Moksopaya with Bhaskarakantha's Tika 3.50

तस्मिंस् तदा वर्तमाने घोरे सम्रम्भविभ्रमे । सर्वारिसैन्यनाशार्थम् एकस् स्वबलशान्तये

tasmiṃs tadā vartamāne ghore samrambhavibhrame / sarvārisainyanāśārtham ekas svabalaśāntaye

Sanskrit only: no published translation is held for this verse.

सस्मार स्मृतिमान् अन्तर् अनन्तोदारधैर्यभृत् । अस्त्रम् अस्त्रेश्वरं श्रीमद् वैष्णवं शङ्करोपमम्

sasmāra smṛtimān antar anantodāradhairyabhṛt / astram astreśvaraṃ śrīmad vaiṣṇavaṃ śaṅkaropamam

Sanskrit only: no published translation is held for this verse.

अथ यो ऽसौ शरस् तेन वैष्णवास्त्राभिमन्त्रितः । मुक्तस् तस्य फलप्रान्ताद् उल्मुकानीव निर्ययुः

atha yo 'sau śaras tena vaiṣṇavāstrābhimantritaḥ / muktas tasya phalaprāntād ulmukānīva niryayuḥ

Sanskrit only: no published translation is held for this verse.

पङ्क्तयस् स्फारचक्राणां शतार्कीकृतदिक्तटाः । गदानाम् अभियान्तीनां शतवंशीकृताम्बराः

paṅktayas sphāracakrāṇāṃ śatārkīkṛtadiktaṭāḥ / gadānām abhiyāntīnāṃ śatavaṃśīkṛtāmbarāḥ

Sanskrit only: no published translation is held for this verse.

वज्राणाम् उरुधाराणां शरच्छृङ्गीकृताम्बराः । पट्टिसानां च पट्टानां तीरवृक्षीकृताम्बराः

vajrāṇām urudhārāṇāṃ śaracchṛṅgīkṛtāmbarāḥ / paṭṭisānāṃ ca paṭṭānāṃ tīravṛkṣīkṛtāmbarāḥ

Sanskrit only: no published translation is held for this verse.

अथ राजा द्वितीयो ऽपि वैष्णवास्त्रप्रशान्तये । ददौ वैष्णवम् एवास्त्रं शस्त्रनिष्ठीवपूरकम्

atha rājā dvitīyo 'pi vaiṣṇavāstrapraśāntaye / dadau vaiṣṇavam evāstraṃ śastraniṣṭhīvapūrakam

Sanskrit only: no published translation is held for this verse.

ततो ऽपि निर्ययुर् नद्यो हेतीनां हतहेतयः । शरशक्तिगदाप्रासपट्टिसादिपयोरयाः

tato 'pi niryayur nadyo hetīnāṃ hatahetayaḥ / śaraśaktigadāprāsapaṭṭisādipayorayāḥ

Sanskrit only: no published translation is held for this verse.

शस्त्रास्त्रसरितां तासां व्योम्नि युद्धम् अवर्तत । रोदोरन्ध्रक्षयकरं कुलशैलेन्द्रदारणम्

śastrāstrasaritāṃ tāsāṃ vyomni yuddham avartata / rodorandhrakṣayakaraṃ kulaśailendradāraṇam

Sanskrit only: no published translation is held for this verse.

शरशातितशूलाश्रिखड्गाकुट्टितपट्टिसम् । सुप्रासप्रहतप्रासं शूलशातितशक्तिकम्

śaraśātitaśūlāśrikhaḍgākuṭṭitapaṭṭisam / suprāsaprahataprāsaṃ śūlaśātitaśaktikam

Sanskrit only: no published translation is held for this verse.

शराम्बुराशिमथनमत्तमुद्गरमन्दरम् । गदावदलनोद्युक्तदुर्वाराद्रिनिभाशनि

śarāmburāśimathanamattamudgaramandaram / gadāvadalanodyuktadurvārādrinibhāśani

Sanskrit only: no published translation is held for this verse.

ऋष्टिवृष्टिप्रशमनभ्रमत्कुन्तेन्दुमण्डलम् । प्रासग्रसनसंरब्धप्रोद्यच्छङ्कुकृतान्तकम्

ṛṣṭivṛṣṭipraśamanabhramatkuntendumaṇḍalam / prāsagrasanasaṃrabdhaprodyacchaṅkukṛtāntakam

Sanskrit only: no published translation is held for this verse.

