Library·Moksopaya with Bhaskarakantha's Tika·4·4.10
इति श्रीभास्करकण्ठविरचितायां श्रीमोक्षोपायटीकायां स्थितिप्रकरणे नवमः सर्गः ॥९॥ अथ वर्षसहस्रेण दिव्येन परमेश्वरः । भृगुः परमसम्बोधाद् विरराम समाधितः
iti śrībhāskarakaṇṭhaviracitāyāṃ śrīmokṣopāyaṭīkāyāṃ sthitiprakaraṇe navamaḥ sargaḥ ||9|| atha varṣasahasreṇa divyena parameśvaraḥ / bhṛguḥ paramasambodhād virarāma samādhitaḥ
Sanskrit only: no published translation is held for this verse.
नापश्यद् अग्रे तनयं तं नयावनताननम् । सीमान्तं गुणसीमायाः पुण्यम् मूर्तम् इव स्थितम्
nāpaśyad agre tanayaṃ taṃ nayāvanatānanam / sīmāntaṃ guṇasīmāyāḥ puṇyam mūrtam iva sthitam
Sanskrit only: no published translation is held for this verse.
अपश्यत् केवलं कालं कङ्कालम् पुरतो महत् । देहयुक्तम् इवाभाग्यं दारिद्र्यम् इव मूर्तिमत्
apaśyat kevalaṃ kālaṃ kaṅkālam purato mahat / dehayuktam ivābhāgyaṃ dāridryam iva mūrtimat
Sanskrit only: no published translation is held for this verse.
कङ्कालं विशिनष्टि तापशुष्कवपुः कृत्तिरन्ध्रस्फुरिततित्तिरि । संशुष्कान्त्रोदरगुहाछायाविश्रान्तदर्दुरम्
kaṅkālaṃ viśinaṣṭi tāpaśuṣkavapuḥ kṛttirandhrasphuritatittiri / saṃśuṣkāntrodaraguhāchāyāviśrāntadarduram
Sanskrit only: no published translation is held for this verse.
नेत्रगर्तकसंसुप्तप्रसूनवनकीटकम् । मक्षिकापञ्जरप्रोतकोशकारिक्रिमिव्रजम्
netragartakasaṃsuptaprasūnavanakīṭakam / makṣikāpañjaraprotakośakārikrimivrajam
Sanskrit only: no published translation is held for this verse.
प्राक्तनीम् उपभोगेहाम् इष्टानिष्टफलप्रदाम् । धाराधौतान्तया तन्वा हसच् छुष्कास्थिमालया
prāktanīm upabhogehām iṣṭāniṣṭaphalapradām / dhārādhautāntayā tanvā hasac chuṣkāsthimālayā
Sanskrit only: no published translation is held for this verse.
शिरोघटेन शुभ्रेण सम्पन्नेनेन्दुवर्चसा । विडम्बयच् च कर्पूरप्लुतलिङ्गशिरःश्रियम्
śiroghaṭena śubhreṇa sampannenenduvarcasā / viḍambayac ca karpūraplutaliṅgaśiraḥśriyam
Sanskrit only: no published translation is held for this verse.
ऋज्वा संशुष्कसितया स्वास्थिमात्रावशेषया । ग्रीवयात्मानुसृतया दीर्घीकुर्वद् इवाकृतिम्
ṛjvā saṃśuṣkasitayā svāsthimātrāvaśeṣayā / grīvayātmānusṛtayā dīrghīkurvad ivākṛtim
Sanskrit only: no published translation is held for this verse.
मृणालिकापाण्डुरया धारावधुतमांसया । नासास्थिलतया वक्त्रं कृतसीमाक्रमं दधत्
mṛṇālikāpāṇḍurayā dhārāvadhutamāṃsayā / nāsāsthilatayā vaktraṃ kṛtasīmākramaṃ dadhat
Sanskrit only: no published translation is held for this verse.
दीर्घकन्धरया नूनम् उत्तानीकृतवक्त्रया । प्रेक्षमाणम् इव प्राणान् उत्क्रान्तान् अम्बरोदरे
dīrghakandharayā nūnam uttānīkṛtavaktrayā / prekṣamāṇam iva prāṇān utkrāntān ambarodare
Sanskrit only: no published translation is held for this verse.
