Moksopaya with Bhaskarakantha's Tika 3.75

अथ वर्षसहस्रेण तां पितामह आययौ । वरं पुत्रि गृहाणेति व्याजहार नभस्तलात्

atha varṣasahasreṇa tāṃ pitāmaha āyayau / varaṃ putri gṛhāṇeti vyājahāra nabhastalāt

Sanskrit only: no published translation is held for this verse.

सूची कर्मेन्द्रियाभावाज् जीवमात्रकलावती । न किञ्चिद् व्याजहारास्मै चिन्तयाम् आस केवलम्

sūcī karmendriyābhāvāj jīvamātrakalāvatī / na kiñcid vyājahārāsmai cintayām āsa kevalam

Sanskrit only: no published translation is held for this verse.

पूर्णास्मि गतसन्देहा किं वरेण करोम्य् अहम् । शाम्यामि परिनिर्वामि सुखम् आसे च केवलम्

pūrṇāsmi gatasandehā kiṃ vareṇa karomy aham / śāmyāmi parinirvāmi sukham āse ca kevalam

Sanskrit only: no published translation is held for this verse.

ज्ञातं ज्ञातव्यम् अखिलं शान्तास् सन्देहजालिकाः । स्वविवेको विकसितः किम् अन्येन प्रयोजनम्

jñātaṃ jñātavyam akhilaṃ śāntās sandehajālikāḥ / svaviveko vikasitaḥ kim anyena prayojanam

Sanskrit only: no published translation is held for this verse.

यथा स्थितेयम् अस्मीह सन्तिष्ठेयं तथैव हि । सत्यासत्यकलाम् एव त्यक्त्वा किम् इतरेण मे

yathā sthiteyam asmīha santiṣṭheyaṃ tathaiva hi / satyāsatyakalām eva tyaktvā kim itareṇa me

Sanskrit only: no published translation is held for this verse.

एतावन्तम् अहं कालम् अविवेकेन बाधिता । स्वसङ्कल्पसमुत्थेन वेतालेनेव बालिका

etāvantam ahaṃ kālam avivekena bādhitā / svasaṅkalpasamutthena vetāleneva bālikā

Sanskrit only: no published translation is held for this verse.

इदानीम् उपशान्तो ऽसौ स्वविचारणया स्वयम् । ईप्सितानीप्सितैर् अर्थः को भवेत् कल्पितैर् मम

idānīm upaśānto 'sau svavicāraṇayā svayam / īpsitānīpsitair arthaḥ ko bhavet kalpitair mama

Sanskrit only: no published translation is held for this verse.

इति निश्चययुक्तां तां सूचीं कर्मेन्द्रियोज्झिताम् । तूष्णीं स्थितां स नियतेस् सम्पश्यन् भगवान् स्थितिम्

iti niścayayuktāṃ tāṃ sūcīṃ karmendriyojjhitām / tūṣṇīṃ sthitāṃ sa niyates sampaśyan bhagavān sthitim

Sanskrit only: no published translation is held for this verse.

ब्रह्मा पुनर् उवाचेमां वीतरागां प्रसन्नधीः । वरं पुत्रि गृहाण त्वं कञ्चित् कालं च भूतले

brahmā punar uvācemāṃ vītarāgāṃ prasannadhīḥ / varaṃ putri gṛhāṇa tvaṃ kañcit kālaṃ ca bhūtale

Sanskrit only: no published translation is held for this verse.

भोगान् भुक्त्वा ततः पश्चाद् गमिष्यसि परं पदम् । अव्यावृत्तिस्वरूपाया नियतेर् एष निश्चयः

bhogān bhuktvā tataḥ paścād gamiṣyasi paraṃ padam / avyāvṛttisvarūpāyā niyater eṣa niścayaḥ

Sanskrit only: no published translation is held for this verse.

तपसानेन सङ्कल्पस् सफलो ऽस्तु तवोत्तमे । पीना भव पुनस् सैव हिमकाननराक्षसी

tapasānena saṅkalpas saphalo 'stu tavottame / pīnā bhava punas saiva himakānanarākṣasī

Sanskrit only: no published translation is held for this verse.

