केनोपायेन बलवान् स तात परिजीयते । को ऽसौ वेति महावीर्य सर्वं प्रकथयाशु मे
kenopāyena balavān sa tāta parijīyate / ko 'sau veti mahāvīrya sarvaṃ prakathayāśu me
Sanskrit only: no published translation is held for this verse.
Library·Moksopaya with Bhaskarakantha's Tika·5·5.24
Moksopaya with Bhaskarakantha's Tika 5.24
मन्त्रिणस् तस्य तनय नित्याजेयस्थितेर् अपि । शृणु वच्मि सुसाधत्वं येनासौ परिजीयते
mantriṇas tasya tanaya nityājeyasthiter api / śṛṇu vacmi susādhatvaṃ yenāsau parijīyate
Sanskrit only: no published translation is held for this verse.
पुत्र युक्त्या गृहीतो ऽसौ क्षणाद् आयाति वश्यताम् । युक्तिं विना दहत्य् एष आशीविष इवोद्धतः
putra yuktyā gṛhīto 'sau kṣaṇād āyāti vaśyatām / yuktiṃ vinā dahaty eṣa āśīviṣa ivoddhataḥ
Sanskrit only: no published translation is held for this verse.
बालवल् लालयित्वैनं युक्त्या नियमयन्ति ये । राजानं तं समालोक्य पदम् आसादयन्ति ते
bālaval lālayitvainaṃ yuktyā niyamayanti ye / rājānaṃ taṃ samālokya padam āsādayanti te
Sanskrit only: no published translation is held for this verse.
दृष्टे तस्मिन् महीपाले स मन्त्री वशम् एति वः । तस्मिंश् च मन्त्रिण्य् आक्रान्ते स राजा दृश्यते पुनः
dṛṣṭe tasmin mahīpāle sa mantrī vaśam eti vaḥ / tasmiṃś ca mantriṇy ākrānte sa rājā dṛśyate punaḥ
Sanskrit only: no published translation is held for this verse.
यावन् न दृष्टो राजासौ तावन् मन्त्री न जीयते । मन्त्री च यावन् न जितस् तावद् राजा न दृश्यते
yāvan na dṛṣṭo rājāsau tāvan mantrī na jīyate / mantrī ca yāvan na jitas tāvad rājā na dṛśyate
Sanskrit only: no published translation is held for this verse.
राजन्य् अदृष्टे दुर्मन्त्री स दुःखायोत्फलत्य् अति । मन्त्रिण्य् अनिर्जिते राजा सो ऽत्यन्तं यात्य् अदृश्यताम्
rājany adṛṣṭe durmantrī sa duḥkhāyotphalaty ati / mantriṇy anirjite rājā so 'tyantaṃ yāty adṛśyatām
Sanskrit only: no published translation is held for this verse.
अभ्यासेनोभयं तस्मात् समम् एव समाहरेत् । राज्ञस् सन्दर्शनं तस्य मन्त्रिणश् च पराजयम्
abhyāsenobhayaṃ tasmāt samam eva samāharet / rājñas sandarśanaṃ tasya mantriṇaś ca parājayam
Sanskrit only: no published translation is held for this verse.
पौरुषेण प्रयत्नेन स्वाभ्यासेन शनैश् शनैः । द्वयं सम्पादयन्न् एतद् देशम् आप्नोति शोभनम्
pauruṣeṇa prayatnena svābhyāsena śanaiś śanaiḥ / dvayaṃ sampādayann etad deśam āpnoti śobhanam
Sanskrit only: no published translation is held for this verse.
त्वम् अभ्यासे फलीभूते तं देशम् अधिगच्छसि । यदि दैत्येन्द्र तद् भूयो मनाग् अपि न शोचसि
tvam abhyāse phalībhūte taṃ deśam adhigacchasi / yadi daityendra tad bhūyo manāg api na śocasi
Sanskrit only: no published translation is held for this verse.
संशान्तसकलायासा नित्यप्रमुदिताशयाः । साधवस् तत्र तिष्ठन्ति प्रशान्ताशेषसंशयाः
saṃśāntasakalāyāsā nityapramuditāśayāḥ / sādhavas tatra tiṣṭhanti praśāntāśeṣasaṃśayāḥ
Sanskrit only: no published translation is held for this verse.