जङ्घोरुजानुदोर्दण्डैर् द्विगुणं दीर्घतां गतैः । प्रमिमाणम् इवाशान्तं दीर्घाध्वश्रमभीतितः
jaṅghorujānudordaṇḍair dviguṇaṃ dīrghatāṃ gataiḥ / pramimāṇam ivāśāntaṃ dīrghādhvaśramabhītitaḥ
Sanskrit only: no published translation is held for this verse.
उदरेणातिनिम्नेन चर्मशेषेण शोषिणा । प्रदर्शयद् इवाज्ञस्य हृदयस्यातिशून्यताम्
udareṇātinimnena carmaśeṣeṇa śoṣiṇā / pradarśayad ivājñasya hṛdayasyātiśūnyatām
Sanskrit only: no published translation is held for this verse.
प्रेक्ष्य तच् छुष्ककङ्कालम् आलानम् इव दन्तिनः । पूर्वापरपरामर्शम् अकुर्वन् भृगुर् उत्थितः
prekṣya tac chuṣkakaṅkālam ālānam iva dantinaḥ / pūrvāparaparāmarśam akurvan bhṛgur utthitaḥ
Sanskrit only: no published translation is held for this verse.
आलोकसमकालं हि प्रतिभातं ततो भृगोः । चिरम् उत्क्रान्तजीवः किम् मत्पुत्रो ःयम् इति क्षणात्
ālokasamakālaṃ hi pratibhātaṃ tato bhṛgoḥ / ciram utkrāntajīvaḥ kim matputro ḥyam iti kṣaṇāt
Sanskrit only: no published translation is held for this verse.
अचिन्तयत एवास्य भविष्यत्ताबलं ततः । कालम् प्रति बभूवाशु कोपः परमदारुणः
acintayata evāsya bhaviṣyattābalaṃ tataḥ / kālam prati babhūvāśu kopaḥ paramadāruṇaḥ
Sanskrit only: no published translation is held for this verse.
अकाल एव मत्पुत्रो नीतः किम् इति कोपितः । कालाय शापम् उत्स्रष्टुम् भगवान् उपचक्रमे
akāla eva matputro nītaḥ kim iti kopitaḥ / kālāya śāpam utsraṣṭum bhagavān upacakrame
Sanskrit only: no published translation is held for this verse.
अथाकलितरूपो ःसौ कालः कवलितप्रजः । आधिभौतिकम् आस्थाय वपुर् मुनिम् उपाययौ
athākalitarūpo ḥsau kālaḥ kavalitaprajaḥ / ādhibhautikam āsthāya vapur munim upāyayau
Sanskrit only: no published translation is held for this verse.
कीदृशः उपाययाव् इत्य् अपेक्षायाम् बाह्यदेवतारूपत्वम् बाह्यदृष्टीन् प्रति कथयति खड्गपाशधरः श्रीमान् कुण्डली कवचान्वितः । षड्भुजः षण्मुखो बह्व्या वृतः किङ्करसेनया
kīdṛśaḥ upāyayāv ity apekṣāyām bāhyadevatārūpatvam bāhyadṛṣṭīn prati kathayati khaḍgapāśadharaḥ śrīmān kuṇḍalī kavacānvitaḥ / ṣaḍbhujaḥ ṣaṇmukho bahvyā vṛtaḥ kiṅkarasenayā
Sanskrit only: no published translation is held for this verse.
यच्छरीरसमुत्थेन ज्वालाजालेन वल्गता । फुल्लकिंशुकवृक्षस्य बभाराद्रेः श्रियं नभः
yaccharīrasamutthena jvālājālena valgatā / phullakiṃśukavṛkṣasya babhārādreḥ śriyaṃ nabhaḥ
Sanskrit only: no published translation is held for this verse.
यत्करस्थत्रिशूलाग्रनिष्ठ्यूतैर् अग्निमण्डलैः । विरेजुर् उदितैर् आशाः कानकैर् इव कुण्डलैः
yatkarasthatriśūlāgraniṣṭhyūtair agnimaṇḍalaiḥ / virejur uditair āśāḥ kānakair iva kuṇḍalaiḥ
Sanskrit only: no published translation is held for this verse.
