Library·Moksopaya with Bhaskarakantha's Tika·4·4.28
इति श्रीभास्करकण्ठविरचितायां श्रीमोक्षोपायटीकायां स्थितिप्रकरणे सप्तविंशः सर्गः ॥२७॥ ब्रह्मणः अन्तर्धानं कथयति इत्य् उक्त्वा भगवान् देवस् तत्रैवान्तर्धिम् आययौ । वेलावनतटे शब्दं कृत्वेवाम्बुतरङ्गकः
iti śrībhāskarakaṇṭhaviracitāyāṃ śrīmokṣopāyaṭīkāyāṃ sthitiprakaraṇe saptaviṃśaḥ sargaḥ ||27|| brahmaṇaḥ antardhānaṃ kathayati ity uktvā bhagavān devas tatraivāntardhim āyayau / velāvanataṭe śabdaṃ kṛtvevāmbutaraṅgakaḥ
Sanskrit only: no published translation is held for this verse.
सुरास् त्व् आकर्ण्य तद्वाक्यं जग्मुः स्वाम् अभितो दिशम् । कमलामोदम् आदाय वनमालाम् इवानिलाः
surās tv ākarṇya tadvākyaṃ jagmuḥ svām abhito diśam / kamalāmodam ādāya vanamālām ivānilāḥ
Sanskrit only: no published translation is held for this verse.
दिनानि कतिचित् स्वेषु कान्तेषु स्थिरकान्तिषु । द्विरेफा इव पद्मेषु मन्दिरेषु विशश्रमुः
dināni katicit sveṣu kānteṣu sthirakāntiṣu / dvirephā iva padmeṣu mandireṣu viśaśramuḥ
Sanskrit only: no published translation is held for this verse.
कञ्चित् कालं समासाद्य स्वात्मोदयकरं शुभम् । चक्रुर् दुन्दुभिनिर्घोषम् प्रलयाभ्ररवोपमम्
kañcit kālaṃ samāsādya svātmodayakaraṃ śubham / cakrur dundubhinirghoṣam pralayābhraravopamam
Sanskrit only: no published translation is held for this verse.
अथ दैत्यैः सह व्योम्नि तैः पातालतलोत्थितैः । कालक्षेपकरं घोरम् पुनर् युद्धम् अवर्तत
atha daityaiḥ saha vyomni taiḥ pātālatalotthitaiḥ / kālakṣepakaraṃ ghoram punar yuddham avartata
Sanskrit only: no published translation is held for this verse.
ववुर् असिशरशक्तिमुद्गरौघा मुसुलगदापरशूग्रचक्रसङ्घाः । अशनिगिरिशिलाहुताशवृक्षा अहिगरुडादिमुखानि चायुधानि
vavur asiśaraśaktimudgaraughā musulagadāparaśūgracakrasaṅghāḥ / aśanigiriśilāhutāśavṛkṣā ahigaruḍādimukhāni cāyudhāni
Sanskrit only: no published translation is held for this verse.
मायाकृतायुधमहाम्बुघनप्रवाहा क्षिप्रम् प्रति प्रतिदिशम् परिनिर्जगाम । पाषाणपर्वतमहीतटवृक्षलक्ष- क्षुब्धाम्बुपूरघनघोषवती नदी द्राक्
māyākṛtāyudhamahāmbughanapravāhā kṣipram prati pratidiśam parinirjagāma / pāṣāṇaparvatamahītaṭavṛkṣalakṣa- kṣubdhāmbupūraghanaghoṣavatī nadī drāk
Sanskrit only: no published translation is held for this verse.
केन प्रतिदिशं निर्जगामेति करणापेक्षायां सविशेषणम् आह मध्यप्रवाहवहदुल्मुकशूलशैल- प्रासासिकुन्तशरतोमरमुद्गरेण । गङ्गोपमाम्बुवलितामरमन्दिरेण सर्वासु दिक्ष्व् अशनिवर्षणकर्षणेन
kena pratidiśaṃ nirjagāmeti karaṇāpekṣāyāṃ saviśeṣaṇam āha madhyapravāhavahadulmukaśūlaśaila- prāsāsikuntaśaratomaramudgareṇa / gaṅgopamāmbuvalitāmaramandireṇa sarvāsu dikṣv aśanivarṣaṇakarṣaṇena
Sanskrit only: no published translation is held for this verse.