यया पूर्वं वियुक्तासि तन्वा जलदरूपया । बीजान्तर्वृक्षता पुत्रि बृहद्वृक्षतया यथा

yayā pūrvaṃ viyuktāsi tanvā jaladarūpayā / bījāntarvṛkṣatā putri bṛhadvṛkṣatayā yathā

Sanskrit only: no published translation is held for this verse.

योगम् एष्यसि भूयस् त्वं तन्वा तद्बीजरूपिणी । तयैव रमसे पुत्रि लतयेवाङ्कुरस्थितिः

yogam eṣyasi bhūyas tvaṃ tanvā tadbījarūpiṇī / tayaiva ramase putri latayevāṅkurasthitiḥ

Sanskrit only: no published translation is held for this verse.

बाधां विदितवेद्यत्वान् न च लोके करिष्यसि । अन्तश्शुद्धा शान्तवाता शरदीवाभ्रमण्डली

bādhāṃ viditavedyatvān na ca loke kariṣyasi / antaśśuddhā śāntavātā śaradīvābhramaṇḍalī

Sanskrit only: no published translation is held for this verse.

अन्तरध्यानविरता कदाचिल् लीलया यदि । भविष्यसि बहीरूढा सर्वात्मध्यानरूपिणी

antaradhyānaviratā kadācil līlayā yadi / bhaviṣyasi bahīrūḍhā sarvātmadhyānarūpiṇī

Sanskrit only: no published translation is held for this verse.

व्यवहारात्मकध्यानधारणाधाररूपिणी । वातस्वभाववद्देहपरिस्पन्दविलासिनी

vyavahārātmakadhyānadhāraṇādhārarūpiṇī / vātasvabhāvavaddehaparispandavilāsinī

Sanskrit only: no published translation is held for this verse.

तदा विरोधिनी पुत्रि स्वकर्मस्पन्दरोधिनी । न्यायेन क्षुन्निवृत्त्यर्थं भूतबाधां करिष्यसि

tadā virodhinī putri svakarmaspandarodhinī / nyāyena kṣunnivṛttyarthaṃ bhūtabādhāṃ kariṣyasi

Sanskrit only: no published translation is held for this verse.

भविष्यसि न्यायवृत्तिर् लोके त्वं न्यायबाधिका । जीवन्मुक्ततया देहे स्वविवेकैकपालिका

bhaviṣyasi nyāyavṛttir loke tvaṃ nyāyabādhikā / jīvanmuktatayā dehe svavivekaikapālikā

Sanskrit only: no published translation is held for this verse.

इत्य् उक्त्वा गगनतलाज् जगाम देवस् सूची सा भवतु ममेति किं विरागः । रागो वाब्जजवचनार्थधारणे ऽस्मिन्न् इत्य् अन्तर् मननमयी मनाग् बभूव

ity uktvā gaganatalāj jagāma devas sūcī sā bhavatu mameti kiṃ virāgaḥ / rāgo vābjajavacanārthadhāraṇe 'sminn ity antar mananamayī manāg babhūva

Sanskrit only: no published translation is held for this verse.

प्रादेशः प्रथमम् अभूत् ततो ऽपि हस्तो व्यासं चाप्य् अथ विटपस् ततो ऽभ्रमाला । सोद्यत्सावयवलता बभौ निमेषात् सङ्कल्पद्रुमकणिकाङ्कुरक्रमेण

prādeśaḥ prathamam abhūt tato 'pi hasto vyāsaṃ cāpy atha viṭapas tato 'bhramālā / sodyatsāvayavalatā babhau nimeṣāt saṅkalpadrumakaṇikāṅkurakrameṇa

Sanskrit only: no published translation is held for this verse.

तन्मात्राण्य् अविकलशक्तिमन्ति देहाद् उद्भूतान्य् अथ करणेन्द्रियाणि सम्यक् । सङ्कल्पद्रुमनवपुष्पवत् समन्ताद् बीजे यान्य् अलम् अभवंस् तिरोहितानि

tanmātrāṇy avikalaśaktimanti dehād udbhūtāny atha karaṇendriyāṇi samyak / saṅkalpadrumanavapuṣpavat samantād bīje yāny alam abhavaṃs tirohitāni

Sanskrit only: no published translation is held for this verse.