Moksopaya with Bhaskarakantha's Tika 4.37

इत्य् आकर्ण्य तदा तत्र रात्राव् आलपनं तयोः । अहं रघुकुलाकाशशशाङ्क रघुनन्दन

ity ākarṇya tadā tatra rātrāv ālapanaṃ tayoḥ / ahaṃ raghukulākāśaśaśāṅka raghunandana

Sanskrit only: no published translation is held for this verse.

पतितः खात् कदम्बाग्रे पत्त्रपुष्पलताकुले । तूष्णीं निर्वृष्टिमूकात्मा शृङ्गाग्र इव तोयदः

patitaḥ khāt kadambāgre pattrapuṣpalatākule / tūṣṇīṃ nirvṛṣṭimūkātmā śṛṅgāgra iva toyadaḥ

Sanskrit only: no published translation is held for this verse.

अपश्यं तत्र दाशूरं शूरं इन्द्रियनिग्रहे । परेण तपसा युक्तं तेजसेव हुताशनम्

apaśyaṃ tatra dāśūraṃ śūraṃ indriyanigrahe / pareṇa tapasā yuktaṃ tejaseva hutāśanam

Sanskrit only: no published translation is held for this verse.

तेजोभिर् देहनिष्क्रान्तैः काञ्चनीकृतभूरुहैः । तापयन्तं प्रदेशं तं भुवनं भास्करं यथा

tejobhir dehaniṣkrāntaiḥ kāñcanīkṛtabhūruhaiḥ / tāpayantaṃ pradeśaṃ taṃ bhuvanaṃ bhāskaraṃ yathā

Sanskrit only: no published translation is held for this verse.

माम् अथालोक्य सम्प्राप्तं दाशूरो ऽर्घ्यसपर्यया । वितीर्णविष्टरं पत्त्रे परया पर्यपूजयत्

mām athālokya samprāptaṃ dāśūro 'rghyasaparyayā / vitīrṇaviṣṭaraṃ pattre parayā paryapūjayat

Sanskrit only: no published translation is held for this verse.

ततः कुर्वन् कथास् तेन सह दाशूरभास्वता । तास् तत्तनयसम्बद्धास् संसारोत्तारणक्षमाः

tataḥ kurvan kathās tena saha dāśūrabhāsvatā / tās tattanayasambaddhās saṃsārottāraṇakṣamāḥ

Sanskrit only: no published translation is held for this verse.

दृष्टवांस् तम् अहं वृक्षं कोरकोत्कटकोटरम् । स्मितेनेव स्फुटरदं श्वसनस्फुरितच्छदम्

dṛṣṭavāṃs tam ahaṃ vṛkṣaṃ korakotkaṭakoṭaram / smiteneva sphuṭaradaṃ śvasanasphuritacchadam

Sanskrit only: no published translation is held for this verse.

दाशूरस्येच्छया सर्वैर् अपतद्भिर् मृगद्विजैः । सेव्यमानं वनम् इव लतामण्डपमण्डितम्

dāśūrasyecchayā sarvair apatadbhir mṛgadvijaiḥ / sevyamānaṃ vanam iva latāmaṇḍapamaṇḍitam

Sanskrit only: no published translation is held for this verse.

लताकोटितटभ्रान्तैश् चमरैर् इन्दुसुन्दरैः । शुभ्राभ्रखण्डनिकरैश् शरन्नभ इवावृतम्

latākoṭitaṭabhrāntaiś camarair indusundaraiḥ / śubhrābhrakhaṇḍanikaraiś śarannabha ivāvṛtam

Sanskrit only: no published translation is held for this verse.

प्रालेयकणपद्धत्या मुक्तावल्याभ्यलङ्कृतम् । सर्वावयवम् एवाच्छपुष्पपूरैः प्रपूरितम्

prāleyakaṇapaddhatyā muktāvalyābhyalaṅkṛtam / sarvāvayavam evācchapuṣpapūraiḥ prapūritam

Sanskrit only: no published translation is held for this verse.

स्वरेणुचन्दनालेपैस् समालब्धम् अखण्डितम् । स्वच्छदाभोगविपुलरक्ताम्बरपरिष्कृतम्

svareṇucandanālepais samālabdham akhaṇḍitam / svacchadābhogavipularaktāmbarapariṣkṛtam

Sanskrit only: no published translation is held for this verse.

विवाहायेव वेषेण पुष्पभारादिहारिणा । लताङ्गनानुषक्तेन नागरेण कृतोद्यमम्

vivāhāyeva veṣeṇa puṣpabhārādihāriṇā / latāṅganānuṣaktena nāgareṇa kṛtodyamam

Sanskrit only: no published translation is held for this verse.

सुनिबद्धजटाकारलतामण्डलमण्डितम् । मञ्जरीभिः पताकाभिर् युक्तं पुरम् इवोत्सवे

sunibaddhajaṭākāralatāmaṇḍalamaṇḍitam / mañjarībhiḥ patākābhir yuktaṃ puram ivotsave

Sanskrit only: no published translation is held for this verse.

