Moksopaya with Bhaskarakantha's Tika 4.34

कदाचिद् अथ मार्गेण तेन कैलासवाहिनीम् । अहं स्नातुम् अदृश्यात्मा व्योमवीथिगतो ऽगमम्

kadācid atha mārgeṇa tena kailāsavāhinīm / ahaṃ snātum adṛśyātmā vyomavīthigato 'gamam

Sanskrit only: no published translation is held for this verse.

निर्गत्य नभसस् सप्तमुनिमण्डलकोटरात् । रात्रौ प्राप्तो ऽस्मि सुमते दाशूरतरुपृष्ठखम्

nirgatya nabhasas saptamunimaṇḍalakoṭarāt / rātrau prāpto 'smi sumate dāśūratarupṛṣṭhakham

Sanskrit only: no published translation is held for this verse.

यावच् छृणोमि विटपकुहरात् कानने वचः । कुट्मलाम्भोजबद्धस्य षट्पदस्येव निस्स्वनम्

yāvac chṛṇomi viṭapakuharāt kānane vacaḥ / kuṭmalāmbhojabaddhasya ṣaṭpadasyeva nissvanam

Sanskrit only: no published translation is held for this verse.

शृणु पुत्र महाबुद्धे वस्तुनो ऽस्य समाम् इमाम् । वर्णयामि महाश्चर्याम् एकाम् आख्यायिकां तव

śṛṇu putra mahābuddhe vastuno 'sya samām imām / varṇayāmi mahāścaryām ekām ākhyāyikāṃ tava

Sanskrit only: no published translation is held for this verse.

अस्ति राजा महावीर्यो विख्यातो भुवनत्रये । नाम्ना स्वोत्थ इति श्रीमाञ् जगदाक्रमणे क्षमः

asti rājā mahāvīryo vikhyāto bhuvanatraye / nāmnā svottha iti śrīmāñ jagadākramaṇe kṣamaḥ

Sanskrit only: no published translation is held for this verse.

यस्यानुशासनं सर्वे भुवनेष्व् अपि नायकाः । शिरोभिर् धारयन्त्य् उच्चैश् चूडामणिम् इवोत्तमम्

yasyānuśāsanaṃ sarve bhuvaneṣv api nāyakāḥ / śirobhir dhārayanty uccaiś cūḍāmaṇim ivottamam

Sanskrit only: no published translation is held for this verse.

यस् साहसैकरसिको नानाश्चर्यविहारवान् । केनचित् त्रिषु लोकेषु न महात्मा वशीकृतः

yas sāhasaikarasiko nānāścaryavihāravān / kenacit triṣu lokeṣu na mahātmā vaśīkṛtaḥ

Sanskrit only: no published translation is held for this verse.

यस्यारम्भसहस्राणि सुखदुःखप्रदान्य् अलम् । सङ्ख्यातुं नैव शक्यन्ते कल्लोला जलधेर् इव

yasyārambhasahasrāṇi sukhaduḥkhapradāny alam / saṅkhyātuṃ naiva śakyante kallolā jaladher iva

Sanskrit only: no published translation is held for this verse.

यस्य वीर्यं सुवीर्यस्य न शस्त्रास्त्रैर् न पावकैः । केनचिद् भुवने क्रान्तम् आकाशम् इव मुष्टिना

yasya vīryaṃ suvīryasya na śastrāstrair na pāvakaiḥ / kenacid bhuvane krāntam ākāśam iva muṣṭinā

Sanskrit only: no published translation is held for this verse.

यदीयां विततारम्भां लीलां निर्माणभासुराम् । न मनाग् अनुकुर्वन्ति शक्रोपेन्द्रहरा अपि

yadīyāṃ vitatārambhāṃ līlāṃ nirmāṇabhāsurām / na manāg anukurvanti śakropendraharā api

Sanskrit only: no published translation is held for this verse.

त्रयस् तस्य महाबाहो देहा दिग्भरणक्षमाः । जगद् आकृष्य तिष्ठन्ति उत्तमाधममध्यमाः

trayas tasya mahābāho dehā digbharaṇakṣamāḥ / jagad ākṛṣya tiṣṭhanti uttamādhamamadhyamāḥ

Sanskrit only: no published translation is held for this verse.

व्योमन्य् एवातिवितते जातो ऽसौ त्रिशरीरकः । तत्रैव च स्थितिं यातश् शब्दवातखपक्षिवत्

vyomany evātivitate jāto 'sau triśarīrakaḥ / tatraiva ca sthitiṃ yātaś śabdavātakhapakṣivat

Sanskrit only: no published translation is held for this verse.

तत्रैवापारगगने नगरं तेन निर्मितम् । चतुर्दशमहारथ्यं विभागत्रयभूषितम्

tatraivāpāragagane nagaraṃ tena nirmitam / caturdaśamahārathyaṃ vibhāgatrayabhūṣitam

Sanskrit only: no published translation is held for this verse.

वनोपवनमालाढ्यं क्रीडाशिखरिसुन्दरम् । मुक्तालताविवलितं वापीसप्तकभूषितम्

vanopavanamālāḍhyaṃ krīḍāśikharisundaram / muktālatāvivalitaṃ vāpīsaptakabhūṣitam

Sanskrit only: no published translation is held for this verse.

