Moksopaya with Bhaskarakantha's Tika 4.26

इति श्रीभास्करकण्ठविरचितायां श्रीमोक्षोपायटीकायां स्थितिप्रकरणे पञ्चविंशः सर्गः ॥२५॥ शम्बरचिन्ताम् उपसंहरति इति निर्णीय दैत्येन्द्रो दामव्यालकटान्विताम् । सेनां सम्प्रेषयाम् आस भूतलं देवनाशिनीम्

iti śrībhāskarakaṇṭhaviracitāyāṃ śrīmokṣopāyaṭīkāyāṃ sthitiprakaraṇe pañcaviṃśaḥ sargaḥ ||25|| śambaracintām upasaṃharati iti nirṇīya daityendro dāmavyālakaṭānvitām / senāṃ sampreṣayām āsa bhūtalaṃ devanāśinīm

Sanskrit only: no published translation is held for this verse.

दैत्याः सागरकुञ्जेभ्यः कन्दरेभ्यः सुराचलात् । उदगुर् भीमनिर्ह्रादाः सपक्षगिरिलीलया

daityāḥ sāgarakuñjebhyaḥ kandarebhyaḥ surācalāt / udagur bhīmanirhrādāḥ sapakṣagirilīlayā

Sanskrit only: no published translation is held for this verse.

रोदसीकोटरं हस्तप्रहारहतभास्करम् । दानवाः पूरयाम् आसुर् दामव्यालकटेरिताः

rodasīkoṭaraṃ hastaprahārahatabhāskaram / dānavāḥ pūrayām āsur dāmavyālakaṭeritāḥ

Sanskrit only: no published translation is held for this verse.

अथोत्तस्थुर् निकुञ्जेभ्यः कन्दरेभ्यः सुराचलात् । प्रलयान्त इवाक्षुब्धा भीताः स्वर्वासिनां गणाः

athottasthur nikuñjebhyaḥ kandarebhyaḥ surācalāt / pralayānta ivākṣubdhā bhītāḥ svarvāsināṃ gaṇāḥ

Sanskrit only: no published translation is held for this verse.

देवासुरपताकिन्योस् तद् युद्धम् अभवत् तयोः । अकालोल्बणकल्पान्तभीषणम् भुवनान्तरे

devāsurapatākinyos tad yuddham abhavat tayoḥ / akālolbaṇakalpāntabhīṣaṇam bhuvanāntare

Sanskrit only: no published translation is held for this verse.

पेतुः प्रलयपर्यस्तसचन्द्रार्काद्रिवद् दिवः । शिरांसि कुण्डलोद्वान्ततेजःपीततमांस्य् अधः

petuḥ pralayaparyastasacandrārkādrivad divaḥ / śirāṃsi kuṇḍalodvāntatejaḥpītatamāṃsy adhaḥ

Sanskrit only: no published translation is held for this verse.

जुघूर्णुर् भटनिर्मुक्तसिंहनादविराविताः । प्रलयानिलसम्पूरैः साट्टहासा इवाद्रयः

jughūrṇur bhaṭanirmuktasiṃhanādavirāvitāḥ / pralayānilasampūraiḥ sāṭṭahāsā ivādrayaḥ

Sanskrit only: no published translation is held for this verse.

रेजुर् आत्मशिलातुल्यहेतिपातार्तवृत्तयः । कुलाचलतटा भीतविभ्रान्तहरिमण्डलाः

rejur ātmaśilātulyahetipātārtavṛttayaḥ / kulācalataṭā bhītavibhrāntaharimaṇḍalāḥ

Sanskrit only: no published translation is held for this verse.

चेरुः परस्पराघातहतहेतिसमुत्थिताः । लोलानलकणाः कल्पविशीर्णा इव तारकाः

ceruḥ parasparāghātahatahetisamutthitāḥ / lolānalakaṇāḥ kalpaviśīrṇā iva tārakāḥ

Sanskrit only: no published translation is held for this verse.

विलेसू रक्तमांसौघपूर्णैकार्णवतीरगाः । कल्पतालतनूत्ताला वेतालास् तारतालिनः

vilesū raktamāṃsaughapūrṇaikārṇavatīragāḥ / kalpatālatanūttālā vetālās tāratālinaḥ

Sanskrit only: no published translation is held for this verse.

प्रस्फुरद्रुधिरासारशान्तपांसुपयोधरे । व्योम्नि हेतिहतक्षुण्णमौलिकुण्डलकोटयः

prasphuradrudhirāsāraśāntapāṃsupayodhare / vyomni hetihatakṣuṇṇamaulikuṇḍalakoṭayaḥ

Sanskrit only: no published translation is held for this verse.

