Library·Moksopaya with Bhaskarakantha's Tika·3·3.41
लीलोपाख्याने मरणसमनन्तरं संसृत्यनुभवनं नाम सर्गः एकचत्वारिंशत्तमस् सर्गः तयोः प्रविष्टयोर् देव्योः पद्मसद्म बभूव तत् । चन्द्रद्वयोदयोद्द्योतधवलोदरसुन्दरम्
līlopākhyāne maraṇasamanantaraṃ saṃsṛtyanubhavanaṃ nāma sargaḥ ekacatvāriṃśattamas sargaḥ tayoḥ praviṣṭayor devyoḥ padmasadma babhūva tat / candradvayodayoddyotadhavalodarasundaram
Sanskrit only: no published translation is held for this verse.
कोमलामलसौगन्ध्यमृदुमन्दारमारुतम् । तत्प्रभावेण निद्रालुनृपेतररणाङ्गनम्
komalāmalasaugandhyamṛdumandāramārutam / tatprabhāveṇa nidrālunṛpetararaṇāṅganam
Sanskrit only: no published translation is held for this verse.
सौभाग्यनन्दनोद्यानं विद्रुतव्याधिवेदनम् । सवसन्तं वनम् इव फुल्लं प्रातर् इवाम्बुजम्
saubhāgyanandanodyānaṃ vidrutavyādhivedanam / savasantaṃ vanam iva phullaṃ prātar ivāmbujam
Sanskrit only: no published translation is held for this verse.
तयोर् देहप्रभापूरैश् शशिनिष्ष्यन्दशीतलैः । आह्लादितो ऽसौ बुबुधे राजोक्षित इवामृतैः
tayor dehaprabhāpūraiś śaśiniṣṣyandaśītalaiḥ / āhlādito 'sau bubudhe rājokṣita ivāmṛtaiḥ
Sanskrit only: no published translation is held for this verse.
आसनद्वयविश्रान्तं स ददर्शाप्सरोद्वयम् । मेरुशृङ्गद्वये लीनं चन्द्रद्वयम् इवोदितम्
āsanadvayaviśrāntaṃ sa dadarśāpsarodvayam / meruśṛṅgadvaye līnaṃ candradvayam ivoditam
Sanskrit only: no published translation is held for this verse.
निमेषम् इव सञ्चिन्त्य स विस्मितमना नृपः । उत्तस्थौ शयनाच् छेषाद् इव चक्रगदाधरः
nimeṣam iva sañcintya sa vismitamanā nṛpaḥ / uttasthau śayanāc cheṣād iva cakragadādharaḥ
Sanskrit only: no published translation is held for this verse.
परिसम्यमितालम्बमाल्यहारवराम्बरः । पुष्पोत्कर इवोत्फुल्लं जग्राह कुसुमाञ्जलिम्
parisamyamitālambamālyahāravarāmbaraḥ / puṣpotkara ivotphullaṃ jagrāha kusumāñjalim
Sanskrit only: no published translation is held for this verse.
उपधानप्रदेशस्थात् स्वयं पटलकोदरात् । बद्धपद्मासनो भूमौ भूत्वोवाचेदम् आनतः
upadhānapradeśasthāt svayaṃ paṭalakodarāt / baddhapadmāsano bhūmau bhūtvovācedam ānataḥ
Sanskrit only: no published translation is held for this verse.
जयतां जन्मदौस्स्थित्यदाहदोषशशिप्रभे । देव्यौ बाह्यान्तरतमोविद्रावणरविप्रभे
jayatāṃ janmadaussthityadāhadoṣaśaśiprabhe / devyau bāhyāntaratamovidrāvaṇaraviprabhe
Sanskrit only: no published translation is held for this verse.
तयोर् उक्त्वेति तत्याज पादयोः कुसुमाञ्जलिम् । तीरद्रुमो विकसितं पद्मिन्योः पद्मयोर् इव
tayor uktveti tatyāja pādayoḥ kusumāñjalim / tīradrumo vikasitaṃ padminyoḥ padmayor iva
Sanskrit only: no published translation is held for this verse.
लीलायै भूपजन्माथ वक्तुं मन्त्रिणम् ईश्वरी । बोधयाम् आस पार्श्वस्थं सङ्कल्पेन सरस्वती
līlāyai bhūpajanmātha vaktuṃ mantriṇam īśvarī / bodhayām āsa pārśvasthaṃ saṅkalpena sarasvatī
Sanskrit only: no published translation is held for this verse.