यत्पाशश्वसनायस्तशिखरा मेदिनीभृतः । दोलाम् इव समारूढाश् चेलुः पेतुश् च घूर्णिताः
yatpāśaśvasanāyastaśikharā medinībhṛtaḥ / dolām iva samārūḍhāś celuḥ petuś ca ghūrṇitāḥ
Sanskrit only: no published translation is held for this verse.
यत्खड्गमण्डलोद्द्योतश्यामम् बिम्बं विवस्वतः । कल्पदग्धजगद्धूमपर्याकुलम् इवाबभौ
yatkhaḍgamaṇḍaloddyotaśyāmam bimbaṃ vivasvataḥ / kalpadagdhajagaddhūmaparyākulam ivābabhau
Sanskrit only: no published translation is held for this verse.
स उपेत्य महाबाहुः कुपितं तम् महामुनिम् । कल्पक्षुब्धाब्धिगम्भीरं सान्त्वपूर्वम् उवाच ह
sa upetya mahābāhuḥ kupitaṃ tam mahāmunim / kalpakṣubdhābdhigambhīraṃ sāntvapūrvam uvāca ha
Sanskrit only: no published translation is held for this verse.
विज्ञातलोकस्थितयो मुने दृष्टपरावराः । हेतुनापि न मुह्यन्ति किम् उ हेतुम् विनोत्तमाः
vijñātalokasthitayo mune dṛṣṭaparāvarāḥ / hetunāpi na muhyanti kim u hetum vinottamāḥ
Sanskrit only: no published translation is held for this verse.
त्वम् अनन्ततपा विप्रो वयं नियतिपालकाः । तेन सम्पूज्यसे पूज्य साधो नेतरयेच्छया
tvam anantatapā vipro vayaṃ niyatipālakāḥ / tena sampūjyase pūjya sādho netarayecchayā
Sanskrit only: no published translation is held for this verse.
मा तपः क्षपय क्षुब्धैः कल्पकालमहानलैः । यो न दग्धो ःस्मि मे तस्य किं त्वं शापेन धक्ष्यसि
mā tapaḥ kṣapaya kṣubdhaiḥ kalpakālamahānalaiḥ / yo na dagdho ḥsmi me tasya kiṃ tvaṃ śāpena dhakṣyasi
Sanskrit only: no published translation is held for this verse.
संसारावलयो ग्रस्ता निगीर्णा रुद्रकोटयः । भुक्तानि विष्णुवृन्दानि केन शाप्ता वयम् मुने
saṃsārāvalayo grastā nigīrṇā rudrakoṭayaḥ / bhuktāni viṣṇuvṛndāni kena śāptā vayam mune
Sanskrit only: no published translation is held for this verse.
भोक्तारो हि वयम् ब्रह्मन् भोजनं युष्मदादयः । स्वयं नियतिर् एषा हि नावयोर् एतद् ईहितम्
bhoktāro hi vayam brahman bhojanaṃ yuṣmadādayaḥ / svayaṃ niyatir eṣā hi nāvayor etad īhitam
Sanskrit only: no published translation is held for this verse.
स्वयम् ऊर्ध्वम् प्रयात्य् अग्निः स्वयं यान्ति पयांस्य् अधः । भोक्तारम् भोजनं याति सृष्टिश् चाप्य् अन्तकं स्वयम्
svayam ūrdhvam prayāty agniḥ svayaṃ yānti payāṃsy adhaḥ / bhoktāram bhojanaṃ yāti sṛṣṭiś cāpy antakaṃ svayam
Sanskrit only: no published translation is held for this verse.
इदम् इत्थम् मुने रूपम् अस्येह परमात्मनः । स्वात्मनि स्वयम् एवात्मा स्वत एव विजृम्भते
idam ittham mune rūpam asyeha paramātmanaḥ / svātmani svayam evātmā svata eva vijṛmbhate
Sanskrit only: no published translation is held for this verse.
