Moksopaya with Bhaskarakantha's Tika 5.35

ओम् इत्य् आकारिताकारो विकारपरिवर्जितः । आत्मैवायं इदं सर्वं यत् किञ्चिज् जगतीगतम्

om ity ākāritākāro vikāraparivarjitaḥ / ātmaivāyaṃ idaṃ sarvaṃ yat kiñcij jagatīgatam

Sanskrit only: no published translation is held for this verse.

मेदोऽस्थिमांसमज्जासृगतीतो ऽप्य् एष चेतनः । अन्तरस्थो ऽपि सूर्यादीन् प्रकाशयति दीपकः

medo'sthimāṃsamajjāsṛgatīto 'py eṣa cetanaḥ / antarastho 'pi sūryādīn prakāśayati dīpakaḥ

Sanskrit only: no published translation is held for this verse.

उष्णीकरोति दहनं रसयत्य् अमृतो रसं । इन्द्रियानुभवान् भुङ्क्ते भोगान् इव महीपतिः

uṣṇīkaroti dahanaṃ rasayaty amṛto rasaṃ / indriyānubhavān bhuṅkte bhogān iva mahīpatiḥ

Sanskrit only: no published translation is held for this verse.

तिष्ठन्न् अपि हि नासीनो गच्छन्न् अपि न गच्छति । शान्तो ऽपि व्यवहारस्थः कुर्वन्न् अपि न लिप्यते

tiṣṭhann api hi nāsīno gacchann api na gacchati / śānto 'pi vyavahārasthaḥ kurvann api na lipyate

Sanskrit only: no published translation is held for this verse.

पूर्वम् अद्य तथेदानीम् इहामुत्रोभयत्र च । पिहितो ऽपिहितो ऽप्य् एष समस् सर्वासु वृत्तिषु

pūrvam adya tathedānīm ihāmutrobhayatra ca / pihito 'pihito 'py eṣa samas sarvāsu vṛttiṣu

Sanskrit only: no published translation is held for this verse.

उद्भवन्यग्भवाभावभावनाभिर् इतस् ततः । ब्रह्मादितृणपर्यन्तं जगद् आवर्तयन् स्थितः

udbhavanyagbhavābhāvabhāvanābhir itas tataḥ / brahmāditṛṇaparyantaṃ jagad āvartayan sthitaḥ

Sanskrit only: no published translation is held for this verse.

नित्यस्पन्दमयो नित्यम् अपि देवात् सदागतेः । स्थाणोर् अप्य् अक्रियो नित्यम् आकाशाद् अप्य् अलेपकः

nityaspandamayo nityam api devāt sadāgateḥ / sthāṇor apy akriyo nityam ākāśād apy alepakaḥ

Sanskrit only: no published translation is held for this verse.

मनांसि क्षोभयत्य् एष पल्लवान् इव मारुतः । वाहयत्य् अक्षपङ्क्तिं वा स्वाश्वालीम् इव सारथिः

manāṃsi kṣobhayaty eṣa pallavān iva mārutaḥ / vāhayaty akṣapaṅktiṃ vā svāśvālīm iva sārathiḥ

Sanskrit only: no published translation is held for this verse.

अतिदुःखितवद् देहगेहे कर्मकरस् सदा । सम्राड् इवात्मनि स्वास्थ्यसंस्थितो भोगभुग् विभुः

atiduḥkhitavad dehagehe karmakaras sadā / samrāḍ ivātmani svāsthyasaṃsthito bhogabhug vibhuḥ

Sanskrit only: no published translation is held for this verse.

एष एव सदान्वेष्यस् स्तुत्यो ध्यातव्य एव च । जरामरणसम्मोहाद् अनेनोत्तीर्य गम्यते

eṣa eva sadānveṣyas stutyo dhyātavya eva ca / jarāmaraṇasammohād anenottīrya gamyate

Sanskrit only: no published translation is held for this verse.

सुलभश् चायम् अत्यन्तं सुज्ञेयश् चाप्तबन्धुवत् । शरीरपद्मकुहरे सर्वेषाम् एव षट्पदः

sulabhaś cāyam atyantaṃ sujñeyaś cāptabandhuvat / śarīrapadmakuhare sarveṣām eva ṣaṭpadaḥ

Sanskrit only: no published translation is held for this verse.