मृगकण्डूयनध्वस्तपुष्पधूलिविधूसरम् । प्रोत्सारितोपान्तवनं वृक्षमल्लम् इवोत्थितम्

mṛgakaṇḍūyanadhvastapuṣpadhūlividhūsaram / protsāritopāntavanaṃ vṛkṣamallam ivotthitam

Sanskrit only: no published translation is held for this verse.

बर्हिभिः कुसुमोद्वान्तपरागपरिपाटलैः । निक्षेपक्षिप्तसन्ध्याभ्रबालसालम् इवाचलैः

barhibhiḥ kusumodvāntaparāgaparipāṭalaiḥ / nikṣepakṣiptasandhyābhrabālasālam ivācalaiḥ

Sanskrit only: no published translation is held for this verse.

प्रवालारुणहस्तेन शीतलच्छायशायिना । मधुना घूर्णमानेन प्रालेयोत्पुलकत्विषा

pravālāruṇahastena śītalacchāyaśāyinā / madhunā ghūrṇamānena prāleyotpulakatviṣā

Sanskrit only: no published translation is held for this verse.

नीरन्ध्रपुष्पपूरेण घूर्णितेन वनानिलैः । निद्रालुकुट्मलदृशा स्तबकस्तनधारिणा

nīrandhrapuṣpapūreṇa ghūrṇitena vanānilaiḥ / nidrālukuṭmaladṛśā stabakastanadhāriṇā

Sanskrit only: no published translation is held for this verse.

पुष्पजालरजःपुञ्जकुङ्कुमारुणवाससा । लताविताननिलयवातायननिषङ्गिणा

puṣpajālarajaḥpuñjakuṅkumāruṇavāsasā / latāvitānanilayavātāyananiṣaṅgiṇā

Sanskrit only: no published translation is held for this verse.

नवपुष्पलतादोलालीलयालसलासिना । आपादमस्तकप्रान्तं ससमस्तलतालयम्

navapuṣpalatādolālīlayālasalāsinā / āpādamastakaprāntaṃ sasamastalatālayam

Sanskrit only: no published translation is held for this verse.

वृन्देन वनदेवीनां कोकिलालापशालिना । सन्दिग्धमञ्जरीजालम् अलिनेत्रेण हासिना

vṛndena vanadevīnāṃ kokilālāpaśālinā / sandigdhamañjarījālam alinetreṇa hāsinā

Sanskrit only: no published translation is held for this verse.

अवश्यायोपशमितरतिखेदैर् मदालसैः । पुष्पधूलिसमारब्धैर् आलब्धैर् निबिडं मिथः

avaśyāyopaśamitaratikhedair madālasaiḥ / puṣpadhūlisamārabdhair ālabdhair nibiḍaṃ mithaḥ

Sanskrit only: no published translation is held for this verse.

पुष्पान्तरान्तःपुरगैः किम् अपि प्रणयोचितम् । ध्वनद्भिर् अभितस् स्वच्छं मत्तालियुगलैर् वृतम्

puṣpāntarāntaḥpuragaiḥ kim api praṇayocitam / dhvanadbhir abhitas svacchaṃ mattāliyugalair vṛtam

Sanskrit only: no published translation is held for this verse.

काननोपान्तनगरीघुङ्घुमाकर्णनेच्छया । क्षणम् उत्कर्णम् आशान्तचारुचर्वणटाङ्कृतैः

kānanopāntanagarīghuṅghumākarṇanecchayā / kṣaṇam utkarṇam āśāntacārucarvaṇaṭāṅkṛtaiḥ

Sanskrit only: no published translation is held for this verse.

क्षणं दलाश्रिविश्रान्तमुग्धमुग्धशिरस्तया । पश्यद्भिर् इन्द्वंशुकचज्जलाम् अर्णवमेखलाम्

kṣaṇaṃ dalāśriviśrāntamugdhamugdhaśirastayā / paśyadbhir indvaṃśukacajjalām arṇavamekhalām

Sanskrit only: no published translation is held for this verse.

वनस्थलीनां तनयैर् नयैर् मूर्तिम् इवास्थितैः । सुप्तैः पत्त्रपुटेष्व् अन्तर् मृगैश् शारलतान्तरम्

vanasthalīnāṃ tanayair nayair mūrtim ivāsthitaiḥ / suptaiḥ pattrapuṭeṣv antar mṛgaiś śāralatāntaram

Sanskrit only: no published translation is held for this verse.

नीडश्वसत्सुविश्वस्तसुप्तसार्भकपक्षिणम् । पाकच्युतफलोपान्तवृत्तलम्बिकमण्डलम्

nīḍaśvasatsuviśvastasuptasārbhakapakṣiṇam / pākacyutaphalopāntavṛttalambikamaṇḍalam

Sanskrit only: no published translation is held for this verse.