शृणु कः पुत्र देशो ऽसौ सर्वं प्रकटयामि ते । देशनाम्ना मयोक्तस् ते मोक्षस् सकलदुःखहा
śṛṇu kaḥ putra deśo 'sau sarvaṃ prakaṭayāmi te / deśanāmnā mayoktas te mokṣas sakaladuḥkhahā
Sanskrit only: no published translation is held for this verse.
राजा तु तत्र भगवान् आत्मा सर्वपदातिगः । तेन मन्त्री कृतः प्राज्ञो मनोनामा महामते
rājā tu tatra bhagavān ātmā sarvapadātigaḥ / tena mantrī kṛtaḥ prājño manonāmā mahāmate
Sanskrit only: no published translation is held for this verse.
मनो विश्वतया विष्वग् इदं परिणतिं गतम् । घटत्वेनेव मृत्पिण्डं धूमो ऽम्बुदतयेव वा
mano viśvatayā viṣvag idaṃ pariṇatiṃ gatam / ghaṭatveneva mṛtpiṇḍaṃ dhūmo 'mbudatayeva vā
Sanskrit only: no published translation is held for this verse.
तस्मिञ् जिते जितं सर्वं सर्वं चासादितं भवेत् । दुर्जयं तद् विजानीयाद् युक्त्यैव परिजीयते
tasmiñ jite jitaṃ sarvaṃ sarvaṃ cāsāditaṃ bhavet / durjayaṃ tad vijānīyād yuktyaiva parijīyate
Sanskrit only: no published translation is held for this verse.
या युक्तिर् भगवंस् तस्य चित्तस्याक्रमणे स्फुटा । तां मे कथय तत् तात यया जेष्यामि दारुणम्
yā yuktir bhagavaṃs tasya cittasyākramaṇe sphuṭā / tāṃ me kathaya tat tāta yayā jeṣyāmi dāruṇam
Sanskrit only: no published translation is held for this verse.
विषयान् प्रति भोः पुत्र सर्वान् एव हि सर्वथा । अनास्था परमा यैषा सा युक्तिर् मनसो जये
viṣayān prati bhoḥ putra sarvān eva hi sarvathā / anāsthā paramā yaiṣā sā yuktir manaso jaye
Sanskrit only: no published translation is held for this verse.
एषैव परमा युक्तिर् अनयैव महामदः । स्वमनोमत्तमातङ्गो द्रागित्य् एवावदम्यते
eṣaiva paramā yuktir anayaiva mahāmadaḥ / svamanomattamātaṅgo drāgity evāvadamyate
Sanskrit only: no published translation is held for this verse.
एषा ह्य् अत्यन्तदुष्प्रापा सुप्रापा च महामते । अनभ्यस्ता हि दुष्प्रापा स्वभ्यस्ता प्राप्यते सुखम्
eṣā hy atyantaduṣprāpā suprāpā ca mahāmate / anabhyastā hi duṣprāpā svabhyastā prāpyate sukham
Sanskrit only: no published translation is held for this verse.
क्रमाद् अभ्यस्यमानैषा विषयारतिर् आत्मज । सर्वतस् स्फुटताम् एति सेकसिक्ता लता यथा
kramād abhyasyamānaiṣā viṣayāratir ātmaja / sarvatas sphuṭatām eti sekasiktā latā yathā
Sanskrit only: no published translation is held for this verse.
नासाद्यते ह्य् अनभ्यस्ता काङ्क्षतापि शठात्मना । पुत्र शालिर् इवाव्युप्तस् तस्माद् एनां समाहरेत्
nāsādyate hy anabhyastā kāṅkṣatāpi śaṭhātmanā / putra śālir ivāvyuptas tasmād enāṃ samāharet
Sanskrit only: no published translation is held for this verse.
तावद् भ्रमन्ति दुःखेषु संसारावटवासिनः । विरतिं विषयेष्व् एते यावन् नायान्ति देहिनः
tāvad bhramanti duḥkheṣu saṃsārāvaṭavāsinaḥ / viratiṃ viṣayeṣv ete yāvan nāyānti dehinaḥ
Sanskrit only: no published translation is held for this verse.
अभ्यासेन विना कश्चिन् नाप्नोति विषयारतिम् । अप्य् अत्यन्तमतां देही देशान्तरम् इवागतिः
abhyāsena vinā kaścin nāpnoti viṣayāratim / apy atyantamatāṃ dehī deśāntaram ivāgatiḥ
Sanskrit only: no published translation is held for this verse.
