Moksopaya with Bhaskarakantha's Tika 5.32

प्रह्लाद इति सञ्चिन्त्य कृत्वा नारायणीं तनुम् । पुनस् सञ्चिन्तयाम् आस पूजार्थम् असुरद्विषः

prahlāda iti sañcintya kṛtvā nārāyaṇīṃ tanum / punas sañcintayām āsa pūjārtham asuradviṣaḥ

Sanskrit only: no published translation is held for this verse.

वपुषो वैष्णवाद् अस्मान् मरुन्मूर्तिः परापरः । अयं प्राणप्रवाहेण बहिर् विष्णुस् स्थितो ऽपरः

vapuṣo vaiṣṇavād asmān marunmūrtiḥ parāparaḥ / ayaṃ prāṇapravāheṇa bahir viṣṇus sthito 'paraḥ

Sanskrit only: no published translation is held for this verse.

वैनतेयसमारूढस् स्फुटशक्तिचतुष्टयः । शङ्खचक्रगदापाणिश् श्यामलाङ्गश् चतुर्भुजः

vainateyasamārūḍhas sphuṭaśakticatuṣṭayaḥ / śaṅkhacakragadāpāṇiś śyāmalāṅgaś caturbhujaḥ

Sanskrit only: no published translation is held for this verse.

चन्द्रार्कनयनश् श्रीमान् कान्तनन्दकनन्दनः । पद्मपाणिर् विशालाक्षश् शार्ङ्गधन्वा महाद्युतिः

candrārkanayanaś śrīmān kāntanandakanandanaḥ / padmapāṇir viśālākṣaś śārṅgadhanvā mahādyutiḥ

Sanskrit only: no published translation is held for this verse.

तद् एनं पूजयाम्य् आशु परिवारसमन्वितम् । सपर्यया मनोमय्या सर्वसम्भाररम्यया

tad enaṃ pūjayāmy āśu parivārasamanvitam / saparyayā manomayyā sarvasambhāraramyayā

Sanskrit only: no published translation is held for this verse.

तत एनं महादेवं पूजयिष्याम्य् अहं पुनः । पूजया बाह्यसम्भोगमहत्या बहुरत्नया

tata enaṃ mahādevaṃ pūjayiṣyāmy ahaṃ punaḥ / pūjayā bāhyasambhogamahatyā bahuratnayā

Sanskrit only: no published translation is held for this verse.

प्रह्लाद इति सञ्चिन्त्य सम्भारभरभारिणा । मनसा पूजयाम् आस माधवं कमलाधवम्

prahlāda iti sañcintya sambhārabharabhāriṇā / manasā pūjayām āsa mādhavaṃ kamalādhavam

Sanskrit only: no published translation is held for this verse.

रत्नार्घपात्रपटलैश् चन्दनादिविलेपनैः । धूपैर् दीपैर् विचित्रैश् च नानाविभवभूषणैः

ratnārghapātrapaṭalaiś candanādivilepanaiḥ / dhūpair dīpair vicitraiś ca nānāvibhavabhūṣaṇaiḥ

Sanskrit only: no published translation is held for this verse.

मन्दारमालावलनैर् हेमाब्जपटलोत्करैः । कल्पवृक्षलतागुच्छै रत्नस्तबकमण्डलैः

mandāramālāvalanair hemābjapaṭalotkaraiḥ / kalpavṛkṣalatāgucchai ratnastabakamaṇḍalaiḥ

Sanskrit only: no published translation is held for this verse.

पल्लवैर् देववृक्षाणां नानाकुसुमदामभिः । किङ्किरातैर् बुकैः कुन्दैश् चण्पकैर् असितोत्पलैः

pallavair devavṛkṣāṇāṃ nānākusumadāmabhiḥ / kiṅkirātair bukaiḥ kundaiś caṇpakair asitotpalaiḥ

Sanskrit only: no published translation is held for this verse.

कल्हारैः कुमुदैः काशैः खर्जूरैश् चूतकिंशुकैः । अशोकैर् मदनैर् बिल्वैः कर्णिकारैः किरातकैः

kalhāraiḥ kumudaiḥ kāśaiḥ kharjūraiś cūtakiṃśukaiḥ / aśokair madanair bilvaiḥ karṇikāraiḥ kirātakaiḥ

Sanskrit only: no published translation is held for this verse.

कदम्बैः कुकुरैर् नीपैस् सिन्धुवारैस् सयूथिकैः । पारिभद्रैर् गुग्गुलुभिर् विदुलैः कुय्यकोत्करैः

kadambaiḥ kukurair nīpais sindhuvārais sayūthikaiḥ / pāribhadrair guggulubhir vidulaiḥ kuyyakotkaraiḥ

Sanskrit only: no published translation is held for this verse.

