Moksopaya with Bhaskarakantha's Tika 5.28

अथ ते दानवास् तत्र बडेर् अनुचरास् तदा । तद्गृहं स्फाटिकं सौधम् उच्चैर् आरुरुहुः क्षणात्

atha te dānavās tatra baḍer anucarās tadā / tadgṛhaṃ sphāṭikaṃ saudham uccair āruruhuḥ kṣaṇāt

Sanskrit only: no published translation is held for this verse.

डिम्बाद्या मन्त्रिणो वीरास् सामन्ताः कुकुहादयः । सुराद्याश् चैव राजानो वृत्राद्या बलहारिणः

ḍimbādyā mantriṇo vīrās sāmantāḥ kukuhādayaḥ / surādyāś caiva rājāno vṛtrādyā balahāriṇaḥ

Sanskrit only: no published translation is held for this verse.

हयग्रीवादयस् सभ्याश् शुकुन्दाद्याश् च बन्धवः । लुडङ्गाद्याश् च सुहृदः पल्मूलाद्याश् च लालकाः

hayagrīvādayas sabhyāś śukundādyāś ca bandhavaḥ / luḍaṅgādyāś ca suhṛdaḥ palmūlādyāś ca lālakāḥ

Sanskrit only: no published translation is held for this verse.

कुबेरयमशक्राद्या उपायनकरास् सुराः । यक्षा विद्याधरा नागास् सेवावसरकाङ्क्षिणः

kuberayamaśakrādyā upāyanakarās surāḥ / yakṣā vidyādharā nāgās sevāvasarakāṅkṣiṇaḥ

Sanskrit only: no published translation is held for this verse.

रम्भातिलोत्तमाद्याश् च चामरिण्यो वराङ्गनाः । सरितस् सागराश् शैला दिशश् च विदिशस् तथा

rambhātilottamādyāś ca cāmariṇyo varāṅganāḥ / saritas sāgarāś śailā diśaś ca vidiśas tathā

Sanskrit only: no published translation is held for this verse.

सेवार्थम् आययुस् तस्य तं प्रदेशं तदा बडेः । अन्ये च बहवस् सिद्धास् त्रैलोक्योदरवासिनः

sevārtham āyayus tasya taṃ pradeśaṃ tadā baḍeḥ / anye ca bahavas siddhās trailokyodaravāsinaḥ

Sanskrit only: no published translation is held for this verse.

ध्यानमौनसमाधिस्थं चित्रार्पितम् इवाचलम् । नमत्किरीटावलयो ददृशुर् बडिम् आदृताः

dhyānamaunasamādhisthaṃ citrārpitam ivācalam / namatkirīṭāvalayo dadṛśur baḍim ādṛtāḥ

Sanskrit only: no published translation is held for this verse.

तं दृष्ट्वा कृतकर्तव्याः प्रणेमुस् ते महासुराः । विषादविस्मयानन्दभयमन्थरतां ययुः

taṃ dṛṣṭvā kṛtakartavyāḥ praṇemus te mahāsurāḥ / viṣādavismayānandabhayamantharatāṃ yayuḥ

Sanskrit only: no published translation is held for this verse.

मन्त्रिणो ऽथ विचार्यात्र किं प्राप्तम् इति दानवाः । भार्गवं चिन्तयाम् आसुर् गुरुं सर्वविदां वरम्

mantriṇo 'tha vicāryātra kiṃ prāptam iti dānavāḥ / bhārgavaṃ cintayām āsur guruṃ sarvavidāṃ varam

Sanskrit only: no published translation is held for this verse.

चिन्तनानन्तरं दैत्या भार्गवं भासुरं पुरः । ददृशुः कल्पितप्राप्तं गन्धर्वनगरं यथा

cintanānantaraṃ daityā bhārgavaṃ bhāsuraṃ puraḥ / dadṛśuḥ kalpitaprāptaṃ gandharvanagaraṃ yathā

Sanskrit only: no published translation is held for this verse.

पूज्यमानो ऽसुरगणैर् निविष्टो गुरुविष्टरे । ददर्श ध्यानमौनस्थं भार्गवो दानवेश्वरम्

pūjyamāno 'suragaṇair niviṣṭo guruviṣṭare / dadarśa dhyānamaunasthaṃ bhārgavo dānaveśvaram

Sanskrit only: no published translation is held for this verse.