सन्दिग्धमूकभ्रमरं गुच्छेष्व् अब्जाक्षसूत्रकैः । श्यामलीकृतपर्यन्तं नीलैः पल्लवमण्डलैः

sandigdhamūkabhramaraṃ guccheṣv abjākṣasūtrakaiḥ / śyāmalīkṛtaparyantaṃ nīlaiḥ pallavamaṇḍalaiḥ

Sanskrit only: no published translation is held for this verse.

सुगन्धिताशेषवनं पुष्पमेघीकृताम्बुदम् । धूलीकदम्बशबलं फलार्थिवलितं तले

sugandhitāśeṣavanaṃ puṣpameghīkṛtāmbudam / dhūlīkadambaśabalaṃ phalārthivalitaṃ tale

Sanskrit only: no published translation is held for this verse.

बहुनात्र किम् उक्तेन न किञ्चिद् अपि विद्यते । पत्त्रं तत्र तरोर् यत्र नोष्यते वा न भुज्यते

bahunātra kim uktena na kiñcid api vidyate / pattraṃ tatra taror yatra noṣyate vā na bhujyate

Sanskrit only: no published translation is held for this verse.

पत्त्रे पत्त्रे मृगास् सुप्ता विश्रान्तास् सुघने घने । कच्छे कच्छे खगा लीनास् तस्य भूरुहभूपतेः

pattre pattre mṛgās suptā viśrāntās sughane ghane / kacche kacche khagā līnās tasya bhūruhabhūpateḥ

Sanskrit only: no published translation is held for this verse.

एवंगुणविशिष्टं तं ममालोकयतस् तरुम् । महोत्सवेन सदृशी सा बभूव तमस्वती

evaṃguṇaviśiṣṭaṃ taṃ mamālokayatas tarum / mahotsavena sadṛśī sā babhūva tamasvatī

Sanskrit only: no published translation is held for this verse.

ततः कथाभिर् अन्याभिस् स तस्य तनयो मया । विज्ञानालोकरम्याभिर् नीतो बोधं परं पुनः

tataḥ kathābhir anyābhis sa tasya tanayo mayā / vijñānālokaramyābhir nīto bodhaṃ paraṃ punaḥ

Sanskrit only: no published translation is held for this verse.

आवयोस् तत्र चित्राभिः कथाभिर् इतरेतरम् । शर्वरी सा व्यतीयाय मुहूर्त इव कान्तयोः

āvayos tatra citrābhiḥ kathābhir itaretaram / śarvarī sā vyatīyāya muhūrta iva kāntayoḥ

Sanskrit only: no published translation is held for this verse.

प्रातः प्रतनुतां याते द्युघर्मजलजालके । खकाननाङ्कुरोद्गारे तारकानिकरे शनैः

prātaḥ pratanutāṃ yāte dyugharmajalajālake / khakānanāṅkurodgāre tārakānikare śanaiḥ

Sanskrit only: no published translation is held for this verse.

आकदम्बनभोभागम् अनुयातं सुतान्वितम् । अहं विसर्ज्य दाशूरं हराचलनदीं गतः

ākadambanabhobhāgam anuyātaṃ sutānvitam / ahaṃ visarjya dāśūraṃ harācalanadīṃ gataḥ

Sanskrit only: no published translation is held for this verse.

तत्राभिमतम् आसाद्य स्नानम् एत्य नभस्तलम् । प्रविश्य खं मुनीनां च मध्यं स्वस्थम् अवस्थितः

tatrābhimatam āsādya snānam etya nabhastalam / praviśya khaṃ munīnāṃ ca madhyaṃ svastham avasthitaḥ

Sanskrit only: no published translation is held for this verse.

दाशूराख्यायिकैषा ते कथिता रघुनन्दन । जगतः प्रतिबिम्बाभा सत्याकाराप्य् असन्मयी

dāśūrākhyāyikaiṣā te kathitā raghunandana / jagataḥ pratibimbābhā satyākārāpy asanmayī

Sanskrit only: no published translation is held for this verse.

दाशूराख्यायिकैवेयम् इत्य् एतत् कथितं मया । तुभ्यं राघव घोराघजगद्रूपनिरूपणे

dāśūrākhyāyikaiveyam ity etat kathitaṃ mayā / tubhyaṃ rāghava ghorāghajagadrūpanirūpaṇe

Sanskrit only: no published translation is held for this verse.

तस्माद् अवास्तवीं त्यक्त्वा वास्तवीम् अपि रञ्जनाम् । दाशूरसिद्धान्तधिया सदोदारो भवात्मवान्

tasmād avāstavīṃ tyaktvā vāstavīm api rañjanām / dāśūrasiddhāntadhiyā sadodāro bhavātmavān

Sanskrit only: no published translation is held for this verse.

अनेन गच्छामरसुन्दरत्वं कदम्बदाशूरकथारथेन । आसादयिष्यस्य् अचिरात् पुरं तद् भविष्यसीशो भुवनेषु येन

anena gacchāmarasundaratvaṃ kadambadāśūrakathārathena / āsādayiṣyasy acirāt puraṃ tad bhaviṣyasīśo bhuvaneṣu yena

Sanskrit only: no published translation is held for this verse.