Moksopaya with Bhaskarakantha's Tika 3.48

प्राप्य राजा पुरः प्राप्तं सिन्धुम् उद्धुरकन्धरम् । मध्याह्नतपनाभेन कोपेन विततो ऽभवत्

prāpya rājā puraḥ prāptaṃ sindhum uddhurakandharam / madhyāhnatapanābhena kopena vitato 'bhavat

Sanskrit only: no published translation is held for this verse.

धनुर् आस्फालयाम् आस परिरावितदिङ्मुखम् । कल्पान्तपवनास्फोट इवामरगिरेस् तटम्

dhanur āsphālayām āsa parirāvitadiṅmukham / kalpāntapavanāsphoṭa ivāmaragires taṭam

Sanskrit only: no published translation is held for this verse.

विससर्जोर्जितो राजा प्रातर् अर्कः करान् इव । तूणीररजनीबद्धाश् शिलीमुखपरम्पराः

visasarjorjito rājā prātar arkaḥ karān iva / tūṇīrarajanībaddhāś śilīmukhaparamparāḥ

Sanskrit only: no published translation is held for this verse.

एक एव विनिर्याति गुणात् तस्य शरो महान् । सहस्रं पतति व्योम्नि गच्छन् पतति लक्षशः

eka eva viniryāti guṇāt tasya śaro mahān / sahasraṃ patati vyomni gacchan patati lakṣaśaḥ

Sanskrit only: no published translation is held for this verse.

सिन्धोर् अपि तथैवासीच् छक्तिर् लाघवम् एव च । रवेर् आननसाम्यं वै विष्णोर् धानुष्कता तयोः

sindhor api tathaivāsīc chaktir lāghavam eva ca / raver ānanasāmyaṃ vai viṣṇor dhānuṣkatā tayoḥ

Sanskrit only: no published translation is held for this verse.

मुसुला नाम ते बाणा मुसुलाकृतयो ऽम्बरम् । छादयाम् आसुर् उन्नादाः कल्पान्तगिरयो यथा

musulā nāma te bāṇā musulākṛtayo 'mbaram / chādayām āsur unnādāḥ kalpāntagirayo yathā

Sanskrit only: no published translation is held for this verse.

रेजुः कनकनाराचराजयो व्योम्नि तस्य ताः । शरव्याः कल्पवातार्ताः पतन्त्य इव तारकाः

rejuḥ kanakanārācarājayo vyomni tasya tāḥ / śaravyāḥ kalpavātārtāḥ patantya iva tārakāḥ

Sanskrit only: no published translation is held for this verse.

विदूरथाच् छरासारा अजस्रम् अभिनिर्ययुः । अब्धेर् इव पयःपूरास् सूर्याद् इव मरीचयः

vidūrathāc charāsārā ajasram abhiniryayuḥ / abdher iva payaḥpūrās sūryād iva marīcayaḥ

Sanskrit only: no published translation is held for this verse.

प्रचण्डपवनोद्धूतपुष्पाणीव महातरोः । अयःपिण्डाद् इवोत्तप्तताडिताः कणपङ्क्तयः

pracaṇḍapavanoddhūtapuṣpāṇīva mahātaroḥ / ayaḥpiṇḍād ivottaptatāḍitāḥ kaṇapaṅktayaḥ

Sanskrit only: no published translation is held for this verse.

धाराः पयोमुच इव शीकरा इव निर्झरात् । तत्पुराग्निमहादाहात् स्फुलिङ्गा इव भास्वराः

dhārāḥ payomuca iva śīkarā iva nirjharāt / tatpurāgnimahādāhāt sphuliṅgā iva bhāsvarāḥ

Sanskrit only: no published translation is held for this verse.

तयोश् चटचटास्फोटं शृण्वन् कोदण्डयोर् द्वयोः । बलद्वयम् अभूत् प्रेक्षामूकं शान्त इवाम्बुधिः

tayoś caṭacaṭāsphoṭaṃ śṛṇvan kodaṇḍayor dvayoḥ / baladvayam abhūt prekṣāmūkaṃ śānta ivāmbudhiḥ

Sanskrit only: no published translation is held for this verse.