पृथ्व्यादिदारुणशरीरमयी प्रहार- दानग्रहे गगनरश्मिशरीरिकैव । या योपशाम्यति सुरासुरसिद्धसेना मायाकृता पुनर् उदेति रसेन सैव
pṛthvyādidāruṇaśarīramayī prahāra- dānagrahe gaganaraśmiśarīrikaiva / yā yopaśāmyati surāsurasiddhasenā māyākṛtā punar udeti rasena saiva
Sanskrit only: no published translation is held for this verse.
शैलोपमायुधविघट्टितभूधराणि रक्ताम्बुपूरपरिपूर्णमहार्णवानि । देवासुरेन्द्रसुरशैलविरूढकुन्त- तालीवनानि ककुभां वदनान्य् अथासन्
śailopamāyudhavighaṭṭitabhūdharāṇi raktāmbupūraparipūrṇamahārṇavāni / devāsurendrasuraśailavirūḍhakunta- tālīvanāni kakubhāṃ vadanāny athāsan
Sanskrit only: no published translation is held for this verse.
उद्गीर्णकुन्तशरशक्तिगदासिचक्रा हेलानिगीर्णसुरदानवमुक्तशैला । काषक्वणत्क्रकचदन्तनखोग्रमाला जीवान्वितापतद् अथायससिंहवृष्टिः
udgīrṇakuntaśaraśaktigadāsicakrā helānigīrṇasuradānavamuktaśailā / kāṣakvaṇatkrakacadantanakhogramālā jīvānvitāpatad athāyasasiṃhavṛṣṭiḥ
Sanskrit only: no published translation is held for this verse.
उज्ज्वाललोचनविषज्वलनातपोद्यद्- दिग्दाहदर्शितयुगान्तदिनेशसेना । उड्डीयमानपरिदीर्घमहीमहीध्रा मत्ताब्धिवद् विषधरावलिर् उल्ललास
ujjvālalocanaviṣajvalanātapodyad- digdāhadarśitayugāntadineśasenā / uḍḍīyamānaparidīrghamahīmahīdhrā mattābdhivad viṣadharāvalir ullalāsa
Sanskrit only: no published translation is held for this verse.
उन्नादवज्रमकरोत्करकर्करान्तर्- इक्षाब्धिवीचिवलयैर् वलिताचलेन्द्रैः । आसीज् जगत् सकलम् एव सुसङ्कटाङ्गम् आवर्तिभिर् विविधहेतिनदीप्रवाहैः
unnādavajramakarotkarakarkarāntar- ikṣābdhivīcivalayair valitācalendraiḥ / āsīj jagat sakalam eva susaṅkaṭāṅgam āvartibhir vividhahetinadīpravāhaiḥ
Sanskrit only: no published translation is held for this verse.
शैलास्त्रशस्त्रगरुडाचलमालितोच्च- नागाङ्गनासुरगणाङ्गनम् अन्तरिक्षम् । आसीत् क्षणं जलधिभिः क्षणम् अग्निपूरैः पूर्णं क्षणं दिनकरैः क्षणम् अन्धकारैः
śailāstraśastragaruḍācalamālitocca- nāgāṅganāsuragaṇāṅganam antarikṣam / āsīt kṣaṇaṃ jaladhibhiḥ kṣaṇam agnipūraiḥ pūrṇaṃ kṣaṇaṃ dinakaraiḥ kṣaṇam andhakāraiḥ
Sanskrit only: no published translation is held for this verse.
गरुडगुडगुडाकुलान्तरिक्ष- प्रविसृतहेतिहुताशपर्वतौघैः । जगद् अभवद् असह्यकल्पकाल- ज्वलितसुरालयभूतलान्तरालम्
garuḍaguḍaguḍākulāntarikṣa- pravisṛtahetihutāśaparvataughaiḥ / jagad abhavad asahyakalpakāla- jvalitasurālayabhūtalāntarālam
Sanskrit only: no published translation is held for this verse.
उदपतन् वसुधातलतो ःसुरा गगनम् अद्रितटाद् इव पक्षिणः । अतिबलाद् अपतन् विबुधा भुवि प्रलयचालितशैलशिला इव
udapatan vasudhātalato ḥsurā gaganam adritaṭād iva pakṣiṇaḥ / atibalād apatan vibudhā bhuvi pralayacālitaśailaśilā iva
Sanskrit only: no published translation is held for this verse.
