Moksopaya with Bhaskarakantha's Tika 4.6

इति श्रीभास्करकण्ठविरचितायां श्रीमोक्षोपायटीकायां स्थितिप्रकरणे पञ्चमः सर्गः ॥५॥ अथ ताम् मनसा ध्यायंस् तत्रैवामीलितेक्षणः । आरब्धवान् मनोराज्यम् इदम् एकः किलोशनाः

iti śrībhāskarakaṇṭhaviracitāyāṃ śrīmokṣopāyaṭīkāyāṃ sthitiprakaraṇe pañcamaḥ sargaḥ ||5|| atha tām manasā dhyāyaṃs tatraivāmīlitekṣaṇaḥ / ārabdhavān manorājyam idam ekaḥ kilośanāḥ

Sanskrit only: no published translation is held for this verse.

एषा हि ललना व्योम्नि सहस्रनयनालये । सम्प्राप्तो ःयम् अहं स्वर्गम् आलोलसुरसुन्दरम्

eṣā hi lalanā vyomni sahasranayanālaye / samprāpto ḥyam ahaṃ svargam ālolasurasundaram

Sanskrit only: no published translation is held for this verse.

इमे ते मृदुमन्दारकुसुमोत्तंससुन्दराः । द्रवत्कनकनिःष्यन्दविलासिवपुषः सुराः

ime te mṛdumandārakusumottaṃsasundarāḥ / dravatkanakaniḥṣyandavilāsivapuṣaḥ surāḥ

Sanskrit only: no published translation is held for this verse.

इमास् ता लोचनोल्लाससृष्टनीलाब्जवृष्टयः । मुग्धा हासविलासिन्यः कान्ता हरिणदृष्टयः

imās tā locanollāsasṛṣṭanīlābjavṛṣṭayaḥ / mugdhā hāsavilāsinyaḥ kāntā hariṇadṛṣṭayaḥ

Sanskrit only: no published translation is held for this verse.

इमे ते कौस्तुभोद्द्योता अन्योःन्यप्रतिबिम्बिताः । विश्वरूपोपमाकारा मरुतो मत्तकाशिनः

ime te kaustubhoddyotā anyoḥnyapratibimbitāḥ / viśvarūpopamākārā maruto mattakāśinaḥ

Sanskrit only: no published translation is held for this verse.

ऐरावणकटामोदविरक्तमधुपश्रुताः । इमास् ताः काकलीगीता गीर्वाणगणगीतयः

airāvaṇakaṭāmodaviraktamadhupaśrutāḥ / imās tāḥ kākalīgītā gīrvāṇagaṇagītayaḥ

Sanskrit only: no published translation is held for this verse.

इयं सा कनकाम्भोजचरद्वैरिञ्चसारसा । मन्दाकिनीतटोद्यानविश्रान्तसुरनायिका

iyaṃ sā kanakāmbhojacaradvairiñcasārasā / mandākinītaṭodyānaviśrāntasuranāyikā

Sanskrit only: no published translation is held for this verse.

एते ते यमचन्द्रेन्द्रसूर्यानिलजलानलाः । लोकपालास् तनूद्द्योतकीर्णदीप्तोज्ज्वलार्चिषः

ete te yamacandrendrasūryānilajalānalāḥ / lokapālās tanūddyotakīrṇadīptojjvalārciṣaḥ

Sanskrit only: no published translation is held for this verse.

अयं स सुरविक्रान्तहेतिकण्डूयिताननः । ऐरावणो रणद्दन्तप्रोतदैत्येन्द्रमण्डलः

ayaṃ sa suravikrāntahetikaṇḍūyitānanaḥ / airāvaṇo raṇaddantaprotadaityendramaṇḍalaḥ

Sanskrit only: no published translation is held for this verse.

इमे ते भूतलस्थाना व्योमतारकतां गताः । वैमानिकाश् चलच्चारुहारचामरकुण्डलाः

ime te bhūtalasthānā vyomatārakatāṃ gatāḥ / vaimānikāś calaccāruhāracāmarakuṇḍalāḥ

Sanskrit only: no published translation is held for this verse.

इमास् ता विविधोद्यानमणिमन्दिरमण्डिताः । विमानपङ्क्तयश् चारुचामीकरमयातपाः

imās tā vividhodyānamaṇimandiramaṇḍitāḥ / vimānapaṅktayaś cārucāmīkaramayātapāḥ

Sanskrit only: no published translation is held for this verse.

मेरूपलतलास्फालशीकराकीर्णदेवताः । एतास् ताः कीर्णमन्दारा गङ्गासलिलवीचयः

merūpalatalāsphālaśīkarākīrṇadevatāḥ / etās tāḥ kīrṇamandārā gaṅgāsalilavīcayaḥ

Sanskrit only: no published translation is held for this verse.

