Moksopaya with Bhaskarakantha's Tika 3.71

अथ सा बहुकालेन कर्कटी नाम राक्षसी । सर्वेषां नरमांसानां नूनं तृप्तिम् उपाययौ

atha sā bahukālena karkaṭī nāma rākṣasī / sarveṣāṃ naramāṃsānāṃ nūnaṃ tṛptim upāyayau

Sanskrit only: no published translation is held for this verse.

पूर्वेणैव किलाह्ना सा तृप्ता रुधिरबिन्दुना । सूच्यां किम् इव मात्य् अन्तस् तृष्णासूचिस् तु दुर्भरा

pūrveṇaiva kilāhnā sā tṛptā rudhirabindunā / sūcyāṃ kim iva māty antas tṛṣṇāsūcis tu durbharā

Sanskrit only: no published translation is held for this verse.

चिन्तयाम् आस हा कष्टं किम् इदं सूचितां गता । सूक्ष्मास्मि हतशक्तिश् च मयि ग्रासो न माति च

cintayām āsa hā kaṣṭaṃ kim idaṃ sūcitāṃ gatā / sūkṣmāsmi hataśaktiś ca mayi grāso na māti ca

Sanskrit only: no published translation is held for this verse.

क्व मे तानि विशालानि गतान्य् अङ्गानि दुर्धियः । कालमेघविलासानि वने शीर्णानि पर्णवत्

kva me tāni viśālāni gatāny aṅgāni durdhiyaḥ / kālameghavilāsāni vane śīrṇāni parṇavat

Sanskrit only: no published translation is held for this verse.

मय्य् अस्यां मन्दभाग्यायां मनाग् अपि न माति च । स्वादुमांसरसग्रासो वसावासित आसवः

mayy asyāṃ mandabhāgyāyāṃ manāg api na māti ca / svādumāṃsarasagrāso vasāvāsita āsavaḥ

Sanskrit only: no published translation is held for this verse.

पङ्के ऽन्तर् विनिमज्जामि पतामि धरणीतले । हतास्मि जनपदौघैस् तस्करैर् दलितास्मि च

paṅke 'ntar vinimajjāmi patāmi dharaṇītale / hatāsmi janapadaughais taskarair dalitāsmi ca

Sanskrit only: no published translation is held for this verse.

हा हताहम् अनाथाहम् अनाश्वासा निरास्पदा । दुःखाद् दुःखे निमज्जामि सङ्कटात् सङ्कटे ऽपि च

hā hatāham anāthāham anāśvāsā nirāspadā / duḥkhād duḥkhe nimajjāmi saṅkaṭāt saṅkaṭe 'pi ca

Sanskrit only: no published translation is held for this verse.

न मे सखी न मे दासी न मे माता न मे पिता । न मे बन्धुर् न मे भृत्यो न मे भ्राता न मे सुतः

na me sakhī na me dāsī na me mātā na me pitā / na me bandhur na me bhṛtyo na me bhrātā na me sutaḥ

Sanskrit only: no published translation is held for this verse.

न मे देहो न मे स्थानं न मे कश्चित् समाश्रयः । नैकस्थानसमाश्वासो भ्रमामि वनपर्णवत्

na me deho na me sthānaṃ na me kaścit samāśrayaḥ / naikasthānasamāśvāso bhramāmi vanaparṇavat

Sanskrit only: no published translation is held for this verse.

आपदां धुरि तिष्ठामि निविष्टास्मि सुदारुणे । अभावम् अभिवाञ्छामि सो ऽपि सम्पद्यते न मे

āpadāṃ dhuri tiṣṭhāmi niviṣṭāsmi sudāruṇe / abhāvam abhivāñchāmi so 'pi sampadyate na me

Sanskrit only: no published translation is held for this verse.

स्वको देहः परित्यक्तो मूढचेतनया मया । काचबुद्ध्या विमूढेन हस्ताच् चिन्तामणिर् यथा

svako dehaḥ parityakto mūḍhacetanayā mayā / kācabuddhyā vimūḍhena hastāc cintāmaṇir yathā

Sanskrit only: no published translation is held for this verse.

