Moksopaya with Bhaskarakantha's Tika 3.38

एवम् अत्याकुले युद्धे सास्फोटभटसङ्कटे । आदिनान्तम् असंरुद्धे रटत्कठिनकङ्कटे

evam atyākule yuddhe sāsphoṭabhaṭasaṅkaṭe / ādināntam asaṃruddhe raṭatkaṭhinakaṅkaṭe

Sanskrit only: no published translation is held for this verse.

वहन्तीषूत्पतन्तीषु पतन्तीष्व् अश्मवृष्टिषु । नदीषु क्षेपणोत्थासु चटत्केत्वब्जपङ्क्तिषु

vahantīṣūtpatantīṣu patantīṣv aśmavṛṣṭiṣu / nadīṣu kṣepaṇotthāsu caṭatketvabjapaṅktiṣu

Sanskrit only: no published translation is held for this verse.

मिथः फलाग्रटङ्कोत्थवह्निशीकरिणीसु खे । आयान्तीषु पतन्तीषु दूरं शरनदीषु च

mithaḥ phalāgraṭaṅkotthavahniśīkariṇīsu khe / āyāntīṣu patantīṣu dūraṃ śaranadīṣu ca

Sanskrit only: no published translation is held for this verse.

वहल्लूनशिरःपद्मचक्रावर्तैस् तरङ्गितैः । खार्णवे पूरिते हेतिवृन्दमन्दाकिनीगणैः

vahallūnaśiraḥpadmacakrāvartais taraṅgitaiḥ / khārṇave pūrite hetivṛndamandākinīgaṇaiḥ

Sanskrit only: no published translation is held for this verse.

समीरणरणद्वारिशस्त्रचूर्णघनैर् घनैः । सदाहाङ्गेषु सिद्धेषु कपिकच्छव्यथाप्रदैः

samīraṇaraṇadvāriśastracūrṇaghanair ghanaiḥ / sadāhāṅgeṣu siddheṣu kapikacchavyathāpradaiḥ

Sanskrit only: no published translation is held for this verse.

अष्टभागदशाशेषं प्रतापमधुराकृतिः । शस्त्रघातौजसा वीर इवाहस् तनुतां ययौ

aṣṭabhāgadaśāśeṣaṃ pratāpamadhurākṛtiḥ / śastraghātaujasā vīra ivāhas tanutāṃ yayau

Sanskrit only: no published translation is held for this verse.

श्रान्ताश्वेन प्रभग्नाग्रहेतिसङ्घातदीप्तयः । दिनेशेन समं सेना ययुर् मन्दप्रतापताम्

śrāntāśvena prabhagnāgrahetisaṅghātadīptayaḥ / dineśena samaṃ senā yayur mandapratāpatām

Sanskrit only: no published translation is held for this verse.

अथ सेनाधिनाथाभ्यां विचार्य सह मन्त्रिभिः । दूताः परस्परं दत्ता युद्धं संह्रियताम् इति

atha senādhināthābhyāṃ vicārya saha mantribhiḥ / dūtāḥ parasparaṃ dattā yuddhaṃ saṃhriyatām iti

Sanskrit only: no published translation is held for this verse.

ततश् श्रमवशान् मन्दपत्त्रशस्त्रपराक्रमैः । रणसंहरणं काले सर्वैर् एवोररीकृतम्

tataś śramavaśān mandapattraśastraparākramaiḥ / raṇasaṃharaṇaṃ kāle sarvair evorarīkṛtam

Sanskrit only: no published translation is held for this verse.

ततो महारथोत्तुङ्गकेतुप्रान्ते कृतास्पदम् । बलयोर् आरुरोहैक एको योधो ध्रुवो यथा

tato mahārathottuṅgaketuprānte kṛtāspadam / balayor ārurohaika eko yodho dhruvo yathā

Sanskrit only: no published translation is held for this verse.

अंशुकं भ्रामयाम् आस सर्वदिङ्मण्डलेक्षितम् । द्याम् एव दीर्घम् इन्द्वंशुं युद्धं संह्रियताम् इति

aṃśukaṃ bhrāmayām āsa sarvadiṅmaṇḍalekṣitam / dyām eva dīrgham indvaṃśuṃ yuddhaṃ saṃhriyatām iti

Sanskrit only: no published translation is held for this verse.

