Moksopaya with Bhaskarakantha's Tika 3.49

ववुर् वलितनीहारा विकीर्णघनपल्लवाः । वायवो धूतवृक्षौघाः पतनोत्पाटनोद्भटाः

vavur valitanīhārā vikīrṇaghanapallavāḥ / vāyavo dhūtavṛkṣaughāḥ patanotpāṭanodbhaṭāḥ

Sanskrit only: no published translation is held for this verse.

विकुट्टिताटवीषण्डाश् श्वभ्रभित्तिविभेदिनः । तेनातिभीमवातेन विदूरथरथो ऽप्य् अथ

vikuṭṭitāṭavīṣaṇḍāś śvabhrabhittivibhedinaḥ / tenātibhīmavātena vidūratharatho 'py atha

Sanskrit only: no published translation is held for this verse.

उह्यमानो ऽभवन् नद्या यथा जर्जरपल्लवः । विदूरथो ऽथ तत्याज पर्वतास्त्रं महास्त्रवित्

uhyamāno 'bhavan nadyā yathā jarjarapallavaḥ / vidūratho 'tha tatyāja parvatāstraṃ mahāstravit

Sanskrit only: no published translation is held for this verse.

व्योमापि घनतां येन समाधातुम् इवोद्यतम् । तेन शैलास्त्रघातेन विरराम समीरणः

vyomāpi ghanatāṃ yena samādhātum ivodyatam / tena śailāstraghātena virarāma samīraṇaḥ

Sanskrit only: no published translation is held for this verse.

शमं च तेन शान्तेन प्रययौ वायुना यतः । अन्तरिक्षगता वृक्षपङ्क्तयः पतिता भुवि

śamaṃ ca tena śāntena prayayau vāyunā yataḥ / antarikṣagatā vṛkṣapaṅktayaḥ patitā bhuvi

Sanskrit only: no published translation is held for this verse.

नानाजनाशनव्यूहे काकानाम् इव कोटयः । शेमुश् शीत्कारडक्कारभाक्कारोक्कारका दिशाम्

nānājanāśanavyūhe kākānām iva koṭayaḥ / śemuś śītkāraḍakkārabhākkārokkārakā diśām

Sanskrit only: no published translation is held for this verse.

प्रलापा इव विध्वस्तप्रथाः पवनवीरुधाम् । गिरीन् अपश्यन् नभसः पततः पर्णपत्त्रवत्

pralāpā iva vidhvastaprathāḥ pavanavīrudhām / girīn apaśyan nabhasaḥ patataḥ parṇapattravat

Sanskrit only: no published translation is held for this verse.

सिन्धुस् सिन्धुर् इवोत्पन्नान् मैनाकादीन् इतस् ततः । वज्रास्त्रम् असृजद् दीप्तं तेरुर् वज्रघनास् ततः

sindhus sindhur ivotpannān mainākādīn itas tataḥ / vajrāstram asṛjad dīptaṃ terur vajraghanās tataḥ

Sanskrit only: no published translation is held for this verse.

पिबन्तो ऽद्रीन् प्रतिगिरं वह्निदाहाद् इवाग्नयः । ते गिरीणां पुरीणां च कोटितुण्डावखण्डनैः

pibanto 'drīn pratigiraṃ vahnidāhād ivāgnayaḥ / te girīṇāṃ purīṇāṃ ca koṭituṇḍāvakhaṇḍanaiḥ

Sanskrit only: no published translation is held for this verse.

शिरांसि शातयाम् आसुः फलानीवोल्बनानिलाः । विदूरथो ऽथ वज्रास्त्रशान्त्यै ब्रह्मास्त्रम् अभ्यदात्

śirāṃsi śātayām āsuḥ phalānīvolbanānilāḥ / vidūratho 'tha vajrāstraśāntyai brahmāstram abhyadāt

Sanskrit only: no published translation is held for this verse.

ततो ब्रह्मास्त्रवज्रास्त्रे समं प्रशमम् आगते । श्यामाश्यामं पिशाचास्त्रम् अथ सिन्धुर् अचोदयत्

tato brahmāstravajrāstre samaṃ praśamam āgate / śyāmāśyāmaṃ piśācāstram atha sindhur acodayat

Sanskrit only: no published translation is held for this verse.