बभूवुर् भास्कराकारैः कल्पभूरुहबाहुभिः । प्रहारदलिताद्रीन्द्रैर् दैत्यैर् निर्विवरा दिशः

babhūvur bhāskarākāraiḥ kalpabhūruhabāhubhiḥ / prahāradalitādrīndrair daityair nirvivarā diśaḥ

Sanskrit only: no published translation is held for this verse.

जग्मुर् ज्वलदसिव्रातपातपातितभित्तयः । कणप्रकरतां शैलाः कल्पाग्निवलिता इव

jagmur jvaladasivrātapātapātitabhittayaḥ / kaṇaprakaratāṃ śailāḥ kalpāgnivalitā iva

Sanskrit only: no published translation is held for this verse.

देवाः तेजः समाजग्मुर् अश्वमेधैधिता इव । असुरान् अनुसस्रुस् ताञ् जलदान् इव वायवः

devāḥ tejaḥ samājagmur aśvamedhaidhitā iva / asurān anusasrus tāñ jaladān iva vāyavaḥ

Sanskrit only: no published translation is held for this verse.

जगृहुस् तान् अथाक्रम्य जरदाखून् इवोतवः । रेजुः सुरासुराः फुल्लवनलोलाद्रिवद् दिवि

jagṛhus tān athākramya jaradākhūn ivotavaḥ / rejuḥ surāsurāḥ phullavanalolādrivad divi

Sanskrit only: no published translation is held for this verse.

ते ःन्योःन्यम् पूरयाम् आसुः शस्त्रपूरैर् दिशो दश । वनानि कुसुमव्रातैः सुमेरोर् इव मारुताः

te ḥnyoḥnyam pūrayām āsuḥ śastrapūrair diśo daśa / vanāni kusumavrātaiḥ sumeror iva mārutāḥ

Sanskrit only: no published translation is held for this verse.

घोरं समभवद् युद्धं देवदानवसैन्ययोः । रोदोरन्ध्रोडुम्बरान्तर् महामषकसङ्घयोः

ghoraṃ samabhavad yuddhaṃ devadānavasainyayoḥ / rodorandhroḍumbarāntar mahāmaṣakasaṅghayoḥ

Sanskrit only: no published translation is held for this verse.

अथोदपतद् उल्लासैर् लोकपालेभमण्डलैः । कल्पाभ्रैः पूरिताकारो दारुणः समरारवः

athodapatad ullāsair lokapālebhamaṇḍalaiḥ / kalpābhraiḥ pūritākāro dāruṇaḥ samarāravaḥ

Sanskrit only: no published translation is held for this verse.

समरारवं विस्तरेण विशिनष्टि पिण्डग्रहेण नभसि भूभाग इव कुट्टिमम् । मुष्टिग्राह्यो महामेघमन्थरोदरपीवरः

samarāravaṃ vistareṇa viśinaṣṭi piṇḍagraheṇa nabhasi bhūbhāga iva kuṭṭimam / muṣṭigrāhyo mahāmeghamantharodarapīvaraḥ

Sanskrit only: no published translation is held for this verse.

प्रथमापातसम्पिष्टशस्त्रशैलरटत्तटः । स्फुटद्धृदयनिःसत्त्वकर्कशाक्रन्दघर्घरः

prathamāpātasampiṣṭaśastraśailaraṭattaṭaḥ / sphuṭaddhṛdayaniḥsattvakarkaśākrandaghargharaḥ

Sanskrit only: no published translation is held for this verse.

प्रलयप्रत्ययोल्लासिकल्पाभ्रारवबृंहणः । द्वादशादित्यसङ्घट्टद्रवत्काञ्चनसन्निभः

pralayapratyayollāsikalpābhrāravabṛṃhaṇaḥ / dvādaśādityasaṅghaṭṭadravatkāñcanasannibhaḥ

Sanskrit only: no published translation is held for this verse.

ब्रह्माण्डकुड्यसङ्घट्टात् परावृत्यावनिं गतः । महास्रोतःपयःपूरः सेत्वाहत इवाकरम्

brahmāṇḍakuḍyasaṅghaṭṭāt parāvṛtyāvaniṃ gataḥ / mahāsrotaḥpayaḥpūraḥ setvāhata ivākaram

Sanskrit only: no published translation is held for this verse.