वहन्ति स्म शरापूरा गङ्गापूर इवाम्बरे । सिन्धोर् अभिमुखं यक्षघर्घरारवरंहसः

vahanti sma śarāpūrā gaṅgāpūra ivāmbare / sindhor abhimukhaṃ yakṣaghargharāravaraṃhasaḥ

Sanskrit only: no published translation is held for this verse.

कचत्कनकनाराचशरवर्षाण्य् अनारतम् । वहच्छवशवाशब्दं निर्ययुर् धनुर् अम्बुदात्

kacatkanakanārācaśaravarṣāṇy anāratam / vahacchavaśavāśabdaṃ niryayur dhanur ambudāt

Sanskrit only: no published translation is held for this verse.

बाणमन्दाकिनीपूरं व्रजन्तं सिन्धुपूरणे । वातायनात् तम् आलोक्य लीला तत्पुरवासिनी

bāṇamandākinīpūraṃ vrajantaṃ sindhupūraṇe / vātāyanāt tam ālokya līlā tatpuravāsinī

Sanskrit only: no published translation is held for this verse.

तेन बाणसमूहेन जयम् आशङ्क्य भर्तरि । उवाच वाक्यम् आनन्दविकसन्मुखपङ्कजा

tena bāṇasamūhena jayam āśaṅkya bhartari / uvāca vākyam ānandavikasanmukhapaṅkajā

Sanskrit only: no published translation is held for this verse.

जय देवि जयत्य् एष नाथो ऽस्माकं विलोकय । किलानेन शरौघेन मेरुर् अप्य् एति चूर्णताम्

jaya devi jayaty eṣa nātho 'smākaṃ vilokaya / kilānena śaraughena merur apy eti cūrṇatām

Sanskrit only: no published translation is held for this verse.

तस्याम् एवं वदन्त्यां तु घनस्नेहरवाकुलम् । प्रेक्षणव्यग्रयोर् देव्योर् हसन्त्योर् मानुषं हृदा

tasyām evaṃ vadantyāṃ tu ghanasneharavākulam / prekṣaṇavyagrayor devyor hasantyor mānuṣaṃ hṛdā

Sanskrit only: no published translation is held for this verse.

तच् छरार्णवम् आमत्तम् अपिबत् सिन्धुवाडवः । शरोष्मणाप्य् अगम्येन जह्नुर् मन्दाकिनीम् इव

tac charārṇavam āmattam apibat sindhuvāḍavaḥ / śaroṣmaṇāpy agamyena jahnur mandākinīm iva

Sanskrit only: no published translation is held for this verse.

बाणवर्षेण सकलं सायकौघं घनं घनम् । भित्त्वा ततो ऽप्य् अधःकृत्वा चिक्षेप गगनार्णवे

bāṇavarṣeṇa sakalaṃ sāyakaughaṃ ghanaṃ ghanam / bhittvā tato 'py adhaḥkṛtvā cikṣepa gaganārṇave

Sanskrit only: no published translation is held for this verse.

यथा दीपस्य शान्तस्य न परिज्ञायते गतिः । तस्य सायकसङ्घस्य न विज्ञाता तथा गतिः

yathā dīpasya śāntasya na parijñāyate gatiḥ / tasya sāyakasaṅghasya na vijñātā tathā gatiḥ

Sanskrit only: no published translation is held for this verse.

तं छित्त्वा सायकासारं स्वशराम्बुधरं घनम् । व्योम्नि प्रसारयाम् आस सरच्छवशवान्वितम्

taṃ chittvā sāyakāsāraṃ svaśarāmbudharaṃ ghanam / vyomni prasārayām āsa saracchavaśavānvitam

Sanskrit only: no published translation is held for this verse.

विदूरथस् तम् अप्य् आशु व्यधमत् सायकोत्तमैः । सामान्यजलदं मत्तकल्पान्तपवनो यथा

vidūrathas tam apy āśu vyadhamat sāyakottamaiḥ / sāmānyajaladaṃ mattakalpāntapavano yathā

Sanskrit only: no published translation is held for this verse.