शरीररूढोन्नतहेतिवृक्ष- वनावलीलग्नमहाग्निदाहाः । सुरासुराः प्रापुर् अथाम्बरान्तः कल्पानिलान्दोलितशैलशोभाम्
śarīrarūḍhonnatahetivṛkṣa- vanāvalīlagnamahāgnidāhāḥ / surāsurāḥ prāpur athāmbarāntaḥ kalpānilāndolitaśailaśobhām
Sanskrit only: no published translation is held for this verse.
सुरासुराद्रीन्द्रशरीरमुक्तै रक्तप्रवाहैर् अभितो भ्रमद्भिः । बभार पूर्णम् परितो ःम्बराब्धिः सन्ध्यारुणोद्यच्छतगङ्गम् अङ्गम्
surāsurādrīndraśarīramuktai raktapravāhair abhito bhramadbhiḥ / babhāra pūrṇam parito ḥmbarābdhiḥ sandhyāruṇodyacchatagaṅgam aṅgam
Sanskrit only: no published translation is held for this verse.
गिरिवर्षणम् अम्बुवर्षणं विविधोग्रायुधवर्षणं तथा । विषमाशनिवर्षणं च ते शमम् अन्योःन्यम् अथाग्निवर्षणम्
girivarṣaṇam ambuvarṣaṇaṃ vividhogrāyudhavarṣaṇaṃ tathā / viṣamāśanivarṣaṇaṃ ca te śamam anyoḥnyam athāgnivarṣaṇam
Sanskrit only: no published translation is held for this verse.
अनयन् नयमार्गकोविदा दलिताशेषगिरीन्द्रभित्तयः । ससृजुश् च समं समन्ततः ककुबङ्गेष्व् इव पुष्पवर्षणम्
anayan nayamārgakovidā dalitāśeṣagirīndrabhittayaḥ / sasṛjuś ca samaṃ samantataḥ kakubaṅgeṣv iva puṣpavarṣaṇam
Sanskrit only: no published translation is held for this verse.
देवासुराः सरससङ्गरसम्भ्रमार्ता अन्योःन्यम् अङ्गदलनाकुलहेतिहस्ताः । दामेन्द्रडिम्बदहनाः पृथुपीठपीठैः कीर्णासृजो नभसि बभ्रमुर् आक्षिपन्तः
devāsurāḥ sarasasaṅgarasambhramārtā anyoḥnyam aṅgadalanākulahetihastāḥ / dāmendraḍimbadahanāḥ pṛthupīṭhapīṭhaiḥ kīrṇāsṛjo nabhasi babhramur ākṣipantaḥ
Sanskrit only: no published translation is held for this verse.
छिन्नैः शिरःकरभुजोरुभरैर् भ्रमद्भिर् आकाशकोशशलभैर् अशिवैस् तदानीम् । आसीज् जगज्जठरम् अभ्रवरैर् इवोग्रैर् आभास्करं स्थगितदिक्तटशैलजालम्
chinnaiḥ śiraḥkarabhujorubharair bhramadbhir ākāśakośaśalabhair aśivais tadānīm / āsīj jagajjaṭharam abhravarair ivograir ābhāskaraṃ sthagitadiktaṭaśailajālam
Sanskrit only: no published translation is held for this verse.
मत्तानलं क्षुब्धजलानिलार्कं दलद्वनं शीर्णसुरासुरौघम् । ब्रह्माण्डम् आखण्डितकुड्यकोणम् अकालकल्पान्तकरालम् आसीत्
mattānalaṃ kṣubdhajalānilārkaṃ daladvanaṃ śīrṇasurāsuraugham / brahmāṇḍam ākhaṇḍitakuḍyakoṇam akālakalpāntakarālam āsīt
Sanskrit only: no published translation is held for this verse.
भ्रान्तम् भृशम् भ्रमितदिक्तटम् अद्रिकूटैर् आत्मप्रमाणघनहेतिहतै रणद्भिः । कूजद्भिर् आर्तिभिर् इवाग्रगुहौघवातैः क्रन्दद्भिर् आपतितसिंहरवैर् अदभ्रैः
bhrāntam bhṛśam bhramitadiktaṭam adrikūṭair ātmapramāṇaghanahetihatai raṇadbhiḥ / kūjadbhir ārtibhir ivāgraguhaughavātaiḥ krandadbhir āpatitasiṃharavair adabhraiḥ
Sanskrit only: no published translation is held for this verse.