नेह कर्ता न भोक्तास्ति दृष्ट्या नष्टकलङ्कया । बहवश् चेह कर्तारो दृष्ट्यानष्टकलङ्कया
neha kartā na bhoktāsti dṛṣṭyā naṣṭakalaṅkayā / bahavaś ceha kartāro dṛṣṭyānaṣṭakalaṅkayā
Sanskrit only: no published translation is held for this verse.
कर्तृताकर्तृते ब्रह्मन् केवलम् परिकल्पिते । असम्यग्दर्शनेनैव न सम्यग्दर्शनेन वः
kartṛtākartṛte brahman kevalam parikalpite / asamyagdarśanenaiva na samyagdarśanena vaḥ
Sanskrit only: no published translation is held for this verse.
पुष्पाणि तरुषण्डेषु भूतानि भुवनेषु च । स्वयम् आयान्ति यान्तीह कल्प्यते हेतुता विधेः
puṣpāṇi taruṣaṇḍeṣu bhūtāni bhuvaneṣu ca / svayam āyānti yāntīha kalpyate hetutā vidheḥ
Sanskrit only: no published translation is held for this verse.
अब्बिम्बितस्य चन्द्रस्य चलने कर्त्रकर्तृते । न सत्ये नानृते यद्वत् तद्वत् कालस्य सृष्टिषु
abbimbitasya candrasya calane kartrakartṛte / na satye nānṛte yadvat tadvat kālasya sṛṣṭiṣu
Sanskrit only: no published translation is held for this verse.
मनो मिथ्याभ्रमाल् लोके कर्तृताकर्तृतामयम् । करोति कलनां रज्ज्वाम् भ्रान्तेक्षण इवाहिताम्
mano mithyābhramāl loke kartṛtākartṛtāmayam / karoti kalanāṃ rajjvām bhrāntekṣaṇa ivāhitām
Sanskrit only: no published translation is held for this verse.
फलितम् आह तेन मा गा मुने कोपम् आपदाम् ईदृशः क्रमः । यद् यथा तत् तथैवास्तु सत्यम् आलोकयाकुलः
phalitam āha tena mā gā mune kopam āpadām īdṛśaḥ kramaḥ / yad yathā tat tathaivāstu satyam ālokayākulaḥ
Sanskrit only: no published translation is held for this verse.
न वयम् प्रभुतार्थेन नाभिमानवशीकृताः । स्वतो हेवाकवशतः केवलं नियतौ स्थिताः
na vayam prabhutārthena nābhimānavaśīkṛtāḥ / svato hevākavaśataḥ kevalaṃ niyatau sthitāḥ
Sanskrit only: no published translation is held for this verse.
प्रकृतव्यवहारेहां नियतां नियतेर् वशात् । प्राज्ञः समनुवर्तेत नाभिमानमहातमाः
prakṛtavyavahārehāṃ niyatāṃ niyater vaśāt / prājñaḥ samanuvarteta nābhimānamahātamāḥ
Sanskrit only: no published translation is held for this verse.
कर्तव्यम् एव क्रियते केवलं कार्यकोविदैः । सौषुप्तीं वृत्तिम् आश्रित्य कयाचिद् अपि नाशया
kartavyam eva kriyate kevalaṃ kāryakovidaiḥ / sauṣuptīṃ vṛttim āśritya kayācid api nāśayā
Sanskrit only: no published translation is held for this verse.
क्व सा ज्ञानमयी दृष्टिः क्व महत्त्वं क्व धीरता । मार्गे सर्वप्रसिद्धे हि किम् अन्ध इव मुह्यसि
kva sā jñānamayī dṛṣṭiḥ kva mahattvaṃ kva dhīratā / mārge sarvaprasiddhe hi kim andha iva muhyasi
Sanskrit only: no published translation is held for this verse.
त्रिकालामलदर्शित्वं धारयन्न् अपि चेतसि । अविचार्य जगद्यात्रां किम् मूर्ख इव मुह्यसि
trikālāmaladarśitvaṃ dhārayann api cetasi / avicārya jagadyātrāṃ kim mūrkha iva muhyasi
Sanskrit only: no published translation is held for this verse.