कृतप्रतिकृतैर् एवं बाणवर्षैर् महीपती । व्यर्थीकृतैर् अनयतां प्रहारम् अविरामिणौ

kṛtapratikṛtair evaṃ bāṇavarṣair mahīpatī / vyarthīkṛtair anayatāṃ prahāram avirāmiṇau

Sanskrit only: no published translation is held for this verse.

अथाददे मोहनास्त्रं सिन्धुर् गन्धर्वसौहृदात् । प्राप्तं तेन ययुर् लोका विना मोहं विदूरथम्

athādade mohanāstraṃ sindhur gandharvasauhṛdāt / prāptaṃ tena yayur lokā vinā mohaṃ vidūratham

Sanskrit only: no published translation is held for this verse.

न्यस्तशस्त्राम्बरा मूका विषण्णवदनेक्षणाः । मृता इवाभवन् योधाश् चित्रन्यस्ता इवाथवा

nyastaśastrāmbarā mūkā viṣaṇṇavadanekṣaṇāḥ / mṛtā ivābhavan yodhāś citranyastā ivāthavā

Sanskrit only: no published translation is held for this verse.

यावद् विदूरथरथो मोहेनायाति मन्दताम् । तावद् विदूरथो राजा प्रबोधास्त्रम् उपादधे

yāvad vidūratharatho mohenāyāti mandatām / tāvad vidūratho rājā prabodhāstram upādadhe

Sanskrit only: no published translation is held for this verse.

ततः प्रबोधम् आपन्ना प्रजा प्रातर् इवाब्जिनी । विदूरथे ऽभवत् सिन्धुः क्रुद्धोत्क इव राक्षसे

tataḥ prabodham āpannā prajā prātar ivābjinī / vidūrathe 'bhavat sindhuḥ kruddhotka iva rākṣase

Sanskrit only: no published translation is held for this verse.

नागास्त्रम् आदधे भीमं पाशबन्धनखेददम् । तेनाभवन् नभो व्याप्तं भोगिभिः पर्वतोपमैः

nāgāstram ādadhe bhīmaṃ pāśabandhanakhedadam / tenābhavan nabho vyāptaṃ bhogibhiḥ parvatopamaiḥ

Sanskrit only: no published translation is held for this verse.

सर्पैर् विवलिता भूमिर् मृणालैस् सरसी यथा । सम्पन्ना गिरयस् सर्वे कृष्णपन्नगकम्बलाः

sarpair vivalitā bhūmir mṛṇālais sarasī yathā / sampannā girayas sarve kṛṣṇapannagakambalāḥ

Sanskrit only: no published translation is held for this verse.

पदार्थास् सर्व एवेमे पिहिता अहिविग्रहैः । सपर्वतवनाभोगा ययौ विवशतां मही

padārthās sarva eveme pihitā ahivigrahaiḥ / saparvatavanābhogā yayau vivaśatāṃ mahī

Sanskrit only: no published translation is held for this verse.

धूताङ्गारकणाकीर्णा विषवेगस्य शंसिनी । ववुर् उष्णोष्णनीहारा वातज्वलनरेणवः

dhūtāṅgārakaṇākīrṇā viṣavegasya śaṃsinī / vavur uṣṇoṣṇanīhārā vātajvalanareṇavaḥ

Sanskrit only: no published translation is held for this verse.

विदूरथो ऽथ सौपर्णम् आदधे ऽस्त्रं महास्त्रवित् । उदगुर् गरुडास् तेन सौवर्णा इव पर्वताः

vidūratho 'tha sauparṇam ādadhe 'straṃ mahāstravit / udagur garuḍās tena sauvarṇā iva parvatāḥ

Sanskrit only: no published translation is held for this verse.

काञ्चनीकृतसर्वाशास् सर्वाशपरिपूरकाः । पक्षपर्वतसंरम्भजनितप्रलयानिलाः

kāñcanīkṛtasarvāśās sarvāśaparipūrakāḥ / pakṣaparvatasaṃrambhajanitapralayānilāḥ

Sanskrit only: no published translation is held for this verse.