आपतन्ती मनोमोहं पूर्वम् आपत् प्रयच्छति । पश्चाद् अनर्थविस्ताररूपेण प्रविजृम्भते

āpatantī manomohaṃ pūrvam āpat prayacchati / paścād anarthavistārarūpeṇa pravijṛmbhate

Sanskrit only: no published translation is held for this verse.

बुसेषु परिसुप्तास्मि मार्गेषु लुलितास्मि च । व्रणेषु प्रेषितास्म्य् अन्तर् हा मे दुःखपरम्परा

buseṣu parisuptāsmi mārgeṣu lulitāsmi ca / vraṇeṣu preṣitāsmy antar hā me duḥkhaparamparā

Sanskrit only: no published translation is held for this verse.

परप्रेष्यकरी नित्यं परसञ्चारचारिणी । परं कार्पण्यम् आयाता जाता परवशास्म्य् अहम्

parapreṣyakarī nityaṃ parasañcāracāriṇī / paraṃ kārpaṇyam āyātā jātā paravaśāsmy aham

Sanskrit only: no published translation is held for this verse.

भृतिं करोमि तुच्छैव सापि वेधनरूपिणी । अहो ममाल्पभाग्याया दौर्भाग्यम् अपि दुर्लभम्

bhṛtiṃ karomi tucchaiva sāpi vedhanarūpiṇī / aho mamālpabhāgyāyā daurbhāgyam api durlabham

Sanskrit only: no published translation is held for this verse.

उत्थितस् स्फारवेतालः कुर्वन्त्याश् शान्तिम् एव मे । सर्वनाशो धनादाने प्रवृत्ताया ममोदितः

utthitas sphāravetālaḥ kurvantyāś śāntim eva me / sarvanāśo dhanādāne pravṛttāyā mamoditaḥ

Sanskrit only: no published translation is held for this verse.

किम् अन्धया मया तादृक् सन्त्यक्तं तन् महावपुः । यथा नाशेन वा भाव्यं तथोदेत्य् अशुभा मतिः

kim andhayā mayā tādṛk santyaktaṃ tan mahāvapuḥ / yathā nāśena vā bhāvyaṃ tathodety aśubhā matiḥ

Sanskrit only: no published translation is held for this verse.

माम् अवान्तरनिर्दग्धां न्यूनां कीटकणाद् अपि । उद्धरिष्यति को नाम पांसुराशिषु हारिताम्

mām avāntaranirdagdhāṃ nyūnāṃ kīṭakaṇād api / uddhariṣyati ko nāma pāṃsurāśiṣu hāritām

Sanskrit only: no published translation is held for this verse.

विविक्तमनसां बुद्धौ क्व स्फुरन्ति हताशयाः । ग्राममार्गतृणानीव गिरेर् उपरि वासिनाम्

viviktamanasāṃ buddhau kva sphuranti hatāśayāḥ / grāmamārgatṛṇānīva girer upari vāsinām

Sanskrit only: no published translation is held for this verse.

स्थितानाम् अज्ञसम्बोधे कथम् अभ्युदयो भवेत् । अण्व् अप्य् उदेति प्राकाश्यं न खद्योतानुसेविनः

sthitānām ajñasambodhe katham abhyudayo bhavet / aṇv apy udeti prākāśyaṃ na khadyotānusevinaḥ

Sanskrit only: no published translation is held for this verse.

अतः कियन्तं नो जाने कालम् आवलितापदम् । मयापच्छ्वभ्रगर्तेषु लुठितव्यं हतेहया

ataḥ kiyantaṃ no jāne kālam āvalitāpadam / mayāpacchvabhragarteṣu luṭhitavyaṃ hatehayā

Sanskrit only: no published translation is held for this verse.

कदा स्याम् अञ्जनमहाशैलपुत्रकरूपिणी । द्यावापृथिव्योर् वैडूर्यस्तम्भताम् अनुतिष्ठती

kadā syām añjanamahāśailaputrakarūpiṇī / dyāvāpṛthivyor vaiḍūryastambhatām anutiṣṭhatī

Sanskrit only: no published translation is held for this verse.