चलत्सपक्षशैलेन्द्रपक्षवातबलध्वनिः । कठिनापूरणोड्डीनस्फुटशैलेन्द्रकन्धरः

calatsapakṣaśailendrapakṣavātabaladhvaniḥ / kaṭhināpūraṇoḍḍīnasphuṭaśailendrakandharaḥ

Sanskrit only: no published translation is held for this verse.

मन्दरोद्धूतदुग्धाब्धिसङ्क्षोभसदृशांशकः । प्रतिश्रुद्घुङ्घुमास्फोटघटितद्वीपजन्तुभूः

mandaroddhūtadugdhābdhisaṅkṣobhasadṛśāṃśakaḥ / pratiśrudghuṅghumāsphoṭaghaṭitadvīpajantubhūḥ

Sanskrit only: no published translation is held for this verse.

सेनयोः क्रुद्धयोर् आसीद् युद्धम् उद्धतदानवम् । निष्पिष्टनगरग्रामगिरिकाननमानवम्

senayoḥ kruddhayor āsīd yuddham uddhatadānavam / niṣpiṣṭanagaragrāmagirikānanamānavam

Sanskrit only: no published translation is held for this verse.

महाहेतिशतच्छिन्नदानवाचलपूर्णदिक् । अन्योःन्यहतहेत्यद्रिचूर्णपूर्णाम्बरोदरम्

mahāhetiśatacchinnadānavācalapūrṇadik / anyoḥnyahatahetyadricūrṇapūrṇāmbarodaram

Sanskrit only: no published translation is held for this verse.

भुसुण्डीमण्डलास्फोटस्फुटन्मेरुशिरःशतम् । शरमारुतनिर्लूनदैत्यदेवासुराम्बुजम्

bhusuṇḍīmaṇḍalāsphoṭasphuṭanmeruśiraḥśatam / śaramārutanirlūnadaityadevāsurāmbujam

Sanskrit only: no published translation is held for this verse.

चक्रावर्तशतभ्रान्तदेवदैत्यजरत्तृणम् । सेनाप्रवाहकल्लोलवलनावलिताम्बरम्

cakrāvartaśatabhrāntadevadaityajarattṛṇam / senāpravāhakallolavalanāvalitāmbaram

Sanskrit only: no published translation is held for this verse.

हेत्यद्रिपातनिष्पिष्टपतद्वैमानिकव्रजम् । हस्तानीताब्धिवार्योघप्लावितव्योमपत्तनम्

hetyadripātaniṣpiṣṭapatadvaimānikavrajam / hastānītābdhivāryoghaplāvitavyomapattanam

Sanskrit only: no published translation is held for this verse.

वहन्महास्त्रावर्तासिशूलशक्तिनदीशतम् । शैलपक्षोद्भटास्फोटजडब्रह्माण्डमण्डलम्

vahanmahāstrāvartāsiśūlaśaktinadīśatam / śailapakṣodbhaṭāsphoṭajaḍabrahmāṇḍamaṇḍalam

Sanskrit only: no published translation is held for this verse.

दैत्यपार्ष्णिप्रहारौघपतल्लोकेशपत्तनम् । नारीहलहलारावरवत्कनकमन्दिरम्

daityapārṣṇiprahāraughapatallokeśapattanam / nārīhalahalārāvaravatkanakamandiram

Sanskrit only: no published translation is held for this verse.

लुठद्दैत्याचलोद्धूतमत्तार्णवजलाद्रिभिः । धौतरक्तनभो योधमुक्तनादद्रवद्व्रजम्

luṭhaddaityācaloddhūtamattārṇavajalādribhiḥ / dhautaraktanabho yodhamuktanādadravadvrajam

Sanskrit only: no published translation is held for this verse.

लोकपानेकपाम्भोदच्छन्नच्छन्नार्यमान्वितम् । पुनः सुरासुरोद्द्योतैर् दृष्टसैन्यकुलाकुलम्

lokapānekapāmbhodacchannacchannāryamānvitam / punaḥ surāsuroddyotair dṛṣṭasainyakulākulam

Sanskrit only: no published translation is held for this verse.

सपक्षपर्वताकारदानवाद्रिगमागमैः । वहत्पचपचाशब्दभूरिभाक्करभीषणम्

sapakṣaparvatākāradānavādrigamāgamaiḥ / vahatpacapacāśabdabhūribhākkarabhīṣaṇam

Sanskrit only: no published translation is held for this verse.

आयुधाद्रिविभिन्नोग्रदैत्यपर्वतनिर्झरैः । रक्तैर् अरुणिताशेषवसुधार्णवपर्वतम्

āyudhādrivibhinnogradaityaparvatanirjharaiḥ / raktair aruṇitāśeṣavasudhārṇavaparvatam

Sanskrit only: no published translation is held for this verse.

