Moksopaya with Bhaskarakantha's Tika 3.47

एतस्मिन् वर्तमाने तु घोरे समरसम्भ्रमे । लीलाद्वयम् उवाचेदं ज्ञप्तिं भगवतीं पुरः

etasmin vartamāne tu ghore samarasambhrame / līlādvayam uvācedaṃ jñaptiṃ bhagavatīṃ puraḥ

Sanskrit only: no published translation is held for this verse.

देवि कस्माद् अकस्मान् नो भर्ता जयति नो रणे । वद त्वय्य् अपि तुष्टायाम् अस्मिन् विद्रुतवारणे

devi kasmād akasmān no bhartā jayati no raṇe / vada tvayy api tuṣṭāyām asmin vidrutavāraṇe

Sanskrit only: no published translation is held for this verse.

चिरम् आराधितानेन विदूरथनृपारिणा । अहं प्रतिजयार्थेन न विदूरथभूभुजा

ciram ārādhitānena vidūrathanṛpāriṇā / ahaṃ pratijayārthena na vidūrathabhūbhujā

Sanskrit only: no published translation is held for this verse.

तेनासाव् एव जयति जीयते न विदूरथः । ज्ञप्तिर् अन्तर्गता संविद् एषासौ यद् यथा यदा

tenāsāv eva jayati jīyate na vidūrathaḥ / jñaptir antargatā saṃvid eṣāsau yad yathā yadā

Sanskrit only: no published translation is held for this verse.

चोदयत्य् आशु तत् तस्य तदा सम्पादयाम्य् अहम् । यो यथा चोदयति मां तस्य तिष्ठामि तत्फला

codayaty āśu tat tasya tadā sampādayāmy aham / yo yathā codayati māṃ tasya tiṣṭhāmi tatphalā

Sanskrit only: no published translation is held for this verse.

न स्वभावोद्यतं धत्ते वह्नेर् औष्ण्यम् इवैष मे । जयस् स्यान् मम संग्राम इत्य् अनेनास्मि पूजिता

na svabhāvodyataṃ dhatte vahner auṣṇyam ivaiṣa me / jayas syān mama saṃgrāma ity anenāsmi pūjitā

Sanskrit only: no published translation is held for this verse.

प्रतिमारूपिणी तेन फलम् आप्नोत्य् असौ तथा । विदूरथेनैतम् अर्थं असञ्चिन्त्यास्मि बोधिता

pratimārūpiṇī tena phalam āpnoty asau tathā / vidūrathenaitam arthaṃ asañcintyāsmi bodhitā

Sanskrit only: no published translation is held for this verse.

अनेन चैव मुक्तस् स्याम् अहम् इत्य् अस्मि भाविता । तस्माद् विदूरथो देहं तं प्राप्य सह भार्यया

anena caiva muktas syām aham ity asmi bhāvitā / tasmād vidūratho dehaṃ taṃ prāpya saha bhāryayā

Sanskrit only: no published translation is held for this verse.

त्वयानया च कालेन बाले मुक्तो भविष्यति । एतदीयस् त्व् अयं शत्रुस् सिन्धुनाम महीपतिः । हत्वैनं वसुधापीठे जयी राज्यं करिष्यति

tvayānayā ca kālena bāle mukto bhaviṣyati / etadīyas tv ayaṃ śatrus sindhunāma mahīpatiḥ / hatvainaṃ vasudhāpīṭhe jayī rājyaṃ kariṣyati

Sanskrit only: no published translation is held for this verse.

एवं देव्यां वदन्त्यां तु बलयोर् युध्यमानयोः । रविर् द्रष्टुम् इवाश्चर्यम् आजगामोदयाचलम् ॥मु ३,४७।११ [सिच्!]॥ चेलुस् तिमिरसंघाता बलानीवालिरूपिणः । असृजीव शवान्य् आसन् सन्ध्यायां तारका दिवि

evaṃ devyāṃ vadantyāṃ tu balayor yudhyamānayoḥ / ravir draṣṭum ivāścaryam ājagāmodayācalam //MU 3,47.11 [sic!]// celus timirasaṃghātā balānīvālirūpiṇaḥ / asṛjīva śavāny āsan sandhyāyāṃ tārakā divi

Sanskrit only: no published translation is held for this verse.

शनैर् विकटतां जग्मू रणाकाशाद्रिभूमयः । भुवनं कज्जलाम्भोधेर् इवोत्क्षिप्तम् अराजत

śanair vikaṭatāṃ jagmū raṇākāśādribhūmayaḥ / bhuvanaṃ kajjalāmbhodher ivotkṣiptam arājata

Sanskrit only: no published translation is held for this verse.

पेतुः कनकनिष्ष्यन्दसुन्दरा रविरश्मयः । शैलेषु वरवीरेषु रणरक्तच्छटा इव

petuḥ kanakaniṣṣyandasundarā raviraśmayaḥ / śaileṣu varavīreṣu raṇaraktacchaṭā iva

Sanskrit only: no published translation is held for this verse.