तेनोदगुः पिशाचानां पङ्क्तयो ऽनन्तभीतिदाः । सन्ध्यायाम् इव भीत्येव दिवसश् श्यामतां ययौ

tenodaguḥ piśācānāṃ paṅktayo 'nantabhītidāḥ / sandhyāyām iva bhītyeva divasaś śyāmatāṃ yayau

Sanskrit only: no published translation is held for this verse.

पिशाचा भुवनं जह्रुर् अन्धकारभरा इव । भास्मनस्तम्भसदृशास् तालोत्तालविलासिनः

piśācā bhuvanaṃ jahrur andhakārabharā iva / bhāsmanastambhasadṛśās tālottālavilāsinaḥ

Sanskrit only: no published translation is held for this verse.

दृश्यमानमहाकारा मुष्टिग्राह्या नकिञ्चन । ऊर्ध्वकेशाः कृशाङ्गाश् च केचिच् च श्मश्रुला अपि

dṛśyamānamahākārā muṣṭigrāhyā nakiñcana / ūrdhvakeśāḥ kṛśāṅgāś ca kecic ca śmaśrulā api

Sanskrit only: no published translation is held for this verse.

कृशाङ्गा मलिनाङ्गाश् च ग्राम्या इव नभश्चराः । सभायां मूढदृष्टाश् च यत्किञ्चनकराः खलाः

kṛśāṅgā malināṅgāś ca grāmyā iva nabhaścarāḥ / sabhāyāṃ mūḍhadṛṣṭāś ca yatkiñcanakarāḥ khalāḥ

Sanskrit only: no published translation is held for this verse.

दीना बह्वाशिनः क्रूरा दीना ग्राम्यजना इव । तरुकर्दमरथ्यान्तश्शून्यगेहगृहाश् चलाः

dīnā bahvāśinaḥ krūrā dīnā grāmyajanā iva / tarukardamarathyāntaśśūnyagehagṛhāś calāḥ

Sanskrit only: no published translation is held for this verse.

लेलिहानाः प्रेतरूपाः कृष्णाङ्गाश् श्वपचा इव । जगृहुस् ते तदा मत्ता हतशिष्टम् अरेर् बलम्

lelihānāḥ pretarūpāḥ kṛṣṇāṅgāś śvapacā iva / jagṛhus te tadā mattā hataśiṣṭam arer balam

Sanskrit only: no published translation is held for this verse.

आसन्नसैनिकास् तत्र वित्रस्तक्षुब्धचेतनाः । त्यक्तायुधतनुत्राणास् त्रस्तप्राणास् स्खलद्गमाः

āsannasainikās tatra vitrastakṣubdhacetanāḥ / tyaktāyudhatanutrāṇās trastaprāṇās skhaladgamāḥ

Sanskrit only: no published translation is held for this verse.

नेत्रैर् अङ्गैर् मुखैः पादैर् विकारभयकारिणः । त्यक्तकौपीनवसना निर्नग्ना हसनोत्तराः

netrair aṅgair mukhaiḥ pādair vikārabhayakāriṇaḥ / tyaktakaupīnavasanā nirnagnā hasanottarāḥ

Sanskrit only: no published translation is held for this verse.

विष्ठां मूत्रं च कुर्वन्तस् स्थिरम् आरब्धनर्तनाः । पिशाचराजो राजानम् अथ यावद्विदूरथम्

viṣṭhāṃ mūtraṃ ca kurvantas sthiram ārabdhanartanāḥ / piśācarājo rājānam atha yāvadvidūratham

Sanskrit only: no published translation is held for this verse.

समाक्रामति तावत् स मायां तां बुबुधे बुधः । पिशाचसङ्ग्रामकरीं मायां वेत्ति स भूमिपः

samākrāmati tāvat sa māyāṃ tāṃ bubudhe budhaḥ / piśācasaṅgrāmakarīṃ māyāṃ vetti sa bhūmipaḥ

Sanskrit only: no published translation is held for this verse.