ध्येयत्यागम् अतो ऽजस्रं ध्यायता देहधारिणा । भोगेष्व् अरतिर् अभ्यासाद् वृद्धिं नेया लता यथा
dhyeyatyāgam ato 'jasraṃ dhyāyatā dehadhāriṇā / bhogeṣv aratir abhyāsād vṛddhiṃ neyā latā yathā
Sanskrit only: no published translation is held for this verse.
पुरुषार्थाद् ऋते पुत्र नेह सम्प्राप्यते शुभम् । पौरुषेणैव सर्वेषां कार्याणां फलम् आप्यते
puruṣārthād ṛte putra neha samprāpyate śubham / pauruṣeṇaiva sarveṣāṃ kāryāṇāṃ phalam āpyate
Sanskrit only: no published translation is held for this verse.
क्रियाफले परिप्राप्ते हर्षामर्षादितो यथा । दैवम् इत्य् उच्यते लोके न दैवं देहवत् क्वचित्
kriyāphale pariprāpte harṣāmarṣādito yathā / daivam ity ucyate loke na daivaṃ dehavat kvacit
Sanskrit only: no published translation is held for this verse.
अवश्यभवितव्याख्या येहया नियतिश् च वा । उच्यते दैवशब्देन सा नरैर् एव नेतरैः
avaśyabhavitavyākhyā yehayā niyatiś ca vā / ucyate daivaśabdena sā narair eva netaraiḥ
Sanskrit only: no published translation is held for this verse.
यद् यथेह सदा यत्र सम्पन्नं फलतां गतम् । हर्षामर्षविनाशाय तद् दैवम् इति कथ्यते
yad yatheha sadā yatra sampannaṃ phalatāṃ gatam / harṣāmarṣavināśāya tad daivam iti kathyate
Sanskrit only: no published translation is held for this verse.
दैवं नियतिरूपं च पौरुषेणावजीयते । सम्यग्ज्ञानविलासेन मृगतृष्णाभ्रमो यथा
daivaṃ niyatirūpaṃ ca pauruṣeṇāvajīyate / samyagjñānavilāsena mṛgatṛṣṇābhramo yathā
Sanskrit only: no published translation is held for this verse.
यथा सङ्कल्प्यते यद् यत् पौरुषेण तथैव तत् । तलवत्तागृहीतं खं तलवत्तासुखप्रदम्
yathā saṅkalpyate yad yat pauruṣeṇa tathaiva tat / talavattāgṛhītaṃ khaṃ talavattāsukhapradam
Sanskrit only: no published translation is held for this verse.
कर्त्र् अतो मन एवेह यत् कल्पयति तत् तथा । नियतिं यादृशीम् एतत् सङ्कल्पयति सा तथा
kartr ato mana eveha yat kalpayati tat tathā / niyatiṃ yādṛśīm etat saṅkalpayati sā tathā
Sanskrit only: no published translation is held for this verse.
नियतान् नियतान् कांश्चिद् भावान् अनियतान् अपि । करोति चित्तं तेनैतच् चित्तं नियतियोजकम्
niyatān niyatān kāṃścid bhāvān aniyatān api / karoti cittaṃ tenaitac cittaṃ niyatiyojakam
Sanskrit only: no published translation is held for this verse.
नियतां नियतिं कुर्वन् कदाचित् सार्थनामिकाम् । स्फुरत्य् अस्मिञ् जगत्कोशे जीवो व्योम्नीव मारुतः
niyatāṃ niyatiṃ kurvan kadācit sārthanāmikām / sphuraty asmiñ jagatkośe jīvo vyomnīva mārutaḥ
Sanskrit only: no published translation is held for this verse.
नियत्या रहितां कुर्वन् कदाचिन् नियतिं मनः । सञ्ज्ञार्थरूढानियतिशब्दां स्फुरति वातवत्
niyatyā rahitāṃ kurvan kadācin niyatiṃ manaḥ / sañjñārtharūḍhāniyatiśabdāṃ sphurati vātavat
Sanskrit only: no published translation is held for this verse.
तस्माद् यावन् मनस् तावन् न दैवं नियतिर् न च । मनस्य् अस्तङ्गते साधो यद् भवत्य् अस्तु तत् तथा
tasmād yāvan manas tāvan na daivaṃ niyatir na ca / manasy astaṅgate sādho yad bhavaty astu tat tathā
Sanskrit only: no published translation is held for this verse.