स्वकर्मफलपाकोत्थाम् अविचार्य दशां सुते । किम् मूर्ख इव सर्वज्ञ मुधा मां शप्तुम् अर्हसि
svakarmaphalapākotthām avicārya daśāṃ sute / kim mūrkha iva sarvajña mudhā māṃ śaptum arhasi
Sanskrit only: no published translation is held for this verse.
देहिनाम् इह सर्वेषां शरीरं द्विविधम् मुने । किं न जानासि वा देहम् एकम् अन्यन् मनोःभिधम्
dehinām iha sarveṣāṃ śarīraṃ dvividham mune / kiṃ na jānāsi vā deham ekam anyan manoḥbhidham
Sanskrit only: no published translation is held for this verse.
तत्र देहो जडो ःत्यर्थं विनाशैकपरायणः । मनस् तूत्थाननियतं कदर्थात् क्षीयते न वा
tatra deho jaḍo ḥtyarthaṃ vināśaikaparāyaṇaḥ / manas tūtthānaniyataṃ kadarthāt kṣīyate na vā
Sanskrit only: no published translation is held for this verse.
चतुरेण यथा साधो रथः सारथिनोह्यते । कुर्वता किञ्चन स्वेहां देहो ःयम् मनसा तथा
catureṇa yathā sādho rathaḥ sārathinohyate / kurvatā kiñcana svehāṃ deho ḥyam manasā tathā
Sanskrit only: no published translation is held for this verse.
असत् सङ्कल्प्य क्रियते सच् छरीरं विनाश्यते । क्षणेन मनसा पङ्कपुरुषः शिशुना यथा
asat saṅkalpya kriyate sac charīraṃ vināśyate / kṣaṇena manasā paṅkapuruṣaḥ śiśunā yathā
Sanskrit only: no published translation is held for this verse.
चित्तम् एवेह पुरुषस् तत्कृतं कृतम् उच्यते । तद् बद्धं कलनाहेतोः कलनास्तं विमुच्यते
cittam eveha puruṣas tatkṛtaṃ kṛtam ucyate / tad baddhaṃ kalanāhetoḥ kalanāstaṃ vimucyate
Sanskrit only: no published translation is held for this verse.
अयं देह इदं नेत्रम् इदम् अङ्गम् इदं शिरः । इदं स्फारविकारं तन् मन एवाभिधीयते
ayaṃ deha idaṃ netram idam aṅgam idaṃ śiraḥ / idaṃ sphāravikāraṃ tan mana evābhidhīyate
Sanskrit only: no published translation is held for this verse.
मनो हि जीवज् जीवाख्यं निश्चायकतया तु धीः । अहङ्कारो ःभिमानित्वान् नानात्वं त्व् इदम् एति हि
mano hi jīvaj jīvākhyaṃ niścāyakatayā tu dhīḥ / ahaṅkāro ḥbhimānitvān nānātvaṃ tv idam eti hi
Sanskrit only: no published translation is held for this verse.
देहवासनया चेतस् त्व् अन्यानि स्वानि चेद्धया । पार्थिवानि शरीराणि सन्तीव परिपश्यति
dehavāsanayā cetas tv anyāni svāni ceddhayā / pārthivāni śarīrāṇi santīva paripaśyati
Sanskrit only: no published translation is held for this verse.
आलोकयति चेत् सत्यं तद् असत्यमयीम् मनः । शरीरभावनां त्यक्त्वा परमां याति निर्वृतिम्
ālokayati cet satyaṃ tad asatyamayīm manaḥ / śarīrabhāvanāṃ tyaktvā paramāṃ yāti nirvṛtim
Sanskrit only: no published translation is held for this verse.
फलितम् आह तन् मनस् तव पुत्रस्य समाधौ त्वयि संस्थिते । स्वमनोरथमार्गेण दुराद् दूरतरं गतम्
phalitam āha tan manas tava putrasya samādhau tvayi saṃsthite / svamanorathamārgeṇa durād dūrataraṃ gatam
Sanskrit only: no published translation is held for this verse.