अनाकृष्टो ऽप्य् अनाहूतस् स्वदेहाद् एव लभ्यते । मनाग् एवोपहूतो ऽपि क्षणाद् भवति सम्मुखः

anākṛṣṭo 'py anāhūtas svadehād eva labhyate / manāg evopahūto 'pi kṣaṇād bhavati sammukhaḥ

Sanskrit only: no published translation is held for this verse.

नास्य संसेव्यमानस्य सर्वसम्पत्तिशालिनः । धनानाम् ईश्वरस्येव स्मयो गर्वो ऽथ वा भवेत्

nāsya saṃsevyamānasya sarvasampattiśālinaḥ / dhanānām īśvarasyeva smayo garvo 'tha vā bhavet

Sanskrit only: no published translation is held for this verse.

आमोद इव पुष्पेषु तैलं तिलकणेष्व् इव । रसजातिष्व् इवास्वादो देवो देहेषु संस्थितः

āmoda iva puṣpeṣu tailaṃ tilakaṇeṣv iva / rasajātiṣv ivāsvādo devo deheṣu saṃsthitaḥ

Sanskrit only: no published translation is held for this verse.

अविचारवशाद् एष हृदयस्थो ऽपि चेतनः । न ज्ञायते चिराद् दृष्ट इष्टबन्धुर् इवाग्रगः

avicāravaśād eṣa hṛdayastho 'pi cetanaḥ / na jñāyate cirād dṛṣṭa iṣṭabandhur ivāgragaḥ

Sanskrit only: no published translation is held for this verse.

विचारणात् परिज्ञाते एतस्मिन् परमेश्वरे । अभ्युदेति परानन्दो लब्धे प्रियजने यथा

vicāraṇāt parijñāte etasmin parameśvare / abhyudeti parānando labdhe priyajane yathā

Sanskrit only: no published translation is held for this verse.

अस्मिन् दृष्टे परे बन्धाव् उद्दामानन्ददायिनि । आयान्ति दृष्टयस् तास् ता याभिर् बन्धो विलीयते

asmin dṛṣṭe pare bandhāv uddāmānandadāyini / āyānti dṛṣṭayas tās tā yābhir bandho vilīyate

Sanskrit only: no published translation is held for this verse.

त्रुट्यन्ति सर्वतः पाशाः क्षीयन्ते सर्वशत्रवः । न कृन्तन्ति मनांस्य् आशा गृहाणीव दुराखवः

truṭyanti sarvataḥ pāśāḥ kṣīyante sarvaśatravaḥ / na kṛntanti manāṃsy āśā gṛhāṇīva durākhavaḥ

Sanskrit only: no published translation is held for this verse.

अस्मिन् दृष्टे जगद् दृष्टं श्रुते ऽस्मिन् सकलं श्रुतम् । स्पृष्टे चास्मिञ् जगत् स्पृष्टं स्थिते ऽस्मिन् संस्थितं जगत्

asmin dṛṣṭe jagad dṛṣṭaṃ śrute 'smin sakalaṃ śrutam / spṛṣṭe cāsmiñ jagat spṛṣṭaṃ sthite 'smin saṃsthitaṃ jagat

Sanskrit only: no published translation is held for this verse.

एष जागर्ति सुप्तानां प्रहरत्य् अविवेकिनाम् । हरत्य् आपदम् आर्तानां वितरत्य् अमहात्मनाम्

eṣa jāgarti suptānāṃ praharaty avivekinām / haraty āpadam ārtānāṃ vitaraty amahātmanām

Sanskrit only: no published translation is held for this verse.

विचरत्य् एष लोकेषु दीप एव जगत्स्थितौ । विलसत्य् एष भोगेषु प्रस्फुरत्य् एष वस्तुषु

vicaraty eṣa lokeṣu dīpa eva jagatsthitau / vilasaty eṣa bhogeṣu prasphuraty eṣa vastuṣu

Sanskrit only: no published translation is held for this verse.

आत्मनात्मानम् एवान्तश् शान्तेनानुभवन् भवी । स्थितस् सर्वेषु देहेषु तिक्तत्वं मरिचेष्व् इव

ātmanātmānam evāntaś śāntenānubhavan bhavī / sthitas sarveṣu deheṣu tiktatvaṃ mariceṣv iva

Sanskrit only: no published translation is held for this verse.

