Moksopaya with Bhaskarakantha's Tika 3.53

अथ लब्धवरा देहेनानेनैव महीपतिम् । पतिं प्राप्तुं प्रयाम्य् एषा नभोमार्गेण विष्टपम्

atha labdhavarā dehenānenaiva mahīpatim / patiṃ prāptuṃ prayāmy eṣā nabhomārgeṇa viṣṭapam

Sanskrit only: no published translation is held for this verse.

इति सञ्चिन्त्य सानन्दम् उद्दाममकरध्वजा । पुप्लुवे पेशलाकारा पक्षिणीव नभस्तले

iti sañcintya sānandam uddāmamakaradhvajā / pupluve peśalākārā pakṣiṇīva nabhastale

Sanskrit only: no published translation is held for this verse.

कुमारी तत्र सा प्राप ज्ञप्त्यैव प्रहितां हिताम् । स्वसङ्कल्पमहादर्शात् पुरतो निर्गताम् इव

kumārī tatra sā prāpa jñaptyaiva prahitāṃ hitām / svasaṅkalpamahādarśāt purato nirgatām iva

Sanskrit only: no published translation is held for this verse.

दुहितास्मि सखि ज्ञप्ते स्वागतं ते ऽस्तु सुन्दरि । प्रतीक्षमाणा त्वाम् एव स्थितास्मीह नभःपथे

duhitāsmi sakhi jñapte svāgataṃ te 'stu sundari / pratīkṣamāṇā tvām eva sthitāsmīha nabhaḥpathe

Sanskrit only: no published translation is held for this verse.

देवि भर्तृसमीपं मां नय नीरजलोचने । महतां दर्शनं यस्मान् न कदाचन निष्फलम्

devi bhartṛsamīpaṃ māṃ naya nīrajalocane / mahatāṃ darśanaṃ yasmān na kadācana niṣphalam

Sanskrit only: no published translation is held for this verse.

एहि तत्रैव गच्छाव इत्य् उक्त्वा सा कुमारिका । पुरस् तस्यास् स्थिता व्योम्नि मार्गदर्शनतत्परा

ehi tatraiva gacchāva ity uktvā sā kumārikā / puras tasyās sthitā vyomni mārgadarśanatatparā

Sanskrit only: no published translation is held for this verse.

ततस् तदनुयाता सा प्राप कोटरम् अम्बरम् । निर्मलं करवालाङ्गं यथा लक्षणलेखिका

tatas tadanuyātā sā prāpa koṭaram ambaram / nirmalaṃ karavālāṅgaṃ yathā lakṣaṇalekhikā

Sanskrit only: no published translation is held for this verse.

मेघमार्गम् अथोल्लङ्घ्य वातस्कन्धान्तरोत्थिता । सूर्यमार्गाद् अतिगता तारामार्गमहीम् इता

meghamārgam athollaṅghya vātaskandhāntarotthitā / sūryamārgād atigatā tārāmārgamahīm itā

Sanskrit only: no published translation is held for this verse.

वाय्विन्द्रसुरसिद्धानां लोकान् उल्लङ्घ्य लाघवात् । ब्रह्मविष्णुमहेशानां प्राप ब्रह्माण्डकर्परम्

vāyvindrasurasiddhānāṃ lokān ullaṅghya lāghavāt / brahmaviṣṇumaheśānāṃ prāpa brahmāṇḍakarparam

Sanskrit only: no published translation is held for this verse.

हिमशैत्यं यथान्तस्स्थं कुम्भभित्तेर् बहिर् भवेत् । तथा सङ्कल्पसिद्धा सा ब्रह्माण्डान् निर्गता बहिः

himaśaityaṃ yathāntassthaṃ kumbhabhitter bahir bhavet / tathā saṅkalpasiddhā sā brahmāṇḍān nirgatā bahiḥ

Sanskrit only: no published translation is held for this verse.

स्वचित्तमात्रदेहैषा स्वसङ्कल्पप्रभावजम् । अन्तरे वानुभवति किलैवं नाम विभ्रमम्

svacittamātradehaiṣā svasaṅkalpaprabhāvajam / antare vānubhavati kilaivaṃ nāma vibhramam

Sanskrit only: no published translation is held for this verse.

ततो ब्रह्माण्डपारस्थाञ् जलाद्यावरणान् नव । समुल्लङ्घ्य पुरः प्राप महाचिद्गगनान्तरम्

tato brahmāṇḍapārasthāñ jalādyāvaraṇān nava / samullaṅghya puraḥ prāpa mahācidgaganāntaram

Sanskrit only: no published translation is held for this verse.

अदृष्टपारपर्यन्तम् अतिवेगेन धावता । सर्वतो गरुडेनापि कल्पकोटिशतैर् अपि

adṛṣṭapāraparyantam ativegena dhāvatā / sarvato garuḍenāpi kalpakoṭiśatair api

Sanskrit only: no published translation is held for this verse.