प्रबुद्धो ऽप्सरसौ दृष्ट्वा प्रणम्य कुसुमाञ्जलिम् । तयोः पादेषु सन्त्यज्य विवेश पुरतो नतः
prabuddho 'psarasau dṛṣṭvā praṇamya kusumāñjalim / tayoḥ pādeṣu santyajya viveśa purato nataḥ
Sanskrit only: no published translation is held for this verse.
उवाच देवी हे राजन् कस् त्वम् कस्य सुतः कदा । इह जात इति श्रुत्वा स मन्त्री वाक्यम् अब्रवीत्
uvāca devī he rājan kas tvam kasya sutaḥ kadā / iha jāta iti śrutvā sa mantrī vākyam abravīt
Sanskrit only: no published translation is held for this verse.
देव्यौ युष्मत्प्रसादो ऽयं भवत्योर् अपि यत् पुरः । वक्तुं शक्नोमि तद् इदं श्रूयतां जन्म मत्प्रभोः
devyau yuṣmatprasādo 'yaṃ bhavatyor api yat puraḥ / vaktuṃ śaknomi tad idaṃ śrūyatāṃ janma matprabhoḥ
Sanskrit only: no published translation is held for this verse.
आसीद् इक्ष्वाकुवंशोत्थो राजा राजीवलोचनः । श्रीमत्कुन्दरथो नाम दोश्छायाच्छादितावनिः
āsīd ikṣvākuvaṃśottho rājā rājīvalocanaḥ / śrīmatkundaratho nāma dośchāyācchāditāvaniḥ
Sanskrit only: no published translation is held for this verse.
तस्याभूद् इन्दुवदनः पुत्रो भद्ररथाभिधः । तस्य विश्वरथः पुत्रस् तस्य पुत्रो बृहद्रथः
tasyābhūd induvadanaḥ putro bhadrarathābhidhaḥ / tasya viśvarathaḥ putras tasya putro bṛhadrathaḥ
Sanskrit only: no published translation is held for this verse.
तस्य सिन्धुरथः पुत्रस् तस्य शैलरथस् सुतः । तस्य कामरथः पुत्रस् तस्य पुत्रो महारथः
tasya sindhurathaḥ putras tasya śailarathas sutaḥ / tasya kāmarathaḥ putras tasya putro mahārathaḥ
Sanskrit only: no published translation is held for this verse.
तस्य विष्णुरथः पुत्रस् तस्य पुत्रः कलारथः । तस्य सूर्यरथः पुत्रस् तस्य पुत्रो नभोरथः
tasya viṣṇurathaḥ putras tasya putraḥ kalārathaḥ / tasya sūryarathaḥ putras tasya putro nabhorathaḥ
Sanskrit only: no published translation is held for this verse.
अयम् अस्मत्प्रभुस् तस्य पुत्रः पूर्णामलद्युतेः । अमृतापूरितरथः क्षीरोदस्येव चन्द्रमाः
ayam asmatprabhus tasya putraḥ pūrṇāmaladyuteḥ / amṛtāpūritarathaḥ kṣīrodasyeva candramāḥ
Sanskrit only: no published translation is held for this verse.
महद्भिः पुण्यसम्भारैर् विदूरथ इति श्रुतः । जातो मातुस् सुमित्राया गौर्या गुह इवापरः
mahadbhiḥ puṇyasambhārair vidūratha iti śrutaḥ / jāto mātus sumitrāyā gauryā guha ivāparaḥ
Sanskrit only: no published translation is held for this verse.
पितास्य दशवर्षस्य दत्त्वा राज्यं वनं गतः । पालयत्य् एष भूपीठं ततःप्रभृति धर्मतः
pitāsya daśavarṣasya dattvā rājyaṃ vanaṃ gataḥ / pālayaty eṣa bhūpīṭhaṃ tataḥprabhṛti dharmataḥ
Sanskrit only: no published translation is held for this verse.
भवन्त्याव् अद्य सम्प्राप्ते फलिते सुकृतद्रुमे । देव्यौ दीर्घतपःक्लेशशतदुष्प्रापदर्शने
bhavantyāv adya samprāpte phalite sukṛtadrume / devyau dīrghatapaḥkleśaśataduṣprāpadarśane
Sanskrit only: no published translation is held for this verse.
इत्य् अयं वसुधाधीशो विदूरथ इति श्रुतः । अद्य युष्मत्प्रसादेन परां पावनतां गतः
ity ayaṃ vasudhādhīśo vidūratha iti śrutaḥ / adya yuṣmatprasādena parāṃ pāvanatāṃ gataḥ
Sanskrit only: no published translation is held for this verse.
