Moksopaya with Bhaskarakantha's Tika 3.69

अथ वर्षसहस्रेण तां पितामह आययौ । दारुणं हि तपस् सिद्ध्यै विष्ठाग्निर् अपि शीतहा

atha varṣasahasreṇa tāṃ pitāmaha āyayau / dāruṇaṃ hi tapas siddhyai viṣṭhāgnir api śītahā

Sanskrit only: no published translation is held for this verse.

मनसैव प्रणम्यैनं सा तथेति स्थिता सती । को वरः क्षुत्क्षयायालम् इति चिन्तान्विताभवत्

manasaiva praṇamyainaṃ sā tatheti sthitā satī / ko varaḥ kṣutkṣayāyālam iti cintānvitābhavat

Sanskrit only: no published translation is held for this verse.

अनायसी चायसी च स्याम् अहं जीवसूचिका । अस्योक्त्या द्विविधा सूचीभूत्वालक्ष्या विशाम्य् अहम्

anāyasī cāyasī ca syām ahaṃ jīvasūcikā / asyoktyā dvividhā sūcībhūtvālakṣyā viśāmy aham

Sanskrit only: no published translation is held for this verse.

प्राणेन सह सर्वेषां हृदयं सुरभिर् यथा । यथाभिमतम् एतेन ग्रसेयं सकलं जनम्

prāṇena saha sarveṣāṃ hṛdayaṃ surabhir yathā / yathābhimatam etena graseyaṃ sakalaṃ janam

Sanskrit only: no published translation is held for this verse.

क्रमेण क्षुद्विनाशाय क्षुद्विनाशः परं सुखम् । इति सञ्चिन्तयन्तीं ताम् उवाच कमलोद्भवः

krameṇa kṣudvināśāya kṣudvināśaḥ paraṃ sukham / iti sañcintayantīṃ tām uvāca kamalodbhavaḥ

Sanskrit only: no published translation is held for this verse.

पुत्रि कर्कटिके रक्षःकुलशैलाभ्रमालिके

putri karkaṭike rakṣaḥkulaśailābhramālike

Sanskrit only: no published translation is held for this verse.

उत्तिष्ठ त्वयि तुष्टो ऽस्मि गृहाणाभिमतं वरम् । भगवन् भूतभव्येश स्याम् अहं जीवसूचिका

uttiṣṭha tvayi tuṣṭo 'smi gṛhāṇābhimataṃ varam / bhagavan bhūtabhavyeśa syām ahaṃ jīvasūcikā

Sanskrit only: no published translation is held for this verse.

एवम् अस्त्व् इति ताम् उक्त्वा पुनर् एव पितामहः

evam astv iti tām uktvā punar eva pitāmahaḥ

Sanskrit only: no published translation is held for this verse.

सूचिकाम् आह सर्गे त्वं भविष्यसि विषूचिका । सूक्ष्मया मायया सर्वलोकहिंसां करिष्यसि

sūcikām āha sarge tvaṃ bhaviṣyasi viṣūcikā / sūkṣmayā māyayā sarvalokahiṃsāṃ kariṣyasi

Sanskrit only: no published translation is held for this verse.

दुर्भोजना दुरारम्भा मूर्खा दुस्स्थितयश् च ये । दुर्देशवासिनो धृष्टास् तेषां हिंसां करिष्यसि

durbhojanā durārambhā mūrkhā dussthitayaś ca ye / durdeśavāsino dhṛṣṭās teṣāṃ hiṃsāṃ kariṣyasi

Sanskrit only: no published translation is held for this verse.

प्रविश्य हृदयं प्राणैः पद्मप्लीहादिवेधनात् । वातलेखात्मिका व्याधिर् भविष्यसि विषूचिका

praviśya hṛdayaṃ prāṇaiḥ padmaplīhādivedhanāt / vātalekhātmikā vyādhir bhaviṣyasi viṣūcikā

Sanskrit only: no published translation is held for this verse.

सगुणं विगुणं वापि जनम् आसादयिष्यसि । गुणिनि त्वच्चिकित्सार्थं मन्त्रो ऽयं तु मयोच्यते

saguṇaṃ viguṇaṃ vāpi janam āsādayiṣyasi / guṇini tvaccikitsārthaṃ mantro 'yaṃ tu mayocyate

Sanskrit only: no published translation is held for this verse.

हिमाद्रेर् उत्तरे पार्श्वे कर्कटी नाम राक्षसी । विषूचिकाभिधाना या कन्या सा न्यायबाधिका

himādrer uttare pārśve karkaṭī nāma rākṣasī / viṣūcikābhidhānā yā kanyā sā nyāyabādhikā

Sanskrit only: no published translation is held for this verse.

ॐ ह्रीं ह्रीं ह्रीं राम् । विष्णुशक्तये नमः । भगवति विष्णुशक्ते एनां दह दह पच पच मथ मथ हन हन उत्सादय उत्सादय दूरीकुरु । स्वाहा । विषूचिके र्ख्रः र्ख्रः र्ख्रः हिमवन्तं गच्छ हिमवन्तं गच्छ जीव । सः सः सः चन्द्रमण्डल गतासि । स्वाहा

oṃ hrīṃ hrīṃ hrīṃ rām | viṣṇuśaktaye namaḥ | bhagavati viṣṇuśakte enāṃ daha daha paca paca matha matha hana hana utsādaya utsādaya dūrīkuru | svāhā | viṣūcike rkhraḥ rkhraḥ rkhraḥ himavantaṃ gaccha himavantaṃ gaccha jīva | saḥ saḥ saḥ candramaṇḍala gatāsi | svāhā

Sanskrit only: no published translation is held for this verse.

इति मन्त्रं महामन्त्रं न्यस्य वामकरोदरे । मार्जयेद् आतुराकारं तेन हस्तेन संयतः

iti mantraṃ mahāmantraṃ nyasya vāmakarodare / mārjayed āturākāraṃ tena hastena saṃyataḥ

Sanskrit only: no published translation is held for this verse.

हिमशैलाभिमुख्येन विद्रुतां तां विचिन्तयेत् । कर्कटीं कर्कशाक्रन्दां मन्त्रमुद्गरचूर्णिताम्

himaśailābhimukhyena vidrutāṃ tāṃ vicintayet / karkaṭīṃ karkaśākrandāṃ mantramudgaracūrṇitām

Sanskrit only: no published translation is held for this verse.

आतुरं चिन्तयेच् चन्द्रे रसायनह्रदे स्थितम् । अजरामरणं मुक्तं सर्वाधिव्याधिविभ्रमैः

āturaṃ cintayec candre rasāyanahrade sthitam / ajarāmaraṇaṃ muktaṃ sarvādhivyādhivibhramaiḥ

Sanskrit only: no published translation is held for this verse.

साधको हि शुचिर् भूत्वा स्वाचान्तस् सुसमाहितः । क्रमेणानेन सकलाः प्रोच्छिनत्ति विषूचिकाः

sādhako hi śucir bhūtvā svācāntas susamāhitaḥ / krameṇānena sakalāḥ procchinatti viṣūcikāḥ

Sanskrit only: no published translation is held for this verse.

इति गगनगतस् त्रिलोकनाथो गगनगसिद्धगृहीतसिद्धमन्त्रः । गत इभगतशक्रवन्द्यमानो निजपुरम् अक्षयम् अग्र्यम् उज्ज्वलश्रि

iti gaganagatas trilokanātho gaganagasiddhagṛhītasiddhamantraḥ / gata ibhagataśakravandyamāno nijapuram akṣayam agryam ujjvalaśri

Sanskrit only: no published translation is held for this verse.