तत्र ब्रह्माण्डलक्षाणि सन्त्य् असङ्ख्यानि भूरिशः । अन्योऽन्यं तान्य् अदृष्टानि फलानीव महावने

tatra brahmāṇḍalakṣāṇi santy asaṅkhyāni bhūriśaḥ / anyo'nyaṃ tāny adṛṣṭāni phalānīva mahāvane

Sanskrit only: no published translation is held for this verse.

तत्रैकस्मिन् पुरस्संस्थे विततावरणान्विते । वेधयित्वा विवेशान्तर् वदनं क्रिमिको यथा

tatraikasmin purassaṃsthe vitatāvaraṇānvite / vedhayitvā viveśāntar vadanaṃ krimiko yathā

Sanskrit only: no published translation is held for this verse.

पुनर् ब्रह्मेन्द्रविष्ण्वादि लोकान् उल्लङ्घ्य भासुरान् । सा महीमण्डलं श्रीमत् प्राप तारापथाद् अधः

punar brahmendraviṣṇvādi lokān ullaṅghya bhāsurān / sā mahīmaṇḍalaṃ śrīmat prāpa tārāpathād adhaḥ

Sanskrit only: no published translation is held for this verse.

तत्र तन् मण्डलं प्राप्य तत्पुरं तं च मण्डपम् । प्रविश्य पुष्पगुप्तस्य शवस्य निकटे स्थिता

tatra tan maṇḍalaṃ prāpya tatpuraṃ taṃ ca maṇḍapam / praviśya puṣpaguptasya śavasya nikaṭe sthitā

Sanskrit only: no published translation is held for this verse.

एतस्मिन्न् अन्तरे सात्र न ददर्श कुमारिकाम् । मायाम् इव परिज्ञातां क्वापि यातां वरानना

etasminn antare sātra na dadarśa kumārikām / māyām iva parijñātāṃ kvāpi yātāṃ varānanā

Sanskrit only: no published translation is held for this verse.

मुखम् आलोक्य सा तस्य स्वभर्तुश् शवरूपिनः । इदं बुद्धवती सत्यं प्रतिभावशतस् स्वतः

mukham ālokya sā tasya svabhartuś śavarūpinaḥ / idaṃ buddhavatī satyaṃ pratibhāvaśatas svataḥ

Sanskrit only: no published translation is held for this verse.

अयं स भर्ता संग्रामे निहतो मम सिन्धुना । वीरलोकान् इमान् प्राप्य क्षणं शेते यथासुखम्

ayaṃ sa bhartā saṃgrāme nihato mama sindhunā / vīralokān imān prāpya kṣaṇaṃ śete yathāsukham

Sanskrit only: no published translation is held for this verse.

अहं देव्याः प्रसादेन सशरीरैनम् ईदृशम् । इह प्राप्तवती धन्या मदन्या नास्ति काचन

ahaṃ devyāḥ prasādena saśarīrainam īdṛśam / iha prāptavatī dhanyā madanyā nāsti kācana

Sanskrit only: no published translation is held for this verse.

इति सञ्चिन्त्य सा हस्ते गृहीत्वा चारुचामरम् । वीजयाम् आस चान्द्रेण तं द्यौर् वावनिमण्डलम्

iti sañcintya sā haste gṛhītvā cārucāmaram / vījayām āsa cāndreṇa taṃ dyaur vāvanimaṇḍalam

Sanskrit only: no published translation is held for this verse.

ते भृत्यास् ताश् च वा दास्यस् स राजा वा प्रबुद्धवान् । वक्ष्यन्ति वदतां देवि किं कयेव कथं धिया

te bhṛtyās tāś ca vā dāsyas sa rājā vā prabuddhavān / vakṣyanti vadatāṃ devi kiṃ kayeva kathaṃ dhiyā

Sanskrit only: no published translation is held for this verse.

स राजा सा च ते भृत्यास् सर्व एव परस्परम् । चिदाकाशैकतायोगाद् आवयोश् च प्रभावतः

sa rājā sā ca te bhṛtyās sarva eva parasparam / cidākāśaikatāyogād āvayoś ca prabhāvataḥ

Sanskrit only: no published translation is held for this verse.

महाचित्प्रतिभासाश् च महानियतिनिश्चयात् । अन्योऽन्यम् एवं वेत्स्यन्ति मिथस् सम्प्रतिबिम्बितम्

mahācitpratibhāsāś ca mahāniyatiniścayāt / anyo'nyam evaṃ vetsyanti mithas sampratibimbitam

Sanskrit only: no published translation is held for this verse.

इयं मे सहजा भार्या ममेयं सहजा सखी । ममेयं सहजा राज्ञी भृत्यो ऽयं सहजो मम

iyaṃ me sahajā bhāryā mameyaṃ sahajā sakhī / mameyaṃ sahajā rājñī bhṛtyo 'yaṃ sahajo mama

Sanskrit only: no published translation is held for this verse.