इत्य् उक्त्वा संस्थिते तूष्णीं मन्त्रिण्य् अवनिपे तथा । कृताञ्जलौ नतमुखे बद्धपद्मासने ऽवनौ
ity uktvā saṃsthite tūṣṇīṃ mantriṇy avanipe tathā / kṛtāñjalau natamukhe baddhapadmāsane 'vanau
Sanskrit only: no published translation is held for this verse.
राजन् स्मर विवेकेन पूर्वजातिम् इमां स्वयम् । वदन्ती मूर्ध्नि पस्पर्श तं करेण सरस्वती
rājan smara vivekena pūrvajātim imāṃ svayam / vadantī mūrdhni pasparśa taṃ kareṇa sarasvatī
Sanskrit only: no published translation is held for this verse.
अथ हार्दतमोमाया पद्मस्य क्षयम् आययौ । सविकासं च हृदयं ज्ञप्तिस्पर्शाद् अथाभवत्
atha hārdatamomāyā padmasya kṣayam āyayau / savikāsaṃ ca hṛdayaṃ jñaptisparśād athābhavat
Sanskrit only: no published translation is held for this verse.
सस्मार पूर्ववृत्तान्तम् अन्तस्स्फुरद् इव स्थितम् । अन्यदेहैकराजत्वं लीलाविलसितान्वितम्
sasmāra pūrvavṛttāntam antassphurad iva sthitam / anyadehaikarājatvaṃ līlāvilasitānvitam
Sanskrit only: no published translation is held for this verse.
ज्ञात्वा प्रज्ञप्तिवृत्तान्तं लीलायत्नविजृम्भितम् । आत्मोदन्तं बभूवासाव् उह्यमान इवार्णवे
jñātvā prajñaptivṛttāntaṃ līlāyatnavijṛmbhitam / ātmodantaṃ babhūvāsāv uhyamāna ivārṇave
Sanskrit only: no published translation is held for this verse.
उवाचात्मनि संसारे बत मायेयम् आतता । परिज्ञाता प्रसादेन देव्योर् इह मयाधुना
uvācātmani saṃsāre bata māyeyam ātatā / parijñātā prasādena devyor iha mayādhunā
Sanskrit only: no published translation is held for this verse.
हे देव्यौ किम् इदं नाम दिनम् एकं मृतस्य मे । गतम् अद्येह यातानि वयो वर्षाणि सप्ततिः
he devyau kim idaṃ nāma dinam ekaṃ mṛtasya me / gatam adyeha yātāni vayo varṣāṇi saptatiḥ
Sanskrit only: no published translation is held for this verse.
स्मराम्य् अनेककार्याणि स्मरामि प्रपितामहम् । स्मरामि बाल्यं तारुण्यं मित्रबन्धुपरिच्छदम्
smarāmy anekakāryāṇi smarāmi prapitāmaham / smarāmi bālyaṃ tāruṇyaṃ mitrabandhuparicchadam
Sanskrit only: no published translation is held for this verse.
राजन् मृतिमहामोहमूर्छायास् समनन्तरम् । तस्मिंल् लोकान्तरे ऽतीते तस्मिन्न् एव मुहूर्तके
rājan mṛtimahāmohamūrchāyās samanantaram / tasmiṃl lokāntare 'tīte tasminn eva muhūrtake
Sanskrit only: no published translation is held for this verse.
तस्मिन्न् एव गृहे ऽथास्मिन् नैव वेत्स्य् अथ वच्मि ते । अयं तस्य गृहस्यान्तर् व्योमन्य् एव किल स्थितः
tasminn eva gṛhe 'thāsmin naiva vetsy atha vacmi te / ayaṃ tasya gṛhasyāntar vyomany eva kila sthitaḥ
Sanskrit only: no published translation is held for this verse.
गिरिग्रामकविप्रस्य गृहे ऽन्तर् भूपमण्डपः । तस्यान्तर् इदम् आभाति प्रत्येकं च जगद्गृहम्
girigrāmakaviprasya gṛhe 'ntar bhūpamaṇḍapaḥ / tasyāntar idam ābhāti pratyekaṃ ca jagadgṛham
Sanskrit only: no published translation is held for this verse.