शीतलोष्णात्मकाक्षीणदीपद्वयविराजितम् । ऊर्ध्वाधोगतिरूपेण वणिङ्मार्गेण सङ्कुलम्

śītaloṣṇātmakākṣīṇadīpadvayavirājitam / ūrdhvādhogatirūpeṇa vaṇiṅmārgeṇa saṅkulam

Sanskrit only: no published translation is held for this verse.

तस्मिन्न् एवातिविपुले पत्तने तेन भूभृता । सञ्चारिणो विरचिता मुग्धाववरका गणाः

tasminn evātivipule pattane tena bhūbhṛtā / sañcāriṇo viracitā mugdhāvavarakā gaṇāḥ

Sanskrit only: no published translation is held for this verse.

ऊर्ध्वे केचिद् अधः केचिन् मध्ये केचिन् नियोजिताः । केचिच् चिरेण नश्यन्तः केचिच् छीघ्रविनाशिनः

ūrdhve kecid adhaḥ kecin madhye kecin niyojitāḥ / kecic cireṇa naśyantaḥ kecic chīghravināśinaḥ

Sanskrit only: no published translation is held for this verse.

असितच्छादनाच्छन्ना नवद्वारविभूषिताः । अनारतवहद्वाता बहुवातायनान्विताः

asitacchādanācchannā navadvāravibhūṣitāḥ / anāratavahadvātā bahuvātāyanānvitāḥ

Sanskrit only: no published translation is held for this verse.

दीपपञ्चकसालोकास् त्रिस्थूणाश् शुक्लदारवः । मसृणालेपमृदवः प्रतोलीकुलसङ्कुलाः

dīpapañcakasālokās tristhūṇāś śukladāravaḥ / masṛṇālepamṛdavaḥ pratolīkulasaṅkulāḥ

Sanskrit only: no published translation is held for this verse.

मायया रचितास् तेन राज्ञा तेषु महामते । रक्षितारो महायक्षा नित्यम् आलोकभीरवः

māyayā racitās tena rājñā teṣu mahāmate / rakṣitāro mahāyakṣā nityam ālokabhīravaḥ

Sanskrit only: no published translation is held for this verse.

अथाववरकौघेषु चलत्सु स महीपतिः । करोति विविधाः क्रीडा नीडेष्व् इव विहङ्गमः

athāvavarakaugheṣu calatsu sa mahīpatiḥ / karoti vividhāḥ krīḍā nīḍeṣv iva vihaṅgamaḥ

Sanskrit only: no published translation is held for this verse.

त्रिशरीरस् स तेष्व् अन्तस् तैर् यक्षैस् सह पुत्रक । लीलालसम् उषित्वाशु पुनर् निष्क्रम्य गच्छति

triśarīras sa teṣv antas tair yakṣais saha putraka / līlālasam uṣitvāśu punar niṣkramya gacchati

Sanskrit only: no published translation is held for this verse.

तस्येच्छा जायते वत्स कदाचिच् चलचेतसः । पुरं भविष्यन्निर्माणं किञ्चिद् यामीति निश्चला

tasyecchā jāyate vatsa kadācic calacetasaḥ / puraṃ bhaviṣyannirmāṇaṃ kiñcid yāmīti niścalā

Sanskrit only: no published translation is held for this verse.

भूताविष्ट इवावेगात् तत उत्थाय धावति । पुरं तद् अप्य् अवाप्नोति गन्धर्वैर् इव निर्मितम्

bhūtāviṣṭa ivāvegāt tata utthāya dhāvati / puraṃ tad apy avāpnoti gandharvair iva nirmitam

Sanskrit only: no published translation is held for this verse.

तस्येच्छा जायते नाम कदाचिज् जडचेतसः । विनाशं सम्प्रयामीति तेनाशु स विनश्यति

tasyecchā jāyate nāma kadācij jaḍacetasaḥ / vināśaṃ samprayāmīti tenāśu sa vinaśyati

Sanskrit only: no published translation is held for this verse.

पुनर् उत्पद्यते तूर्णं खान् महोर्मिर् इवाम्भसः । व्यवहारं तनोत्य् उच्चैः पुनर् आरम्भमन्थरम्

punar utpadyate tūrṇaṃ khān mahormir ivāmbhasaḥ / vyavahāraṃ tanoty uccaiḥ punar ārambhamantharam

Sanskrit only: no published translation is held for this verse.

स्वयैव व्यवहृत्याथ कदाचित् परिदूयते । किं करोमीदम् अज्ञो ऽस्मि दुःखितो ऽस्मीति शोचति

svayaiva vyavahṛtyātha kadācit paridūyate / kiṃ karomīdam ajño 'smi duḥkhito 'smīti śocati

Sanskrit only: no published translation is held for this verse.

मुदम् एत्य कदाचिच् च स्वयम् आयाति पीनताम् । प्रावृड्वर्षजलोल्लासपूराद् इव नदीरयः

mudam etya kadācic ca svayam āyāti pīnatām / prāvṛḍvarṣajalollāsapūrād iva nadīrayaḥ

Sanskrit only: no published translation is held for this verse.

पिबति वल्गति गच्छति जृम्भते स्फुरति भाति न भाति च भासुरः । सुत महामहिमा स महीपतिः पतिर् अपाम् इव वातरयाकुलः

pibati valgati gacchati jṛmbhate sphurati bhāti na bhāti ca bhāsuraḥ / suta mahāmahimā sa mahīpatiḥ patir apām iva vātarayākulaḥ

Sanskrit only: no published translation is held for this verse.