इदम् औशनसं त्यक्त्वा देहम् मन्दरकन्दरे । प्रयातं वैबुधं सद्म नीडोड्डीनः खगो यथा
idam auśanasaṃ tyaktvā deham mandarakandare / prayātaṃ vaibudhaṃ sadma nīḍoḍḍīnaḥ khago yathā
Sanskrit only: no published translation is held for this verse.
तत्र मन्दारकुञ्जेषु पारिजातगृहेषु च । नन्दनोद्यानषण्डेषु लोकपालपुरीषु च
tatra mandārakuñjeṣu pārijātagṛheṣu ca / nandanodyānaṣaṇḍeṣu lokapālapurīṣu ca
Sanskrit only: no published translation is held for this verse.
मुने चतुर्युगान्य् अष्टौ विश्वाचीं देवसुन्दरीम् । असेवत महातेजाः षट्पदः पद्मिनीम् इव
mune caturyugāny aṣṭau viśvācīṃ devasundarīm / asevata mahātejāḥ ṣaṭpadaḥ padminīm iva
Sanskrit only: no published translation is held for this verse.
तीव्रसंवेगसम्पन्नस्वसङ्कल्पोपकल्पिते । अथ पुण्यक्षये जाते नीहार इव शार्वरे
tīvrasaṃvegasampannasvasaṅkalpopakalpite / atha puṇyakṣaye jāte nīhāra iva śārvare
Sanskrit only: no published translation is held for this verse.
प्रम्लानकुसुमोत्तंसः स्विन्नाङ्गावलयालसः । स पपात तया साकं कालपक्वम् फलं यथा
pramlānakusumottaṃsaḥ svinnāṅgāvalayālasaḥ / sa papāta tayā sākaṃ kālapakvam phalaṃ yathā
Sanskrit only: no published translation is held for this verse.
वैबुधं तत् परित्यज्य नभस्य् एव शरीरकम् । भूताकाशम् अथासाद्य वसुधायाम् अजायत
vaibudhaṃ tat parityajya nabhasy eva śarīrakam / bhūtākāśam athāsādya vasudhāyām ajāyata
Sanskrit only: no published translation is held for this verse.
आसीद् द्विजो दशार्णेषु कोसलेषु महीपतिः । धीवरो ःङ्गमहाटव्यां हंसस् त्रिपथगातटे
āsīd dvijo daśārṇeṣu kosaleṣu mahīpatiḥ / dhīvaro ḥṅgamahāṭavyāṃ haṃsas tripathagātaṭe
Sanskrit only: no published translation is held for this verse.
सूर्यवंशी नृपः पौण्ड्रे सौरः साल्वेषु दैशिकः । कल्पं विद्याधरः श्रीमान् धीमान् अथ मुनेः सुतः
sūryavaṃśī nṛpaḥ pauṇḍre sauraḥ sālveṣu daiśikaḥ / kalpaṃ vidyādharaḥ śrīmān dhīmān atha muneḥ sutaḥ
Sanskrit only: no published translation is held for this verse.
मद्रेष्व् अथ महीपालस् ततस् तापसबालकः । वासुदेव इति ख्यातः समङ्गायास् तटे स्थितः
madreṣv atha mahīpālas tatas tāpasabālakaḥ / vāsudeva iti khyātaḥ samaṅgāyās taṭe sthitaḥ
Sanskrit only: no published translation is held for this verse.
अन्यास्व् अपि विचित्रासु वासनावशतः स्वयम् । विषमास्व् एव पुत्रस् ते चचारानन्तयोनिषु
anyāsv api vicitrāsu vāsanāvaśataḥ svayam / viṣamāsv eva putras te cacārānantayoniṣu
Sanskrit only: no published translation is held for this verse.
अन्यपदव्याख्यां कुर्वन् समङ्गातटतापसजन्मनः पूर्वभावीनि जन्मान्तराण्य् अस्य कथयति अभूद् विन्ध्यवने गोपः किरतः केकयेषु च । सौवीरेषु च सामन्तस् त्रैगर्तश् चैव दैशिकः
anyapadavyākhyāṃ kurvan samaṅgātaṭatāpasajanmanaḥ pūrvabhāvīni janmāntarāṇy asya kathayati abhūd vindhyavane gopaḥ kirataḥ kekayeṣu ca / sauvīreṣu ca sāmantas traigartaś caiva daiśikaḥ
Sanskrit only: no published translation is held for this verse.