विश्रम्य स क्षणम् इव प्रेमवान् अवलोक्य च । बडिं विचारयन् दृष्ट्या परिक्षीणभवभ्रमम्

viśramya sa kṣaṇam iva premavān avalokya ca / baḍiṃ vicārayan dṛṣṭyā parikṣīṇabhavabhramam

Sanskrit only: no published translation is held for this verse.

देहरश्मिशतैर् दन्तदीप्तिभिः क्षीरसागरे । क्षिपन्न् इव सभाम् आह हसन् वाक्यम् इदं गुरुः

deharaśmiśatair dantadīptibhiḥ kṣīrasāgare / kṣipann iva sabhām āha hasan vākyam idaṃ guruḥ

Sanskrit only: no published translation is held for this verse.

अहो चित्रम् इदं दैत्यास् स्वविचारणयैव यत् । सम्प्राप्तविमलालोकस् सिद्धो ऽयं भगवान् बडिः

aho citram idaṃ daityās svavicāraṇayaiva yat / samprāptavimalālokas siddho 'yaṃ bhagavān baḍiḥ

Sanskrit only: no published translation is held for this verse.

अयं तद् एवम् एवेह तिष्ठन् दानवसत्तमाः । स्वात्मनि स्थितिम् आप्नोतु पदं पश्यत्व् अनामयम्

ayaṃ tad evam eveha tiṣṭhan dānavasattamāḥ / svātmani sthitim āpnotu padaṃ paśyatv anāmayam

Sanskrit only: no published translation is held for this verse.

श्रान्तो विश्रान्तिम् आयातः क्षीणचिन्ताभरभ्रमः । शान्तसंसारनीहारो बोधनीयो न दानवाः

śrānto viśrāntim āyātaḥ kṣīṇacintābharabhramaḥ / śāntasaṃsāranīhāro bodhanīyo na dānavāḥ

Sanskrit only: no published translation is held for this verse.

स्व एवालोक एतेन सम्प्राप्तो ऽज्ञानसङ्क्षये । शान्ते ऽभ्रसम्भ्रमे सौरो दिनेनेव करोत्करः

sva evāloka etena samprāpto 'jñānasaṅkṣaye / śānte 'bhrasambhrame sauro dineneva karotkaraḥ

Sanskrit only: no published translation is held for this verse.

स्वयम् एव हि कालेन प्रबोधम् अयम् एष्यति । बीजकोशात् स्वसंवित्त्या सुप्तमूर्तिर् इवाङ्कुरः

svayam eva hi kālena prabodham ayam eṣyati / bījakośāt svasaṃvittyā suptamūrtir ivāṅkuraḥ

Sanskrit only: no published translation is held for this verse.

कुरुध्वं स्वानि कार्याणि सर्वे दानवनायकाः । बडिर् वर्षसहस्रेण समाधेर् बोधम् एष्यति

kurudhvaṃ svāni kāryāṇi sarve dānavanāyakāḥ / baḍir varṣasahasreṇa samādher bodham eṣyati

Sanskrit only: no published translation is held for this verse.

इत्य् उक्ते गुरुणा तत्र भयहर्षविषादजाम् । दैत्याश् चिन्तां जहुश् शुष्कां मञ्जरीम् इव पादपाः

ity ukte guruṇā tatra bhayaharṣaviṣādajām / daityāś cintāṃ jahuś śuṣkāṃ mañjarīm iva pādapāḥ

Sanskrit only: no published translation is held for this verse.

वैरोचनिसभासंस्थां विधाय प्राग्व्यवस्थया । स्वव्यापारपरास् तस्थुस् सर्व एवासुरास् ततः

vairocanisabhāsaṃsthāṃ vidhāya prāgvyavasthayā / svavyāpāraparās tasthus sarva evāsurās tataḥ

Sanskrit only: no published translation is held for this verse.

नरा महीम् अहिपतयो रसातलं ग्रहा नभस् त्रिदशगणास् त्रिविष्टपम् । दिशो ऽद्रयो जलपतयश् च कन्दरान् वनेचरा गगनचराश् च खं ययुः

narā mahīm ahipatayo rasātalaṃ grahā nabhas tridaśagaṇās triviṣṭapam / diśo 'drayo jalapatayaś ca kandarān vanecarā gaganacarāś ca khaṃ yayuḥ

Sanskrit only: no published translation is held for this verse.