Moksopaya with Bhaskarakantha's Tika 3.45

विदूरथस् ते भर्तैष तनुं त्यक्त्वा रणाङ्गने । तद् एवान्तःपुरं प्राप्य तादृगात्मा भविष्यति

vidūrathas te bhartaiṣa tanuṃ tyaktvā raṇāṅgane / tad evāntaḥpuraṃ prāpya tādṛgātmā bhaviṣyati

Sanskrit only: no published translation is held for this verse.

इत्य् आकर्ण्य वचो देव्या लीला सा तत्पुरास्पदा । पुनः प्रह्वा स्थितोवाच वचनं विहिताञ्जलिः

ity ākarṇya vaco devyā līlā sā tatpurāspadā / punaḥ prahvā sthitovāca vacanaṃ vihitāñjaliḥ

Sanskrit only: no published translation is held for this verse.

देवी भगवती ज्ञप्तिर् नित्यम् एव मयार्चिता । स्वप्नेषु दर्शनं देवि सा ददाति निशासु मे

devī bhagavatī jñaptir nityam eva mayārcitā / svapneṣu darśanaṃ devi sā dadāti niśāsu me

Sanskrit only: no published translation is held for this verse.

सा यादृग् एव देवेशि तादृग् एव त्वम् अम्बिके । त्वं मे कृपणकारुण्याद् वरं देहि वरानने

sā yādṛg eva deveśi tādṛg eva tvam ambike / tvaṃ me kṛpaṇakāruṇyād varaṃ dehi varānane

Sanskrit only: no published translation is held for this verse.

इत्य् उक्ता सा तदा ज्ञप्तिस् स्मृत्वा तद् भक्तिभावनाम् । इदं प्रसन्ना प्रोवाच तां लीलां तत्पुरास्पदाम्

ity uktā sā tadā jñaptis smṛtvā tad bhaktibhāvanām / idaṃ prasannā provāca tāṃ līlāṃ tatpurāspadām

Sanskrit only: no published translation is held for this verse.

अनन्यया भावनया यावज्जीवम् अजीर्णया । परितुष्टास्मि ते वत्से गृहाणाभीप्सितं वरम्

ananyayā bhāvanayā yāvajjīvam ajīrṇayā / parituṣṭāsmi te vatse gṛhāṇābhīpsitaṃ varam

Sanskrit only: no published translation is held for this verse.

रणे देहं परित्यज्य यत्र तिष्ठति मे पतिः । अनेनैव शरीरेण तत्र स्याम् एतदङ्गना

raṇe dehaṃ parityajya yatra tiṣṭhati me patiḥ / anenaiva śarīreṇa tatra syām etadaṅganā

Sanskrit only: no published translation is held for this verse.

एवम् अस्तु त्वयाविघ्नं पूजितास्मि सुते चिरम् । अनन्यभावया देवि पुष्पधूपसपर्यया

evam astu tvayāvighnaṃ pūjitāsmi sute ciram / ananyabhāvayā devi puṣpadhūpasaparyayā

Sanskrit only: no published translation is held for this verse.

अथ तद्देशलीलायां फुल्लायां तद्वरोदयात् । पूर्वलीलाब्रवीद् देवीं सन्देहलुलिताशया

atha taddeśalīlāyāṃ phullāyāṃ tadvarodayāt / pūrvalīlābravīd devīṃ sandehalulitāśayā

Sanskrit only: no published translation is held for this verse.

ये सत्यकामास् सत्यैकसङ्कल्पा ब्रह्मरूपिणः । त्वादृशास् सर्वम् एवाशु तेषां सिद्ध्यत्य् अभीप्सितम्

ye satyakāmās satyaikasaṅkalpā brahmarūpiṇaḥ / tvādṛśās sarvam evāśu teṣāṃ siddhyaty abhīpsitam

Sanskrit only: no published translation is held for this verse.

तत् तेनैव शरीरेण किम् अर्थं नाहम् ईश्वरि । लोकान्तरम् इमं नीता तं गिरिग्रामकं च वा

tat tenaiva śarīreṇa kim arthaṃ nāham īśvari / lokāntaram imaṃ nītā taṃ girigrāmakaṃ ca vā

Sanskrit only: no published translation is held for this verse.