घोणाविवलनाकृष्टश्वसद्भुजगमण्डलाः । महाघरघरारावपूरिताम्भोदषण्डकाः

ghoṇāvivalanākṛṣṭaśvasadbhujagamaṇḍalāḥ / mahāgharagharārāvapūritāmbhodaṣaṇḍakāḥ

Sanskrit only: no published translation is held for this verse.

भूपूरकं तु सर्पौघं स सुपर्णघनो ऽपिबत् । कृष्टं शलशलायन्तम् अगस्त्य इव वारिधिम्

bhūpūrakaṃ tu sarpaughaṃ sa suparṇaghano 'pibat / kṛṣṭaṃ śalaśalāyantam agastya iva vāridhim

Sanskrit only: no published translation is held for this verse.

सर्पकम्बलनिर्मुक्तं भूमण्डलम् अराजत । विशालम् इव नीरन्ध्रम् इव निर्वारि राशि वा

sarpakambalanirmuktaṃ bhūmaṇḍalam arājata / viśālam iva nīrandhram iva nirvāri rāśi vā

Sanskrit only: no published translation is held for this verse.

ततस् तद्गरुडानीकं क्वाप्य् अगच्छद् अदृश्यताम् । दीपौघ इव वातेन शरदीवाभ्रमण्डलम्

tatas tadgaruḍānīkaṃ kvāpy agacchad adṛśyatām / dīpaugha iva vātena śaradīvābhramaṇḍalam

Sanskrit only: no published translation is held for this verse.

वज्रभीत्येव पक्षाढ्यं पर्वतप्रकरं पुनः । स्वप्नदृष्टं जगद् इव सङ्कल्पपुरपूरवत्

vajrabhītyeva pakṣāḍhyaṃ parvataprakaraṃ punaḥ / svapnadṛṣṭaṃ jagad iva saṅkalpapurapūravat

Sanskrit only: no published translation is held for this verse.

ततस् तमोऽस्त्रम् असृजत् सिन्धुर् अन्धान्धकारदम् । तेनान्धकारो ववृधे कृष्णाभ्रजठरोपमः

tatas tamo'stram asṛjat sindhur andhāndhakāradam / tenāndhakāro vavṛdhe kṛṣṇābhrajaṭharopamaḥ

Sanskrit only: no published translation is held for this verse.

रोदोरन्ध्रे प्रविसृत एकार्णव इवाभवत् । मत्स्या इवाभवञ् शैलास् ताराश् च मणयो ऽभवन्

rodorandhre pravisṛta ekārṇava ivābhavat / matsyā ivābhavañ śailās tārāś ca maṇayo 'bhavan

Sanskrit only: no published translation is held for this verse.

अन्धकारः प्रववृधे मषीपङ्कार्णवोपमः । कज्जलाचलसम्भारो धुतः कल्पान्तरैर् अपि

andhakāraḥ pravavṛdhe maṣīpaṅkārṇavopamaḥ / kajjalācalasambhāro dhutaḥ kalpāntarair api

Sanskrit only: no published translation is held for this verse.

अन्धकूपे निपतिता इवासन् सकलाः प्रजाः । कल्पान्त इव संशेमुर् व्यवहारा दिशां प्रति

andhakūpe nipatitā ivāsan sakalāḥ prajāḥ / kalpānta iva saṃśemur vyavahārā diśāṃ prati

Sanskrit only: no published translation is held for this verse.

विदूरथो ऽथ मार्ताण्डम् अस्त्रं ब्रह्माण्डमण्डपे । ददाव् अस्त्रविदां श्रेष्ठः पुष्टमन्त्रविचेष्टितः

vidūratho 'tha mārtāṇḍam astraṃ brahmāṇḍamaṇḍape / dadāv astravidāṃ śreṣṭhaḥ puṣṭamantraviceṣṭitaḥ

Sanskrit only: no published translation is held for this verse.