उत्सन्नराष्ट्रनगरविपिनग्रामगह्वरैः । धृतासङ्ख्यासुरेभाश्वमनुष्यरथपर्वतम्

utsannarāṣṭranagaravipinagrāmagahvaraiḥ / dhṛtāsaṅkhyāsurebhāśvamanuṣyarathaparvatam

Sanskrit only: no published translation is held for this verse.

सुतालोत्तालनाराचराजिरेचितचारणम् । मुष्टिप्रहारपिष्टांसमत्तैरावणवारणम्

sutālottālanārācarājirecitacāraṇam / muṣṭiprahārapiṣṭāṃsamattairāvaṇavāraṇam

Sanskrit only: no published translation is held for this verse.

कल्पाभ्रपटलासारधारादलितपर्वतम् । महाशनिविनिष्पेषपिष्टोड्डीनकुलाचलम्

kalpābhrapaṭalāsāradhārādalitaparvatam / mahāśaniviniṣpeṣapiṣṭoḍḍīnakulācalam

Sanskrit only: no published translation is held for this verse.

कुपिताग्निज्वलज्ज्वालाजालैर् ज्वलितदानवम् । एकाञ्जलिपुटानीतसमुद्रोत्सादितानलम्

kupitāgnijvalajjvālājālair jvalitadānavam / ekāñjalipuṭānītasamudrotsāditānalam

Sanskrit only: no published translation is held for this verse.

चान्द्रशैत्यादिसम्भारशिलीकृतमहाजलम् । वनव्यूहेन्धनाग्न्यर्चिर्द्राविताम्बुशिलोच्चयम्

cāndraśaityādisambhāraśilīkṛtamahājalam / vanavyūhendhanāgnyarcirdrāvitāmbuśiloccayam

Sanskrit only: no published translation is held for this verse.

अस्त्रनिर्मितदुर्वारतमःकल्पान्तरात्रिकम् । मायासूर्यगणोद्द्योतपीतातनुतमःपटम्

astranirmitadurvāratamaḥkalpāntarātrikam / māyāsūryagaṇoddyotapītātanutamaḥpaṭam

Sanskrit only: no published translation is held for this verse.

मायाग्निवर्षनिपतत्कल्पान्तगणवर्षणम् । सशीकाराग्निपवनशस्त्रसङ्घट्टकर्षणम्

māyāgnivarṣanipatatkalpāntagaṇavarṣaṇam / saśīkārāgnipavanaśastrasaṅghaṭṭakarṣaṇam

Sanskrit only: no published translation is held for this verse.

वज्रवर्षविनिर्धूतशैलवर्षास्त्रसम्भवम् । निद्राबोधास्त्रयुद्धाढ्यं सवर्षावग्रहास्त्रकम्

vajravarṣavinirdhūtaśailavarṣāstrasambhavam / nidrābodhāstrayuddhāḍhyaṃ savarṣāvagrahāstrakam

Sanskrit only: no published translation is held for this verse.

वहत्क्रकचवृक्षास्त्रं जलाग्न्यस्त्ररणान्वितम् । ब्रह्मास्त्रयुद्धविषमं तमस्तेजोःस्त्रशारितम्

vahatkrakacavṛkṣāstraṃ jalāgnyastraraṇānvitam / brahmāstrayuddhaviṣamaṃ tamastejoḥstraśāritam

Sanskrit only: no published translation is held for this verse.

अस्त्रोद्गीर्णायुधानेकनीरन्ध्रसकलाम्बरम् । शिलावर्षास्त्रवलितं वह्निवर्षास्त्रभासुरम्

astrodgīrṇāyudhānekanīrandhrasakalāmbaram / śilāvarṣāstravalitaṃ vahnivarṣāstrabhāsuram

Sanskrit only: no published translation is held for this verse.

पताकामृष्टशशकैश् चक्रचीत्कारगर्जितैः । मुहूर्तेन रथैर् लङ्घितोदयास्तमयाचलम्

patākāmṛṣṭaśaśakaiś cakracītkāragarjitaiḥ / muhūrtena rathair laṅghitodayāstamayācalam

Sanskrit only: no published translation is held for this verse.

वज्रप्रहाराविरतम्रियमाणमहासुरम् । शुक्रामरमहाविद्याजायमानापरासुरम्

vajraprahārāviratamriyamāṇamahāsuram / śukrāmaramahāvidyājāyamānāparāsuram

Sanskrit only: no published translation is held for this verse.