अदृश्यत ततो व्योम तथा रणमहीतलम् । बाहुभिर् भ्रान्तभुजगं प्रभाभिः कीर्णकाञ्चनम्

adṛśyata tato vyoma tathā raṇamahītalam / bāhubhir bhrāntabhujagaṃ prabhābhiḥ kīrṇakāñcanam

Sanskrit only: no published translation is held for this verse.

कुण्डलैः कीर्णरत्नौघं शिरोभिर् वृद्धपङ्कजम् । आयुधैः खगनीरन्ध्रं शरैश् शरभनिर्भरम्

kuṇḍalaiḥ kīrṇaratnaughaṃ śirobhir vṛddhapaṅkajam / āyudhaiḥ khaganīrandhraṃ śaraiś śarabhanirbharam

Sanskrit only: no published translation is held for this verse.

रक्ताभास्थिरसन्ध्याढ्यं ससिद्धपुरुषं शवैः । हारैस् ससर्पनिर्मोकं पटैर् एवांशुसङ्कुलम्

raktābhāsthirasandhyāḍhyaṃ sasiddhapuruṣaṃ śavaiḥ / hārais sasarpanirmokaṃ paṭair evāṃśusaṅkulam

Sanskrit only: no published translation is held for this verse.

लसल्लतापताकाभिर् ऊरुभिः कृततोरणम् । हस्तपादैः पल्लवितं शरैश् शरवनोपमम्

lasallatāpatākābhir ūrubhiḥ kṛtatoraṇam / hastapādaiḥ pallavitaṃ śaraiś śaravanopamam

Sanskrit only: no published translation is held for this verse.

शस्त्रांशुशाद्वलश्यामं शस्त्रतार्णैस् ससैकतम् । कीर्णम् आयुधमालाभिर् उन्मत्तम् इव भैरवम्

śastrāṃśuśādvalaśyāmaṃ śastratārṇais sasaikatam / kīrṇam āyudhamālābhir unmattam iva bhairavam

Sanskrit only: no published translation is held for this verse.

फुल्लाशोकवनाकारं शस्त्रसंघट्टवह्निभिः । उद्घुङ्घुमं महाशब्दैर् विद्रवत्सिद्धनायकम्

phullāśokavanākāraṃ śastrasaṃghaṭṭavahnibhiḥ / udghuṅghumaṃ mahāśabdair vidravatsiddhanāyakam

Sanskrit only: no published translation is held for this verse.

सौवर्णरचिताकारं बालार्ककचितायुधैः । प्रासासिचक्रशक्त्यृष्टिमुद्गरारणितान्तरम्

sauvarṇaracitākāraṃ bālārkakacitāyudhaiḥ / prāsāsicakraśaktyṛṣṭimudgarāraṇitāntaram

Sanskrit only: no published translation is held for this verse.

एतस्मिन्न् अन्तरे सेनास् सर्वास् सङ्क्षयम् आययुः । आसीद् रणाङ्गनं शून्यम् इवाल्पोभयसैनिकम्

etasminn antare senās sarvās saṅkṣayam āyayuḥ / āsīd raṇāṅganaṃ śūnyam ivālpobhayasainikam

Sanskrit only: no published translation is held for this verse.

छिन्नभिन्नमृतध्वस्तयातविद्रुतमानवम् । पतच्छवमहाराशिपङ्कस्रवदसृक्सरित्

chinnabhinnamṛtadhvastayātavidrutamānavam / patacchavamahārāśipaṅkasravadasṛksarit

Sanskrit only: no published translation is held for this verse.

वहद्रक्तनदीरंहःप्रोह्यमानशवोत्करम् । भुसुण्डीशक्तिकुन्तासिस्थूलपाषाणसङ्कुलम्

vahadraktanadīraṃhaḥprohyamānaśavotkaram / bhusuṇḍīśaktikuntāsisthūlapāṣāṇasaṅkulam

Sanskrit only: no published translation is held for this verse.

शूरशस्त्राहतिच्छिन्नकबन्धपतनान्वितम् । तालताण्डविवेतालकुलारब्धकलारवम्

śūraśastrāhaticchinnakabandhapatanānvitam / tālatāṇḍavivetālakulārabdhakalāravam

Sanskrit only: no published translation is held for this verse.

शून्ये रणाङ्गने दीप्तौ पद्मसिन्धुरथौ चलौ । अदृश्येतां नभश्चिह्नौ चन्द्रसूर्यौ दिवीव तौ

śūnye raṇāṅgane dīptau padmasindhurathau calau / adṛśyetāṃ nabhaścihnau candrasūryau divīva tau

Sanskrit only: no published translation is held for this verse.