ततो दुन्दुभयश् शेमुः प्रतिध्वनितदिङ्मुखाः । महाप्रलयसंशान्तौ पुष्करावर्तका इव

tato dundubhayaś śemuḥ pratidhvanitadiṅmukhāḥ / mahāpralayasaṃśāntau puṣkarāvartakā iva

Sanskrit only: no published translation is held for this verse.

शरादिहेतिसरितो विस्तीर्णे गगनस्थले । प्रवृत्ताश् शोषम् आगन्तुं शारद्यस् सरितो यथा

śarādihetisarito vistīrṇe gaganasthale / pravṛttāś śoṣam āgantuṃ śāradyas sarito yathā

Sanskrit only: no published translation is held for this verse.

योधदोर्द्रुमसञ्चारस् तनुताम् आययौ शनैः । भूकम्पान्ते वनस्पन्द इवावात इवार्णवः

yodhadordrumasañcāras tanutām āyayau śanaiḥ / bhūkampānte vanaspanda ivāvāta ivārṇavaḥ

Sanskrit only: no published translation is held for this verse.

विनिर्गन्तुं प्रववृते रणारण्याद् बलद्वयम् । वारिपूरश् चतुर्दिक्कं प्रलयैकार्णवाद् इव

vinirgantuṃ pravavṛte raṇāraṇyād baladvayam / vāripūraś caturdikkaṃ pralayaikārṇavād iva

Sanskrit only: no published translation is held for this verse.

उत्क्षिप्तमन्दरक्षीरसमुद्रवलनाकुलम् । सैन्यं प्रशमदावर्तं शनैस् साम्यम् उपाययौ

utkṣiptamandarakṣīrasamudravalanākulam / sainyaṃ praśamadāvartaṃ śanais sāmyam upāyayau

Sanskrit only: no published translation is held for this verse.

क्रमेणासीन् मुहूर्तेन विकटोदरभीषणम् । अगस्त्यपीतार्णववच् छून्यम् एव रणाङ्गनम्

krameṇāsīn muhūrtena vikaṭodarabhīṣaṇam / agastyapītārṇavavac chūnyam eva raṇāṅganam

Sanskrit only: no published translation is held for this verse.

शवसन्ततिसम्पूर्णं वहद्रक्तमहाह्रदम् । परिकूजनझाङ्कारपूर्णखिल्लीवनोपमम्

śavasantatisampūrṇaṃ vahadraktamahāhradam / parikūjanajhāṅkārapūrṇakhillīvanopamam

Sanskrit only: no published translation is held for this verse.

बृहद्रक्तसरित्स्रोतस्तरङ्गरवघर्घरम् । साक्रन्दावसृताहूतस्वत्राणव्यग्रमानवम्

bṛhadraktasaritsrotastaraṅgaravaghargharam / sākrandāvasṛtāhūtasvatrāṇavyagramānavam

Sanskrit only: no published translation is held for this verse.

मृतार्धमृतदेहौघरक्तौघस्रुतनिर्झरम् । सजीवनरपृष्ठस्थशवस्पन्दनभीतिदम्

mṛtārdhamṛtadehaugharaktaughasrutanirjharam / sajīvanarapṛṣṭhasthaśavaspandanabhītidam

Sanskrit only: no published translation is held for this verse.

करीन्द्रशवराश्यग्रविश्रान्ताम्बुदखण्डकम् । विशीर्णरथसङ्घातजितच्छत्त्रमहावनम्

karīndraśavarāśyagraviśrāntāmbudakhaṇḍakam / viśīrṇarathasaṅghātajitacchattramahāvanam

Sanskrit only: no published translation is held for this verse.

वहद्रक्तनदीरंहःप्रोह्यमानरथद्विपम् । शरशक्त्यृष्टिमुसुलगदाप्रासासिसङ्कुलम्

vahadraktanadīraṃhaḥprohyamānarathadvipam / śaraśaktyṛṣṭimusulagadāprāsāsisaṅkulam

Sanskrit only: no published translation is held for this verse.

पर्याणाञ्चलसन्नाहकवचावृतभूतलम् । केतुचामरपट्टौघगुप्तशावशरीरकम्

paryāṇāñcalasannāhakavacāvṛtabhūtalam / ketucāmarapaṭṭaughaguptaśāvaśarīrakam

Sanskrit only: no published translation is held for this verse.