तया पिशाचसैन्यं तत् परसैन्ये न्ययोजयत् । ततस् स्वसैनिकास् स्वस्थाः परयोधाः पिशाचिनः

tayā piśācasainyaṃ tat parasainye nyayojayat / tatas svasainikās svasthāḥ parayodhāḥ piśācinaḥ

Sanskrit only: no published translation is held for this verse.

तस्याथ रूपिकास्त्रं तद् ददौ चान्यद् असौ रुषा । उदगुर् भूतलाद् व्योम्नो रूपिकास् स्तब्धमूर्धजाः

tasyātha rūpikāstraṃ tad dadau cānyad asau ruṣā / udagur bhūtalād vyomno rūpikās stabdhamūrdhajāḥ

Sanskrit only: no published translation is held for this verse.

निर्नग्ना विकरालाक्ष्यो लम्बश्रोणिपयोधराः । उद्भिन्नयौवना वृद्धाः पीवराङ्ग्यो ऽथ जर्जराः

nirnagnā vikarālākṣyo lambaśroṇipayodharāḥ / udbhinnayauvanā vṛddhāḥ pīvarāṅgyo 'tha jarjarāḥ

Sanskrit only: no published translation is held for this verse.

स्वरूपारूपजघना दुर्नाट्यविकसद्भगाः । नरपद्मशिरोहस्ता रुधिरारुणगात्रकाः

svarūpārūpajaghanā durnāṭyavikasadbhagāḥ / narapadmaśirohastā rudhirāruṇagātrakāḥ

Sanskrit only: no published translation is held for this verse.

अर्धचर्वितमांसासृक्स्रवत्सृक्वाक्तलालनाः । नानानानाङ्गवलनाननोन्नमनसन्नमाः

ardhacarvitamāṃsāsṛksravatsṛkvāktalālanāḥ / nānānānāṅgavalanānanonnamanasannamāḥ

Sanskrit only: no published translation is held for this verse.

सिरालभुजवक्त्रोरुकुचपार्श्वकराङ्गिकाः । ताडीकृतार्भकशवाद् अनुकृष्टान्त्ररज्जवः

sirālabhujavaktrorukucapārśvakarāṅgikāḥ / tāḍīkṛtārbhakaśavād anukṛṣṭāntrarajjavaḥ

Sanskrit only: no published translation is held for this verse.

श्वकाकोलूकवदना निम्नवक्त्रहनूदराः । जगृहुस् ताः पिशाचांस् तान् दुर्बलान् दुश्शिशून् इव

śvakākolūkavadanā nimnavaktrahanūdarāḥ / jagṛhus tāḥ piśācāṃs tān durbalān duśśiśūn iva

Sanskrit only: no published translation is held for this verse.

पिशाचरूपिकासैन्यं तदासीद् एकतां गतम् । निर्नग्नं नर्तनोत्तानवदनाङ्गविलोचनम्

piśācarūpikāsainyaṃ tadāsīd ekatāṃ gatam / nirnagnaṃ nartanottānavadanāṅgavilocanam

Sanskrit only: no published translation is held for this verse.

परस्पराक्रान्तिकरं भीषयंश् च परस्परम् । निष्कासितमहाजिह्वं नानामुखविकारदम्

parasparākrāntikaraṃ bhīṣayaṃś ca parasparam / niṣkāsitamahājihvaṃ nānāmukhavikāradam

Sanskrit only: no published translation is held for this verse.

शवभाराढ्यम् अन्योऽन्यं ह्रियमाणशवाङ्गकम् । रुधिराम्भसि मज्जत् तदुन्मज्जच् च लसत्तनु

śavabhārāḍhyam anyo'nyaṃ hriyamāṇaśavāṅgakam / rudhirāmbhasi majjat tadunmajjac ca lasattanu

Sanskrit only: no published translation is held for this verse.

लम्बोदरं लम्बभुजं लम्बकर्णोष्ठनासिकम् । रक्तमांसवसापङ्केष्व् अन्योऽन्यं वेल्लनात्म तत्

lambodaraṃ lambabhujaṃ lambakarṇoṣṭhanāsikam / raktamāṃsavasāpaṅkeṣv anyo'nyaṃ vellanātma tat

Sanskrit only: no published translation is held for this verse.