चक्रशूलभुसुण्डर्ष्टिप्रासायुधसमाकुलौ । सहस्रेण सहस्रेण वीराणां परिवारितौ

cakraśūlabhusuṇḍarṣṭiprāsāyudhasamākulau / sahasreṇa sahasreṇa vīrāṇāṃ parivāritau

Sanskrit only: no published translation is held for this verse.

विचरन्तौ यथाकामं मण्डले विततावनौ । सचीत्कारमहाचक्रपिष्टानेकमृतामृतौ

vicarantau yathākāmaṃ maṇḍale vitatāvanau / sacītkāramahācakrapiṣṭānekamṛtāmṛtau

Sanskrit only: no published translation is held for this verse.

तरन्तौ रक्तसरितो मत्तवारणलीलया । केशशेवलसञ्छन्नचक्ररक्तजलार्द्रकौ

tarantau raktasarito mattavāraṇalīlayā / keśaśevalasañchannacakraraktajalārdrakau

Sanskrit only: no published translation is held for this verse.

वहच्चक्राहतिक्षोभपातिताकुलवारणौ । मणिमुक्ताझणत्काररणत्कूवरकोटरौ

vahaccakrāhatikṣobhapātitākulavāraṇau / maṇimuktājhaṇatkāraraṇatkūvarakoṭarau

Sanskrit only: no published translation is held for this verse.

वाताहतपताकाग्रपटत्पटपटारवौ । अनुयातौ महावीरैर् भूरिभिर् भीतसैनिकैः

vātāhatapatākāgrapaṭatpaṭapaṭāravau / anuyātau mahāvīrair bhūribhir bhītasainikaiḥ

Sanskrit only: no published translation is held for this verse.

भारान् दधद्भिः कुन्तानां शराणां धनुषाम् अपि । शक्तीनां प्रासशङ्कूनां चक्राणां कचतां रुचा

bhārān dadhadbhiḥ kuntānāṃ śarāṇāṃ dhanuṣām api / śaktīnāṃ prāsaśaṅkūnāṃ cakrāṇāṃ kacatāṃ rucā

Sanskrit only: no published translation is held for this verse.

तत्र तौ क्षणम् आवृत्य मण्डलैर् भूरिमण्डलैः । उभौ व्यतिबभूवाते संमुखाव् आयुधाम्बुदौ

tatra tau kṣaṇam āvṛtya maṇḍalair bhūrimaṇḍalaiḥ / ubhau vyatibabhūvāte saṃmukhāv āyudhāmbudau

Sanskrit only: no published translation is held for this verse.

नाराचधारानिकरविक्षेपकरकाघनौ । अन्योऽन्यम् अभिगर्जन्तौ मत्ताब्धिजलदाव् इव

nārācadhārānikaravikṣepakarakāghanau / anyo'nyam abhigarjantau mattābdhijaladāv iva

Sanskrit only: no published translation is held for this verse.

तयोः प्रहरतोर् बाणान् वसुधा नरसिंहयोः । पाषाणमुसुलाकारा व्योमविस्तारिणो ऽभवन्

tayoḥ praharator bāṇān vasudhā narasiṃhayoḥ / pāṣāṇamusulākārā vyomavistāriṇo 'bhavan

Sanskrit only: no published translation is held for this verse.

करवालफलाः केचिन् मुद्गराननकाः परे । शितचक्रमुखाः केचित् केचित् परशुवक्त्रकाः

karavālaphalāḥ kecin mudgarānanakāḥ pare / śitacakramukhāḥ kecit kecit paraśuvaktrakāḥ

Sanskrit only: no published translation is held for this verse.

केचिच् छक्तिमुखा बाणाः केचित् क्षुरमुखा अपि । केचित् कुन्तोग्रफलका अर्धचन्द्रमुखास् तथा

kecic chaktimukhā bāṇāḥ kecit kṣuramukhā api / kecit kuntographalakā ardhacandramukhās tathā

Sanskrit only: no published translation is held for this verse.

सिंहोपलमुखाः केचित् केचिच् छूलशिखामुखाः । त्रिशूलवदनाः केचित् स्थूला इव महाशिलाः

siṃhopalamukhāḥ kecit kecic chūlaśikhāmukhāḥ / triśūlavadanāḥ kecit sthūlā iva mahāśilāḥ

Sanskrit only: no published translation is held for this verse.

प्रलयपवनपातिताः शिलौघा इव विचरन्ति शिलीमुखास् तदा स्म । प्रमिलितम् अभवत् तयोस् तदानीं प्रलयविजृम्भितसिन्धुसंभ्रमेण

pralayapavanapātitāḥ śilaughā iva vicaranti śilīmukhās tadā sma / pramilitam abhavat tayos tadānīṃ pralayavijṛmbhitasindhusaṃbhrameṇa

Sanskrit only: no published translation is held for this verse.