स्फारस्फोटकतूणीरकुञ्जकूजत्समीरणम् । शरराशिपलाशौघतल्पसुप्तशवेश्वरम्

sphārasphoṭakatūṇīrakuñjakūjatsamīraṇam / śararāśipalāśaughatalpasuptaśaveśvaram

Sanskrit only: no published translation is held for this verse.

मौलिहाराङ्गदोद्द्योतचक्रचापवनावृतम् । श्वसृगालखगाकृष्टसान्द्रान्त्रदीर्घरज्जुकम्

maulihārāṅgadoddyotacakracāpavanāvṛtam / śvasṛgālakhagākṛṣṭasāndrāntradīrgharajjukam

Sanskrit only: no published translation is held for this verse.

रक्तक्षेत्रक्वणत्किञ्चिच्छेषजीवातिदन्तुरम् । रक्तकर्दमनिर्मग्नसजीवनरदुर्दुरम्

raktakṣetrakvaṇatkiñciccheṣajīvātidanturam / raktakardamanirmagnasajīvanaradurduram

Sanskrit only: no published translation is held for this verse.

वराटकचयप्रेक्ष्यनिर्गताक्षिशतोच्चयम् । वहद्भुजौघकाष्टौघघोररक्तसरिच्छतम्

varāṭakacayaprekṣyanirgatākṣiśatoccayam / vahadbhujaughakāṣṭaughaghoraraktasaricchatam

Sanskrit only: no published translation is held for this verse.

साक्रन्दबन्धुवलितमृतार्धमृतमानवम् । सर्वायुधरथाश्वेभपर्याणासञ्चरान्तरम्

sākrandabandhuvalitamṛtārdhamṛtamānavam / sarvāyudharathāśvebhaparyāṇāsañcarāntaram

Sanskrit only: no published translation is held for this verse.

नृत्यत्कबन्धदोर्दण्डषण्डकाननिताम्बरम् । मदमेदोवसागन्धपिण्डाक्तघ्राणकोटरम्

nṛtyatkabandhadordaṇḍaṣaṇḍakānanitāmbaram / madamedovasāgandhapiṇḍāktaghrāṇakoṭaram

Sanskrit only: no published translation is held for this verse.

उत्फालार्धमृतेभाश्वमार्यमाणाल्पजीवितम् । वहद्रक्तनदीवीचीप्रहारहतदुन्दुभि

utphālārdhamṛtebhāśvamāryamāṇālpajīvitam / vahadraktanadīvīcīprahārahatadundubhi

Sanskrit only: no published translation is held for this verse.

उह्यमानमृताश्वेभमकरासृक्सरिच्छटम् । म्रियमाणनरानीकफूत्कृतासृग्घनानिलम्

uhyamānamṛtāśvebhamakarāsṛksaricchaṭam / mriyamāṇanarānīkaphūtkṛtāsṛgghanānilam

Sanskrit only: no published translation is held for this verse.

स्वल्पजीवशरापूर्णमुखहिक्काङ्कितस्वरम् । पिण्डहार्यवसागन्धवातात्तोत्पीडलोहितम्

svalpajīvaśarāpūrṇamukhahikkāṅkitasvaram / piṇḍahāryavasāgandhavātāttotpīḍalohitam

Sanskrit only: no published translation is held for this verse.

उन्नासार्धमृतेभेन्द्रकराक्रान्तकबन्धकम् । निरधिष्ठितहस्त्यश्वपातितोद्यत्कबन्धकम्

unnāsārdhamṛtebhendrakarākrāntakabandhakam / niradhiṣṭhitahastyaśvapātitodyatkabandhakam

Sanskrit only: no published translation is held for this verse.

रुदद्बन्धुसखिभ्रष्टशवक्षुब्धासृगुद्ध्वनि । मृतभर्तृगले शस्त्रत्यक्तप्राणकुलाङ्गनम्

rudadbandhusakhibhraṣṭaśavakṣubdhāsṛguddhvani / mṛtabhartṛgale śastratyaktaprāṇakulāṅganam

Sanskrit only: no published translation is held for this verse.

शवस्थानकृतोद्ग्रीवबन्धुकायपरीक्षणम् । शवहारखराकृष्टसम्पृक्तनरव्याकुलम्

śavasthānakṛtodgrīvabandhukāyaparīkṣaṇam / śavahārakharākṛṣṭasampṛktanaravyākulam

Sanskrit only: no published translation is held for this verse.

