Moksopaya with Bhaskarakantha's Tika 5.23

अस्ति पुत्रातिविततो देशो विपुलकोटरः । त्रैलोक्यानां सहस्राणि यत्र मान्ति बहून्य् अपि

asti putrātivitato deśo vipulakoṭaraḥ / trailokyānāṃ sahasrāṇi yatra mānti bahūny api

Sanskrit only: no published translation is held for this verse.

यत्र नाम्भोधरा नापि सागरा वा न चाद्रयः । न वनानि न तीर्थानि न नद्यो न सरांसि च

yatra nāmbhodharā nāpi sāgarā vā na cādrayaḥ / na vanāni na tīrthāni na nadyo na sarāṃsi ca

Sanskrit only: no published translation is held for this verse.

न मही नापि चाकाशो न द्यौर् नो पवनादयः । न चन्द्रार्कौ न लोकेशा न देवा न च दानवाः

na mahī nāpi cākāśo na dyaur no pavanādayaḥ / na candrārkau na lokeśā na devā na ca dānavāḥ

Sanskrit only: no published translation is held for this verse.

न भूतयक्षरक्षांसि न गुल्मा न वनश्रियः । न काष्ठतृणभूतानि स्थावराणि चराणि वा

na bhūtayakṣarakṣāṃsi na gulmā na vanaśriyaḥ / na kāṣṭhatṛṇabhūtāni sthāvarāṇi carāṇi vā

Sanskrit only: no published translation is held for this verse.

नापो न ज्वलनं नाशा नोर्ध्वं नाधो न विष्टपम् । नालोको न तमो नाहं न हरीन्द्रहरादयः

nāpo na jvalanaṃ nāśā nordhvaṃ nādho na viṣṭapam / nāloko na tamo nāhaṃ na harīndraharādayaḥ

Sanskrit only: no published translation is held for this verse.

एक एवास्ति सुमहांस् तत्र राजा महाद्युतिः । सर्वकृत् सर्वगस् सर्वस् स च तूष्णीं व्यवस्थितः

eka evāsti sumahāṃs tatra rājā mahādyutiḥ / sarvakṛt sarvagas sarvas sa ca tūṣṇīṃ vyavasthitaḥ

Sanskrit only: no published translation is held for this verse.

तेन सङ्कल्पितो मन्त्री सर्वसम्मन्त्रणोन्मुखः । अघटं घटयत्य् आशु घटं विघटयत्य् अलम्

tena saṅkalpito mantrī sarvasammantraṇonmukhaḥ / aghaṭaṃ ghaṭayaty āśu ghaṭaṃ vighaṭayaty alam

Sanskrit only: no published translation is held for this verse.

भोक्तुं किञ्चिन् न शक्नोति न च जानाति किञ्चन । राजार्थं केवलं सर्वं करोत्य् अज्ञो ऽपि सन् सदा

bhoktuṃ kiñcin na śaknoti na ca jānāti kiñcana / rājārthaṃ kevalaṃ sarvaṃ karoty ajño 'pi san sadā

Sanskrit only: no published translation is held for this verse.

स एव सर्वकार्यैककर्ता तस्य महीपतेः । राजा केवलम् एकान्ते स्वस्थ एवावतिष्ठते

sa eva sarvakāryaikakartā tasya mahīpateḥ / rājā kevalam ekānte svastha evāvatiṣṭhate

Sanskrit only: no published translation is held for this verse.

आधिव्याधिविनिर्मुक्तः कस् स देशो महाद्युतिः । कथम् आसाद्यते वापि केन वाधिगतः प्रभो

ādhivyādhivinirmuktaḥ kas sa deśo mahādyutiḥ / katham āsādyate vāpi kena vādhigataḥ prabho

Sanskrit only: no published translation is held for this verse.

कस् स तादृग्विधो मन्त्री राजा वापि महाबलः । हेलालूनजगज्जालैर् यो ऽस्माभिर् अपि नो जितः

kas sa tādṛgvidho mantrī rājā vāpi mahābalaḥ / helālūnajagajjālair yo 'smābhir api no jitaḥ

Sanskrit only: no published translation is held for this verse.

अपूर्वम् एतद् आख्यानं ममामरभयप्रद । कथयापनयास्मान् मे हृद्व्योम्नस् संशयाम्बुदम्

apūrvam etad ākhyānaṃ mamāmarabhayaprada / kathayāpanayāsmān me hṛdvyomnas saṃśayāmbudam

Sanskrit only: no published translation is held for this verse.

स तत्र मन्त्री भगवान् देवासुरगणैस् सुत । समेतैर् लक्षगुणितैर् अपि नाक्रम्यते मनाक्

sa tatra mantrī bhagavān devāsuragaṇais suta / sametair lakṣaguṇitair api nākramyate manāk

Sanskrit only: no published translation is held for this verse.

नासौ सहस्रनयनो न यमो न धनेश्वरः । नामरो नासुरो वापि यदि पुत्रक जीयते

nāsau sahasranayano na yamo na dhaneśvaraḥ / nāmaro nāsuro vāpi yadi putraka jīyate

Sanskrit only: no published translation is held for this verse.

तत्रासिमुसुलप्रासवज्रचक्रगदादयः । हेतयः कुण्ठतां यान्ति दृषदीवोत्पलाहतिः

tatrāsimusulaprāsavajracakragadādayaḥ / hetayaḥ kuṇṭhatāṃ yānti dṛṣadīvotpalāhatiḥ

Sanskrit only: no published translation is held for this verse.

