Moksopaya with Bhaskarakantha's Tika 3.90

अथेन्द्रेणैवम् उक्तो ऽसौ राजा राजीवलोचनः । मुनिं भरतनामानं पार्श्वसंस्थम् उवाच ह

athendreṇaivam ukto 'sau rājā rājīvalocanaḥ / muniṃ bharatanāmānaṃ pārśvasaṃstham uvāca ha

Sanskrit only: no published translation is held for this verse.

भगवन् सर्वधर्मज्ञ पश्यस्य् अस्य दुरात्मनः । भृशम् अद्य मुखे स्फारं धार्ष्ट्यं मद्दारहारिणः

bhagavan sarvadharmajña paśyasy asya durātmanaḥ / bhṛśam adya mukhe sphāraṃ dhārṣṭyaṃ maddārahāriṇaḥ

Sanskrit only: no published translation is held for this verse.

पापानुरूपम् अप्य् अस्य शापं देहि महामुने । यद् अवध्यवधात् पापं वधत्यागात् तद् एव हि

pāpānurūpam apy asya śāpaṃ dehi mahāmune / yad avadhyavadhāt pāpaṃ vadhatyāgāt tad eva hi

Sanskrit only: no published translation is held for this verse.

इत्य् उक्तो राजसिंहेन भरतो मुनिसत्तमः । यथावत् प्रविचार्याशु पापं तस्य दुरात्मनः

ity ukto rājasiṃhena bharato munisattamaḥ / yathāvat pravicāryāśu pāpaṃ tasya durātmanaḥ

Sanskrit only: no published translation is held for this verse.

सहानया दुष्कृतिन्या भर्तृद्रोहाभिभूतया । विनाशं व्रज दुर्बुद्धे इति शापं विसृष्टवान्

sahānayā duṣkṛtinyā bhartṛdrohābhibhūtayā / vināśaṃ vraja durbuddhe iti śāpaṃ visṛṣṭavān

Sanskrit only: no published translation is held for this verse.

ततस् तौ स्नेहसम्बद्धमनस्काव् एव शापतः । पतितौ भूतले वृक्षविच्युताव् इव पल्लवौ

tatas tau snehasambaddhamanaskāv eva śāpataḥ / patitau bhūtale vṛkṣavicyutāv iva pallavau

Sanskrit only: no published translation is held for this verse.

अथ व्यसनसंसक्तौ मृगयोनिम् उपागतौ । ततो द्वाव् अपि संसक्तौ भूयो जातौ विहङ्गमौ

atha vyasanasaṃsaktau mṛgayonim upāgatau / tato dvāv api saṃsaktau bhūyo jātau vihaṅgamau

Sanskrit only: no published translation is held for this verse.

अद्यास्माकं विभो सर्गे मिथस्सम्बद्धभावनौ । तपःपरौ महापुण्यौ जातौ ब्राह्मणदम्पती

adyāsmākaṃ vibho sarge mithassambaddhabhāvanau / tapaḥparau mahāpuṇyau jātau brāhmaṇadampatī

Sanskrit only: no published translation is held for this verse.

भारतो हि तयोश् शापस् स समर्थो बभूव ह । शरीरमात्राक्रमणे न मनोनिग्रहे प्रभो

bhārato hi tayoś śāpas sa samartho babhūva ha / śarīramātrākramaṇe na manonigrahe prabho

Sanskrit only: no published translation is held for this verse.

ताव् अद्यावधितेनैव देहसंस्कारहेतुना । यत्र यत्रोपजायेते भवतस् तत्र दम्पती

tāv adyāvadhitenaiva dehasaṃskārahetunā / yatra yatropajāyete bhavatas tatra dampatī

Sanskrit only: no published translation is held for this verse.

अकृत्रिमप्रेमरसानुविद्धं स्नेहं तयोस् तं प्रसमीक्ष्य कान्तम् । वृक्षा अपि स्नेहरसानुविद्धाश् शृङ्गारचेष्टाकुलिता भवति

akṛtrimapremarasānuviddhaṃ snehaṃ tayos taṃ prasamīkṣya kāntam / vṛkṣā api sneharasānuviddhāś śṛṅgāraceṣṭākulitā bhavati

Sanskrit only: no published translation is held for this verse.