केशशेवलवक्त्राब्जचक्रावर्तननर्तनम् । तरत्तुङ्गतरङ्गाढ्यवहद्रक्तमहानदम्

keśaśevalavaktrābjacakrāvartananartanam / tarattuṅgataraṅgāḍhyavahadraktamahānadam

Sanskrit only: no published translation is held for this verse.

प्राणान्तस्मृतपुत्रेष्टमातृदेवधनाभिधम् । हाहाहीहीतिकथितमर्मच्छेदनवेदनम्

prāṇāntasmṛtaputreṣṭamātṛdevadhanābhidham / hāhāhīhītikathitamarmacchedanavedanam

Sanskrit only: no published translation is held for this verse.

अङ्गलग्नायुधोद्धारव्यग्रार्धमृतमानवम् । विदेशमृतसाक्रन्दहूनतङ्गनताजिकम्

aṅgalagnāyudhoddhāravyagrārdhamṛtamānavam / videśamṛtasākrandahūnataṅganatājikam

Sanskrit only: no published translation is held for this verse.

म्रियमाणमिथोद्विष्टप्रारब्धरथसङ्गरम् । दन्तयुद्धासमर्थास्यस्मृतगेहेष्टदैवतम्

mriyamāṇamithodviṣṭaprārabdharathasaṅgaram / dantayuddhāsamarthāsyasmṛtageheṣṭadaivatam

Sanskrit only: no published translation is held for this verse.

म्रियमाणपथलज्जशूराश्रितपलायनम् । अशङ्कितासृगावर्तनीतास्पदगमोत्सुकम्

mriyamāṇapathalajjaśūrāśritapalāyanam / aśaṅkitāsṛgāvartanītāspadagamotsukam

Sanskrit only: no published translation is held for this verse.

मर्मच्छेदिशरव्रातव्यथाविहितहुङ्कृति । कबन्धबन्धप्रारब्धवेतालवलनाक्रमम्

marmacchediśaravrātavyathāvihitahuṅkṛti / kabandhabandhaprārabdhavetālavalanākramam

Sanskrit only: no published translation is held for this verse.

उह्यमानध्वजच्छत्त्रचारुचामरपङ्कजम् । किरत्सन्ध्यारुणं दिक्षु तेजस्विरक्तपङ्कजम्

uhyamānadhvajacchattracārucāmarapaṅkajam / kiratsandhyāruṇaṃ dikṣu tejasviraktapaṅkajam

Sanskrit only: no published translation is held for this verse.

रथचक्रवनावर्तं रक्तार्णवम् इवाष्टमम् । पताकाफेनपुञ्जाढ्यं चारुचामरबुद्बुदम्

rathacakravanāvartaṃ raktārṇavam ivāṣṭamam / patākāphenapuñjāḍhyaṃ cārucāmarabudbudam

Sanskrit only: no published translation is held for this verse.

विपर्यस्तरथं भूमिकम्पभग्नपुरोपमम् । उत्पातवातनिर्धूतद्रुमं वनम् इवाततम्

viparyastarathaṃ bhūmikampabhagnapuropamam / utpātavātanirdhūtadrumaṃ vanam ivātatam

Sanskrit only: no published translation is held for this verse.

कल्पदग्धजगत्प्रख्यं मुनिपीतार्णवोपमम् । अतिवृष्टिहतो देश इव प्रोच्छिन्नमानवम्

kalpadagdhajagatprakhyaṃ munipītārṇavopamam / ativṛṣṭihato deśa iva procchinnamānavam

Sanskrit only: no published translation is held for this verse.

कालायःकुन्तवलितं भुसुण्डीमण्डलाकुलम् । मत्तनागशवाकारं सन्नतोमरमुद्गरम्

kālāyaḥkuntavalitaṃ bhusuṇḍīmaṇḍalākulam / mattanāgaśavākāraṃ sannatomaramudgaram

Sanskrit only: no published translation is held for this verse.

शिलाशिखरसञ्जाततालजालम् इवाततम् । पतद्रक्तनदीतीरजातकुन्तोन्नतद्रुमम्

śilāśikharasañjātatālajālam ivātatam / patadraktanadītīrajātakuntonnatadrumam

Sanskrit only: no published translation is held for this verse.