अथोदितस् तमोऽम्भोधिम् अर्कागस्त्यो गभस्तिभिः । अपिबत् कृष्णम् अम्भोदं शरत्काल इवामलः

athoditas tamo'mbhodhim arkāgastyo gabhastibhiḥ / apibat kṛṣṇam ambhodaṃ śaratkāla ivāmalaḥ

Sanskrit only: no published translation is held for this verse.

अन्धकाराम्बरोन्मुक्ता विरेजुर् अमला दिशः । भूपतेः पुरतः कान्ता इव रम्यपयोधराः

andhakārāmbaronmuktā virejur amalā diśaḥ / bhūpateḥ purataḥ kāntā iva ramyapayodharāḥ

Sanskrit only: no published translation is held for this verse.

ययुः प्रकटताम् अन्तर् अखिला वनराजयः । लोभकज्जलजालेन मुक्ता इव सतां धियः

yayuḥ prakaṭatām antar akhilā vanarājayaḥ / lobhakajjalajālena muktā iva satāṃ dhiyaḥ

Sanskrit only: no published translation is held for this verse.

अथ कोपाकुलस् सिन्धू राक्षसास्त्रं महाभयम् । क्षणाद् उदीरयाम् आस मन्त्रोदितशरात्मकम्

atha kopākulas sindhū rākṣasāstraṃ mahābhayam / kṣaṇād udīrayām āsa mantroditaśarātmakam

Sanskrit only: no published translation is held for this verse.

उदगुर् भीषणा दिग्भ्यस् सरुषो वनराक्षसाः । पातालगजहूङ्कारक्षुब्धा इव महार्णवाः

udagur bhīṣaṇā digbhyas saruṣo vanarākṣasāḥ / pātālagajahūṅkārakṣubdhā iva mahārṇavāḥ

Sanskrit only: no published translation is held for this verse.

कपिलोर्ध्वजटाधूम्रास् स्फुटच्चटचटारवाः । अग्नयो लेलिहानोग्रजिह्वा अर्द्रेन्धना इव

kapilordhvajaṭādhūmrās sphuṭaccaṭacaṭāravāḥ / agnayo lelihānograjihvā ardrendhanā iva

Sanskrit only: no published translation is held for this verse.

सावर्तवृत्तयो व्योम्नि भीमडक्कारटाङ्कृताः । अग्निदाहमहाधूमविपुला इव सोल्मुकाः

sāvartavṛttayo vyomni bhīmaḍakkāraṭāṅkṛtāḥ / agnidāhamahādhūmavipulā iva solmukāḥ

Sanskrit only: no published translation is held for this verse.

दंष्ट्राबिसाङ्कुराक्रान्तमुखपङ्कजदेहकाः । उत्थिता लोमनिर्यातदुष्प्रज्वालजटा इव

daṃṣṭrābisāṅkurākrāntamukhapaṅkajadehakāḥ / utthitā lomaniryātaduṣprajvālajaṭā iva

Sanskrit only: no published translation is held for this verse.

निगिरन्तः प्रधावन्तो गर्जन्तस् तर्जिताशयाः । जटोज्ज्वालितडित्पुञ्जजलदास् सजला इव

nigirantaḥ pradhāvanto garjantas tarjitāśayāḥ / jaṭojjvālitaḍitpuñjajaladās sajalā iva

Sanskrit only: no published translation is held for this verse.

एतस्मिन्न् अन्तरे तस्मिंल् लीलानाथो विदूरथः । नारायणास्त्रं प्रददौ दुष्टभूतनिवारणम्

etasminn antare tasmiṃl līlānātho vidūrathaḥ / nārāyaṇāstraṃ pradadau duṣṭabhūtanivāraṇam

Sanskrit only: no published translation is held for this verse.

उदीर्यमाण एवास्मिन्न् अस्त्रराजे तु राजयः । राक्षसानां प्रशेमुस् ता अन्धकारा इवोदये

udīryamāṇa evāsminn astrarāje tu rājayaḥ / rākṣasānāṃ praśemus tā andhakārā ivodaye

Sanskrit only: no published translation is held for this verse.