गम्यो ऽसौ नास्त्रशस्त्राणां न भटोत्कटकर्मणाम् । तेन देवासुरास् सर्वे सर्वदैव वशीकृताः

gamyo 'sau nāstraśastrāṇāṃ na bhaṭotkaṭakarmaṇām / tena devāsurās sarve sarvadaiva vaśīkṛtāḥ

Sanskrit only: no published translation is held for this verse.

अविष्णुनापि तेनैव हिरण्याक्षादयो ऽसुराः । पातिताः कल्पवातेन मेरुकल्पद्रुमा इव

aviṣṇunāpi tenaiva hiraṇyākṣādayo 'surāḥ / pātitāḥ kalpavātena merukalpadrumā iva

Sanskrit only: no published translation is held for this verse.

नारायणादयो देवा अपि सर्वावबोधिनः । तेनाक्रम्य यथाकामम् अवटेषु निवेशिताः

nārāyaṇādayo devā api sarvāvabodhinaḥ / tenākramya yathākāmam avaṭeṣu niveśitāḥ

Sanskrit only: no published translation is held for this verse.

तत्प्रसादेन साटोपं पञ्चमात्रशरस् स्मरः । त्रैलोक्यम् इदम् आक्रम्य सम्राड् इव विवल्गति

tatprasādena sāṭopaṃ pañcamātraśaras smaraḥ / trailokyam idam ākramya samrāḍ iva vivalgati

Sanskrit only: no published translation is held for this verse.

सुरासुरौघगर्ह्यो ऽपि गुणहीनो ऽपि दुर्मतिः । दुराकृतिर् अपि क्रोधस् तत्प्रसादेन जृम्भते

surāsuraughagarhyo 'pi guṇahīno 'pi durmatiḥ / durākṛtir api krodhas tatprasādena jṛmbhate

Sanskrit only: no published translation is held for this verse.

देवासुरसमूहानां सङ्गरो यत् पुनः पुनः । तद् एतत् क्रीडनं तस्य मन्त्रिणो मन्त्रशालिनः

devāsurasamūhānāṃ saṅgaro yat punaḥ punaḥ / tad etat krīḍanaṃ tasya mantriṇo mantraśālinaḥ

Sanskrit only: no published translation is held for this verse.

स मन्त्री केवलं पुत्र तेनैव प्रभुणा यदि । जीयते तत् सुजेयो ऽसाव् अन्यथा त्व् अचलाचलः

sa mantrī kevalaṃ putra tenaiva prabhuṇā yadi / jīyate tat sujeyo 'sāv anyathā tv acalācalaḥ

Sanskrit only: no published translation is held for this verse.

तस्यैव तत्प्रभोः काले जेतुं तं मन्त्रिणं निजम् । इच्छा सञ्जायते तेन जीयते ऽसाव् अयत्नतः

tasyaiva tatprabhoḥ kāle jetuṃ taṃ mantriṇaṃ nijam / icchā sañjāyate tena jīyate 'sāv ayatnataḥ

Sanskrit only: no published translation is held for this verse.

त्रैलोक्यवलनामल्लम् उल्लासितजगत्त्रयम् । जेतुं चेद् अस्ति ते शक्तिस् तत् पराक्रमवान् असि

trailokyavalanāmallam ullāsitajagattrayam / jetuṃ ced asti te śaktis tat parākramavān asi

Sanskrit only: no published translation is held for this verse.

तस्मिन्न् अभ्युदिते सूर्ये त्रैलोक्यकमलाकराः । इमे विकासम् आयान्ति विलीयन्ते लयं गते

tasminn abhyudite sūrye trailokyakamalākarāḥ / ime vikāsam āyānti vilīyante layaṃ gate

Sanskrit only: no published translation is held for this verse.

तम् एकम् एकया बुद्ध्या व्यामोहपरिहीनया । यदि जेतुं समर्थो ऽसि धीरस् तद् असि सुव्रत

tam ekam ekayā buddhyā vyāmohaparihīnayā / yadi jetuṃ samartho 'si dhīras tad asi suvrata

Sanskrit only: no published translation is held for this verse.

तस्मिञ् जिते जिता लोका भवन्त्य् अविजिता अपि । अजिते त्व् अजिता एते चिरकालजिता अपि

tasmiñ jite jitā lokā bhavanty avijitā api / ajite tv ajitā ete cirakālajitā api

Sanskrit only: no published translation is held for this verse.

तस्माद् अनन्तसिद्ध्यर्थं शाश्वताय सुखाय च । तज्जये यत्नम् आतिष्ठ कष्टयापि हि चेष्टया

tasmād anantasiddhyarthaṃ śāśvatāya sukhāya ca / tajjaye yatnam ātiṣṭha kaṣṭayāpi hi ceṣṭayā

Sanskrit only: no published translation is held for this verse.

ससुरम् असुरनागयक्षयुक्तं सनरमहोरगकिन्नरं समेतम् । त्रिजगद् अपि वशीकृतं समन्ताद् अतिबलिना ननु हेलयैव तेन

sasuram asuranāgayakṣayuktaṃ sanaramahoragakinnaraṃ sametam / trijagad api vaśīkṛtaṃ samantād atibalinā nanu helayaiva tena

Sanskrit only: no published translation is held for this verse.