चेतनाकलनारूपी सबाह्याभ्यन्तराश्रितः । जगत्पदार्थसम्भारसत्तासामान्यम् आस्थितः

cetanākalanārūpī sabāhyābhyantarāśritaḥ / jagatpadārthasambhārasattāsāmānyam āsthitaḥ

Sanskrit only: no published translation is held for this verse.

एष शून्यत्वम् आकाशे स्पन्द एष सदागतौ । प्रकाशश् चैष तेजस्सु पयस्य् एष रसः परः

eṣa śūnyatvam ākāśe spanda eṣa sadāgatau / prakāśaś caiṣa tejassu payasy eṣa rasaḥ paraḥ

Sanskrit only: no published translation is held for this verse.

काठिन्यम् अवनाव् एष औष्ण्यम् एष हुताशने । शैत्यम् एष निशानाथे सत्ता चैष जगद्गणे

kāṭhinyam avanāv eṣa auṣṇyam eṣa hutāśane / śaityam eṣa niśānāthe sattā caiṣa jagadgaṇe

Sanskrit only: no published translation is held for this verse.

मषीपिण्डे यथा कार्ष्ण्यं शौक्ल्यं हिमकणे यथा । यथा पुष्पेषु सौगन्ध्यं देहे देहपतिस् तथा

maṣīpiṇḍe yathā kārṣṇyaṃ śauklyaṃ himakaṇe yathā / yathā puṣpeṣu saugandhyaṃ dehe dehapatis tathā

Sanskrit only: no published translation is held for this verse.

यथा सर्वगता सत्ता कालस् सर्वगतो यथा । यथा सर्वगतं व्योम विभुस् सर्वगतस् तथा

yathā sarvagatā sattā kālas sarvagato yathā / yathā sarvagataṃ vyoma vibhus sarvagatas tathā

Sanskrit only: no published translation is held for this verse.

प्रभुशक्तिर् महीपस्य सर्वदेशगता यथा । रूपालोकमनस्कारमुक्तं सत्त्वं तथात्मनः

prabhuśaktir mahīpasya sarvadeśagatā yathā / rūpālokamanaskāramuktaṃ sattvaṃ tathātmanaḥ

Sanskrit only: no published translation is held for this verse.

नित्यस् सो ऽयम् अहं देवो देवानाम् अवबोधकः । स्वयम् आत्मास्मि मे नास्ति कलनावित् किलेतरा

nityas so 'yam ahaṃ devo devānām avabodhakaḥ / svayam ātmāsmi me nāsti kalanāvit kiletarā

Sanskrit only: no published translation is held for this verse.

रेणुनेवाणुना व्योम्नि पद्मपत्त्र इवाम्भसा । सम्भ्रमेणेव पाषाणे सम्बन्धो मयि नैनसा

reṇunevāṇunā vyomni padmapattra ivāmbhasā / sambhrameṇeva pāṣāṇe sambandho mayi nainasā

Sanskrit only: no published translation is held for this verse.

सुखदुःखश्रियो देहे मा पतन्तु पतन्तु वा । तुम्बकोपरि धाराश् च का नः क्षतिर् उपस्थिता

sukhaduḥkhaśriyo dehe mā patantu patantu vā / tumbakopari dhārāś ca kā naḥ kṣatir upasthitā

Sanskrit only: no published translation is held for this verse.

दीपाङ्गाभिगतो रज्ज्वा नालोको बध्यते यथा । तथैवायम् अबद्धो ऽहं सर्वभावगणातिगः

dīpāṅgābhigato rajjvā nāloko badhyate yathā / tathaivāyam abaddho 'haṃ sarvabhāvagaṇātigaḥ

Sanskrit only: no published translation is held for this verse.

सम्बन्धः को नु नः कामैर् भावाभावैर् अथेन्द्रियैः । केन सम्बध्यते व्योम केन वा गृह्यते मनः

sambandhaḥ ko nu naḥ kāmair bhāvābhāvair athendriyaiḥ / kena sambadhyate vyoma kena vā gṛhyate manaḥ

Sanskrit only: no published translation is held for this verse.

शरीरे शतधा याते खण्डना का शरीरिणः । कुम्भे रुग्णे क्षते क्षीणे कुम्भाकाशस्य का क्षतिः

śarīre śatadhā yāte khaṇḍanā kā śarīriṇaḥ / kumbhe rugṇe kṣate kṣīṇe kumbhākāśasya kā kṣatiḥ

Sanskrit only: no published translation is held for this verse.