वंशगुल्मः किरातेषु हरिणश् चीरजङ्गले । सरीसृपस् तालतले तमाले वनकुक्कुटः
vaṃśagulmaḥ kirāteṣu hariṇaś cīrajaṅgale / sarīsṛpas tālatale tamāle vanakukkuṭaḥ
Sanskrit only: no published translation is held for this verse.
अयं स पुत्रो भवतो भूत्वा मन्त्रविदां वरः । प्रजजाप पुरा विद्यां विद्याधरपदप्रदाम्
ayaṃ sa putro bhavato bhūtvā mantravidāṃ varaḥ / prajajāpa purā vidyāṃ vidyādharapadapradām
Sanskrit only: no published translation is held for this verse.
तेनासौ भगवन् ब्रह्मन् व्योम्नि विद्याधरो महान् । हारकुण्डलकेयूरी लीलानिचयलासकः
tenāsau bhagavan brahman vyomni vidyādharo mahān / hārakuṇḍalakeyūrī līlānicayalāsakaḥ
Sanskrit only: no published translation is held for this verse.
नायिकानलिनीभानुः पुष्पचाप इवापरः । विद्याधरीणां दयितो गन्धर्वपुरभूषणम्
nāyikānalinībhānuḥ puṣpacāpa ivāparaḥ / vidyādharīṇāṃ dayito gandharvapurabhūṣaṇam
Sanskrit only: no published translation is held for this verse.
स कल्पावधिम् आसाद्य द्वादशादित्यधामनि । जगाम भस्मशेषत्वं शलभः पावके यथा
sa kalpāvadhim āsādya dvādaśādityadhāmani / jagāma bhasmaśeṣatvaṃ śalabhaḥ pāvake yathā
Sanskrit only: no published translation is held for this verse.
जगन्निर्माणरहिते स्फारे नभसि सा ततः । वासना तस्य बभ्राम निर्नीडा विहगी यथा
jagannirmāṇarahite sphāre nabhasi sā tataḥ / vāsanā tasya babhrāma nirnīḍā vihagī yathā
Sanskrit only: no published translation is held for this verse.
अथ कालेन सञ्जाते विचित्रारम्भकारिणि । संसाराडम्बरारम्भे ब्राह्मी रात्रिविपर्यये
atha kālena sañjāte vicitrārambhakāriṇi / saṃsārāḍambarārambhe brāhmī rātriviparyaye
Sanskrit only: no published translation is held for this verse.
सा मनोवासना तस्य वातव्यावलिता सती । कृते ब्राह्मणताम् एत्य जाताद्य वसुधातले
sā manovāsanā tasya vātavyāvalitā satī / kṛte brāhmaṇatām etya jātādya vasudhātale
Sanskrit only: no published translation is held for this verse.
वासुदेवाभिधानो ःसौ मुने विप्रकुमारकः । जातो मतिमताम् मध्ये समधीताखिलश्रुतिः
vāsudevābhidhāno ḥsau mune viprakumārakaḥ / jāto matimatām madhye samadhītākhilaśrutiḥ
Sanskrit only: no published translation is held for this verse.
कल्पं विद्याधरो भूत्वा नद्या अद्य महामुने । तपश् चरति ते पुत्रः समङ्गायास् तटे स्थितः
kalpaṃ vidyādharo bhūtvā nadyā adya mahāmune / tapaś carati te putraḥ samaṅgāyās taṭe sthitaḥ
Sanskrit only: no published translation is held for this verse.
सर्गान्तश्लोकेन जरढयोनिगमनं कथयति विविधविषमवासनानुवृत्त्या खदिरकरञ्जकरालकोटरासु । जगति जरढयोनिषु प्रयातो गहनतरासु च काननस्थलीषु
sargāntaślokena jaraḍhayonigamanaṃ kathayati vividhaviṣamavāsanānuvṛttyā khadirakarañjakarālakoṭarāsu / jagati jaraḍhayoniṣu prayāto gahanatarāsu ca kānanasthalīṣu
Sanskrit only: no published translation is held for this verse.