चक्रार्धचटितोच्चाद्रिवज्रविज्वरपर्वतम् । शङ्कुशङ्कितशूत्कारकाशिशूलशिलातलम्

cakrārdhacaṭitoccādrivajravijvaraparvatam / śaṅkuśaṅkitaśūtkārakāśiśūlaśilātalam

Sanskrit only: no published translation is held for this verse.

भुसुण्डीभण्डितोद्दण्डभिण्डिपालोडुमण्डलम् । परशूलकरानेकपरशूलूकलङ्घितम्

bhusuṇḍībhaṇḍitoddaṇḍabhiṇḍipāloḍumaṇḍalam / paraśūlakarānekaparaśūlūkalaṅghitam

Sanskrit only: no published translation is held for this verse.

वहत्कचक्रकचवच्छिन्नचञ्चुरचामरम् । स्फुटच्चटचटास्फोटत्रुट्यत्त्रिपथगारयम्

vahatkacakrakacavacchinnacañcuracāmaram / sphuṭaccaṭacaṭāsphoṭatruṭyattripathagārayam

Sanskrit only: no published translation is held for this verse.

हेत्यश्रिचूर्णसंभारमहाभ्रमवितानकम् । अन्योऽन्यशस्त्रसंघट्टभ्रमज्ज्वालोल्लसत्तडित्

hetyaśricūrṇasaṃbhāramahābhramavitānakam / anyo'nyaśastrasaṃghaṭṭabhramajjvālollasattaḍit

Sanskrit only: no published translation is held for this verse.

शब्दस्फुरद्विरिञ्चाण्डं घातभग्नकुलाचलम् । धारानिकृत्तशस्त्रौघम् अस्त्रयोर् युध्यमानयोः

śabdasphuradviriñcāṇḍaṃ ghātabhagnakulācalam / dhārānikṛttaśastraugham astrayor yudhyamānayoḥ

Sanskrit only: no published translation is held for this verse.

सदस्त्रवारणेनैव यातः कालो बलात्मनः । स्वयं कियद्बल इति सिन्धौ तिष्ठति हेलया

sadastravāraṇenaiva yātaḥ kālo balātmanaḥ / svayaṃ kiyadbala iti sindhau tiṣṭhati helayā

Sanskrit only: no published translation is held for this verse.

विदूरथो ऽस्त्रम् आग्नेयं तत्याजाशनिशब्दवत् । ज्वालयाम् आस स रथं सिन्धोः कक्षम् इवारसम्

vidūratho 'stram āgneyaṃ tatyājāśaniśabdavat / jvālayām āsa sa rathaṃ sindhoḥ kakṣam ivārasam

Sanskrit only: no published translation is held for this verse.

एतस्मिन्न् अन्तरे व्योम्नि हेतिनिर्विवरोदरे । स सन्नाह इव प्रावृट्पयोदपटिनीव वा

etasminn antare vyomni hetinirvivarodare / sa sannāha iva prāvṛṭpayodapaṭinīva vā

Sanskrit only: no published translation is held for this verse.

अस्त्रराजेक्षणं कृत्वा युद्धं परमदारुणं । अन्योऽन्यं शमम् आयातौ सवीर्यौ सुभटाव् इव

astrarājekṣaṇaṃ kṛtvā yuddhaṃ paramadāruṇaṃ / anyo'nyaṃ śamam āyātau savīryau subhaṭāv iva

Sanskrit only: no published translation is held for this verse.

एतस्मिन्न् अन्तरे ऽस्त्राग्नी रथं कृत्वाशु भस्मसात् । प्राप दग्ध्वा वनं सिन्धुं मृगेन्द्रम् इव कन्दरात्

etasminn antare 'strāgnī rathaṃ kṛtvāśu bhasmasāt / prāpa dagdhvā vanaṃ sindhuṃ mṛgendram iva kandarāt

Sanskrit only: no published translation is held for this verse.

सिन्धुर् अभ्याशतो ऽग्न्यस्त्रं वारुणास्त्रेण शातयन् । रथं त्यक्त्वावनिं प्राप्य खड्गखेटकवान् अभूत्

sindhur abhyāśato 'gnyastraṃ vāruṇāstreṇa śātayan / rathaṃ tyaktvāvaniṃ prāpya khaḍgakheṭakavān abhūt

Sanskrit only: no published translation is held for this verse.