किल ब्राह्मणगेहान्तर् जीवस् ते मद्वरात् स्थितः । तत्रैव तस्य भूपीठं तस्मिंश् च निजमण्डपः
kila brāhmaṇagehāntar jīvas te madvarāt sthitaḥ / tatraiva tasya bhūpīṭhaṃ tasmiṃś ca nijamaṇḍapaḥ
Sanskrit only: no published translation is held for this verse.
तस्यैव च गृहस्यान्तर् इदं संसारमण्डलम् । तत्रैवेदं तव गृहं स्थितम् आरम्भमन्थरम्
tasyaiva ca gṛhasyāntar idaṃ saṃsāramaṇḍalam / tatraivedaṃ tava gṛhaṃ sthitam ārambhamantharam
Sanskrit only: no published translation is held for this verse.
तत्रैव चेतसि तव निर्मलाकाशनिर्मले । प्रतिभासागतम् इदं व्यवहारभ्रमं ततम्
tatraiva cetasi tava nirmalākāśanirmale / pratibhāsāgatam idaṃ vyavahārabhramaṃ tatam
Sanskrit only: no published translation is held for this verse.
यथेदं नाम मे जन्म तथेक्ष्वाकुकुलं मम । एतन्नामान एते मे पुराभूवन् पितामहाः
yathedaṃ nāma me janma tathekṣvākukulaṃ mama / etannāmāna ete me purābhūvan pitāmahāḥ
Sanskrit only: no published translation is held for this verse.
जातो ऽहम् अभवं बालो दशवर्शस्य मे पिता । परिव्राड् विपिनं यात इह राज्ये ऽभिषिच्य माम्
jāto 'ham abhavaṃ bālo daśavarśasya me pitā / parivrāḍ vipinaṃ yāta iha rājye 'bhiṣicya mām
Sanskrit only: no published translation is held for this verse.
ततो दिग्विजयं कृत्वा कृत्वा राज्यम् अकण्टकम् । अमीभिर् मन्त्रिभिः पौरैः पालयामि वसुन्धराम्
tato digvijayaṃ kṛtvā kṛtvā rājyam akaṇṭakam / amībhir mantribhiḥ pauraiḥ pālayāmi vasundharām
Sanskrit only: no published translation is held for this verse.
यज्ञक्रियाक्रमवतो धर्मे पालयतः प्रजाः । वयसस् समतीतानि मम वर्षाणि सप्ततिः
yajñakriyākramavato dharme pālayataḥ prajāḥ / vayasas samatītāni mama varṣāṇi saptatiḥ
Sanskrit only: no published translation is held for this verse.
इदं परबलं प्राप्तं मम दारुणविग्रहम् । युद्धं कृत्वेदम् आयातो गृहम् अस्मि यथास्थितम्
idaṃ parabalaṃ prāptaṃ mama dāruṇavigraham / yuddhaṃ kṛtvedam āyāto gṛham asmi yathāsthitam
Sanskrit only: no published translation is held for this verse.
इमे देव्यौ गृहं प्राप्ते ममैते पूजयाम्य् अहम् । पूजिता हि प्रयच्छन्ति देवतास् स्वं समीहितम्
ime devyau gṛhaṃ prāpte mamaite pūjayāmy aham / pūjitā hi prayacchanti devatās svaṃ samīhitam
Sanskrit only: no published translation is held for this verse.
ममेयम् एतयोर् एका ज्ञानं जातिस्मृतिप्रदम् । इह दत्तवती देवी भाब्जस्येव विकासनम्
mameyam etayor ekā jñānaṃ jātismṛtipradam / iha dattavatī devī bhābjasyeva vikāsanam
Sanskrit only: no published translation is held for this verse.
इदानीं कृतकृत्यो ऽस्मि जातो ऽस्मि गतसंशयः । शाम्यामि परिनिर्वामि सुखम् आसे च केवलम्
idānīṃ kṛtakṛtyo 'smi jāto 'smi gatasaṃśayaḥ / śāmyāmi parinirvāmi sukham āse ca kevalam
Sanskrit only: no published translation is held for this verse.
इतीयम् आतता भ्रान्तिर् भवतो भूरिसम्भ्रमा । नानाहारविहाराढ्या सलोकान्तरसञ्चरा
itīyam ātatā bhrāntir bhavato bhūrisambhramā / nānāhāravihārāḍhyā salokāntarasañcarā
Sanskrit only: no published translation is held for this verse.
यस्मिन्न् एव मुहूर्ते त्वं मृतिम् अभ्यागतः पुरा । तदैव प्रतिभैषा ते स्वयम् अभ्युदिता हृदि
yasminn eva muhūrte tvaṃ mṛtim abhyāgataḥ purā / tadaiva pratibhaiṣā te svayam abhyuditā hṛdi
Sanskrit only: no published translation is held for this verse.