पिशाचक इवादृश्यो मनो नामोदितं मुधा । जडे तस्मिन् क्षते बोधात् का नः क्षतिर् उपस्थिता

piśācaka ivādṛśyo mano nāmoditaṃ mudhā / jaḍe tasmin kṣate bodhāt kā naḥ kṣatir upasthitā

Sanskrit only: no published translation is held for this verse.

सुखदुःखमयी यस्य वासना तन् मनो मम । अभवत् पूर्वम् अद्यैका सम्पन्ना ननु निर्वृतिः

sukhaduḥkhamayī yasya vāsanā tan mano mama / abhavat pūrvam adyaikā sampannā nanu nirvṛtiḥ

Sanskrit only: no published translation is held for this verse.

अन्यो भुङ्क्ते ऽन्य आदत्ते ऽप्य् अन्यस्यानर्थसङ्कटः । अन्यः पश्यत्य् अहो मौर्ख्यं कस्येयं खलु चक्रिका

anyo bhuṅkte 'nya ādatte 'py anyasyānarthasaṅkaṭaḥ / anyaḥ paśyaty aho maurkhyaṃ kasyeyaṃ khalu cakrikā

Sanskrit only: no published translation is held for this verse.

भुङ्क्ते प्रकृतिर् आदत्ते मनो देहस्य सङ्कटः । द्रष्टात्मा मौर्ख्यम् अस्तीह न किञ्चित् केव मे क्षतिः

bhuṅkte prakṛtir ādatte mano dehasya saṅkaṭaḥ / draṣṭātmā maurkhyam astīha na kiñcit keva me kṣatiḥ

Sanskrit only: no published translation is held for this verse.

न मे भोगस्थितौ वाञ्छा न च भोगविवर्जने । यद् आयाति तद् आयातु यत् प्रयाति प्रयातु तत्

na me bhogasthitau vāñchā na ca bhogavivarjane / yad āyāti tad āyātu yat prayāti prayātu tat

Sanskrit only: no published translation is held for this verse.

सुखेषु मम नापेक्षा नोपेक्षा दुःखवृत्तिषु । सुखदुःखान्य् उपायान्तु यान्तु वाप्य् अहम् एषु कः

sukheṣu mama nāpekṣā nopekṣā duḥkhavṛttiṣu / sukhaduḥkhāny upāyāntu yāntu vāpy aham eṣu kaḥ

Sanskrit only: no published translation is held for this verse.

वासना विविधा देहे त्व् अस्तं वोदयम् एव वा । प्रयान्तु नाहम् एतासु न चैता मम काश्चन

vāsanā vividhā dehe tv astaṃ vodayam eva vā / prayāntu nāham etāsu na caitā mama kāścana

Sanskrit only: no published translation is held for this verse.

एतावन्तम् अहं कालम् अज्ञानरिपुणोरुणा । हृत्वा विवेकसर्वस्वम् एकान्तम् अवपोथितः

etāvantam ahaṃ kālam ajñānaripuṇoruṇā / hṛtvā vivekasarvasvam ekāntam avapothitaḥ

Sanskrit only: no published translation is held for this verse.

वैष्णवेन प्रसादेन स्वसमुत्थेन चारुणा । इदानीं स्वं परिज्ञाय मयैष परिपोथितः

vaiṣṇavena prasādena svasamutthena cāruṇā / idānīṃ svaṃ parijñāya mayaiṣa paripothitaḥ

Sanskrit only: no published translation is held for this verse.

अहङ्कारपिशाचो ऽयं शरीरतरुकोटरात् । परावबोधमन्त्रेण मयेदानीम् अपाकृतः

ahaṅkārapiśāco 'yaṃ śarīratarukoṭarāt / parāvabodhamantreṇa mayedānīm apākṛtaḥ

Sanskrit only: no published translation is held for this verse.

निरहङ्कारयक्षो ऽयं मच्छरीरमहाद्रुमः । पुण्यताम् अलम् आयातः प्रफुल्त इव राजते

nirahaṅkārayakṣo 'yaṃ maccharīramahādrumaḥ / puṇyatām alam āyātaḥ praphulta iva rājate

Sanskrit only: no published translation is held for this verse.