अक्ष्णोर् निमेषमात्रेण रथाश्वानां रिपोः खुरान् । लुलाव करवालेन मृणालानीव लाघवात्

akṣṇor nimeṣamātreṇa rathāśvānāṃ ripoḥ khurān / lulāva karavālena mṛṇālānīva lāghavāt

Sanskrit only: no published translation is held for this verse.

विदूरथो ऽपि विरथो बभूव खेटकासिमान् । समायुधौ समोत्साहौ चेरतुर् मण्डलान्वितौ

vidūratho 'pi viratho babhūva kheṭakāsimān / samāyudhau samotsāhau ceratur maṇḍalānvitau

Sanskrit only: no published translation is held for this verse.

खड्गौ क्रकचतां यातौ मिथः प्रहरतोस् तयोः । दन्तमालेयम् अस्येव चलेचर्चयतः प्रजाः

khaḍgau krakacatāṃ yātau mithaḥ praharatos tayoḥ / dantamāleyam asyeva calecarcayataḥ prajāḥ

Sanskrit only: no published translation is held for this verse.

शक्तिम् आदाय चिक्षेप खड्गं त्यक्त्वा विदूरथः । सिन्धाव् उद्घर्घरारावं महोत्पात इवाशनिम्

śaktim ādāya cikṣepa khaḍgaṃ tyaktvā vidūrathaḥ / sindhāv udghargharārāvaṃ mahotpāta ivāśanim

Sanskrit only: no published translation is held for this verse.

अविच्छिन्नं समायान्ती पतिता सास्य वक्षसि । अप्रियस्य यथा भर्तुर् अनिच्छन्ती स्वकामिनी

avicchinnaṃ samāyāntī patitā sāsya vakṣasi / apriyasya yathā bhartur anicchantī svakāminī

Sanskrit only: no published translation is held for this verse.

तेन शक्तिप्रहारेण नासौ मरणम् आप्तवान् । केवलं रुधिरस्रोतो नागो जलम् इवात्यजत्

tena śaktiprahāreṇa nāsau maraṇam āptavān / kevalaṃ rudhirasroto nāgo jalam ivātyajat

Sanskrit only: no published translation is held for this verse.

तद्देशलीला तं दृष्ट्वा भग्नं तम इवेन्दुना । सविकासा घनानन्दा पूर्वलीलाम् उवाच ह

taddeśalīlā taṃ dṛṣṭvā bhagnaṃ tama ivendunā / savikāsā ghanānandā pūrvalīlām uvāca ha

Sanskrit only: no published translation is held for this verse.

देवि पश्य नृसिंहेन हतो भर्तायम् आवयोः । शक्तिकोटिनखैर् दैत्यस् सिन्धुर् उद्धुरकन्धरः

devi paśya nṛsiṃhena hato bhartāyam āvayoḥ / śaktikoṭinakhair daityas sindhur uddhurakandharaḥ

Sanskrit only: no published translation is held for this verse.

सरस्तलस्थनागेन्द्रवरहूङ्कृतवारिवत् । दिष्ट्योरस्य् अस्य निर्याति रक्तं शुलुशुलारवैः

sarastalasthanāgendravarahūṅkṛtavārivat / diṣṭyorasy asya niryāti raktaṃ śuluśulāravaiḥ

Sanskrit only: no published translation is held for this verse.

हा कष्टं रथम् आनीतं सिन्धुर् आरोढुम् उद्यतः । सौवर्णं मैरवं शृङ्गं पुष्करावर्तको यथा

hā kaṣṭaṃ ratham ānītaṃ sindhur āroḍhum udyataḥ / sauvarṇaṃ mairavaṃ śṛṅgaṃ puṣkarāvartako yathā

Sanskrit only: no published translation is held for this verse.

पश्य देवि रथो ऽस्यासौ मुद्गरेणावचूर्णितः । भ्रमत्पर्वतपातेन सौवर्णं नगरं यथा

paśya devi ratho 'syāsau mudgareṇāvacūrṇitaḥ / bhramatparvatapātena sauvarṇaṃ nagaraṃ yathā

Sanskrit only: no published translation is held for this verse.

प्रवृत्तो रथम् आनीतम् आरोढुं पतिर् एष मे । कष्टं वज्रम् इवेन्द्रेण मुसुलं सिन्धुनेरितम्

pravṛtto ratham ānītam āroḍhuṃ patir eṣa me / kaṣṭaṃ vajram ivendreṇa musulaṃ sindhuneritam

Sanskrit only: no published translation is held for this verse.

