास् तथा

karṇikārāś ca śivayaḥ kuṅkuṇāś citrakūṭakāḥ / karṇāṭamañcakaṭakā mahākaṭavikās tathā

Sanskrit only: no published translation is held for this verse.

आन्ध्राश् च कोल्लशिनयश् शिवातकचवैरिकाः । बलदेवाः पत्तनकाः क्रौञ्चाष् टीवास् तथैव च

āndhrāś ca kollaśinayaś śivātakacavairikāḥ / baladevāḥ pattanakāḥ krauñcāṣ ṭīvās tathaiva ca

Sanskrit only: no published translation is held for this verse.

शिलाक्षा रदतो नन्दनन्दनामलयाभिधाः । ते चित्रकूटशिखरा लङ्कारक्षोगणास्पदाः

śilākṣā radato nandanandanāmalayābhidhāḥ / te citrakūṭaśikharā laṅkārakṣogaṇāspadāḥ

Sanskrit only: no published translation is held for this verse.

अथ प्रत्यग्दक्षिणायां महाराष्ट्रसुराष्ट्रकाः । सिन्धुसौवीरशूद्राख्या आभीरा द्रमिडास् तथा

atha pratyagdakṣiṇāyāṃ mahārāṣṭrasurāṣṭrakāḥ / sindhusauvīraśūdrākhyā ābhīrā dramiḍās tathā

Sanskrit only: no published translation is held for this verse.

कोटकाष् षण्डसिन्ध्वाख्यास् तथा कलिरुहा अपि । अत्र हेमगिरिश् शैलस् तथा रैवतको गिरिः

koṭakāṣ ṣaṇḍasindhvākhyās tathā kaliruhā api / atra hemagiriś śailas tathā raivatako giriḥ

Sanskrit only: no published translation is held for this verse.

नभुकाख्यं मयवनं यवनास् तत्र जन्तवः । पह्लवा मार्गणावर्ता धूम्राम्बष्ठकनामकाः

nabhukākhyaṃ mayavanaṃ yavanās tatra jantavaḥ / pahlavā mārgaṇāvartā dhūmrāmbaṣṭhakanāmakāḥ

Sanskrit only: no published translation is held for this verse.

तथा लाजकणाश् चैव तथाम्रगिरिवासिनः । ततो ऽब्धिर् और्वाग्नियुता एते लीलापतेर् जनाः

tathā lājakaṇāś caiva tathāmragirivāsinaḥ / tato 'bdhir aurvāgniyutā ete līlāpater janāḥ

Sanskrit only: no published translation is held for this verse.

अथ तत्प्रतिपक्षस्थान् इमाञ् जनपदाञ् शृणु । पश्चिमायां दिशि प्रौढा इमे तावन् महाद्रयः

atha tatpratipakṣasthān imāñ janapadāñ śṛṇu / paścimāyāṃ diśi prauḍhā ime tāvan mahādrayaḥ

Sanskrit only: no published translation is held for this verse.

मतिमान् नाम शैलेन्द्रः क्षुरार्पणगिरिस् तथा । वनौकहा मेघवांश् च चक्रवान् अस्तपर्वतः

matimān nāma śailendraḥ kṣurārpaṇagiris tathā / vanaukahā meghavāṃś ca cakravān astaparvataḥ

Sanskrit only: no published translation is held for this verse.

जनाः पञ्चनदा नाम काशा ब्रह्मावसातकाः । तथैव तारक्षतयः पारवाश् शान्तिकास् तथा

janāḥ pañcanadā nāma kāśā brahmāvasātakāḥ / tathaiva tārakṣatayaḥ pāravāś śāntikās tathā

Sanskrit only: no published translation is held for this verse.

पार्श्वे वतकपोक्राणां गिरिवानवमास् तथा । सन्त्यक्तधर्ममर्यादास् ते ऽधमा म्लेच्छजातयः

pārśve vatakapokrāṇāṃ girivānavamās tathā / santyaktadharmamaryādās te 'dhamā mlecchajātayaḥ

Sanskrit only: no published translation is held for this verse.

ततो जनपदा भूमिर् योजनानां शतद्वयम् । ततो महेन्द्रशिखरी मुक्ता मणिमयावनिः

tato janapadā bhūmir yojanānāṃ śatadvayam / tato mahendraśikharī muktā maṇimayāvaniḥ

Sanskrit only: no published translation is held for this verse.

वृतो महीधरशतैर् अथास्तो नाम पर्वतः । ततो महार्णवो भीमाः पारियात्रगिरेस् तटे

vṛto mahīdharaśatair athāsto nāma parvataḥ / tato mahārṇavo bhīmāḥ pāriyātragires taṭe

Sanskrit only: no published translation is held for this verse.

पश्चिमोत्तरदिग्भागे देशो गिरिमतिस् स्थितः । तथा वेणुमतिश् चैव ततस् तुरमतिर् मही

paścimottaradigbhāge deśo girimatis sthitaḥ / tathā veṇumatiś caiva tatas turamatir mahī

Sanskrit only: no published translation is held for this verse.

तथा फल्गुनकाश् चैव माण्डव्या एकनेत्रकाः । पुरुकुन्दास् तुखाराश् च तालमल्ललहावहाः

tathā phalgunakāś caiva māṇḍavyā ekanetrakāḥ / purukundās tukhārāś ca tālamallalahāvahāḥ

Sanskrit only: no published translation is held for this verse.