एकाम् आवर्तवलनां त्यक्त्वाधत्ते यथापराम् । क्षिप्रम् एव नदीवाहश् चित्प्रवाहस् तथैव वः
ekām āvartavalanāṃ tyaktvādhatte yathāparām / kṣipram eva nadīvāhaś citpravāhas tathaiva vaḥ
Sanskrit only: no published translation is held for this verse.
आवर्तान्तरसंमिश्रो यथावर्तः प्रवर्तते । कदाचिद् एवं सर्गश्रीर् मिश्रामिश्रा च वर्धते
āvartāntarasaṃmiśro yathāvartaḥ pravartate / kadācid evaṃ sargaśrīr miśrāmiśrā ca vardhate
Sanskrit only: no published translation is held for this verse.
तस्मिन् मृतिमुहूर्ते ते प्रतिभानम् उपागतम् । एतज् जालम् असद्रूपं चिद्भागे सद् इव स्थितम्
tasmin mṛtimuhūrte te pratibhānam upāgatam / etaj jālam asadrūpaṃ cidbhāge sad iva sthitam
Sanskrit only: no published translation is held for this verse.
यथा स्वप्नमुहूर्ते ऽन्तस् संवत्सरशतक्रमः । यथा सङ्कल्पनिर्माणे जीवितान् मरणं पुनः
yathā svapnamuhūrte 'ntas saṃvatsaraśatakramaḥ / yathā saṅkalpanirmāṇe jīvitān maraṇaṃ punaḥ
Sanskrit only: no published translation is held for this verse.
यथा गन्धर्वनगरे कुड्यमण्डपकुट्टनम् । यथा नौयानसंरम्भे वृक्षपर्वतचोपनम्
yathā gandharvanagare kuḍyamaṇḍapakuṭṭanam / yathā nauyānasaṃrambhe vṛkṣaparvatacopanam
Sanskrit only: no published translation is held for this verse.
यथा स्वधातुसङ्क्षोभे पुरपर्वतनर्तनम् । यथा समञ्जसं स्वप्ने स्वशिरःपरिकर्तनम्
yathā svadhātusaṅkṣobhe puraparvatanartanam / yathā samañjasaṃ svapne svaśiraḥparikartanam
Sanskrit only: no published translation is held for this verse.
मिथ्यैवेयम् इह प्रौढा भ्रान्तिर् आततरूपिणी । वस्तुतस् तु न जातो ऽसि न मृतो ऽसि कदाचन
mithyaiveyam iha prauḍhā bhrāntir ātatarūpiṇī / vastutas tu na jāto 'si na mṛto 'si kadācana
Sanskrit only: no published translation is held for this verse.
शुद्धविज्ञानरूपस् त्वं शान्तम् आत्मनि तिष्ठसि । पश्यसीवैतद् अखिलं न च पश्यसि किञ्चन
śuddhavijñānarūpas tvaṃ śāntam ātmani tiṣṭhasi / paśyasīvaitad akhilaṃ na ca paśyasi kiñcana
Sanskrit only: no published translation is held for this verse.
सर्वात्मकतया नित्यं प्रकचस्य् आत्मनात्मनि । महामणिर् इवोदार आलोक इव भासुरः
sarvātmakatayā nityaṃ prakacasy ātmanātmani / mahāmaṇir ivodāra āloka iva bhāsuraḥ
Sanskrit only: no published translation is held for this verse.
वस्तुतस् तु न भूपीठम् इदम् न च भवान् अयम् । न चेमे गिरयो ग्रामा न चेह न च वै वयम्
vastutas tu na bhūpīṭham idam na ca bhavān ayam / na ceme girayo grāmā na ceha na ca vai vayam
Sanskrit only: no published translation is held for this verse.
गिरिग्रामकविप्रस्य मण्डपाकाशके किल । तल् लीलापतिराज्याढ्यं जगद् आभाति भासुरम्
girigrāmakaviprasya maṇḍapākāśake kila / tal līlāpatirājyāḍhyaṃ jagad ābhāti bhāsuram
Sanskrit only: no published translation is held for this verse.
तत्र लीलाराजधानीमण्डपो मण्डिताकृतिः । भाति तस्योदरे व्योम्नि तवेदं विततं जगत्
tatra līlārājadhānīmaṇḍapo maṇḍitākṛtiḥ / bhāti tasyodare vyomni tavedaṃ vitataṃ jagat
Sanskrit only: no published translation is held for this verse.
