Moksopaya with Bhaskarakantha's Tika 5.15

एनाम् अनुसरन् राम चित्तसत्ताम् अपावनीम् । संसारबीजकणिकां जीवबन्धनवागुराम्

enām anusaran rāma cittasattām apāvanīm / saṃsārabījakaṇikāṃ jīvabandhanavāgurām

Sanskrit only: no published translation is held for this verse.

आत्मा त्यक्तात्मरूपाभो मलिनाम् आपतन् दशाम् । चिन्तां समनुसन्धत्ते धत्ते च कलनामलम्

ātmā tyaktātmarūpābho malinām āpatan daśām / cintāṃ samanusandhatte dhatte ca kalanāmalam

Sanskrit only: no published translation is held for this verse.

मूर्छमाना महामोहदायिनी भयकारिणी । तृष्णा विषलतारूपा मूर्छाम् एव प्रयच्छति

mūrchamānā mahāmohadāyinī bhayakāriṇī / tṛṣṇā viṣalatārūpā mūrchām eva prayacchati

Sanskrit only: no published translation is held for this verse.

यदा यदोदेति तदा महामोहप्रदायिनी । तृष्णा कृष्णनिशेवेयम् अनन्तान्ध्यविकारिणी

yadā yadodeti tadā mahāmohapradāyinī / tṛṣṇā kṛṣṇaniśeveyam anantāndhyavikāriṇī

Sanskrit only: no published translation is held for this verse.

कल्पानलशिखादाहं सोढुं शक्ता हरादयः । तृष्णानलशिखादाहं सोढुं शक्ता न केचन

kalpānalaśikhādāhaṃ soḍhuṃ śaktā harādayaḥ / tṛṣṇānalaśikhādāhaṃ soḍhuṃ śaktā na kecana

Sanskrit only: no published translation is held for this verse.

तीक्ष्णा कृष्णा सुदीर्घा च वहत्य् अङ्गे सदा निजे । शीतलेवासुखोदर्का घोरा तृष्णाकृपाणिका

tīkṣṇā kṛṣṇā sudīrghā ca vahaty aṅge sadā nije / śītalevāsukhodarkā ghorā tṛṣṇākṛpāṇikā

Sanskrit only: no published translation is held for this verse.

यान्य् एतानि दुरन्तानि दुर्धराण्य् उद्धतानि च । तृष्णावल्ल्याः फलानीह तानि दुःखानि राघव

yāny etāni durantāni durdharāṇy uddhatāni ca / tṛṣṇāvallyāḥ phalānīha tāni duḥkhāni rāghava

Sanskrit only: no published translation is held for this verse.

अदृश्यैवात्ति मांसास्थिरुधिरादि शरीरकात् । मनोबिलविलीनैषा तृष्णावनशुनी नृणाम्

adṛśyaivātti māṃsāsthirudhirādi śarīrakāt / manobilavilīnaiṣā tṛṣṇāvanaśunī nṛṇām

Sanskrit only: no published translation is held for this verse.

क्षणम् उल्लासम् आयाति क्षणम् आयाति शून्यताम् । जडा विदलयत्य् आशु तृष्णाप्रावृट्तरङ्गिणी

kṣaṇam ullāsam āyāti kṣaṇam āyāti śūnyatām / jaḍā vidalayaty āśu tṛṣṇāprāvṛṭtaraṅgiṇī

Sanskrit only: no published translation is held for this verse.

दृष्टदैन्यो हतस्वान्तो हतौजा याति नीचताम् । मुह्यते रौति पतति तृष्णयाभिहतो जनः

dṛṣṭadainyo hatasvānto hataujā yāti nīcatām / muhyate rauti patati tṛṣṇayābhihato janaḥ

Sanskrit only: no published translation is held for this verse.

न स्थिता कोटरे यस्य तृष्णाकृष्णभुजङ्गमी । तस्य प्राणानिलास् स्वस्थाः पुंसो हृदयरन्ध्रगाः

na sthitā koṭare yasya tṛṣṇākṛṣṇabhujaṅgamī / tasya prāṇānilās svasthāḥ puṃso hṛdayarandhragāḥ

Sanskrit only: no published translation is held for this verse.

नूनम् अस्तङ्गतो यत्र तृष्णाकृष्णनिशाक्रमः । पुण्यानि तत्र वर्धन्ते शुक्लपक्ष इवेन्दवः

nūnam astaṅgato yatra tṛṣṇākṛṣṇaniśākramaḥ / puṇyāni tatra vardhante śuklapakṣa ivendavaḥ

Sanskrit only: no published translation is held for this verse.

यो न तृष्णाघुणावल्या क्षतः पुरुषपादपः । पुण्यप्रसूनेन सदा सो ऽवभाति विकासिना

yo na tṛṣṇāghuṇāvalyā kṣataḥ puruṣapādapaḥ / puṇyaprasūnena sadā so 'vabhāti vikāsinā

Sanskrit only: no published translation is held for this verse.

अनन्ताकुलकल्लोला विवर्तावर्तसङ्कुला । प्रवहत्य् आशयारण्ये तृष्णामोहनदी नृणाम्

anantākulakallolā vivartāvartasaṅkulā / pravahaty āśayāraṇye tṛṣṇāmohanadī nṛṇām

Sanskrit only: no published translation is held for this verse.