प्रशान्तमोहदारिद्र्यो दुराशादोषसङ्क्षये । विवेकधनसम्भारात् स्थितो ऽस्मि परमेश्वरः

praśāntamohadāridryo durāśādoṣasaṅkṣaye / vivekadhanasambhārāt sthito 'smi parameśvaraḥ

Sanskrit only: no published translation is held for this verse.

ज्ञातं ज्ञातव्यम् अखिलं दृष्टा द्रष्टव्यदृष्टयः । तत् प्राप्तम् अधुना येन न प्राप्यम् इह शिष्यते

jñātaṃ jñātavyam akhilaṃ dṛṣṭā draṣṭavyadṛṣṭayaḥ / tat prāptam adhunā yena na prāpyam iha śiṣyate

Sanskrit only: no published translation is held for this verse.

दिष्ट्या दूरोज्झितानर्थाम् अपेतविषयोरगाम् । संशान्तमोहनीहारां शान्ताशामृगतृष्णिकाम्

diṣṭyā dūrojjhitānarthām apetaviṣayoragām / saṃśāntamohanīhārāṃ śāntāśāmṛgatṛṣṇikām

Sanskrit only: no published translation is held for this verse.

रजोरहितसर्वाशां शीतलोपशमद्रुमाम् । प्राप्तो ऽस्मि विततां भूमिम् उन्नतां पारमार्थिकीम्

rajorahitasarvāśāṃ śītalopaśamadrumām / prāpto 'smi vitatāṃ bhūmim unnatāṃ pāramārthikīm

Sanskrit only: no published translation is held for this verse.

स्तुत्या प्रणत्या विज्ञप्त्या शमेन नियमेन च । लब्धो ऽयं भगवान् आत्मा दृष्टश् चाधिगतस् स्फुटम्

stutyā praṇatyā vijñaptyā śamena niyamena ca / labdho 'yaṃ bhagavān ātmā dṛṣṭaś cādhigatas sphuṭam

Sanskrit only: no published translation is held for this verse.

अहङ्कारपदातीतश् चिरात् संस्मृतिम् आगतः । स्वभावो भगवान् आत्मा विष्णुर् ब्रह्म सनातनम्

ahaṅkārapadātītaś cirāt saṃsmṛtim āgataḥ / svabhāvo bhagavān ātmā viṣṇur brahma sanātanam

Sanskrit only: no published translation is held for this verse.

इन्द्रियोरगगर्तेषु मरणश्वभ्रभूमिषु । तृष्णाकरञ्जकुञ्जेषु कामकोलाहलेषु च

indriyoragagarteṣu maraṇaśvabhrabhūmiṣu / tṛṣṇākarañjakuñjeṣu kāmakolāhaleṣu ca

Sanskrit only: no published translation is held for this verse.

वासनावनजालेषु जन्मकूपान्तरेषु च । दुःखदावाग्निदाहेषु दुष्कृताङ्गारभारिषु

vāsanāvanajāleṣu janmakūpāntareṣu ca / duḥkhadāvāgnidāheṣu duṣkṛtāṅgārabhāriṣu

Sanskrit only: no published translation is held for this verse.

पातोत्पातदशालक्षैर् मज्जनोन्मज्जनभ्रमैः । आविर्भावतिरोभावैर् आशापाशविवेष्टनैः

pātotpātadaśālakṣair majjanonmajjanabhramaiḥ / āvirbhāvatirobhāvair āśāpāśaviveṣṭanaiḥ

Sanskrit only: no published translation is held for this verse.

अहं चिरम् अहङ्कारद्विषा समवपोथितः । निशायाम् अल्पधैर्यात्मा पिशाचेनेव जङ्गले

ahaṃ ciram ahaṅkāradviṣā samavapothitaḥ / niśāyām alpadhairyātmā piśāceneva jaṅgale

Sanskrit only: no published translation is held for this verse.

स्वयम् एव त्वयेदानीं क्रियाशक्त्या स्वयैव हि । शौरिवाग्व्यपदेशेन विवेकश्रीर् विबोधिता

svayam eva tvayedānīṃ kriyāśaktyā svayaiva hi / śaurivāgvyapadeśena vivekaśrīr vibodhitā

Sanskrit only: no published translation is held for this verse.

प्रबुद्धे भवतीशाने तम् अहङ्कारराक्षसम् । न पश्यामि विभो दीपे ज्वलिते तिमिरं यथा

prabuddhe bhavatīśāne tam ahaṅkārarākṣasam / na paśyāmi vibho dīpe jvalite timiraṃ yathā

Sanskrit only: no published translation is held for this verse.

