Moksopaya with Bhaskarakantha's Tika 5.25

एतन् मे कथितं पूर्वं पित्रा चारुविचारिणा । इदानीं संस्मृतं दिष्ट्या सम्प्रबोधम् अहं गतः

etan me kathitaṃ pūrvaṃ pitrā cāruvicāriṇā / idānīṃ saṃsmṛtaṃ diṣṭyā samprabodham ahaṃ gataḥ

Sanskrit only: no published translation is held for this verse.

अद्येयं मम सञ्जाता भोगान् प्रत्य् अरतिस् स्फुटम् । दिष्ट्या शमसुखं स्वच्छं विशाम्य् अमृतशीतलम्

adyeyaṃ mama sañjātā bhogān praty aratis sphuṭam / diṣṭyā śamasukhaṃ svacchaṃ viśāmy amṛtaśītalam

Sanskrit only: no published translation is held for this verse.

पुनर् आपूरयन्न् आशाः पुनर् अभ्याहरन् धनम् । पुनर् आवर्जयन् कान्ताः खिन्नो ऽस्मि विभवस्थितौ

punar āpūrayann āśāḥ punar abhyāharan dhanam / punar āvarjayan kāntāḥ khinno 'smi vibhavasthitau

Sanskrit only: no published translation is held for this verse.

अहो नु खलु रम्येयं शमभूश् शीतलान्तरा । सर्वा एव शमं यान्ति सुखदुःखदृशश् शमे

aho nu khalu ramyeyaṃ śamabhūś śītalāntarā / sarvā eva śamaṃ yānti sukhaduḥkhadṛśaś śame

Sanskrit only: no published translation is held for this verse.

शाम्यामि परिनिर्वामि सुखम् आसे शमे स्थितः । अयम् अन्तः प्रहृष्यामि चन्द्रबिम्ब इवार्पितः

śāmyāmi parinirvāmi sukham āse śame sthitaḥ / ayam antaḥ prahṛṣyāmi candrabimba ivārpitaḥ

Sanskrit only: no published translation is held for this verse.

उत्ताण्डवमनोरंहःपोषितोरुशरीरकम् । अनारतपरिक्षोभं हा दुःखं विभवार्जनम्

uttāṇḍavamanoraṃhaḥpoṣitoruśarīrakam / anārataparikṣobhaṃ hā duḥkhaṃ vibhavārjanam

Sanskrit only: no published translation is held for this verse.

अङ्गम् अङ्गेन सम्पीड्य मांसं मांसेन च स्त्रियाः । पुराहम् अभवं प्रीतो यत् तन् मोहविजृम्भितम्

aṅgam aṅgena sampīḍya māṃsaṃ māṃsena ca striyāḥ / purāham abhavaṃ prīto yat tan mohavijṛmbhitam

Sanskrit only: no published translation is held for this verse.

दृष्टान्तदृष्टयो दृष्टा भुक्तं भोक्तव्यम् अक्षतम् । आक्रान्तम् अखिलं भूतजातं किम् इव शोभनम्

dṛṣṭāntadṛṣṭayo dṛṣṭā bhuktaṃ bhoktavyam akṣatam / ākrāntam akhilaṃ bhūtajātaṃ kim iva śobhanam

Sanskrit only: no published translation is held for this verse.

पुनस् तान्य् एव तान्य् एव तत्रेहान्यत्र चात्र च । इतश् चेतश् च वस्तूनि नापूर्वं नाम किञ्चन

punas tāny eva tāny eva tatrehānyatra cātra ca / itaś cetaś ca vastūni nāpūrvaṃ nāma kiñcana

Sanskrit only: no published translation is held for this verse.

सर्वम् एव परित्यज्य परिहृत्य धिया स्वयम् । स्वच्छ एवावतिष्ठे ऽहं पूर्णो ऽर्णव इवात्मनि

sarvam eva parityajya parihṛtya dhiyā svayam / svaccha evāvatiṣṭhe 'haṃ pūrṇo 'rṇava ivātmani

Sanskrit only: no published translation is held for this verse.

पाताले भूतले स्वर्गे स्त्रियो रत्नोपलादयः । सारं तद् अपि तुच्छेन कालेनाशु निगीर्यते

pātāle bhūtale svarge striyo ratnopalādayaḥ / sāraṃ tad api tucchena kālenāśu nigīryate

Sanskrit only: no published translation is held for this verse.

एतावन्तम् अहं कालं भृशं बालो ऽभवं पुरा । यः कुर्वन् द्वेषम् अमरैस् तुच्छया जगदिच्छया

etāvantam ahaṃ kālaṃ bhṛśaṃ bālo 'bhavaṃ purā / yaḥ kurvan dveṣam amarais tucchayā jagadicchayā

Sanskrit only: no published translation is held for this verse.

मनोनिर्माणमात्रेण जगन्नाम्ना महाधिना । त्यक्तेनात्तेन वार्थस् स्यात् क उदारो महात्मनः

manonirmāṇamātreṇa jagannāmnā mahādhinā / tyaktenāttena vārthas syāt ka udāro mahātmanaḥ

Sanskrit only: no published translation is held for this verse.

कष्टं चिरतरं कालम् अनर्थो ऽर्थधिया मया । अज्ञानमदमत्तेन बालेन श्वेव सेवितः

kaṣṭaṃ cirataraṃ kālam anartho 'rthadhiyā mayā / ajñānamadamattena bālena śveva sevitaḥ

Sanskrit only: no published translation is held for this verse.

तरत्तरलतृष्णेन किम् इवास्मिञ् जगत्त्रये । मया न कृतम् अज्ञेन पश्चात्तापाभिवृद्धये

tarattaralatṛṣṇena kim ivāsmiñ jagattraye / mayā na kṛtam ajñena paścāttāpābhivṛddhaye

Sanskrit only: no published translation is held for this verse.

एतया तद् अलं मे ऽस्तु तुच्छया पूर्वचिन्तया । पौरुषं याति साफल्यं वर्तमानचिकित्सया

etayā tad alaṃ me 'stu tucchayā pūrvacintayā / pauruṣaṃ yāti sāphalyaṃ vartamānacikitsayā

Sanskrit only: no published translation is held for this verse.

अद्यापरिमिताकारकारणैकतयात्मनः । सर्वतस् सुखम् अभ्येमि रसायन इवार्णवे

adyāparimitākārakāraṇaikatayātmanaḥ / sarvatas sukham abhyemi rasāyana ivārṇave

Sanskrit only: no published translation is held for this verse.

को ऽयं तावद् अहं किं स्याद् आत्मेत्य् आत्मावलोकनम् । पृच्छाम्य् उशनसं नाथं नूनम् अज्ञानशान्तये

ko 'yaṃ tāvad ahaṃ kiṃ syād ātmety ātmāvalokanam / pṛcchāmy uśanasaṃ nāthaṃ nūnam ajñānaśāntaye

Sanskrit only: no published translation is held for this verse.

सञ्चिन्तयामि परमेश्वरम् आशु शुक्रम् उद्यत्प्रसादम् अथ तेन गिरोपदिष्टः । तिष्ठाम्य् अनन्तविभवे स्वयम् आत्मनात्मन्य् अक्षीणम् अर्थम् उपदेशगिरः फलन्ति

sañcintayāmi parameśvaram āśu śukram udyatprasādam atha tena giropadiṣṭaḥ / tiṣṭhāmy anantavibhave svayam ātmanātmany akṣīṇam artham upadeśagiraḥ phalanti

Sanskrit only: no published translation is held for this verse.