नागागस्यूतहेत्योघवृक्षांशुकुसुमाकुलम् । कङ्ककृष्टान्त्ररशनावृन्दजालकिताम्बरम्

nāgāgasyūtahetyoghavṛkṣāṃśukusumākulam / kaṅkakṛṣṭāntraraśanāvṛndajālakitāmbaram

Sanskrit only: no published translation is held for this verse.

असृक्सरोवरध्वस्तपताकानलिनीगणम् । रक्तकर्दमनिर्मग्ननराहूतसुहृज्जनम्

asṛksarovaradhvastapatākānalinīgaṇam / raktakardamanirmagnanarāhūtasuhṛjjanam

Sanskrit only: no published translation is held for this verse.

करीन्द्रकुणपागारनिर्यद्भीतजनेक्षितम् । हेतिलूनलतैर् वृक्षैस् सन्दिग्धोग्रकबन्धकम्

karīndrakuṇapāgāraniryadbhītajanekṣitam / hetilūnalatair vṛkṣais sandigdhograkabandhakam

Sanskrit only: no published translation is held for this verse.

असृङ्नदीवहद्धस्तिकटकर्परनौगणम् । रक्तस्रोतस्स्फुरच्छुक्लवस्त्रदिण्डीरपिण्डकम्

asṛṅnadīvahaddhastikaṭakarparanaugaṇam / raktasrotassphuracchuklavastradiṇḍīrapiṇḍakam

Sanskrit only: no published translation is held for this verse.

सञ्चरन्निपतत्क्षिप्रमृत्युविच्छिन्नमानवम् । इतश् चेतश् च निपतत्कबन्धनवदानवम्

sañcarannipatatkṣipramṛtyuvicchinnamānavam / itaś cetaś ca nipatatkabandhanavadānavam

Sanskrit only: no published translation is held for this verse.

ऊर्ध्वस्थालक्ष्यचक्रौघछिन्नसैन्यद्रवज्जनम् । रक्तनिस्स्रावभाङ्कारहिक्कारार्धमृतारवम्

ūrdhvasthālakṣyacakraughachinnasainyadravajjanam / raktanissrāvabhāṅkārahikkārārdhamṛtāravam

Sanskrit only: no published translation is held for this verse.

सिरामुखोल्लसद्रक्तधाराधौतव्रजत्खगम् । सुतालोत्तालवेतालतालताण्डवसङ्कटम्

sirāmukhollasadraktadhārādhautavrajatkhagam / sutālottālavetālatālatāṇḍavasaṅkaṭam

Sanskrit only: no published translation is held for this verse.

पर्यस्तरथदार्वन्तर्वनान्तरितसद्भटम् । अन्तस्स्थसज्जीवभटस्यन्दिस्यन्दनभीतिदम्

paryastarathadārvantarvanāntaritasadbhaṭam / antassthasajjīvabhaṭasyandisyandanabhītidam

Sanskrit only: no published translation is held for this verse.

रक्तकर्दमपूर्णास्यकिञ्चिज्जीवक्वणच्छवम् । किञ्चिज्जीवनरोद्ग्रीवकष्टदृष्टश्ववायसम्

raktakardamapūrṇāsyakiñcijjīvakvaṇacchavam / kiñcijjīvanarodgrīvakaṣṭadṛṣṭaśvavāyasam

Sanskrit only: no published translation is held for this verse.

एकामिषोग्रक्रव्यादयुद्धकोलाहलाकुलम् । एकामिषार्थयुद्धेहामृतक्रव्यादसङ्कुलम्

ekāmiṣograkravyādayuddhakolāhalākulam / ekāmiṣārthayuddhehāmṛtakravyādasaṅkulam

Sanskrit only: no published translation is held for this verse.

विवृत्तासङ्ख्याश्वद्विरदपुरुषाधीश्वररथप्रवृत्तास्तग्रीवप्रकृतिरुधिरोद्गारसुसरित् । रणोद्यानं मृत्योस् तद् अभवद् अशुष्कायुधलतं सशैलं कल्पान्ते जगद् इव विपर्यस्तम् अखिलम्

vivṛttāsaṅkhyāśvadviradapuruṣādhīśvararathapravṛttāstagrīvaprakṛtirudhirodgārasusarit / raṇodyānaṃ mṛtyos tad abhavad aśuṣkāyudhalataṃ saśailaṃ kalpānte jagad iva viparyastam akhilam

Sanskrit only: no published translation is held for this verse.