प्रियङ्गुपटलैः पाटैः पाटलैर् धातुपाटलैः । आम्रैर् आम्रातकैर् भव्यैर् हरीतकविभीतकैः

priyaṅgupaṭalaiḥ pāṭaiḥ pāṭalair dhātupāṭalaiḥ / āmrair āmrātakair bhavyair harītakavibhītakaiḥ

Sanskrit only: no published translation is held for this verse.

सालतालतमालानां लताकुसुमपल्लवैः । कोमलैः कलिकाजालैस् सहकारैस् सकुङ्कुमैः

sālatālatamālānāṃ latākusumapallavaiḥ / komalaiḥ kalikājālais sahakārais sakuṅkumaiḥ

Sanskrit only: no published translation is held for this verse.

केतकैस् सप्तपर्णैश् च तथेरामञ्जरीगणैः । विचित्रपालीवतजैर् नानाटङ्कतरूद्भवैः

ketakais saptaparṇaiś ca tatherāmañjarīgaṇaiḥ / vicitrapālīvatajair nānāṭaṅkatarūdbhavaiḥ

Sanskrit only: no published translation is held for this verse.

मनोहरारुकोद्भूतैर् मालतीमाधवीगणैः । नवशेफालिकाजालैस् सुवर्णसुमनोहरैः

manoharārukodbhūtair mālatīmādhavīgaṇaiḥ / navaśephālikājālais suvarṇasumanoharaiḥ

Sanskrit only: no published translation is held for this verse.

भक्ष्यैर् भोज्यैस् तथा पानैर् लेह्यैः पेयैश् च पिच्छिलैः । रसैः फलैः पल्लवैश् च विविधास्वादजातिभिः

bhakṣyair bhojyais tathā pānair lehyaiḥ peyaiś ca picchilaiḥ / rasaiḥ phalaiḥ pallavaiś ca vividhāsvādajātibhiḥ

Sanskrit only: no published translation is held for this verse.

अंशुकैश् शयनैर् यानैर् महार्हैर् हेमविष्टरैः । गेयैर् नृत्तैर् वादनैश् च महार्हललनागणैः

aṃśukaiś śayanair yānair mahārhair hemaviṣṭaraiḥ / geyair nṛttair vādanaiś ca mahārhalalanāgaṇaiḥ

Sanskrit only: no published translation is held for this verse.

उद्यानोपवनाभोगसमग्रविभवार्पणैः । सर्वसौन्दर्यसम्मानैस् स्वयम् आत्मार्पणैर् अपि

udyānopavanābhogasamagravibhavārpaṇaiḥ / sarvasaundaryasammānais svayam ātmārpaṇair api

Sanskrit only: no published translation is held for this verse.

हरिं परमया भक्त्या जगद्विभवभव्यया । मनसा पूजयाम् आस प्रह्लादो ऽन्तःपुरे पतिम्

hariṃ paramayā bhaktyā jagadvibhavabhavyayā / manasā pūjayām āsa prahlādo 'ntaḥpure patim

Sanskrit only: no published translation is held for this verse.

अथ देवगृहे तस्मिन् बाह्यार्थैः परिपूर्णया । पूजया पूजयाम् आस दानवेशो जनार्दनम्

atha devagṛhe tasmin bāhyārthaiḥ paripūrṇayā / pūjayā pūjayām āsa dānaveśo janārdanam

Sanskrit only: no published translation is held for this verse.

बहिर्दृश्येन तेनैव क्रमेण परमेश्वरम् । पुनः पुनः पूजयित्वा तुष्टिमान् दानवो ऽभवत्

bahirdṛśyena tenaiva krameṇa parameśvaram / punaḥ punaḥ pūjayitvā tuṣṭimān dānavo 'bhavat

Sanskrit only: no published translation is held for this verse.

ततस् ततः प्रभृत्य् एव प्रह्लादः परमेश्वरम् । तथैव प्रत्यहं भक्त्या पूजयाम् आस पूर्णया

tatas tataḥ prabhṛty eva prahlādaḥ parameśvaram / tathaiva pratyahaṃ bhaktyā pūjayām āsa pūrṇayā

Sanskrit only: no published translation is held for this verse.

अथ तस्मिन् पुरे दैत्यास् ततः प्रभृति वैष्णवाः । सर्व एवाभवन् भव्या राजा ह्य् आचारकारणम्

atha tasmin pure daityās tataḥ prabhṛti vaiṣṇavāḥ / sarva evābhavan bhavyā rājā hy ācārakāraṇam

Sanskrit only: no published translation is held for this verse.

जगाम वार्त्ता गगनं देवलोकम् अथो हरिम् । विष्णोर् द्वेषं परित्यज्य भक्ता दैत्यास् स्थिता इति

jagāma vārttā gaganaṃ devalokam atho harim / viṣṇor dveṣaṃ parityajya bhaktā daityās sthitā iti

Sanskrit only: no published translation is held for this verse.