मायानदीजलधियोधघनाग्निदाहैर् वृक्षैः सुरासुरशवैर् अचलैः शिलौघैः । भ्रान्तं शिरस्त्रशरशक्तिगदास्त्रवर्षैर् वातावकीर्णवनपर्णवद् अम्बरान्तः
māyānadījaladhiyodhaghanāgnidāhair vṛkṣaiḥ surāsuraśavair acalaiḥ śilaughaiḥ / bhrāntaṃ śirastraśaraśaktigadāstravarṣair vātāvakīrṇavanaparṇavad ambarāntaḥ
Sanskrit only: no published translation is held for this verse.
अद्रीन्द्रपक्षपरिमाणगमागमैक- दुर्वारहस्ततलदारुणताडनैर् द्राक् । आसीत् पतद्भटशरीरगिरीन्द्रघात- विभ्रष्टदेवपुरपूर्णजलार्णवौघः
adrīndrapakṣaparimāṇagamāgamaika- durvārahastataladāruṇatāḍanair drāk / āsīt patadbhaṭaśarīragirīndraghāta- vibhraṣṭadevapurapūrṇajalārṇavaughaḥ
Sanskrit only: no published translation is held for this verse.
घनघुङ्घुमपूरितान्तरिक्षा क्षतजाक्षालितभूधरान्तराला । रुधिरह्रदवृत्तिवर्तिनी वा भुवनाभोगगुहा तदाकुलाभूत्
ghanaghuṅghumapūritāntarikṣā kṣatajākṣālitabhūdharāntarālā / rudhirahradavṛttivartinī vā bhuvanābhogaguhā tadākulābhūt
Sanskrit only: no published translation is held for this verse.
सर्गान्तश्लोकेन अस्य रणस्य संसारसाम्यं कथयति अनन्तदिक्प्रसरविकारकारिणी क्षयोदयोन्मुखसुखदुःखदायिनी । रणक्रियासुरसुरसङ्घसङ्कटा तदाभवत् खलु सदृशीह संसृतेः
sargāntaślokena asya raṇasya saṃsārasāmyaṃ kathayati anantadikprasaravikārakāriṇī kṣayodayonmukhasukhaduḥkhadāyinī / raṇakriyāsurasurasaṅghasaṅkaṭā tadābhavat khalu sadṛśīha saṃsṛteḥ
Sanskrit only: no published translation is held for this verse.
विगतेच्छा यथाप्राप्तव्यवहारानुवर्तिनः । विचरन्त्य् असमुन्नद्धास् स्वस्था देहरथस्थिताः
vigatecchā yathāprāptavyavahārānuvartinaḥ / vicaranty asamunnaddhās svasthā deharathasthitāḥ
Sanskrit only: no published translation is held for this verse.
त्वम् अपि प्राप्तवान् राम विवेकम् इमम् आगतम् । प्रज्ञाबलेन चानेन जाने स्वस्थो ऽसि सुन्दर
tvam api prāptavān rāma vivekam imam āgatam / prajñābalena cānena jāne svastho 'si sundara
Sanskrit only: no published translation is held for this verse.
स्पष्टां दृष्टिम् अवष्टभ्य निर्मानो गतमत्सरः । विहरास्मिन् भुवः पीठे परां सिद्धिम् अवाप्स्यसि
spaṣṭāṃ dṛṣṭim avaṣṭabhya nirmāno gatamatsaraḥ / viharāsmin bhuvaḥ pīṭhe parāṃ siddhim avāpsyasi
Sanskrit only: no published translation is held for this verse.
स्वस्थस् सर्वेहितत्यागी दूरालोकितवाञ्छनः । परां शीतलताम् अन्तर् आदाय विहरानघ
svasthas sarvehitatyāgī dūrālokitavāñchanaḥ / parāṃ śītalatām antar ādāya viharānagha
Sanskrit only: no published translation is held for this verse.
इत्थं गिरा विमलया विमलाशयस्य रामो मुनेस् स परिमृष्ट इवाबभासे । ज्ञानामृतेन मधुरेण विराजतान्तः पूर्णश् शशाङ्क इव शीतलतां जगाम
itthaṃ girā vimalayā vimalāśayasya rāmo munes sa parimṛṣṭa ivābabhāse / jñānāmṛtena madhureṇa virājatāntaḥ pūrṇaś śaśāṅka iva śītalatāṃ jagāma
Sanskrit only: no published translation is held for this verse.