मन्दरोद्धूतदुग्धाब्धिलसत्कलकलाकुलम् । यथैव मायासञ्चारस् तेन तस्य कृतः पुनः

mandaroddhūtadugdhābdhilasatkalakalākulam / yathaiva māyāsañcāras tena tasya kṛtaḥ punaḥ

Sanskrit only: no published translation is held for this verse.

तेनापि तस्याशु तथा कृतो बुद्ध्वाशु लाघवम् । वेतालास्त्रं ततो दत्तं तेनोत्तस्थुश् शवव्रजाः

tenāpi tasyāśu tathā kṛto buddhvāśu lāghavam / vetālāstraṃ tato dattaṃ tenottasthuś śavavrajāḥ

Sanskrit only: no published translation is held for this verse.

अमूर्धानस् समूर्धानो वेतालावेशवल्गिताः । ततः पिशाचवेतालरूपिकौघकबन्धवत्

amūrdhānas samūrdhāno vetālāveśavalgitāḥ / tataḥ piśācavetālarūpikaughakabandhavat

Sanskrit only: no published translation is held for this verse.

उद्बभूव बलं भीमम् ऊर्वीनिगरणक्षमम् । अथेतरो ऽपि भूपालो मायां सञ्चार्य चापराम्

udbabhūva balaṃ bhīmam ūrvīnigaraṇakṣamam / athetaro 'pi bhūpālo māyāṃ sañcārya cāparām

Sanskrit only: no published translation is held for this verse.

राक्षसास्त्रं ससर्जाशु त्रैलोक्याक्रमणोन्मुखम् । उदगुः पर्वताकारास् सर्वतस् स्थूलराक्षसाः

rākṣasāstraṃ sasarjāśu trailokyākramaṇonmukham / udaguḥ parvatākārās sarvatas sthūlarākṣasāḥ

Sanskrit only: no published translation is held for this verse.

देहम् आश्रित्य निष्क्रान्ताः पातालान् नरका इव । अथाभूत् तद् बलं भीमं ससुरासुरभीतिदम्

deham āśritya niṣkrāntāḥ pātālān narakā iva / athābhūt tad balaṃ bhīmaṃ sasurāsurabhītidam

Sanskrit only: no published translation is held for this verse.

गर्जद्रक्षोमहाम्भोदवाद्यनृत्यत्कबन्धकम् । रूपिकादारिकारूपं पिशाचस्थानसुस्थिति

garjadrakṣomahāmbhodavādyanṛtyatkabandhakam / rūpikādārikārūpaṃ piśācasthānasusthiti

Sanskrit only: no published translation is held for this verse.

आत्तक्वणितवंशाढ्यं शिरः पद्मोत्कराकुलम् । लोलान्त्रमालावलितं रुधिराम्बुसमुक्षितम्

āttakvaṇitavaṃśāḍhyaṃ śiraḥ padmotkarākulam / lolāntramālāvalitaṃ rudhirāmbusamukṣitam

Sanskrit only: no published translation is held for this verse.

वेतालतालसोल्लासं लसद्धाम पिशाचकम् । मेदोमांसवसाद्याढ्यं रुधिरासवसुन्दरम् । क्षीबवेतालकुम्भाण्डयक्षताण्डवसङ्कटम्

vetālatālasollāsaṃ lasaddhāma piśācakam / medomāṃsavasādyāḍhyaṃ rudhirāsavasundaram / kṣībavetālakumbhāṇḍayakṣatāṇḍavasaṅkaṭam

Sanskrit only: no published translation is held for this verse.

कुम्भाण्डकोत्ताण्डवदण्डपादक्षुब्धासृगुत्क्षिप्ततरङ्गसिक्तैः । सन्ध्याभ्रधारोत्करकोटिकान्तैर् भूतैर् असृक्स्रोतसि दत्तसेतु

kumbhāṇḍakottāṇḍavadaṇḍapādakṣubdhāsṛgutkṣiptataraṅgasiktaiḥ / sandhyābhradhārotkarakoṭikāntair bhūtair asṛksrotasi dattasetu

Sanskrit only: no published translation is held for this verse.