Moksopaya with Bhaskarakantha's Tika 3.39

अथ वीर इवारक्तः कालेनास्तमितो रविः । शश्वत्तेजःपरिम्लानप्रतापो ऽब्धौ समुज्झितः

atha vīra ivāraktaḥ kālenāstamito raviḥ / śaśvattejaḥparimlānapratāpo 'bdhau samujjhitaḥ

Sanskrit only: no published translation is held for this verse.

रणरक्तरुचिव्योमदर्पणप्रतिबिम्बिता । अह्नस् सूर्यशिरश्छेदे सन्ध्यालेखोदभूत् क्षणात्

raṇaraktarucivyomadarpaṇapratibimbitā / ahnas sūryaśiraśchede sandhyālekhodabhūt kṣaṇāt

Sanskrit only: no published translation is held for this verse.

भूपातालनभोदिग्भ्यः प्रलयाब्धिजलौघवत् । समाजग्मुस् तमस्ताला वेतालवलया इव

bhūpātālanabhodigbhyaḥ pralayābdhijalaughavat / samājagmus tamastālā vetālavalayā iva

Sanskrit only: no published translation is held for this verse.

दृष्टं ध्वान्तासिदलिते दिननागेन्द्रमस्तके । सन्ध्यारागारुणाकीर्णं तारानिकरमौक्तिकम्

dṛṣṭaṃ dhvāntāsidalite dinanāgendramastake / sandhyārāgāruṇākīrṇaṃ tārānikaramauktikam

Sanskrit only: no published translation is held for this verse.

निस्सत्त्वेषु तमोऽन्धेषु सरस्स्व् अरसशालिषु । सङ्कोचम् आययुः पद्मा मृतानां हृदयेष्व् इव

nissattveṣu tamo'ndheṣu sarassv arasaśāliṣu / saṅkocam āyayuḥ padmā mṛtānāṃ hṛdayeṣv iva

Sanskrit only: no published translation is held for this verse.

मीलत्पक्षाः क्षणात् सुप्ताः कच्छव्रुडितकन्धराः । कुलायेषु खगा आसन् सर्वाङ्गेष्व् इव हेतयः

mīlatpakṣāḥ kṣaṇāt suptāḥ kacchavruḍitakandharāḥ / kulāyeṣu khagā āsan sarvāṅgeṣv iva hetayaḥ

Sanskrit only: no published translation is held for this verse.

आसन्नचन्द्रसुभगालोकाः कुमुदपङ्क्तयः । उल्लसद्धृदया जाता वीरपक्षेष्व् इव श्रियः

āsannacandrasubhagālokāḥ kumudapaṅktayaḥ / ullasaddhṛdayā jātā vīrapakṣeṣv iva śriyaḥ

Sanskrit only: no published translation is held for this verse.

रक्तवारिमयी सायसङ्गगुप्तशिलीमुखा । सङ्कुचद्वक्त्रपद्माभूद् रणभूमिर् इवाब्जिनी

raktavārimayī sāyasaṅgaguptaśilīmukhā / saṅkucadvaktrapadmābhūd raṇabhūmir ivābjinī

Sanskrit only: no published translation is held for this verse.

उपर्य् अभूद् व्योमसरस् ताराकुमुदमण्डितम् । अधस् त्व् अभूद् वारिवियत् स्फुरत्कुमुदतारकम्

upary abhūd vyomasaras tārākumudamaṇḍitam / adhas tv abhūd vāriviyat sphuratkumudatārakam

Sanskrit only: no published translation is held for this verse.

तमांस्य् अपीतकार्याणि भूतानि चाखिलान्य् अलम् । पयांसीव विसेरूनि प्रसृतानि दिशं प्रति

tamāṃsy apītakāryāṇi bhūtāni cākhilāny alam / payāṃsīva viserūni prasṛtāni diśaṃ prati

Sanskrit only: no published translation is held for this verse.

आसीद् रणाङ्गनं गायद्वेतालकुलसङ्कुलम् । क्वणत्कङ्कालकण्ठस्थकङ्ककाकोलकेलिमत्

āsīd raṇāṅganaṃ gāyadvetālakulasaṅkulam / kvaṇatkaṅkālakaṇṭhasthakaṅkakākolakelimat

Sanskrit only: no published translation is held for this verse.

रथकाष्टचितिज्वालासताराम्बरभासुरम् । पचत्पचपचाशब्दमेदोमांसमयानलम्

rathakāṣṭacitijvālāsatārāmbarabhāsuram / pacatpacapacāśabdamedomāṃsamayānalam

Sanskrit only: no published translation is held for this verse.

शवाङ्गास्थिस्फुटास्फोटलुठच्चितिचयोल्मुकम् । वेतालललनारब्धजललीलातिरोहितम्

śavāṅgāsthisphuṭāsphoṭaluṭhacciticayolmukam / vetālalalanārabdhajalalīlātirohitam

Sanskrit only: no published translation is held for this verse.

श्वकाकयक्षवेतालतालकोलाहलोल्बणम् । समागमेन भूतानां समुड्डीनवनोपमम्

śvakākayakṣavetālatālakolāhalolbaṇam / samāgamena bhūtānāṃ samuḍḍīnavanopamam

Sanskrit only: no published translation is held for this verse.

रक्तमांसवसामेदोहरणव्यग्रडाकिनम् । चर्वितासृग्वसामांसस्रवत्सृक्विपिशाचकम्

raktamāṃsavasāmedoharaṇavyagraḍākinam / carvitāsṛgvasāmāṃsasravatsṛkvipiśācakam

Sanskrit only: no published translation is held for this verse.