प्रमृष्टराक्षसानीकम् अभवद् भुवनत्रयम् । शरदीव गताम्भोदं व्योम निर्मलम् आबभौ

pramṛṣṭarākṣasānīkam abhavad bhuvanatrayam / śaradīva gatāmbhodaṃ vyoma nirmalam ābabhau

Sanskrit only: no published translation is held for this verse.

अथ सिन्धुर् मुमोचास्त्रम् आग्नेयं ज्वलिताम्बरम् । जज्वलुः ककुभस् तेन कल्पाग्निवलिता इव

atha sindhur mumocāstram āgneyaṃ jvalitāmbaram / jajvaluḥ kakubhas tena kalpāgnivalitā iva

Sanskrit only: no published translation is held for this verse.

धूमाम्बुदभरच्छन्ना बभूवुस् सकला दिशः । गगनप्रोत्थपातालतिमिराकुलिता इव

dhūmāmbudabharacchannā babhūvus sakalā diśaḥ / gaganaprotthapātālatimirākulitā iva

Sanskrit only: no published translation is held for this verse.

बभुः प्रज्वालिताकारा गिरयः काञ्चना इव । प्रफुल्लनवनीरन्ध्रचण्पकौघवना इव

babhuḥ prajvālitākārā girayaḥ kāñcanā iva / praphullanavanīrandhracaṇpakaughavanā iva

Sanskrit only: no published translation is held for this verse.

ययुर् व्योमाद्रिदिक्कुञ्जा ज्वालाजालजटालताम् । कुङ्कुमेनोत्सवे मृत्योस् समालब्धा इवासृजा

yayur vyomādridikkuñjā jvālājālajaṭālatām / kuṅkumenotsave mṛtyos samālabdhā ivāsṛjā

Sanskrit only: no published translation is held for this verse.

ज्वलिता जनतान्तैकशङ्किनासन्नभस्स्पृशा । सहस्राकृतिनोर् वेणवलिता इव सागराः

jvalitā janatāntaikaśaṅkināsannabhasspṛśā / sahasrākṛtinor veṇavalitā iva sāgarāḥ

Sanskrit only: no published translation is held for this verse.

जित्वा रिपुं पुनर् असौ यथा प्रहरते तथा । वारुणं विससर्जास्त्रं पूजयित्वा विदूरथः

jitvā ripuṃ punar asau yathā praharate tathā / vāruṇaṃ visasarjāstraṃ pūjayitvā vidūrathaḥ

Sanskrit only: no published translation is held for this verse.

आययुस् सलिलापूरास् तमःपूरा इवाभितः । अधस्ताद् ऊर्ध्वतो दिग्भ्यो द्रवरूपा इवाद्रयः

āyayus salilāpūrās tamaḥpūrā ivābhitaḥ / adhastād ūrdhvato digbhyo dravarūpā ivādrayaḥ

Sanskrit only: no published translation is held for this verse.

भागा इव शरद्व्योम्नो द्रुतपाता इवाम्बुदाः । महार्णवा इवोर्ध्वस्थाः कुलशैलशिला इव

bhāgā iva śaradvyomno drutapātā ivāmbudāḥ / mahārṇavā ivordhvasthāḥ kulaśailaśilā iva

Sanskrit only: no published translation is held for this verse.

तमालौघा इवोड्डीनास् सञ्चिता इव रात्रयः । कज्जलौघा इवोद्धूता लोकालोक इवोत्तटः

tamālaughā ivoḍḍīnās sañcitā iva rātrayaḥ / kajjalaughā ivoddhūtā lokāloka ivottaṭaḥ

Sanskrit only: no published translation is held for this verse.

रसातलगुहाभोगा इव व्योमदिदृक्षवः । महाघुरघुरारावरंहोबृंहितमूर्तयः

rasātalaguhābhogā iva vyomadidṛkṣavaḥ / mahāghuraghurārāvaraṃhobṛṃhitamūrtayaḥ

Sanskrit only: no published translation is held for this verse.

