Moksopaya with Bhaskarakantha's Tika 5.3

तस्यैवम्प्रायया तत्र ततयोदारचिन्तया । सा व्यतीयाय रजनी पद्मस्येवार्ककाङ्क्षिणः

tasyaivamprāyayā tatra tatayodāracintayā / sā vyatīyāya rajanī padmasyevārkakāṅkṣiṇaḥ

Sanskrit only: no published translation is held for this verse.

किञ्चित् तमःकडारासु किञ्चिद् अप्य् अरुणासु च । ततो विरलतारासु दिक्षु रामसितास्व् इव

kiñcit tamaḥkaḍārāsu kiñcid apy aruṇāsu ca / tato viralatārāsu dikṣu rāmasitāsv iva

Sanskrit only: no published translation is held for this verse.

प्रभाततूर्यघोषेण समम् इन्दुसमाननः । उत्तस्थौ राघवश् श्रीमान् पद्मः पद्माकराद् इव

prabhātatūryaghoṣeṇa samam indusamānanaḥ / uttasthau rāghavaś śrīmān padmaḥ padmākarād iva

Sanskrit only: no published translation is held for this verse.

प्रातस्तनं विधिं सर्वं सम्पाद्य भ्रातृसंयुतः । प्रमितात्मपरीवारो वसिष्ठसदनं ययौ

prātastanaṃ vidhiṃ sarvaṃ sampādya bhrātṛsaṃyutaḥ / pramitātmaparīvāro vasiṣṭhasadanaṃ yayau

Sanskrit only: no published translation is held for this verse.

समाधिसंस्थम् एकान्ते मुनिम् आत्मपरायणम् । दूराद् एव ननामासौ रामो विनतकन्धरः

samādhisaṃstham ekānte munim ātmaparāyaṇam / dūrād eva nanāmāsau rāmo vinatakandharaḥ

Sanskrit only: no published translation is held for this verse.

तं प्रणम्याङ्गने तस्थुस् तस्मिंस् ते विनयान्विताः । यावत् तमस् समालूनं ध्वस्तं दिङ्मुखमण्डलात्

taṃ praṇamyāṅgane tasthus tasmiṃs te vinayānvitāḥ / yāvat tamas samālūnaṃ dhvastaṃ diṅmukhamaṇḍalāt

Sanskrit only: no published translation is held for this verse.

राजानो राजपुत्राश् च ऋषयो ब्राह्मणास् तथा । आययुस् सदनं मौनं ब्रह्मलोकम् इवामराः

rājāno rājaputrāś ca ṛṣayo brāhmaṇās tathā / āyayus sadanaṃ maunaṃ brahmalokam ivāmarāḥ

Sanskrit only: no published translation is held for this verse.

तद् वसिष्ठस्य सदनं बभूव जनसङ्कुलम् । हस्त्यश्वरथसम्बाधं पार्थिवागारशोभनम्

tad vasiṣṭhasya sadanaṃ babhūva janasaṅkulam / hastyaśvarathasambādhaṃ pārthivāgāraśobhanam

Sanskrit only: no published translation is held for this verse.

क्षणाद् वसिष्ठो भगवान् विरराम समाधितः । आचारेणोपपन्नेन जग्राह प्रणतं जनम्

kṣaṇād vasiṣṭho bhagavān virarāma samādhitaḥ / ācāreṇopapannena jagrāha praṇataṃ janam

Sanskrit only: no published translation is held for this verse.

अथानुयातो मुनिभिर् विश्वामित्रान्वितो मुनिः । आरुरोह रथं श्रीमान् सहसाब्जम् इवाब्जजः

athānuyāto munibhir viśvāmitrānvito muniḥ / āruroha rathaṃ śrīmān sahasābjam ivābjajaḥ

Sanskrit only: no published translation is held for this verse.