सभ्यमध्यचितालोकप्रकटासृक्शवव्रजम् । खरूपिकानीयमानाश्वसन्न्यस्तमहाशवम्

sabhyamadhyacitālokaprakaṭāsṛkśavavrajam / kharūpikānīyamānāśvasannyastamahāśavam

Sanskrit only: no published translation is held for this verse.

उत्ताण्डवोग्रकुम्भाण्डमण्डलोड्डामरोदरम् । छमच्छमिविलापान्तं मेदोऽसृग्बाष्पसाम्बुदम्

uttāṇḍavograkumbhāṇḍamaṇḍaloḍḍāmarodaram / chamacchamivilāpāntaṃ medo'sṛgbāṣpasāmbudam

Sanskrit only: no published translation is held for this verse.

वहद्रक्तनदीरंहोरूढभूचररूपिकम् । वेतालाकुलकङ्कालकर्षणाकुलकाककम्

vahadraktanadīraṃhorūḍhabhūcararūpikam / vetālākulakaṅkālakarṣaṇākulakākakam

Sanskrit only: no published translation is held for this verse.

मृतेभोदरमञ्जूषासुप्तवेतालबालकम् । विविक्तैकतरूद्देशपानक्रीडास्थराक्षसम्

mṛtebhodaramañjūṣāsuptavetālabālakam / viviktaikatarūddeśapānakrīḍāstharākṣasam

Sanskrit only: no published translation is held for this verse.

मत्तवेतालकलहे चितालातरणोज्ज्वलम् । वहद्रक्तवसामिश्रगन्धबन्धुरमारुतम्

mattavetālakalahe citālātaraṇojjvalam / vahadraktavasāmiśragandhabandhuramārutam

Sanskrit only: no published translation is held for this verse.

रूपिकापेटके वेगरणद्रुटरुटारवम् । अर्धपक्वशवास्वादलुब्धयक्षोल्लसत्किलि

rūpikāpeṭake vegaraṇadruṭaruṭāravam / ardhapakvaśavāsvādalubdhayakṣollasatkili

Sanskrit only: no published translation is held for this verse.

तुङ्गवङ्गकलिङ्गाङ्गतङ्गनाङ्गलगत्खगम् । तारापातोपमभवत्संमुखज्वालरूपिकम्

tuṅgavaṅgakaliṅgāṅgataṅganāṅgalagatkhagam / tārāpātopamabhavatsaṃmukhajvālarūpikam

Sanskrit only: no published translation is held for this verse.

पतद्वेतालसोल्लासमध्यस्थासृक्सुरूपिकम् । पिशाचाकर्णिताभ्यर्णयोगिनीगणगायनम्

patadvetālasollāsamadhyasthāsṛksurūpikam / piśācākarṇitābhyarṇayoginīgaṇagāyanam

Sanskrit only: no published translation is held for this verse.

प्रसृतान्त्रमहातन्त्रीप्रायसम्पन्नवादनम् । पिशाचवासनोत्क्रान्तपिशाचीभूतमानवम्

prasṛtāntramahātantrīprāyasampannavādanam / piśācavāsanotkrāntapiśācībhūtamānavam

Sanskrit only: no published translation is held for this verse.

रूपिकालोकनापूर्वत्रासार्धमृतसद्भटम् । क्वचिद्वेतालरक्षोभिर् अहनीवोन्नमद्रणम्

rūpikālokanāpūrvatrāsārdhamṛtasadbhaṭam / kvacidvetālarakṣobhir ahanīvonnamadraṇam

Sanskrit only: no published translation is held for this verse.

खरूपिकास्कन्धपतच्छवत्रस्तनिशाचरम् । नभस्सङ्घटितापूर्वभूतपेटकसङ्कटम्

kharūpikāskandhapatacchavatrastaniśācaram / nabhassaṅghaṭitāpūrvabhūtapeṭakasaṅkaṭam

Sanskrit only: no published translation is held for this verse.

अतिप्रयत्नापहृतम्रियमाणनराधिपम् । सुभक्षापेक्षियक्षेक्षाविक्षिप्तशवराशिमत्

atiprayatnāpahṛtamriyamāṇanarādhipam / subhakṣāpekṣiyakṣekṣāvikṣiptaśavarāśimat

Sanskrit only: no published translation is held for this verse.

शिवामुखानलशिखाखण्डैश् छमितनक्तगैः । समुड्डीननवाशोकपुष्पगुच्छम् इवाभितः

śivāmukhānalaśikhākhaṇḍaiś chamitanaktagaiḥ / samuḍḍīnanavāśokapuṣpaguccham ivābhitaḥ

Sanskrit only: no published translation is held for this verse.

कबन्धकन्धराबद्धव्यग्रवेतालबालकम् । यक्षरक्षःपिशाचाजिकचदाकाशगोल्मुकम्

kabandhakandharābaddhavyagravetālabālakam / yakṣarakṣaḥpiśācājikacadākāśagolmukam

Sanskrit only: no published translation is held for this verse.

आकाशभूधरनिकुञ्जगुहान्तराल पिण्डोपमस्थिततमोऽम्बुदपीठपूरम् । व्यालोलभूतरभसाकुलकल्पवात व्याधूतलोककरकाण्डकवाटकल्पम्

ākāśabhūdharanikuñjaguhāntarāla piṇḍopamasthitatamo'mbudapīṭhapūram / vyālolabhūtarabhasākulakalpavāta vyādhūtalokakarakāṇḍakavāṭakalpam

Sanskrit only: no published translation is held for this verse.