तापाग्निसन्ततिलतां सा चचामाम्बुसंहतिः । भुवनव्यापिनी सन्ध्याम् आशु कृष्णेव यामिनी

tāpāgnisantatilatāṃ sā cacāmāmbusaṃhatiḥ / bhuvanavyāpinī sandhyām āśu kṛṣṇeva yāminī

Sanskrit only: no published translation is held for this verse.

ताम् अग्निसन्ततिं पीत्वा पूरयाम् आस भूतलम् । जलश्रीस् सन्ततं देहं निर्द्रवव्यक्तिम् ईयुषी

tām agnisantatiṃ pītvā pūrayām āsa bhūtalam / jalaśrīs santataṃ dehaṃ nirdravavyaktim īyuṣī

Sanskrit only: no published translation is held for this verse.

एवंविधान् अस्त्रमोहान् विरुद्धान् एव नेतरे । मिथो मायामयान् अग्रे पश्यन्त्य् अनुभवन्ति च

evaṃvidhān astramohān viruddhān eva netare / mitho māyāmayān agre paśyanty anubhavanti ca

Sanskrit only: no published translation is held for this verse.

हेतिभारवहास् सिन्धोश् चक्ररक्षास् ततो ऽम्भसा । तृणानीव गताः प्रोह्य रथश् चास्याभवत् प्लुतः

hetibhāravahās sindhoś cakrarakṣās tato 'mbhasā / tṛṇānīva gatāḥ prohya rathaś cāsyābhavat plutaḥ

Sanskrit only: no published translation is held for this verse.

एतस्मिन्न् अन्तरे सिन्धुर् अस्त्रं सस्मार शोषणम् । आपत्त्राणकरं देवं ददौ च शररूपिणम्

etasminn antare sindhur astraṃ sasmāra śoṣaṇam / āpattrāṇakaraṃ devaṃ dadau ca śararūpiṇam

Sanskrit only: no published translation is held for this verse.

शशामाम्बुमयी माया तेन यामेव भास्वता । ये मृतास् ते मृता एव बभूवुश् शोषिता भुवः

śaśāmāmbumayī māyā tena yāmeva bhāsvatā / ye mṛtās te mṛtā eva babhūvuś śoṣitā bhuvaḥ

Sanskrit only: no published translation is held for this verse.

अथ मूर्खरुषा तुल्यतापस् सन्तापयन् प्रजाः । जजृम्भे जर्जराजीर्णवनविस्तारकर्कशः

atha mūrkharuṣā tulyatāpas santāpayan prajāḥ / jajṛmbhe jarjarājīrṇavanavistārakarkaśaḥ

Sanskrit only: no published translation is held for this verse.

कचत्कनकनिष्ष्यन्दसुन्दराङ्गच्छविर् दिशाम् । आसीद् राजवरस्त्रीणाम् इवाङ्गोपाङ्गसङ्गिनी

kacatkanakaniṣṣyandasundarāṅgacchavir diśām / āsīd rājavarastrīṇām ivāṅgopāṅgasaṅginī

Sanskrit only: no published translation is held for this verse.

तेन घर्ममयीं मूर्छाम् आजग्मुस् तद्विरोधिनः । ग्रीष्मदावानलोत्तप्ता मृदवः पल्लवा इव

tena gharmamayīṃ mūrchām ājagmus tadvirodhinaḥ / grīṣmadāvānalottaptā mṛdavaḥ pallavā iva

Sanskrit only: no published translation is held for this verse.

विदूरथो रणद्दीर्घतारक्रेङ्कारमानसम् । कोदण्डं कुण्डलीकृत्य पर्जन्यास्त्रम् अथादधे

vidūratho raṇaddīrghatārakreṅkāramānasam / kodaṇḍaṃ kuṇḍalīkṛtya parjanyāstram athādadhe

Sanskrit only: no published translation is held for this verse.

उदगुः पङ्क्तयो ऽब्दानां यामिन्य इव सञ्चिताः । तमालविपिनोड्डीनसंरम्भारम्भमन्थराः

udaguḥ paṅktayo 'bdānāṃ yāminya iva sañcitāḥ / tamālavipinoḍḍīnasaṃrambhārambhamantharāḥ

Sanskrit only: no published translation is held for this verse.