शुभग्रहमहाकेतुपालितानाम् इतस् ततः । उत्पातमङ्गलौघानां युद्धैर् उद्धतकन्धरम्

śubhagrahamahāketupālitānām itas tataḥ / utpātamaṅgalaughānāṃ yuddhair uddhatakandharam

Sanskrit only: no published translation is held for this verse.

साद्रिखोर्वीसमुद्रद्यु जगद् रुधिरवारिभिः । फुल्लैककिंशुकवनं कुर्वद् दुर्वारवैरतः

sādrikhorvīsamudradyu jagad rudhiravāribhiḥ / phullaikakiṃśukavanaṃ kurvad durvāravairataḥ

Sanskrit only: no published translation is held for this verse.

पर्वतप्रतिमासङ्ख्यशवपूर्णमहार्णवम् । समग्रतरुशाखांसलम्बलोलमहाशवम्

parvatapratimāsaṅkhyaśavapūrṇamahārṇavam / samagrataruśākhāṃsalambalolamahāśavam

Sanskrit only: no published translation is held for this verse.

नीयमानैः स्ववाताक्तैः पक्षपुष्पलसत्फलैः । तालोत्तालैः शरव्रातवनैर् व्याप्तनभस्तलम्

nīyamānaiḥ svavātāktaiḥ pakṣapuṣpalasatphalaiḥ / tālottālaiḥ śaravrātavanair vyāptanabhastalam

Sanskrit only: no published translation is held for this verse.

पर्वतप्रतिमासङ्ख्यकबन्धवनबाहुभिः । नृत्यद्भिः पतिताम्भोदविमानसुरतारकम्

parvatapratimāsaṅkhyakabandhavanabāhubhiḥ / nṛtyadbhiḥ patitāmbhodavimānasuratārakam

Sanskrit only: no published translation is held for this verse.

शरशक्तिगदाप्रासपट्टिसप्रोतपर्वतम् । लोकसप्तकविभ्रष्टकुड्यखण्डाचिताम्बरम्

śaraśaktigadāprāsapaṭṭisaprotaparvatam / lokasaptakavibhraṣṭakuḍyakhaṇḍācitāmbaram

Sanskrit only: no published translation is held for this verse.

अनारतरसन्मत्तकल्पाभ्रदृढदुन्दुभि । पृष्ठशब्दश्रवोन्नादपातालतलवारणम्

anāratarasanmattakalpābhradṛḍhadundubhi / pṛṣṭhaśabdaśravonnādapātālatalavāraṇam

Sanskrit only: no published translation is held for this verse.

विनायककराकृष्टदीर्घदानवपर्वतम् । एकदिक्तटनिःस्पन्दसिद्धसाध्यमरुद्गणम्

vināyakakarākṛṣṭadīrghadānavaparvatam / ekadiktaṭaniḥspandasiddhasādhyamarudgaṇam

Sanskrit only: no published translation is held for this verse.

पलायमानगन्धर्वकिन्नरामरचारणम् । शवीभूतक्षतक्षीणपतद्गन्धर्वनायकम्

palāyamānagandharvakinnarāmaracāraṇam / śavībhūtakṣatakṣīṇapatadgandharvanāyakam

Sanskrit only: no published translation is held for this verse.

किञ्चिल्लब्धजयप्रायदैत्यदानवमण्डलम् । दूयमानसुरानीकम् एकान्तोद्विग्नवासवम्

kiñcillabdhajayaprāyadaityadānavamaṇḍalam / dūyamānasurānīkam ekāntodvignavāsavam

Sanskrit only: no published translation is held for this verse.

उत्तराशामिलद्वह्निरक्तहेतिवृहत्प्रभम् । प्रतिक्षणं लसद्दाहप्रकाशतिमिरोल्बणम्

uttarāśāmiladvahniraktahetivṛhatprabham / pratikṣaṇaṃ lasaddāhaprakāśatimirolbaṇam

Sanskrit only: no published translation is held for this verse.

सर्गान्तश्लोकेन समीरचलनं कथयति ववुर् अशनिनिपातपिण्डिताङ्गा दलितशिलाशकला दिशाम् मुखेषु । प्रलयसमयसूचकाः सुराणाम् उरुतरघर्घरघस्मराः समीराः

sargāntaślokena samīracalanaṃ kathayati vavur aśaninipātapiṇḍitāṅgā dalitaśilāśakalā diśām mukheṣu / pralayasamayasūcakāḥ surāṇām urutaraghargharaghasmarāḥ samīrāḥ

Sanskrit only: no published translation is held for this verse.