देवा विस्मयम् आजग्मुश् शक्राद्यास् समरुद्गणाः । गृहीता वैष्णवी भक्तिर् दैत्यैः किम् इति राघव

devā vismayam ājagmuś śakrādyās samarudgaṇāḥ / gṛhītā vaiṣṇavī bhaktir daityaiḥ kim iti rāghava

Sanskrit only: no published translation is held for this verse.

क्षीरोदे भोगिभोगस्थं विबुधा विस्मयाकुलाः । जग्मुर् अम्बरम् उत्सृज्य हरिम् आहवशालिनं

kṣīrode bhogibhogasthaṃ vibudhā vismayākulāḥ / jagmur ambaram utsṛjya harim āhavaśālinaṃ

Sanskrit only: no published translation is held for this verse.

तत्रैतं दैत्यवृत्तान्तं कथयाम् आसुर् अस्य ते । पप्रच्छुश् चैनम् आसीनम् अपूर्वाश्चर्यविस्मयात्

tatraitaṃ daityavṛttāntaṃ kathayām āsur asya te / papracchuś cainam āsīnam apūrvāścaryavismayāt

Sanskrit only: no published translation is held for this verse.

किम् एतद् भगवन् दैत्या विरुद्धा ये सदैव ते । ते हि त्वन्मयतां याता मायेयम् इति भाव्यते

kim etad bhagavan daityā viruddhā ye sadaiva te / te hi tvanmayatāṃ yātā māyeyam iti bhāvyate

Sanskrit only: no published translation is held for this verse.

क्व किलात्यन्तदुर्वृत्ता दानवा दलिताद्रयः । क्व पाश्चात्यमहाजन्मलभ्या भक्तिर् जनार्दने

kva kilātyantadurvṛttā dānavā dalitādrayaḥ / kva pāścātyamahājanmalabhyā bhaktir janārdane

Sanskrit only: no published translation is held for this verse.

प्राकृतो गुणवाञ् जात इत्य् एषा भगवन् कथा । अकालपुष्पमालेव सुखायोद्वेजनाय च

prākṛto guṇavāñ jāta ity eṣā bhagavan kathā / akālapuṣpamāleva sukhāyodvejanāya ca

Sanskrit only: no published translation is held for this verse.

नोपपन्नं हि यद् यत्र तत्र तन् न विराजते । मध्ये काचकलापस्य महामूल्यो मणिर् यथा

nopapannaṃ hi yad yatra tatra tan na virājate / madhye kācakalāpasya mahāmūlyo maṇir yathā

Sanskrit only: no published translation is held for this verse.

यो यो यादृग्गुणो जन्तुस् स ताम् एवैति संस्थितिम् । सदृशेष्व् अप्य् अजेषु श्वा न मन्ये रमते क्वचित्

yo yo yādṛgguṇo jantus sa tām evaiti saṃsthitim / sadṛśeṣv apy ajeṣu śvā na manye ramate kvacit

Sanskrit only: no published translation is held for this verse.

न तथा दुःखयन्त्य् अङ्गे मज्जन्त्यो वज्रसूचयः । वैसादृश्येन सम्बद्धा यथैता वस्तुदृष्टयः

na tathā duḥkhayanty aṅge majjantyo vajrasūcayaḥ / vaisādṛśyena sambaddhā yathaitā vastudṛṣṭayaḥ

Sanskrit only: no published translation is held for this verse.

यद् यत्र क्रमसम्प्राप्तम् उपपन्नम् अनिन्दितम् । तद् एव राजते तत्र जले ऽम्भोजं न तु स्थले

yad yatra kramasamprāptam upapannam aninditam / tad eva rājate tatra jale 'mbhojaṃ na tu sthale

Sanskrit only: no published translation is held for this verse.

क्वाधमः प्राकृतारम्भो हीनकर्मरतिस् सदा । वराको दानवस् तुच्छजातिर् भक्तिः क्व वैष्णवी

kvādhamaḥ prākṛtārambho hīnakarmaratis sadā / varāko dānavas tucchajātir bhaktiḥ kva vaiṣṇavī

Sanskrit only: no published translation is held for this verse.

कमलिनी परुषोषरभूगता सुखयतीह यथा न दुराश्रया । दनुसुतो ऽपि हि माधवभक्तिमान् इति कथा न तथेश सुखाय नः

kamalinī paruṣoṣarabhūgatā sukhayatīha yathā na durāśrayā / danusuto 'pi hi mādhavabhaktimān iti kathā na tatheśa sukhāya naḥ

Sanskrit only: no published translation is held for this verse.