मेघमालासमभुजा स्थिरविद्युच्छटेक्षणा । नीहारजालवसना प्रोच्चकेशासिताम्बरा

meghamālāsamabhujā sthiravidyucchaṭekṣaṇā / nīhārajālavasanā proccakeśāsitāmbarā

Sanskrit only: no published translation is held for this verse.

लम्बोदराभ्रसन्दर्शप्रनर्तितशिखण्डिनी । लम्बलोलस्तनी श्यामदेहपातद्रवत्सुरा

lambodarābhrasandarśapranartitaśikhaṇḍinī / lambalolastanī śyāmadehapātadravatsurā

Sanskrit only: no published translation is held for this verse.

हासभस्मच्छटाच्छन्नसूर्यमण्डलरोधिनी । कृतान्तग्रसनोद्युक्तकृत्यैकाकृतिधारिणी

hāsabhasmacchaṭācchannasūryamaṇḍalarodhinī / kṛtāntagrasanodyuktakṛtyaikākṛtidhāriṇī

Sanskrit only: no published translation is held for this verse.

कुणालोलूखलबृसीशूर्पस्रग्दामभारिणी । पर्वतात् पर्वते शृङ्गे न्यस्य पादं विहारिणी

kuṇālolūkhalabṛsīśūrpasragdāmabhāriṇī / parvatāt parvate śṛṅge nyasya pādaṃ vihāriṇī

Sanskrit only: no published translation is held for this verse.

कदा मे स्याद् उरुश्वभ्रभासुरं तन् महोदरम् । कदा मे स्याच् छरन्मेघमेदुरा नखरावली

kadā me syād uruśvabhrabhāsuraṃ tan mahodaram / kadā me syāc charanmeghamedurā nakharāvalī

Sanskrit only: no published translation is held for this verse.

कदा मे स्यान् महारक्षोविद्रावणकरं स्मितम् । स्वस्फिग्वाद्यैर् अरण्यान्यां कदा नृत्येयम् उन्मदा

kadā me syān mahārakṣovidrāvaṇakaraṃ smitam / svasphigvādyair araṇyānyāṃ kadā nṛtyeyam unmadā

Sanskrit only: no published translation is held for this verse.

वसासवमहाकुम्भैर् मृतमांसास्थिसञ्चयैः । कदा करिष्ये विरतं मधुरोदरपूरणम्

vasāsavamahākumbhair mṛtamāṃsāsthisañcayaiḥ / kadā kariṣye virataṃ madhurodarapūraṇam

Sanskrit only: no published translation is held for this verse.

कदा पीतमहालोकरुधिरा क्षीवतां गता । भवेयम् उदितोन्नृत्ता मुद्रिता निद्रया ततः

kadā pītamahālokarudhirā kṣīvatāṃ gatā / bhaveyam uditonnṛttā mudritā nidrayā tataḥ

Sanskrit only: no published translation is held for this verse.

मयैव कुतपोवह्नौ तद् दग्ध्वा भासुरं वपुः । भस्मत्वं कनकेनेव सूचित्वम् उररीकृतम्

mayaiva kutapovahnau tad dagdhvā bhāsuraṃ vapuḥ / bhasmatvaṃ kanakeneva sūcitvam urarīkṛtam

Sanskrit only: no published translation is held for this verse.

क्व किलाञ्जनशैलाभं वपुर् भरितदिक्तटम् । क्व मूषिकाखुरसमं सूचित्वं तृणपेलवम्

kva kilāñjanaśailābhaṃ vapur bharitadiktaṭam / kva mūṣikākhurasamaṃ sūcitvaṃ tṛṇapelavam

Sanskrit only: no published translation is held for this verse.

त्यजत्य् आशु मृद् इत्य् अज्ञः प्राप्यापि कनकाङ्गदम् । मया सूचित्वलोभेन सन्त्यक्तं भासुरं वपुः

tyajaty āśu mṛd ity ajñaḥ prāpyāpi kanakāṅgadam / mayā sūcitvalobhena santyaktaṃ bhāsuraṃ vapuḥ

Sanskrit only: no published translation is held for this verse.