यस्मिञ् जगति गेहे ऽन्तर् यस्मिन् वयम् इह स्थिताः । एवं तेषां मण्डपानां व्योम व्योमैव निर्मलम्
yasmiñ jagati gehe 'ntar yasmin vayam iha sthitāḥ / evaṃ teṣāṃ maṇḍapānāṃ vyoma vyomaiva nirmalam
Sanskrit only: no published translation is held for this verse.
तेषु मण्डपखेष्व् अस्ति न मही न च पत्तनम् । न वनानि व शैलौघा न मेघसरिदर्णवाः
teṣu maṇḍapakheṣv asti na mahī na ca pattanam / na vanāni va śailaughā na meghasaridarṇavāḥ
Sanskrit only: no published translation is held for this verse.
केवलं तत्र निश्शून्ये विहरन्ति गृहे जनाः । न पश्यन्ति जगन् नापि पार्थिवान् न च भूधरान्
kevalaṃ tatra niśśūnye viharanti gṛhe janāḥ / na paśyanti jagan nāpi pārthivān na ca bhūdharān
Sanskrit only: no published translation is held for this verse.
एवं चेत् तत् कथं देवि ममेहानुचरा इमे । सम्पन्ना आत्मना सन्ति ते किम् आत्मनि नाथवा
evaṃ cet tat kathaṃ devi mamehānucarā ime / sampannā ātmanā santi te kim ātmani nāthavā
Sanskrit only: no published translation is held for this verse.
जगत् स्वप्नार्थवद् भाति तत्र स्वप्ने नवाद्रयः । कथम् आत्मनि सत्यास् स्युर् नासत्या वेति मे वद
jagat svapnārthavad bhāti tatra svapne navādrayaḥ / katham ātmani satyās syur nāsatyā veti me vada
Sanskrit only: no published translation is held for this verse.
राजन् विदितवेद्येषु शुद्धबोधैकरूपिषु । न किञ्चिद् एतत् सद्रूपं चिद्व्योमात्मसु जागतम्
rājan viditavedyeṣu śuddhabodhaikarūpiṣu / na kiñcid etat sadrūpaṃ cidvyomātmasu jāgatam
Sanskrit only: no published translation is held for this verse.
शुद्धबोधात्मनो भाति कुतो नाम जगद्भ्रमः । रज्ज्वां सर्पभ्रमे शान्ते पुनस् सर्पभ्रमः कुतः
śuddhabodhātmano bhāti kuto nāma jagadbhramaḥ / rajjvāṃ sarpabhrame śānte punas sarpabhramaḥ kutaḥ
Sanskrit only: no published translation is held for this verse.
असद्भाते परिज्ञाते कुतस् सत्ता जगद्भ्रमे । परिज्ञाते मरुजले पुनर् जलमतिः कुतः
asadbhāte parijñāte kutas sattā jagadbhrame / parijñāte marujale punar jalamatiḥ kutaḥ
Sanskrit only: no published translation is held for this verse.
स्वप्नकाले परिज्ञाते स्वे स्वप्नमरणे कुतः । स्वस्वप्ने स्वप्नमृतिभीर् अमृतस्यैव जायते
svapnakāle parijñāte sve svapnamaraṇe kutaḥ / svasvapne svapnamṛtibhīr amṛtasyaiva jāyate
Sanskrit only: no published translation is held for this verse.
बुद्धस्य शुद्धस्य शरन्नभश्श्रीस्वच्छावदातस्य घनाशयस्य । अहं जगच् चेति कुशब्दकार्थवर्जं यद् अस्त्य् अङ्गनवाचिकं तत्
buddhasya śuddhasya śarannabhaśśrīsvacchāvadātasya ghanāśayasya / ahaṃ jagac ceti kuśabdakārthavarjaṃ yad asty aṅganavācikaṃ tat
Sanskrit only: no published translation is held for this verse.
इत्य् उक्तवत्य् अथ मुनौ दिवसो जगाम सायन्तनाय विधये ऽस्तम् इनो जगाम । स्नातुं सभा कृतनमस्करणा जगाम श्यामाक्षये रविकरैश् च सहाजगाम
ity uktavaty atha munau divaso jagāma sāyantanāya vidhaye 'stam ino jagāma / snātuṃ sabhā kṛtanamaskaraṇā jagāma śyāmākṣaye ravikaraiś ca sahājagāma
Sanskrit only: no published translation is held for this verse.