वन्दिला नविला वाला दीर्घकेशाङ्गबाहवः । रङ्गाः खमूनिकाः कम्पा गुरुहाश् चारुहास् तथा

vandilā navilā vālā dīrghakeśāṅgabāhavaḥ / raṅgāḥ khamūnikāḥ kampā guruhāś cāruhās tathā

Sanskrit only: no published translation is held for this verse.

ततस् स्त्रीराज्यम् अतुलं गोवृषापत्यभाजनम् । अथोत्तरस्यां हिमवान् काञ्जो ऽथ मधुमान् गिरिः

tatas strīrājyam atulaṃ govṛṣāpatyabhājanam / athottarasyāṃ himavān kāñjo 'tha madhumān giriḥ

Sanskrit only: no published translation is held for this verse.

कैलासो वसुमान् मेरुस् तत्पथेषु जना इमे । मद्रपौरवयौधेया मालवाश् शूरसेनकाः

kailāso vasumān merus tatpatheṣu janā ime / madrapauravayaudheyā mālavāś śūrasenakāḥ

Sanskrit only: no published translation is held for this verse.

राजन्याश् च तथाश्विन्या अर्जुनावनयस् तथा । त्रिगर्तकेकयः क्षुद्रमाचेलाश्चूस्तवासिनः

rājanyāś ca tathāśvinyā arjunāvanayas tathā / trigartakekayaḥ kṣudramācelāścūstavāsinaḥ

Sanskrit only: no published translation is held for this verse.

अम्बलाः प्रस्थलाश् शाकाः क्षेमधूर्तय एव च । अन्तरद्वीपगान्धारस् तथा वन्दिवटस्तवः

ambalāḥ prasthalāś śākāḥ kṣemadhūrtaya eva ca / antaradvīpagāndhāras tathā vandivaṭastavaḥ

Sanskrit only: no published translation is held for this verse.

अथ तक्षशिला नाम ततो ऽपि लवणावती । पुष्कलावतिदेशश् च यशोवतिमही ततः

atha takṣaśilā nāma tato 'pi lavaṇāvatī / puṣkalāvatideśaś ca yaśovatimahī tataḥ

Sanskrit only: no published translation is held for this verse.

ततो मणिमती भूमिश् श्यामाका खचरास् तथा । दाशदाना गव्यसना दण्डहव्यसनास् तथा

tato maṇimatī bhūmiś śyāmākā khacarās tathā / dāśadānā gavyasanā daṇḍahavyasanās tathā

Sanskrit only: no published translation is held for this verse.

दानदाश् शूरकाश् चैव वाटाधारास् तथैव च । कोहकं नगरं चैव सुरभूतिपुरं तथा

dānadāś śūrakāś caiva vāṭādhārās tathaiva ca / kohakaṃ nagaraṃ caiva surabhūtipuraṃ tathā

Sanskrit only: no published translation is held for this verse.

ततो वै तटकादर्शा दन्तुरादर्श एव च । ततः पिण्डलमालव्ययायनेयाभिधानकाः

tato vai taṭakādarśā danturādarśa eva ca / tataḥ piṇḍalamālavyayāyaneyābhidhānakāḥ

Sanskrit only: no published translation is held for this verse.

मालहाला हूनहेमतालाश्वास् स्वमुखास् तथा । हिमवान् वसुमान् कौञ्जः कैलासश् चेत्यगास् तथा

mālahālā hūnahematālāśvās svamukhās tathā / himavān vasumān kauñjaḥ kailāsaś cetyagās tathā

Sanskrit only: no published translation is held for this verse.

ततो जनपदा भूमिर् अशीतिशतयोजना । अथ प्रागुत्तरस्यां त्वम् इमाञ् जनपदाञ् शृणु

tato janapadā bhūmir aśītiśatayojanā / atha prāguttarasyāṃ tvam imāñ janapadāñ śṛṇu

Sanskrit only: no published translation is held for this verse.

कौलूता ब्रह्मपुत्राश् च कुविन्दाश् च दिनादनाः । मडवा नष्टराज्याश् च वनराष्ट्रास् तथैव च

kaulūtā brahmaputrāś ca kuvindāś ca dinādanāḥ / maḍavā naṣṭarājyāś ca vanarāṣṭrās tathaiva ca

Sanskrit only: no published translation is held for this verse.

कैडभल्लास् सिंहपुरास् तथा चामवतङ्गनाः । सार्पातकाः पार्वतकाः कश्मीरा दरदास् तथा

kaiḍabhallās siṃhapurās tathā cāmavataṅganāḥ / sārpātakāḥ pārvatakāḥ kaśmīrā daradās tathā

Sanskrit only: no published translation is held for this verse.

अभिसारजदार्वाकाः पल्लोलुकचिरोडुनाः । किराताः पशुपालाश् च चीनास् स्वर्णमही ततः

abhisārajadārvākāḥ pallolukaciroḍunāḥ / kirātāḥ paśupālāś ca cīnās svarṇamahī tataḥ

Sanskrit only: no published translation is held for this verse.

देवस्थलोपवनभूस् तदनूदितश्रीर् विश्वावसोस् तदनु मन्दिरम् उत्तमर्द्धि । कैलासभूस् तदनु मुञ्जवनश् च शैलो विद्याधरामरविहारविमानभूमिः

devasthalopavanabhūs tadanūditaśrīr viśvāvasos tadanu mandiram uttamarddhi / kailāsabhūs tadanu muñjavanaś ca śailo vidyādharāmaravihāravimānabhūmiḥ

Sanskrit only: no published translation is held for this verse.