Moksopaya with Bhaskarakantha's Tika 3.87

पितामहक्रमे तस्मिंस् ततस् ते बद्धभावनाः । कर्मभिस् तैस् समाक्रान्तमनस्कास् तस्थुर् आदृताः

pitāmahakrame tasmiṃs tatas te baddhabhāvanāḥ / karmabhis tais samākrāntamanaskās tasthur ādṛtāḥ

Sanskrit only: no published translation is held for this verse.

यावत् ते देहकास् तेषां तापेन पवनैस् तथा । ययुश् शोषं यथा ग्रीष्मे छिन्नाः कमलपल्लवाः

yāvat te dehakās teṣāṃ tāpena pavanais tathā / yayuś śoṣaṃ yathā grīṣme chinnāḥ kamalapallavāḥ

Sanskrit only: no published translation is held for this verse.

जक्षुस् तान् देहकांस् तत्र क्रव्यादा वनवासिनः । इतश् चेतश् च लुठितास् सत्फलानीव मर्कटाः

jakṣus tān dehakāṃs tatra kravyādā vanavāsinaḥ / itaś cetaś ca luṭhitās satphalānīva markaṭāḥ

Sanskrit only: no published translation is held for this verse.

अथ ते शान्तबाह्यार्था ब्रह्मत्वे कृतभावनाः । तस्थुश् चतुर्युगस्यान्ते यावत् कल्पः क्षयं गतः

atha te śāntabāhyārthā brahmatve kṛtabhāvanāḥ / tasthuś caturyugasyānte yāvat kalpaḥ kṣayaṃ gataḥ

Sanskrit only: no published translation is held for this verse.

क्षीयमाणे ततः कल्पे तपत्य् आदित्यसञ्चये । पुष्करावर्तकेषूच्चैर् वर्षत्सु कठिनारवम्

kṣīyamāṇe tataḥ kalpe tapaty ādityasañcaye / puṣkarāvartakeṣūccair varṣatsu kaṭhināravam

Sanskrit only: no published translation is held for this verse.

वहत्सु कल्पवातेषु स्थित एव महार्णवे । क्षीणेषु भूतवृन्देषु ते तथैव व्यवस्थिताः

vahatsu kalpavāteṣu sthita eva mahārṇave / kṣīṇeṣu bhūtavṛndeṣu te tathaiva vyavasthitāḥ

Sanskrit only: no published translation is held for this verse.

अद्य प्रबुद्धे भवति द्रष्टुम् इच्छति संसृतिम् । स्वकेनैव क्रमेणोच्चैस् ते तथैव व्यवस्थिताः

adya prabuddhe bhavati draṣṭum icchati saṃsṛtim / svakenaiva krameṇoccais te tathaiva vyavasthitāḥ

Sanskrit only: no published translation is held for this verse.

त एते भगवन् ब्रह्मन् ब्रह्मणो ब्राह्मणा दश । त एते दश संसारा मनोव्योमनि संस्थिताः

ta ete bhagavan brahman brahmaṇo brāhmaṇā daśa / ta ete daśa saṃsārā manovyomani saṃsthitāḥ

Sanskrit only: no published translation is held for this verse.

तेषाम् एकतमस्यायम् अहम् आकाशमन्दिरः । भानुर् भुवि विभो कालकलाकर्मणि योजितः

teṣām ekatamasyāyam aham ākāśamandiraḥ / bhānur bhuvi vibho kālakalākarmaṇi yojitaḥ

Sanskrit only: no published translation is held for this verse.

एष ते कथितस् सर्गो दशानाम् अब्जसम्भव । ब्रह्मणां सम्भवो व्योम्नि यथेच्छसि तथा कुरु

eṣa te kathitas sargo daśānām abjasambhava / brahmaṇāṃ sambhavo vyomni yathecchasi tathā kuru

Sanskrit only: no published translation is held for this verse.

विविधकल्पनम् आवलिताम्बरं यद् इदम् उत्तमजागतम् उत्थितम् । किरणजालकमोहितमोहनं तद् अखिलं निजचेतसि विभ्रमः

vividhakalpanam āvalitāmbaraṃ yad idam uttamajāgatam utthitam / kiraṇajālakamohitamohanaṃ tad akhilaṃ nijacetasi vibhramaḥ

Sanskrit only: no published translation is held for this verse.