केवलं त्वम् अहं सा च यथावृत्तम् अखण्डितम् । ज्ञास्याम महदाश्चर्यं न तु कश्चिद् अपीतरः

kevalaṃ tvam ahaṃ sā ca yathāvṛttam akhaṇḍitam / jñāsyāma mahadāścaryaṃ na tu kaścid apītaraḥ

Sanskrit only: no published translation is held for this verse.

अमुनैव शरीरेण किमर्थं नागता पतिम् । एषा वरे ऽपि संप्राप्ते लीला ललितवादिनि

amunaiva śarīreṇa kimarthaṃ nāgatā patim / eṣā vare 'pi saṃprāpte līlā lalitavādini

Sanskrit only: no published translation is held for this verse.

अप्रबुद्धधियस् सिद्धलोकान् पुण्यवशोदितान् । न समर्थास् स्वदेहेन प्राप्तुं छाया इवातपान्

aprabuddhadhiyas siddhalokān puṇyavaśoditān / na samarthās svadehena prāptuṃ chāyā ivātapān

Sanskrit only: no published translation is held for this verse.

आदिसर्गे हि नियतिस् स्थापितेति प्रबोधिभिः । यथा सत्यम् अलीकेन न मिलत्य् एव किञ्चन

ādisarge hi niyatis sthāpiteti prabodhibhiḥ / yathā satyam alīkena na milaty eva kiñcana

Sanskrit only: no published translation is held for this verse.

यावद् वेतालसङ्कल्पो बालस्य किल विद्यते । निर्वेतालधियस् तावद् उदयस् तस्य कः कथम्

yāvad vetālasaṅkalpo bālasya kila vidyate / nirvetāladhiyas tāvad udayas tasya kaḥ katham

Sanskrit only: no published translation is held for this verse.

अविवेकज्वरोष्णत्वं विद्यते यावद् आत्मनि । तावद् विवेकशीतांशुशैत्यं कुत उदेत्य् अलम्

avivekajvaroṣṇatvaṃ vidyate yāvad ātmani / tāvad vivekaśītāṃśuśaityaṃ kuta udety alam

Sanskrit only: no published translation is held for this verse.

अहं पृथ्व्यादिदेहः खेगतिर् नास्ति ममोत्तमा । इति निश्चयवान् यो ऽन्तः कथं स्यात् सो ऽन्यनिश्चयः

ahaṃ pṛthvyādidehaḥ khegatir nāsti mamottamā / iti niścayavān yo 'ntaḥ kathaṃ syāt so 'nyaniścayaḥ

Sanskrit only: no published translation is held for this verse.

अतो ज्ञानविवेकेन पुण्येनाथ वरेण वा । पुण्यदेहे न गच्छन्ति परं लोकम् अनेन नो

ato jñānavivekena puṇyenātha vareṇa vā / puṇyadehe na gacchanti paraṃ lokam anena no

Sanskrit only: no published translation is held for this verse.

शुष्कपर्णं किलाङ्गारे पतद् एवाशु दह्यते । अयं देवमयीं देहः प्राप्त एव विशीर्यते

śuṣkaparṇaṃ kilāṅgāre patad evāśu dahyate / ayaṃ devamayīṃ dehaḥ prāpta eva viśīryate

Sanskrit only: no published translation is held for this verse.

एतावद् एव भवति वरलाभविजृम्भितैः । यथा संवित् स एवाहं तथा स्मृत इति स्थितिः

etāvad eva bhavati varalābhavijṛmbhitaiḥ / yathā saṃvit sa evāhaṃ tathā smṛta iti sthitiḥ

Sanskrit only: no published translation is held for this verse.

यस् सर्पप्रत्ययो रज्ज्वां स कथं सर्पकार्यकृत् । आत्मन्य् एव हि यो नास्ति तस्य का कार्यकारिता

yas sarpapratyayo rajjvāṃ sa kathaṃ sarpakāryakṛt / ātmany eva hi yo nāsti tasya kā kāryakāritā

Sanskrit only: no published translation is held for this verse.

यत् त्व् एतन् मृत इत्य् एव मिथ्या समनुभूयते । प्रागभ्यासस्य पुष्टस्य नामैतत् प्रविजृम्भितम्

yat tv etan mṛta ity eva mithyā samanubhūyate / prāgabhyāsasya puṣṭasya nāmaitat pravijṛmbhitam

Sanskrit only: no published translation is held for this verse.

स्वानुभूते जगज्जाले सुगमे संसृतिभ्रमः । नान्यसङ्कल्पिते नाम सर्गाद्यभ्यास ईदृशः

svānubhūte jagajjāle sugame saṃsṛtibhramaḥ / nānyasaṅkalpite nāma sargādyabhyāsa īdṛśaḥ

Sanskrit only: no published translation is held for this verse.

अन्तर् अनुभूयमानास् संसृतयो बाह्यभूतजालानाम् । अविदितवेद्यदृशाम् अतिदूरे पुंसाम् इवैन्दवं बिम्बम्

antar anubhūyamānās saṃsṛtayo bāhyabhūtajālānām / aviditavedyadṛśām atidūre puṃsām ivaindavaṃ bimbam

Sanskrit only: no published translation is held for this verse.