ययौ गृहं दाशरथं सैन्येन महता वृतः । ब्रह्मेव शक्रनगरं समस्तसुरमालितः

yayau gṛhaṃ dāśarathaṃ sainyena mahatā vṛtaḥ / brahmeva śakranagaraṃ samastasuramālitaḥ

Sanskrit only: no published translation is held for this verse.

विवेश विततां तत्र रम्यां दाशरथीं सभाम् । हंसयूथानुवलितो राजहंस इवाब्जिनीम्

viveśa vitatāṃ tatra ramyāṃ dāśarathīṃ sabhām / haṃsayūthānuvalito rājahaṃsa ivābjinīm

Sanskrit only: no published translation is held for this verse.

त्रीणि तस्य पदान्य् आशु तदा दशरथो नृपः । निर्जगाम महावीर्यस् सिंहासनसमुत्थितः

trīṇi tasya padāny āśu tadā daśaratho nṛpaḥ / nirjagāma mahāvīryas siṃhāsanasamutthitaḥ

Sanskrit only: no published translation is held for this verse.

विविशुस् तत्र ते सर्वे नृपा दशरथादयः । वसिष्ठाद्याश् च मुनय ऋषयो ब्राह्मणास् तथा

viviśus tatra te sarve nṛpā daśarathādayaḥ / vasiṣṭhādyāś ca munaya ṛṣayo brāhmaṇās tathā

Sanskrit only: no published translation is held for this verse.

मन्त्रिणश् च सुमन्त्राद्या धौम्याद्याश् च विपश्चितः । राजपुत्राश् च रामाद्या मन्त्रिपुत्रास् सुहादयः

mantriṇaś ca sumantrādyā dhaumyādyāś ca vipaścitaḥ / rājaputrāś ca rāmādyā mantriputrās suhādayaḥ

Sanskrit only: no published translation is held for this verse.

सामन्ताद्याः प्रकृतयस् सुहोत्राद्याश् च नागराः । मालवाद्यास् तथा भृत्याः पौराद्याश् चैव लालकाः

sāmantādyāḥ prakṛtayas suhotrādyāś ca nāgarāḥ / mālavādyās tathā bhṛtyāḥ paurādyāś caiva lālakāḥ

Sanskrit only: no published translation is held for this verse.

स्वोचितेषु प्रदेशेषु स्वोचितेष्व् आसनेषु च । सर्वेष्व् एवोपविष्टेषु वसिष्ठोन्मुखदृष्टिषु

svociteṣu pradeśeṣu svociteṣv āsaneṣu ca / sarveṣv evopaviṣṭeṣu vasiṣṭhonmukhadṛṣṭiṣu

Sanskrit only: no published translation is held for this verse.

सभाकलकले शान्ते मौनसंस्थेषु वन्दिषु । पृष्टासु स्थितिवार्त्तासु सोम्ये तस्मिन् सभान्तरे

sabhākalakale śānte maunasaṃstheṣu vandiṣu / pṛṣṭāsu sthitivārttāsu somye tasmin sabhāntare

Sanskrit only: no published translation is held for this verse.

सिन्दूरधूलिपुञ्जाभे बाले दिनकरातपे । वितानतलविश्रान्ते कचत्य् आदर्शमण्डले

sindūradhūlipuñjābhe bāle dinakarātape / vitānatalaviśrānte kacaty ādarśamaṇḍale

Sanskrit only: no published translation is held for this verse.

स्फुरत्य् अञ्चलमालासु विशत्य् अम्भोजकोटरं । पद्मरागेष्व् अपिहिते मुक्तादामसु चञ्चले

sphuraty añcalamālāsu viśaty ambhojakoṭaraṃ / padmarāgeṣv apihite muktādāmasu cañcale

Sanskrit only: no published translation is held for this verse.

बृहत्कुसुमदोलाभ्यः प्रसृताभ्यस् समन्ततः । वाति मांसलम् आमोदम् आदाय मधुरानिले

bṛhatkusumadolābhyaḥ prasṛtābhyas samantataḥ / vāti māṃsalam āmodam ādāya madhurānile

Sanskrit only: no published translation is held for this verse.