तृष्णयेमे जनास् सर्वे सूत्रयन्त्रपतत्रिवत् । उह्यन्ते प्रविशीर्यन्ते संह्रियन्ते च भूरिशः

tṛṣṇayeme janās sarve sūtrayantrapatatrivat / uhyante praviśīryante saṃhriyante ca bhūriśaḥ

Sanskrit only: no published translation is held for this verse.

मूलान्य् अपि सुसूक्ष्मापि कठिनायसकर्कशा । तृष्णा परशुधारेव लगन्ती विनिकृन्तति

mūlāny api susūkṣmāpi kaṭhināyasakarkaśā / tṛṣṇā paraśudhāreva lagantī vinikṛntati

Sanskrit only: no published translation is held for this verse.

निपतत्य् अवटे मूढस् तृष्णाम् अनुसरञ् जनः । नीलाम् अनुपतञ् श्वभ्रतृणशाखां यथैणकः

nipataty avaṭe mūḍhas tṛṣṇām anusarañ janaḥ / nīlām anupatañ śvabhratṛṇaśākhāṃ yathaiṇakaḥ

Sanskrit only: no published translation is held for this verse.

नापन् नापि जरा न क्षुत् तथा जरयति क्षणात् । यथा जरयति क्षामं तृष्णा हृदयरूपिका

nāpan nāpi jarā na kṣut tathā jarayati kṣaṇāt / yathā jarayati kṣāmaṃ tṛṣṇā hṛdayarūpikā

Sanskrit only: no published translation is held for this verse.

तृष्णयाशयकौशिक्या हृद्य् अमङ्गलभूतया । रूढया भगवान् एष विष्णुर् वामनतां गतः

tṛṣṇayāśayakauśikyā hṛdy amaṅgalabhūtayā / rūḍhayā bhagavān eṣa viṣṇur vāmanatāṃ gataḥ

Sanskrit only: no published translation is held for this verse.

कयाचिद् एव दैविक्या हृदि ग्रथितयानया । तृष्णया भ्राम्यते व्योम्नि रज्ज्वेवार्को ऽन्वहं किल

kayācid eva daivikyā hṛdi grathitayānayā / tṛṣṇayā bhrāmyate vyomni rajjvevārko 'nvahaṃ kila

Sanskrit only: no published translation is held for this verse.

सर्वदुःखमयाकारां कारां जगति जीवतः । तृष्णां परिहर क्रूराम् उरगीम् इव दूरतः

sarvaduḥkhamayākārāṃ kārāṃ jagati jīvataḥ / tṛṣṇāṃ parihara krūrām uragīm iva dūrataḥ

Sanskrit only: no published translation is held for this verse.

तृष्णया पवना वान्ति शैलास् तिष्ठन्ति तृष्णया । तृष्णयैव धरा धात्री त्रैलोक्यं तृष्णया वृतम्

tṛṣṇayā pavanā vānti śailās tiṣṭhanti tṛṣṇayā / tṛṣṇayaiva dharā dhātrī trailokyaṃ tṛṣṇayā vṛtam

Sanskrit only: no published translation is held for this verse.

सर्वैव लोकयात्रेयं प्रोता तृष्णावरत्रया । रज्जुबद्धा विमुच्यन्ते तृष्णाबद्धा न केचन

sarvaiva lokayātreyaṃ protā tṛṣṇāvaratrayā / rajjubaddhā vimucyante tṛṣṇābaddhā na kecana

Sanskrit only: no published translation is held for this verse.

तस्माद् राघव तृष्णां त्वं त्यज सङ्कल्पवर्जनात् । मनस् सङ्कल्पकं नास्ति निर्णीतम् इति युक्तितः

tasmād rāghava tṛṣṇāṃ tvaṃ tyaja saṅkalpavarjanāt / manas saṅkalpakaṃ nāsti nirṇītam iti yuktitaḥ

Sanskrit only: no published translation is held for this verse.

अयं नामाहम् इत्य् एव प्रथमं तावद् आशये । मा दुराशां महाबाहो सङ्कल्पय तमोमयीम्

ayaṃ nāmāham ity eva prathamaṃ tāvad āśaye / mā durāśāṃ mahābāho saṅkalpaya tamomayīm

Sanskrit only: no published translation is held for this verse.

एतां दुःखप्रसविनीम् अनात्मन्य् आत्मभावनाम् । न भावयसि चेद् राम तद् बहुज्ञेषु गण्यसे

etāṃ duḥkhaprasavinīm anātmany ātmabhāvanām / na bhāvayasi ced rāma tad bahujñeṣu gaṇyase

Sanskrit only: no published translation is held for this verse.

एनाम् अहम्भावमयीम् अपुण्यां छित्त्वा स्वयम्भावशलाकयैव । स्वभावनां भव्य भवान्तभूमौ भवाभिभूताखिलभीतिभूतिः

enām ahambhāvamayīm apuṇyāṃ chittvā svayambhāvaśalākayaiva / svabhāvanāṃ bhavya bhavāntabhūmau bhavābhibhūtākhilabhītibhūtiḥ

Sanskrit only: no published translation is held for this verse.