एताः प्रसृतमन्दारमञ्जरीपुञ्जपिञ्जराः । दोलालोलाप्सरःश्रेण्यः शक्रोपवनवीथयः

etāḥ prasṛtamandāramañjarīpuñjapiñjarāḥ / dolālolāpsaraḥśreṇyaḥ śakropavanavīthayaḥ

Sanskrit only: no published translation is held for this verse.

इमे ते कुन्दमन्दारमकरन्दसुगन्धयः । चन्द्रांशुनिकराकाराः पारिजातसमीरणाः

ime te kundamandāramakarandasugandhayaḥ / candrāṃśunikarākārāḥ pārijātasamīraṇāḥ

Sanskrit only: no published translation is held for this verse.

पुष्पकेसरनीहारपटवासेरणोत्सुकैः । लताङ्गनागणैर् व्याप्तम् इदं तन् नन्दनं वनम्

puṣpakesaranīhārapaṭavāseraṇotsukaiḥ / latāṅganāgaṇair vyāptam idaṃ tan nandanaṃ vanam

Sanskrit only: no published translation is held for this verse.

कान्तगीतरवानन्दप्रनर्तितसुराङ्गनौ । इमौ तौ वल्लकीस्निग्धस्वरौ नारदतुम्बुरू

kāntagītaravānandapranartitasurāṅganau / imau tau vallakīsnigdhasvarau nāradatumburū

Sanskrit only: no published translation is held for this verse.

इमे ते पुण्यकर्तारो भूरिभूषनभूषिताः । व्योमन्य् उड्डयमानेषु विमानेषु सुखं स्थिताः

ime te puṇyakartāro bhūribhūṣanabhūṣitāḥ / vyomany uḍḍayamāneṣu vimāneṣu sukhaṃ sthitāḥ

Sanskrit only: no published translation is held for this verse.

मदमन्मथमत्ताङ्ग्य इमास् ताः सुरयोषितः । देवेश्वरं निषेवन्ते वनं वनलता इव

madamanmathamattāṅgya imās tāḥ surayoṣitaḥ / deveśvaraṃ niṣevante vanaṃ vanalatā iva

Sanskrit only: no published translation is held for this verse.

चन्द्रांशुजालकुसुमाश् चिन्तामणिगुलुच्छकाः । कल्पवृक्ष इमे पक्वरत्नस्तवकदन्तुराः

candrāṃśujālakusumāś cintāmaṇigulucchakāḥ / kalpavṛkṣa ime pakvaratnastavakadanturāḥ

Sanskrit only: no published translation is held for this verse.

इह तावद् इमं शक्रम् अहम् आसनसंस्थितम् । द्वितीयम् इव देवेशम् पूजयैवाभिवादये

iha tāvad imaṃ śakram aham āsanasaṃsthitam / dvitīyam iva deveśam pūjayaivābhivādaye

Sanskrit only: no published translation is held for this verse.

इति सञ्चिन्त्य शुक्रेण मनसैव शचीपतिः । तेनाभिवादितस् तत्र द्वितीय इव वै भृगुः

iti sañcintya śukreṇa manasaiva śacīpatiḥ / tenābhivāditas tatra dvitīya iva vai bhṛguḥ

Sanskrit only: no published translation is held for this verse.

अथ सादरम् उत्थाय शुक्रः शक्रेण पूजितः । गृहीतहस्तम् आनीय समीप उपवेशितः

atha sādaram utthāya śukraḥ śakreṇa pūjitaḥ / gṛhītahastam ānīya samīpa upaveśitaḥ

Sanskrit only: no published translation is held for this verse.

धन्यस् त्वदागमेनाद्य स्वर्गो ःयं शुक्र शोभते । उष्यतां चिरम् एवेह शक्र इत्थम् उवाच तम्

dhanyas tvadāgamenādya svargo ḥyaṃ śukra śobhate / uṣyatāṃ ciram eveha śakra ittham uvāca tam

Sanskrit only: no published translation is held for this verse.

अथ तत्रोपविश्यासौ भार्गवः शोभिताननः । श्रियं जहार शशिनः सकलस्यामलस्य च

atha tatropaviśyāsau bhārgavaḥ śobhitānanaḥ / śriyaṃ jahāra śaśinaḥ sakalasyāmalasya ca

Sanskrit only: no published translation is held for this verse.

सर्गान्तश्लोकेनास्य नरत्वत्यागं कथयति सकलसुरगणाभिवन्दितो ःसौ भृगुतनयः शतमन्युपार्श्वसंस्थः । चिरतरम् अतुलाम् अवाप तुष्टिं नरमतिम् उज्झितवान् अलम् बभूव

sargāntaślokenāsya naratvatyāgaṃ kathayati sakalasuragaṇābhivandito ḥsau bhṛgutanayaḥ śatamanyupārśvasaṃsthaḥ / cirataram atulām avāpa tuṣṭiṃ naramatim ujjhitavān alam babhūva

Sanskrit only: no published translation is held for this verse.