Moksopaya with Bhaskarakantha's Tika 3.74

तत्र तस्योर्ध्वशृङ्गस्य तस्यां मूर्धमहावनौ । ददर्श मध्ये तां सूचीं प्रोत्थितां सशिखाम् इव

tatra tasyordhvaśṛṅgasya tasyāṃ mūrdhamahāvanau / dadarśa madhye tāṃ sūcīṃ protthitāṃ saśikhām iva

Sanskrit only: no published translation is held for this verse.

एकपादं तपस्यन्तीं शुष्यन्तीं चिरम् ऊष्मपाम् । सततानशनाच् छुष्कां पिण्डीभूतोदरत्वचम्

ekapādaṃ tapasyantīṃ śuṣyantīṃ ciram ūṣmapām / satatānaśanāc chuṣkāṃ piṇḍībhūtodaratvacam

Sanskrit only: no published translation is held for this verse.

सकृद्विकासिनास्येन गृहीत्वैव तम् आनिलम् । पश्चात् त्यजन्तीं हृदये ऽप्य् एव मान्तीम् अनारतम्

sakṛdvikāsināsyena gṛhītvaiva tam ānilam / paścāt tyajantīṃ hṛdaye 'py eva māntīm anāratam

Sanskrit only: no published translation is held for this verse.

शुष्कां चण्डांशुकिरणैर् जर्जरां वनवायुभिः । अचलन्तीं निजात् स्थानात् स्नपिताम् इन्दुरश्मिभिः

śuṣkāṃ caṇḍāṃśukiraṇair jarjarāṃ vanavāyubhiḥ / acalantīṃ nijāt sthānāt snapitām induraśmibhiḥ

Sanskrit only: no published translation is held for this verse.

पूर्वं रजोऽणुनैकेन समधिष्ठितमस्तकाम् । कृतार्थत्वं कलयता ददतान्यस्य नास्पदम्

pūrvaṃ rajo'ṇunaikena samadhiṣṭhitamastakām / kṛtārthatvaṃ kalayatā dadatānyasya nāspadam

Sanskrit only: no published translation is held for this verse.

अरण्येनेव दत्तार्घां चिराज् जातशिखाम् इव । मूर्ध्नीव स्थापितप्राणां जटाकूटवतीम् इव

araṇyeneva dattārghāṃ cirāj jātaśikhām iva / mūrdhnīva sthāpitaprāṇāṃ jaṭākūṭavatīm iva

Sanskrit only: no published translation is held for this verse.

तां वीक्ष्य पवनस् सूचीं विस्मयाकुलचेतनः । प्रणम्यालोक्य चरितं भीतभीत इवाग्रतः

tāṃ vīkṣya pavanas sūcīṃ vismayākulacetanaḥ / praṇamyālokya caritaṃ bhītabhīta ivāgrataḥ

Sanskrit only: no published translation is held for this verse.

महातपस्विनी सूचि किमर्थं तप्यसे तपः । नेति वक्तुं शशाकासौ तत्तेजोराशिनिर्जितः

mahātapasvinī sūci kimarthaṃ tapyase tapaḥ / neti vaktuṃ śaśākāsau tattejorāśinirjitaḥ

Sanskrit only: no published translation is held for this verse.

भगवत्या महासूच्या अहो चित्रं महत् तपः । इत्य् एव केवलं ध्यायन् मारुतो गगनं ययौ

bhagavatyā mahāsūcyā aho citraṃ mahat tapaḥ / ity eva kevalaṃ dhyāyan māruto gaganaṃ yayau

Sanskrit only: no published translation is held for this verse.

समुल्लङ्घ्याभ्रमार्गं तु वातस्कन्धान् अतीत्य च । सिद्धवृन्दान्य् अधः कृत्वा सूर्यमार्गम् उपेत्य च

samullaṅghyābhramārgaṃ tu vātaskandhān atītya ca / siddhavṛndāny adhaḥ kṛtvā sūryamārgam upetya ca

Sanskrit only: no published translation is held for this verse.

ऊर्ध्वम् एत्य विचारेभ्यः प्राप शक्रपुरान्तरम् । सूचिदर्शनपुण्यं तम् आलिलिङ्ग पुरन्दरः

ūrdhvam etya vicārebhyaḥ prāpa śakrapurāntaram / sūcidarśanapuṇyaṃ tam āliliṅga purandaraḥ

Sanskrit only: no published translation is held for this verse.

पृष्टश् च कथयाम् आस दृष्टं सर्वं मयेत्य् असौ । सहदेवनिकायाय शक्रायास्थानवासिने

pṛṣṭaś ca kathayām āsa dṛṣṭaṃ sarvaṃ mayety asau / sahadevanikāyāya śakrāyāsthānavāsine

Sanskrit only: no published translation is held for this verse.

जम्बुद्वीपे ऽस्ति शैलेन्द्रो हिमवान् नाम सून्नतः । जामाता यस्य भगवान् साक्षाच् छशिकलाधरः

jambudvīpe 'sti śailendro himavān nāma sūnnataḥ / jāmātā yasya bhagavān sākṣāc chaśikalādharaḥ

Sanskrit only: no published translation is held for this verse.

तस्योत्तरे महाशृङ्गपृष्ठे परमरूपिणी । स्थिता तपस्विनी सूची तपश् चरति दारुणम्

tasyottare mahāśṛṅgapṛṣṭhe paramarūpiṇī / sthitā tapasvinī sūcī tapaś carati dāruṇam

Sanskrit only: no published translation is held for this verse.