न किञ्चित् कस्यचिद् अहं करोमि वरवर्णिनि । सर्वं सम्पादयत्य् आशु स्वयं जीवस् समीहितम्

na kiñcit kasyacid ahaṃ karomi varavarṇini / sarvaṃ sampādayaty āśu svayaṃ jīvas samīhitam

Sanskrit only: no published translation is held for this verse.

अहं हि सरले ज्ञप्तिस् संविन्मात्राधिदेवता । प्रत्येकम् अस्मि चिच्छक्तिर् जीवशक्तिस्वरूपिणी

ahaṃ hi sarale jñaptis saṃvinmātrādhidevatā / pratyekam asmi cicchaktir jīvaśaktisvarūpiṇī

Sanskrit only: no published translation is held for this verse.

जीवस्योदेत्य् अहंशक्तिर् यस्य यस्य यथा यथा । भाति तत्फलदा नित्यं तस्य तस्य तथा तथा

jīvasyodety ahaṃśaktir yasya yasya yathā yathā / bhāti tatphaladā nityaṃ tasya tasya tathā tathā

Sanskrit only: no published translation is held for this verse.

मां समाराधयन्त्य् आशु जीवशक्तिस् तथोदिता । यथा भवत्य् अदेहास्यां मुक्तास्मीति चिरं तदा

māṃ samārādhayanty āśu jīvaśaktis tathoditā / yathā bhavaty adehāsyāṃ muktāsmīti ciraṃ tadā

Sanskrit only: no published translation is held for this verse.

तेन तेन प्रकारेण त्वं मया सम्प्रबोधिता । तया युक्त्यामलं भावं नीतासि वरवर्णिनि

tena tena prakāreṇa tvaṃ mayā samprabodhitā / tayā yuktyāmalaṃ bhāvaṃ nītāsi varavarṇini

Sanskrit only: no published translation is held for this verse.

अनयैवं भावनया बोधितास्मि चिरं यदा । तम् एवार्थं प्राप्नुवती तदा स्वचितिशक्तितः

anayaivaṃ bhāvanayā bodhitāsmi ciraṃ yadā / tam evārthaṃ prāpnuvatī tadā svacitiśaktitaḥ

Sanskrit only: no published translation is held for this verse.

यस्य यस्य यथोदेति स्वचित्प्रयतनं चिरम् । फलं ददाति कालेन तस्य तस्य तथा तथा

yasya yasya yathodeti svacitprayatanaṃ ciram / phalaṃ dadāti kālena tasya tasya tathā tathā

Sanskrit only: no published translation is held for this verse.

तपो वा देवता वापि भूत्वा सैव चिद् अव्यया । फलं ददात्य् अथ स्वैरं नभःफलनिपातवत्

tapo vā devatā vāpi bhūtvā saiva cid avyayā / phalaṃ dadāty atha svairaṃ nabhaḥphalanipātavat

Sanskrit only: no published translation is held for this verse.

स्वसंविद्द्योतनाद् अन्यन् न किञ्चन कदाचन । फलं भवति तेनाशु यथेच्छसि तथा कुरु

svasaṃviddyotanād anyan na kiñcana kadācana / phalaṃ bhavati tenāśu yathecchasi tathā kuru

Sanskrit only: no published translation is held for this verse.

चिद्भाव एव ननु सर्वगतो ऽन्तरात्मा यश् चेतति प्रयतते च तद् एति तच्छ्रीः । रम्यं न रम्यम् अथवेति विचार्य तस्माद् यत् पावनं तद् अवबुध्य तद् अन्तर् आस्स्व

cidbhāva eva nanu sarvagato 'ntarātmā yaś cetati prayatate ca tad eti tacchrīḥ / ramyaṃ na ramyam athaveti vicārya tasmād yat pāvanaṃ tad avabudhya tad antar āssva

Sanskrit only: no published translation is held for this verse.