Moksopaya with Bhaskarakantha's Tika 3.68

अत्रैवोदाहरन्तीमम् इतिहासं पुरातनम् । राक्षस्योक्तं महाप्रश्नजालम् आवलिताखिलम्

atraivodāharantīmam itihāsaṃ purātanam / rākṣasyoktaṃ mahāpraśnajālam āvalitākhilam

Sanskrit only: no published translation is held for this verse.

अस्ति कज्जलपङ्काद्रेर् इवोग्रा सालभञ्जिका । हिमाद्रेर् उत्तरे पार्श्वे कर्कटी नाम राक्षसी

asti kajjalapaṅkādrer ivogrā sālabhañjikā / himādrer uttare pārśve karkaṭī nāma rākṣasī

Sanskrit only: no published translation is held for this verse.

विषूचिकाभिधाना या कन्या सा न्यायबाधिका । विन्ध्याटवीव देहेन युक्त्या कार्श्यम् उपागता

viṣūcikābhidhānā yā kanyā sā nyāyabādhikā / vindhyāṭavīva dehena yuktyā kārśyam upāgatā

Sanskrit only: no published translation is held for this verse.

महाबलाग्निनयना रोदोरन्ध्रावपूरिणी । नीलाम्बराम्बरा कृष्णा देहबद्धेव यामिनी

mahābalāgninayanā rodorandhrāvapūriṇī / nīlāmbarāmbarā kṛṣṇā dehabaddheva yāminī

Sanskrit only: no published translation is held for this verse.

नीहारवसनाच्छन्ना मेदुराभ्रशिरःपटा । लम्बाभ्रबिम्बोरसिजा नित्योर्ध्वतिमिरोर्ध्वजा

nīhāravasanācchannā medurābhraśiraḥpaṭā / lambābhrabimborasijā nityordhvatimirordhvajā

Sanskrit only: no published translation is held for this verse.

स्थिरविद्युल्लतानेत्रा तमालतरुतारका । वैडूर्यशूर्पाग्रनखी भस्मनीहारहासिनी

sthiravidyullatānetrā tamālatarutārakā / vaiḍūryaśūrpāgranakhī bhasmanīhārahāsinī

Sanskrit only: no published translation is held for this verse.

निर्मांसनरदेहौघपुष्पस्रग्दामभूषिता । सर्वाङ्गोग्रान्त्रसम्प्रोतशवमालाविराजिता

nirmāṃsanaradehaughapuṣpasragdāmabhūṣitā / sarvāṅgogrāntrasamprotaśavamālāvirājitā

Sanskrit only: no published translation is held for this verse.

वेतालावेशविवलत्कालकङ्कालकुण्डला । अर्कादानोत्कदीप्ताभ्रभीमोग्रभुजमण्डला

vetālāveśavivalatkālakaṅkālakuṇḍalā / arkādānotkadīptābhrabhīmograbhujamaṇḍalā

Sanskrit only: no published translation is held for this verse.

तस्या विपुलकायत्वाद् दुर्लभत्वान् निजान्धसः । अतृप्तो ऽर्णवलेखाया इवाभूज् जाठरो ऽनलः

tasyā vipulakāyatvād durlabhatvān nijāndhasaḥ / atṛpto 'rṇavalekhāyā ivābhūj jāṭharo 'nalaḥ

Sanskrit only: no published translation is held for this verse.

न कदाचन सा तृप्तिम् उपायाति महोदरी । वडवानलजिह्वेव चिन्तयाम् आस चैकदा

na kadācana sā tṛptim upāyāti mahodarī / vaḍavānalajihveva cintayām āsa caikadā

Sanskrit only: no published translation is held for this verse.

जम्बुद्वीपगतान् सर्वान् निगिरामि जनान् यदि । अनारतम् अनुच्छ्वासं जलराशीन् इवार्णवः

jambudvīpagatān sarvān nigirāmi janān yadi / anāratam anucchvāsaṃ jalarāśīn ivārṇavaḥ

Sanskrit only: no published translation is held for this verse.

मेघेन मृगतृष्णेव तन् मे क्षुद् उपशाम्यति । अविरुद्धैव सा युक्तिर् ययापदि हि जीव्यते

meghena mṛgatṛṣṇeva tan me kṣud upaśāmyati / aviruddhaiva sā yuktir yayāpadi hi jīvyate

Sanskrit only: no published translation is held for this verse.

मन्त्रौषधतपोदानदेवपूजादिरक्षितम् । समम् एव जनं सर्वं निर्बाधं कः प्रबाधते

mantrauṣadhatapodānadevapūjādirakṣitam / samam eva janaṃ sarvaṃ nirbādhaṃ kaḥ prabādhate

Sanskrit only: no published translation is held for this verse.

तपः करोमि परमम् अखिन्नेनैव चेतसा । तपसैव महोग्रेण यद् दुरापं तद् आप्यते

tapaḥ karomi paramam akhinnenaiva cetasā / tapasaiva mahogreṇa yad durāpaṃ tad āpyate

Sanskrit only: no published translation is held for this verse.

इति सञ्चिन्त्य सा सर्वजन्तुजातजिघत्सया । तपोऽर्थम् अथ सस्मार प्रदेशं भूतदुर्गमम्

iti sañcintya sā sarvajantujātajighatsayā / tapo'rtham atha sasmāra pradeśaṃ bhūtadurgamam

Sanskrit only: no published translation is held for this verse.

आरुरोह च तच् छृङ्गं स्थिरविद्युद्विलोचना । हस्तपादादिमद्देहा श्यामलेवाभ्रमण्डली

āruroha ca tac chṛṅgaṃ sthiravidyudvilocanā / hastapādādimaddehā śyāmalevābhramaṇḍalī

Sanskrit only: no published translation is held for this verse.

तत्राम्बराम्बरा स्नातुं तपः कर्तुं कृतस्थितिः । अतिष्ठद् एकपादेन चन्द्रार्कास्पन्दलोचना

tatrāmbarāmbarā snātuṃ tapaḥ kartuṃ kṛtasthitiḥ / atiṣṭhad ekapādena candrārkāspandalocanā

Sanskrit only: no published translation is held for this verse.

क्रमेण दिवसाः पक्षास् तस्या मासर्तवो ययुः । शीतातपेष्व् अलोलायाः कृत्ताया इव शैलतः

krameṇa divasāḥ pakṣās tasyā māsartavo yayuḥ / śītātapeṣv alolāyāḥ kṛttāyā iva śailataḥ

Sanskrit only: no published translation is held for this verse.

सा बभूवाभ्रमालायास् समा संस्तम्भिताकृतिः । कृष्णोत्थितोर्ध्वकेशी खम् आहर्तुम् इव चोद्भुजा

sā babhūvābhramālāyās samā saṃstambhitākṛtiḥ / kṛṣṇotthitordhvakeśī kham āhartum iva codbhujā

Sanskrit only: no published translation is held for this verse.

आलोक्य तां पवनजर्जरिताङ्गकत्वक्क्लीवां सझाङ्कृतिरणत्पवनावधूतैः । ऊर्ध्वस्थमूर्धजतमःपटलैर् दधानां तारौघमौक्तिकम् अजस् समुपाजगाम

ālokya tāṃ pavanajarjaritāṅgakatvakklīvāṃ sajhāṅkṛtiraṇatpavanāvadhūtaiḥ / ūrdhvasthamūrdhajatamaḥpaṭalair dadhānāṃ tāraughamauktikam ajas samupājagāma

Sanskrit only: no published translation is held for this verse.