जीवो हि पुरुषो जातः पौरुषेण स यद् यथा । सङ्कल्पयति लोके ऽस्मिंस् तत् तथा तस्य नान्यथा
jīvo hi puruṣo jātaḥ pauruṣeṇa sa yad yathā / saṅkalpayati loke 'smiṃs tat tathā tasya nānyathā
Sanskrit only: no published translation is held for this verse.
पुरुषार्थाद् ऋते पुत्र न किञ्चिद् इह विद्यते । परं पौरुषम् आश्रित्य भोगेष्व् अरतिम् आहरेत्
puruṣārthād ṛte putra na kiñcid iha vidyate / paraṃ pauruṣam āśritya bhogeṣv aratim āharet
Sanskrit only: no published translation is held for this verse.
न भोगेष्व् अरतिर् यावज् जातेह जयदायिनी । न परा निर्वृतिस् तावत् प्राप्यते भवनाशिनी
na bhogeṣv aratir yāvaj jāteha jayadāyinī / na parā nirvṛtis tāvat prāpyate bhavanāśinī
Sanskrit only: no published translation is held for this verse.
विषयेषु रतिर् यावत् स्थिता सम्मोहकारिणी । तावद् भवदशादोलाविलोलान्दोलनं स्थितम्
viṣayeṣu ratir yāvat sthitā sammohakāriṇī / tāvad bhavadaśādolāvilolāndolanaṃ sthitam
Sanskrit only: no published translation is held for this verse.
अभ्यासेन विना पुत्र न कदाचन दुःखदा । भोगभोगिभरप्रोत्था कदाशा विनिवर्तते
abhyāsena vinā putra na kadācana duḥkhadā / bhogabhogibharaprotthā kadāśā vinivartate
Sanskrit only: no published translation is held for this verse.
भोगेष्व् अरतिर् एषान्तः कथं सर्वासुरेश्वर । स्थितिम् आयाति जीवस्य दीर्घजीवितदायिनी
bhogeṣv aratir eṣāntaḥ kathaṃ sarvāsureśvara / sthitim āyāti jīvasya dīrghajīvitadāyinī
Sanskrit only: no published translation is held for this verse.
आत्मानम् आलोकयतः फलितं फलति स्फुटम् । जीवस्य भोगेष्व् अरतिश् शरदीव महालता
ātmānam ālokayataḥ phalitaṃ phalati sphuṭam / jīvasya bhogeṣv aratiś śaradīva mahālatā
Sanskrit only: no published translation is held for this verse.
आत्मावलोकनेनैषा विषयारतिर् उत्तमे । हृदये स्थितिम् आयाति श्रीर् इवाम्भोजकोटरे
ātmāvalokanenaiṣā viṣayāratir uttame / hṛdaye sthitim āyāti śrīr ivāmbhojakoṭare
Sanskrit only: no published translation is held for this verse.
तस्मात् प्रज्ञानिकाषेण विचारेणातिचारुणा । देवम् आलोकयेद् भोगाद् रतिं चापहरेत् समम्
tasmāt prajñānikāṣeṇa vicāreṇāticāruṇā / devam ālokayed bhogād ratiṃ cāpaharet samam
Sanskrit only: no published translation is held for this verse.
चित्तस्य भोगैर् द्वौ भागौ शास्त्रेणैकं प्रपूरयेत् । गुरुशुश्रूषया चैकम् अव्युत्पन्नस्य सत्क्रमे
cittasya bhogair dvau bhāgau śāstreṇaikaṃ prapūrayet / guruśuśrūṣayā caikam avyutpannasya satkrame
Sanskrit only: no published translation is held for this verse.
किञ्चित्व्युत्पत्तियुक्तस्य भागं भोगैः प्रपूरयेत् । गुरुशुश्रूषया भागं भागं शास्त्रार्थचिन्तया
kiñcitvyutpattiyuktasya bhāgaṃ bhogaiḥ prapūrayet / guruśuśrūṣayā bhāgaṃ bhāgaṃ śāstrārthacintayā
Sanskrit only: no published translation is held for this verse.
व्युत्पत्तिम् अनुयातस्य पूरयेच् चेतसो ऽन्वहम् । द्वौ भागौ शास्त्रवैराग्यैर् द्वौ ध्यानगुरुपूजनैः
vyutpattim anuyātasya pūrayec cetaso 'nvaham / dvau bhāgau śāstravairāgyair dvau dhyānagurupūjanaiḥ
Sanskrit only: no published translation is held for this verse.