हा महोदर विन्ध्याद्रिसनीहारगुहोपमम् । अद्य नान्तं करोषि त्वं कथं सिंहैणहस्तिनाम्

hā mahodara vindhyādrisanīhāraguhopamam / adya nāntaṃ karoṣi tvaṃ kathaṃ siṃhaiṇahastinām

Sanskrit only: no published translation is held for this verse.

हा भुजौ भरनिर्भुग्नशिखरौ शशभृन्नखौ । पुरोऌआशधिया चन्द्रं कथम् अद्य न धावथः

hā bhujau bharanirbhugnaśikharau śaśabhṛnnakhau / puroḷāśadhiyā candraṃ katham adya na dhāvathaḥ

Sanskrit only: no published translation is held for this verse.

हा वक्षः काचवैडूर्यगिरीन्द्रतटसुन्दर । नाद्य सिंहादियौकं तद् धृतं रोमवनं त्वया

hā vakṣaḥ kācavaiḍūryagirīndrataṭasundara / nādya siṃhādiyaukaṃ tad dhṛtaṃ romavanaṃ tvayā

Sanskrit only: no published translation is held for this verse.

हा नेत्रे कृष्णरजनीज्वलच्छुष्कवनोज्ज्वले । कस्मान् न मे भूषयथो दृग्ज्वालामालया दिशः

hā netre kṛṣṇarajanījvalacchuṣkavanojjvale / kasmān na me bhūṣayatho dṛgjvālāmālayā diśaḥ

Sanskrit only: no published translation is held for this verse.

हा स्कन्धबन्धो नष्टो ऽसि विभ्रष्टो ऽसि महीतले । कालेन विनिविष्टो ऽसि निघृष्टो ऽसि शिलोदरे

hā skandhabandho naṣṭo 'si vibhraṣṭo 'si mahītale / kālena viniviṣṭo 'si nighṛṣṭo 'si śilodare

Sanskrit only: no published translation is held for this verse.

हा मुखेन्दो तपसि किं नाद्य त्वद्दन्तरश्मिभिः । कल्पाग्निदग्धसंशान्तचन्द्रबिम्बमनोहर

hā mukhendo tapasi kiṃ nādya tvaddantaraśmibhiḥ / kalpāgnidagdhasaṃśāntacandrabimbamanohara

Sanskrit only: no published translation is held for this verse.

हा हा हस्तौ महाकारौ ताव् अद्य क्व गतौ मम । सम्पन्ना किम् अहं सूची मक्षिकाखुरदोलिता

hā hā hastau mahākārau tāv adya kva gatau mama / sampannā kim ahaṃ sūcī makṣikākhuradolitā

Sanskrit only: no published translation is held for this verse.

हा भगोग्रकरञ्जाढ्यसुखदश्वभ्रशोभन । विन्ध्याद्र्यरण्यविपुलनितम्बामलबिम्बक

hā bhagograkarañjāḍhyasukhadaśvabhraśobhana / vindhyādryaraṇyavipulanitambāmalabimbaka

Sanskrit only: no published translation is held for this verse.

क्वाकारो ऽम्बरपूरकः क्व च नवं तुच्छात्मसूचीवपू रोदोरन्ध्रसमः क्व चास्यकुहरः क्वेदं च सूचीमुखम् । क्व ग्रासो बहुमांसभारबहलः क्वाब्बिन्दुना रोधनं सूक्ष्मास्य् एतद् अहो मयैव रचितं स्वात्मक्षये नाटकम्

kvākāro 'mbarapūrakaḥ kva ca navaṃ tucchātmasūcīvapū rodorandhrasamaḥ kva cāsyakuharaḥ kvedaṃ ca sūcīmukham / kva grāso bahumāṃsabhārabahalaḥ kvābbindunā rodhanaṃ sūkṣmāsy etad aho mayaiva racitaṃ svātmakṣaye nāṭakam

Sanskrit only: no published translation is held for this verse.