बहुनात्र किम् उक्तेन वाताद्यशनशान्तये । तया स्वोदरसौषिर्यं पिण्डीकृत्य निवारितम्

bahunātra kim uktena vātādyaśanaśāntaye / tayā svodarasauṣiryaṃ piṇḍīkṛtya nivāritam

Sanskrit only: no published translation is held for this verse.

शान्तसङ्कोचम् ऊष्मार्थं विकास्यास्यं रजोऽणुना । तयाद्य स्थगितं शीतवाताशननिवृत्तये

śāntasaṅkocam ūṣmārthaṃ vikāsyāsyaṃ rajo'ṇunā / tayādya sthagitaṃ śītavātāśananivṛttaye

Sanskrit only: no published translation is held for this verse.

तस्यास् तीव्रेण तपसा तुहिनाकारम् उत्सृजन् । अग्न्याकारम् अगो गृह्णन् देवदुस्सेव्यतां गतः

tasyās tīvreṇa tapasā tuhinākāram utsṛjan / agnyākāram ago gṛhṇan devadussevyatāṃ gataḥ

Sanskrit only: no published translation is held for this verse.

तद् उत्तिष्ठाशु गच्छामस् सर्व एव पितामहम् । तद्वरार्थम् अनर्थाय विद्धि तद्दुस्सहं तपः

tad uttiṣṭhāśu gacchāmas sarva eva pitāmaham / tadvarārtham anarthāya viddhi taddussahaṃ tapaḥ

Sanskrit only: no published translation is held for this verse.

इति वातेरितश् शक्रस् सह देवगणेन सः । जगाम ब्रह्मणो लोकं प्रार्थयाम् आस तं प्रभुम्

iti vāteritaś śakras saha devagaṇena saḥ / jagāma brahmaṇo lokaṃ prārthayām āsa taṃ prabhum

Sanskrit only: no published translation is held for this verse.

सूच्या अहं वरं दातुं गच्छामि हिमवच्छिरः । ब्रह्मणेति प्रतिज्ञाते शक्रस् स्वर्गम् उपाययौ

sūcyā ahaṃ varaṃ dātuṃ gacchāmi himavacchiraḥ / brahmaṇeti pratijñāte śakras svargam upāyayau

Sanskrit only: no published translation is held for this verse.

एतावताथ कालेन सा बभूव च पावनी । सूची निजतपस्तापतापितामरमन्दिरा

etāvatātha kālena sā babhūva ca pāvanī / sūcī nijatapastāpatāpitāmaramandirā

Sanskrit only: no published translation is held for this verse.

मुखरन्ध्रस्थितार्कांशुदृशा स्वच्छाययैव सा । विस्मयिन्या विवर्तिन्या आदिनान्तम् उपेक्षिता

mukharandhrasthitārkāṃśudṛśā svacchāyayaiva sā / vismayinyā vivartinyā ādināntam upekṣitā

Sanskrit only: no published translation is held for this verse.

कौशेयसूच्या तृणवन् मेरुस् स्थैर्येण निर्जितः । मज्जनित्र्येति वृद्ध्येव युक्तयाद्यन्तयोर् दिने

kauśeyasūcyā tṛṇavan merus sthairyeṇa nirjitaḥ / majjanitryeti vṛddhyeva yuktayādyantayor dine

Sanskrit only: no published translation is held for this verse.

मध्याह्ने तापभीत्येव विशन्त्या मातुर् अन्तरम् । अन्यदा गौरवाद् दृष्ट्या दूरतः प्रेक्ष्यमाणया

madhyāhne tāpabhītyeva viśantyā mātur antaram / anyadā gauravād dṛṣṭyā dūrataḥ prekṣyamāṇayā

Sanskrit only: no published translation is held for this verse.

सा ताम् अवेक्षिते ऽक्ष्णारात् तापाद् अङ्गे निमज्जति । सङ्कटे विस्मरत्य् एव जनो गौरवसत्क्रियाम्

sā tām avekṣite 'kṣṇārāt tāpād aṅge nimajjati / saṅkaṭe vismaraty eva jano gauravasatkriyām

Sanskrit only: no published translation is held for this verse.

छायासूचिस् तापसूचिस् तयेत्य् आत्मतृतीयया । त्रिकोणं तपसा पूतं वाराणस्यास् समं कृतम्

chāyāsūcis tāpasūcis tayety ātmatṛtīyayā / trikoṇaṃ tapasā pūtaṃ vārāṇasyās samaṃ kṛtam

Sanskrit only: no published translation is held for this verse.

गतास् तेन त्रिकोणेन त्रिवर्णपरिखावता । वायवः पांसवो ये ऽपि ते परां मुक्तिम् आगताः

gatās tena trikoṇena trivarṇaparikhāvatā / vāyavaḥ pāṃsavo ye 'pi te parāṃ muktim āgatāḥ

Sanskrit only: no published translation is held for this verse.

विदितपरमकारणाथ जाता स्वयम् अनु चेतनसंविदं विचार्य । स्वमननकलनानुसार एकस् त्व् इह हि गुरुः परमो न राघवान्यः

viditaparamakāraṇātha jātā svayam anu cetanasaṃvidaṃ vicārya / svamananakalanānusāra ekas tv iha hi guruḥ paramo na rāghavānyaḥ

Sanskrit only: no published translation is held for this verse.