साधुताम् आगतो जीवो योग्यो ज्ञानकथाक्रमे । निर्मलाकृतिर् आदत्ते पट उत्तमरञ्जनाम्
sādhutām āgato jīvo yogyo jñānakathākrame / nirmalākṛtir ādatte paṭa uttamarañjanām
Sanskrit only: no published translation is held for this verse.
शनैश् शनैर् लालनया युक्तिभिः पावनोक्तिभिः । शास्त्रार्थपरिणामेन पालयेच् चित्तबालकम्
śanaiś śanair lālanayā yuktibhiḥ pāvanoktibhiḥ / śāstrārthapariṇāmena pālayec cittabālakam
Sanskrit only: no published translation is held for this verse.
परे परिणतं ज्ञाने शिथिलीभूतदुर्ग्रहम् । ज्योत्स्नाभिन्नस्फटिकवच् चेतश् शीतं विराजते
pare pariṇataṃ jñāne śithilībhūtadurgraham / jyotsnābhinnasphaṭikavac cetaś śītaṃ virājate
Sanskrit only: no published translation is held for this verse.
प्रज्ञया परया ऋज्व्या भोगानाम् ईश्वरस्य च । समम् एवाथ देहस्य रूपम् आश्व् अवलोकयेत्
prajñayā parayā ṛjvyā bhogānām īśvarasya ca / samam evātha dehasya rūpam āśv avalokayet
Sanskrit only: no published translation is held for this verse.
प्रज्ञाविचारवशतस् समम् एव सदा सुत । आत्मावलोकनं तृष्णासन्त्यागं च समाहरेत्
prajñāvicāravaśatas samam eva sadā suta / ātmāvalokanaṃ tṛṣṇāsantyāgaṃ ca samāharet
Sanskrit only: no published translation is held for this verse.
परे दृष्टे वितृष्णत्वं तृष्णानाशे च दृक् परा । एते मिथो धृते दृष्टी नौनाविकदशे यथा
pare dṛṣṭe vitṛṣṇatvaṃ tṛṣṇānāśe ca dṛk parā / ete mitho dhṛte dṛṣṭī naunāvikadaśe yathā
Sanskrit only: no published translation is held for this verse.
भोगपूगे गतस्वादे दृष्टे देवे परापरे । परे ब्रह्मणि विश्रान्तिर् अनन्तोदेति शाश्वती
bhogapūge gatasvāde dṛṣṭe deve parāpare / pare brahmaṇi viśrāntir anantodeti śāśvatī
Sanskrit only: no published translation is held for this verse.
चिराय फलितानन्दम् अनन्तोदेति निर्वृतिः । न कदाचन जीवानाम् आत्मविश्रमणाद् ऋते
cirāya phalitānandam anantodeti nirvṛtiḥ / na kadācana jīvānām ātmaviśramaṇād ṛte
Sanskrit only: no published translation is held for this verse.
न तपोभिर् न दानेन न तीर्थैर् अपि जायते । भोगेषु विरतिर् जन्तोस् स्वभावालोकनाद् ऋते
na tapobhir na dānena na tīrthair api jāyate / bhogeṣu viratir jantos svabhāvālokanād ṛte
Sanskrit only: no published translation is held for this verse.
कयाचिद् अपि नो युक्त्या बुद्धिर् आत्मावलोकने । स्वप्रयत्नाद् ऋते पुंसश् श्रेयसे सम्प्रवर्तते
kayācid api no yuktyā buddhir ātmāvalokane / svaprayatnād ṛte puṃsaś śreyase sampravartate
Sanskrit only: no published translation is held for this verse.
भोगसन्त्यागसम्प्राप्तपरमार्थाद् ऋते सुत । न ब्रह्मपदविश्रान्तिसुखम् आसाद्यते परम्
bhogasantyāgasamprāptaparamārthād ṛte suta / na brahmapadaviśrāntisukham āsādyate param
Sanskrit only: no published translation is held for this verse.
आब्रह्मस्तम्बपर्यन्ते जगत्य् अस्मिन् न कुत्रचित् । तद्वद् आश्वस्यते साधो परमे कारणे यथा
ābrahmastambaparyante jagaty asmin na kutracit / tadvad āśvasyate sādho parame kāraṇe yathā
Sanskrit only: no published translation is held for this verse.