वासनावारिपूरेण गर्जनोद्दामसञ्चराः । मिहिकामन्थराशेषककुब्मण्डलकुण्डलाः

vāsanāvāripūreṇa garjanoddāmasañcarāḥ / mihikāmantharāśeṣakakubmaṇḍalakuṇḍalāḥ

Sanskrit only: no published translation is held for this verse.

ववुर् आवलितासारा मेघाडम्बरभेदिनः । कीर्णशीकरनीहारहारोदारास् समीरणाः

vavur āvalitāsārā meghāḍambarabhedinaḥ / kīrṇaśīkaranīhārahārodārās samīraṇāḥ

Sanskrit only: no published translation is held for this verse.

प्रस्फुरुस् त्रस्तसौवर्णसर्पापसरणोपमाः । विद्युतो दिवि दैत्यस्त्रीकटाक्षवलना इव

prasphurus trastasauvarṇasarpāpasaraṇopamāḥ / vidyuto divi daityastrīkaṭākṣavalanā iva

Sanskrit only: no published translation is held for this verse.

जुघूर्णुर् गर्जनोच्छूनप्रतिश्रुद्घनकन्दराः । दिशश् चलितमातङ्गसिंहर्क्षवनघर्घराः

jughūrṇur garjanocchūnapratiśrudghanakandarāḥ / diśaś calitamātaṅgasiṃharkṣavanaghargharāḥ

Sanskrit only: no published translation is held for this verse.

महामुसुलधाराभिः पेतुर् आसारवृष्टयः । कष्टटाङ्कारकठिनाः कृतान्तस्येव दृष्टयः

mahāmusuladhārābhiḥ petur āsāravṛṣṭayaḥ / kaṣṭaṭāṅkārakaṭhināḥ kṛtāntasyeva dṛṣṭayaḥ

Sanskrit only: no published translation is held for this verse.

उदभूत् प्रथमं बाष्प उष्णोष्णो ऽद्रिनिभो भुवः । पातालाद् अभ्रवृन्दानां युद्धायेवाभ्रविभ्रमाः

udabhūt prathamaṃ bāṣpa uṣṇoṣṇo 'drinibho bhuvaḥ / pātālād abhravṛndānāṃ yuddhāyevābhravibhramāḥ

Sanskrit only: no published translation is held for this verse.

ततो निमेषमात्रेण प्रशेमुर् मृगतृष्णिकाः । परबोधरसापूरैर् यथा संसारवासनाः

tato nimeṣamātreṇa praśemur mṛgatṛṣṇikāḥ / parabodharasāpūrair yathā saṃsāravāsanāḥ

Sanskrit only: no published translation is held for this verse.

आसीत् पङ्काङ्कम् अखिलं भूमण्डलम् असञ्चरम् । पूरितः पूर्णधाराभिस् सिन्धुस् सिन्धुम् इवाम्बुना

āsīt paṅkāṅkam akhilaṃ bhūmaṇḍalam asañcaram / pūritaḥ pūrṇadhārābhis sindhus sindhum ivāmbunā

Sanskrit only: no published translation is held for this verse.

वायव्यम् अस्त्रम् असृजद् घूर्णिताकाशकोटरम् । कल्पान्तनृत्तसंपन्नरणद्भैरवभीषणम्

vāyavyam astram asṛjad ghūrṇitākāśakoṭaram / kalpāntanṛttasaṃpannaraṇadbhairavabhīṣaṇam

Sanskrit only: no published translation is held for this verse.

ववुर् अशनिनिपातपिण्डिताङ्गा दलितशिलाशकलाः ककुम्मुखेषु । प्रलयसमयसूचका भटानां कृतकटुटाङ्कृतटङ्किनस् समीराः

vavur aśaninipātapiṇḍitāṅgā dalitaśilāśakalāḥ kakummukheṣu / pralayasamayasūcakā bhaṭānāṃ kṛtakaṭuṭāṅkṛtaṭaṅkinas samīrāḥ

Sanskrit only: no published translation is held for this verse.