वातायनेषु मृदुषु कुसुमाकीर्णभूमिषु । पर्यङ्केषूपविष्टासु पश्यन्तीषु पुरन्ध्रिषु

vātāyaneṣu mṛduṣu kusumākīrṇabhūmiṣu / paryaṅkeṣūpaviṣṭāsu paśyantīṣu purandhriṣu

Sanskrit only: no published translation is held for this verse.

जालागतार्ककरलोलविलोचनासु रत्नप्रभाप्रकरपिङ्गलचामरासु । सन्त्यक्तचापललवं चपलाबलासु मौनस्थितासु सितचामरधारिणीषु

jālāgatārkakaralolavilocanāsu ratnaprabhāprakarapiṅgalacāmarāsu / santyaktacāpalalavaṃ capalābalāsu maunasthitāsu sitacāmaradhāriṇīṣu

Sanskrit only: no published translation is held for this verse.

मुक्ताफलप्रतिफलत्प्रतिमार्करश्मिशारोदरास्व् अजिरभूमिषु चण्पकौघम् । नास्वादयत्य् अभिनवातपबिन्दुबुद्ध्या भ्रान्त्या भ्रमिण्य् अलिबले नभसीव मेघे

muktāphalapratiphalatpratimārkaraśmiśārodarāsv ajirabhūmiṣu caṇpakaugham / nāsvādayaty abhinavātapabindubuddhyā bhrāntyā bhramiṇy alibale nabhasīva meghe

Sanskrit only: no published translation is held for this verse.

पुण्यो वसिष्ठवचनप्रसरश् श्रुतो यस् तं शंसति प्रसृतविस्मयम् आर्यलोके । संसद्गते मृदुपदाक्षरमुग्धवाक्यम् अन्योऽन्यम् उत्स्मितम् अनल्पगुणाभिरामम्

puṇyo vasiṣṭhavacanaprasaraś śruto yas taṃ śaṃsati prasṛtavismayam āryaloke / saṃsadgate mṛdupadākṣaramugdhavākyam anyo'nyam utsmitam analpaguṇābhirāmam

Sanskrit only: no published translation is held for this verse.

दिग्भ्यः पुराच् च गगनाच् च नृपर्षिसिद्धविद्याधरार्यमुनिविप्रगणे विशिष्टे । मौनप्रणामम् अभितः प्रविशत्य् अशब्दं सोपांशु गौरववता सह जातवाक्ये

digbhyaḥ purāc ca gaganāc ca nṛparṣisiddhavidyādharāryamunivipragaṇe viśiṣṭe / maunapraṇāmam abhitaḥ praviśaty aśabdaṃ sopāṃśu gauravavatā saha jātavākye

Sanskrit only: no published translation is held for this verse.

उन्निद्रकोकनदकोमलकोशकृष्टमत्तालिजालमकरन्दसुवर्णरागैः । आपिङ्गले मरुति वाति विलोलघण्टाटाङ्कारगीतवति पीतनिशाम्बुशीते

unnidrakokanadakomalakośakṛṣṭamattālijālamakarandasuvarṇarāgaiḥ / āpiṅgale maruti vāti vilolaghaṇṭāṭāṅkāragītavati pītaniśāmbuśīte

Sanskrit only: no published translation is held for this verse.

अगुरुतगरधूमे चन्दनामोदमिश्रे सरसकुसुमदामोद्दामगन्धाङ्किताभ्रे । सरति सितवितानाम्भोरुहावर्तलेशैश् चलकुसुमरजोऽङ्कैश् शब्दविज्ञातभृङ्गम्

agurutagaradhūme candanāmodamiśre sarasakusumadāmoddāmagandhāṅkitābhre / sarati sitavitānāmbhoruhāvartaleśaiś calakusumarajo'ṅkaiś śabdavijñātabhṛṅgam

Sanskrit only: no published translation is held for this verse.