पौरुषम् यत्नम् आश्रित्य दैवं कृत्वा सुदूरतः । भोगान् विगर्हयेत् प्राज्ञश् श्रेयोमार्गदृढार्गलान्
pauruṣam yatnam āśritya daivaṃ kṛtvā sudūrataḥ / bhogān vigarhayet prājñaś śreyomārgadṛḍhārgalān
Sanskrit only: no published translation is held for this verse.
प्रौढायां भोगगर्हायां विचार उपजायते । वृद्धायां प्रावृषि श्रीमाञ् शरत्काल इवामलः
prauḍhāyāṃ bhogagarhāyāṃ vicāra upajāyate / vṛddhāyāṃ prāvṛṣi śrīmāñ śaratkāla ivāmalaḥ
Sanskrit only: no published translation is held for this verse.
विचारो भोगगर्हातो विचाराद् भोगगर्हणम् । अन्योऽन्यम् एते पूर्येते समुद्रजलदाव् इव
vicāro bhogagarhāto vicārād bhogagarhaṇam / anyo'nyam ete pūryete samudrajaladāv iva
Sanskrit only: no published translation is held for this verse.
भोगगर्हा विचारश् च स्वात्मालोकश् च शाश्वतः । अन्योऽन्यं साधयन्त्य् अर्थं सुस्निग्धास् सुहृदो यथा
bhogagarhā vicāraś ca svātmālokaś ca śāśvataḥ / anyo'nyaṃ sādhayanty arthaṃ susnigdhās suhṛdo yathā
Sanskrit only: no published translation is held for this verse.
पूर्वं दैवम् अनादृत्य पौरुषं प्राप्य यत्नतः । दन्तैर् दन्तान् प्रसम्पीड्य भोगेष्व् अरतिम् आहरेत्
pūrvaṃ daivam anādṛtya pauruṣaṃ prāpya yatnataḥ / dantair dantān prasampīḍya bhogeṣv aratim āharet
Sanskrit only: no published translation is held for this verse.
देशाचाराविरुद्धेन बान्धवैकहितेन च । पौरुषेण क्रमेणादौ धनानि समुपार्जयेत्
deśācārāviruddhena bāndhavaikahitena ca / pauruṣeṇa krameṇādau dhanāni samupārjayet
Sanskrit only: no published translation is held for this verse.
धनैर् अभ्याहरेद् भव्यान् सुजनान् गुणशालिनः । प्रवर्तते समासङ्गात् तेषां भोगविगर्हणा
dhanair abhyāhared bhavyān sujanān guṇaśālinaḥ / pravartate samāsaṅgāt teṣāṃ bhogavigarhaṇā
Sanskrit only: no published translation is held for this verse.
ततो विचारस् तदनु ज्ञानशास्त्रार्थसङ्ग्रहः । ततः क्रमेण परमपदप्राप्तिः प्रजायते
tato vicāras tadanu jñānaśāstrārthasaṅgrahaḥ / tataḥ krameṇa paramapadaprāptiḥ prajāyate
Sanskrit only: no published translation is held for this verse.
यदासुरपते काले विषयेभ्यो विरंस्यसि । तदा विचारवशतः परमं पदम् एष्यसि
yadāsurapate kāle viṣayebhyo viraṃsyasi / tadā vicāravaśataḥ paramaṃ padam eṣyasi
Sanskrit only: no published translation is held for this verse.
सम्यक् प्राप्स्यसि विश्रान्तिम् आत्मन्य् अत्यन्तपावने । न पुनः कलनापङ्के दुःखायावपतिष्यसि
samyak prāpsyasi viśrāntim ātmany atyantapāvane / na punaḥ kalanāpaṅke duḥkhāyāvapatiṣyasi
Sanskrit only: no published translation is held for this verse.
देशक्रमेण धनम् अल्पविगर्हणेन तेनाङ्ग साधुजनम् अर्जय मानपूर्वम् । तत्सङ्गमोत्थविषयाभ्यवहेलनेन सम्यग्विचारविभवेन तवात्मलाभः
deśakrameṇa dhanam alpavigarhaṇena tenāṅga sādhujanam arjaya mānapūrvam / tatsaṅgamotthaviṣayābhyavahelanena samyagvicāravibhavena tavātmalābhaḥ
Sanskrit only: no published translation is held for this verse.