वञ्चयित्वा विलासेन रथम् आरुह्य लाघवात् । पश्य भर्ता मदीयो ऽसौ चकास्ति नितरां रणे

vañcayitvā vilāsena ratham āruhya lāghavāt / paśya bhartā madīyo 'sau cakāsti nitarāṃ raṇe

Sanskrit only: no published translation is held for this verse.

हा धिक् कष्टम् असौ सिन्धुर् आर्यपुत्ररथं बलात् । हरिश् श्वभ्रम् इवरूढः प्लवेनोन्तर् इव द्रुमम्

hā dhik kaṣṭam asau sindhur āryaputrarathaṃ balāt / hariś śvabhram ivarūḍhaḥ plavenontar iva drumam

Sanskrit only: no published translation is held for this verse.

खड्गेनारोहतो ऽस्यांसच्छिन्नो भर्ता विलोकय । पद्मरागगिरिर् द्योतम् इव मुञ्चति शोणितम्

khaḍgenārohato 'syāṃsacchinno bhartā vilokaya / padmarāgagirir dyotam iva muñcati śoṇitam

Sanskrit only: no published translation is held for this verse.

हा हा धिक् कष्टम् एतेन सिन्धुना खड्गधारया । जङ्घयोर् मे पतिश् छिन्नः क्रकचेनेव पादपः

hā hā dhik kaṣṭam etena sindhunā khaḍgadhārayā / jaṅghayor me patiś chinnaḥ krakaceneva pādapaḥ

Sanskrit only: no published translation is held for this verse.

हा हा हतास्मि दग्धास्मि मृतास्म्य् अपहतास्मि च । मृणाले इव लूने मे पत्युर् द्वे अपि जानुनी

hā hā hatāsmi dagdhāsmi mṛtāsmy apahatāsmi ca / mṛṇāle iva lūne me patyur dve api jānunī

Sanskrit only: no published translation is held for this verse.

इत्य् उक्त्वा सा तदालोक्य भर्तृभावभयातुरा । लता परशुकृत्तेव मूर्छिता पतिता भुवि

ity uktvā sā tadālokya bhartṛbhāvabhayāturā / latā paraśukṛtteva mūrchitā patitā bhuvi

Sanskrit only: no published translation is held for this verse.

विदूरथो ऽपि निर्जानुः प्रहरन्न् एव विद्विषि । पपात स्यन्दने ऽप्य् आशु छिन्नमूल इव द्रुमः

vidūratho 'pi nirjānuḥ praharann eva vidviṣi / papāta syandane 'py āśu chinnamūla iva drumaḥ

Sanskrit only: no published translation is held for this verse.

पतन्न् एवैष सूतेन रथेनैवापवाहितः । यदा तदाहतिं तस्य कण्ठे ऽदात् सिन्धुर् उद्धतः

patann evaiṣa sūtena rathenaivāpavāhitaḥ / yadā tadāhatiṃ tasya kaṇṭhe 'dāt sindhur uddhataḥ

Sanskrit only: no published translation is held for this verse.

अर्धविच्छिन्नकण्ठो ऽसाव् अनुयातो ऽथ सिन्धुना । स्यन्दनेनाविशत् सद्म पद्मम् एवेन्दिरा यथा

ardhavicchinnakaṇṭho 'sāv anuyāto 'tha sindhunā / syandanenāviśat sadma padmam evendirā yathā

Sanskrit only: no published translation is held for this verse.

सरस्वतीप्रभावाढ्यं तत् प्रवेष्टुम् असौ गृहम् । नाशकन् मषको मत्तो महाज्वालान्तरं यथा

sarasvatīprabhāvāḍhyaṃ tat praveṣṭum asau gṛham / nāśakan maṣako matto mahājvālāntaraṃ yathā

Sanskrit only: no published translation is held for this verse.

खड्गावकृत्तगलगर्तगलत्सवातरक्तच्छटाच्छुरितवस्त्रतनुत्रगात्रम् । तत्याज तं भगवतीम् अभितो गृहान्तस् सूतः प्रविश्य मृतितल्पतले गतारिम्

khaḍgāvakṛttagalagartagalatsavātaraktacchaṭācchuritavastratanutragātram / tatyāja taṃ bhagavatīm abhito gṛhāntas sūtaḥ praviśya mṛtitalpatale gatārim

Sanskrit only: no published translation is held for this verse.