तस्याहङ्कारयक्षस्य मनोविवरवासिनः । दीपस्येव प्रशान्तस्य न वेद्मि गतिम् ईश्वर

tasyāhaṅkārayakṣasya manovivaravāsinaḥ / dīpasyeva praśāntasya na vedmi gatim īśvara

Sanskrit only: no published translation is held for this verse.

दृष्ट एव त्वयीशाने पलायनपरायणः । सम्पन्नो मदहम्भावश् चौरस् सूर्योदये यथा

dṛṣṭa eva tvayīśāne palāyanaparāyaṇaḥ / sampanno madahambhāvaś cauras sūryodaye yathā

Sanskrit only: no published translation is held for this verse.

असदभ्युत्थिते तस्मिन्न् अहङ्कारपिशाचके । शान्ते तिष्ठाम्य् अतिस्वस्थो निर्गोनास इव द्रुमः

asadabhyutthite tasminn ahaṅkārapiśācake / śānte tiṣṭhāmy atisvastho nirgonāsa iva drumaḥ

Sanskrit only: no published translation is held for this verse.

शाम्यामि परिनिर्वामि जागर्म्य् अस्मि प्रबोधवान् । तस्करेणावमुक्तो ऽस्मि निर्वृतो ऽस्मि चिराद् अयम्

śāmyāmi parinirvāmi jāgarmy asmi prabodhavān / taskareṇāvamukto 'smi nirvṛto 'smi cirād ayam

Sanskrit only: no published translation is held for this verse.

शैत्यम् अभ्यागतो ऽस्म्य् अन्तश् शान्ताशामृगतृष्णिकः । प्रावृडम्बुभरस्नातश् शान्तदाव इवाचलः

śaityam abhyāgato 'smy antaś śāntāśāmṛgatṛṣṇikaḥ / prāvṛḍambubharasnātaś śāntadāva ivācalaḥ

Sanskrit only: no published translation is held for this verse.

प्रमार्जिते ऽहम् इत्य् अस्मिन् पदे सार्थे विचारतः । को मोहः कानि दुःखानि काः कदाशाः क आतपः

pramārjite 'ham ity asmin pade sārthe vicārataḥ / ko mohaḥ kāni duḥkhāni kāḥ kadāśāḥ ka ātapaḥ

Sanskrit only: no published translation is held for this verse.

नरकस्वर्गमोक्षादिभ्रमास् सत्याम् अहङ्कृतौ । भित्ताव् एव प्रवर्तन्ते चित्रेहा न नभस्तले

narakasvargamokṣādibhramās satyām ahaṅkṛtau / bhittāv eva pravartante citrehā na nabhastale

Sanskrit only: no published translation is held for this verse.

अहङ्कारकलापीने चित्ते सारचमत्कृतिः । न राजते ऽंशुके म्लाने यथा कुङ्कुमरञ्जना

ahaṅkārakalāpīne citte sāracamatkṛtiḥ / na rājate 'ṃśuke mlāne yathā kuṅkumarañjanā

Sanskrit only: no published translation is held for this verse.

निरहङ्कारजलदे तृष्णासारविवर्जिते । भाति चित्तशरद्व्योम्नि स्वच्छता कान्तिशालिनी

nirahaṅkārajalade tṛṣṇāsāravivarjite / bhāti cittaśaradvyomni svacchatā kāntiśālinī

Sanskrit only: no published translation is held for this verse.

निरहङ्कारपङ्काय सम्प्रसन्नान्तराय च । मह्यम् आनन्दसरसे तुभ्यम् आत्मन् नमो नमः

nirahaṅkārapaṅkāya samprasannāntarāya ca / mahyam ānandasarase tubhyam ātman namo namaḥ

Sanskrit only: no published translation is held for this verse.

गताहङ्कारमेघाय शान्ताशादाववह्नये । मह्यम् आनन्दशैलाय विश्रान्ताय नमो नमः

gatāhaṅkārameghāya śāntāśādāvavahnaye / mahyam ānandaśailāya viśrāntāya namo namaḥ

Sanskrit only: no published translation is held for this verse.

शान्तेन्द्रियोग्रग्राहाय क्षीणचित्तौर्ववह्नये । आनन्दाम्बुधये तुभ्यं मह्यम् आत्मन् नमो नमः

śāntendriyogragrāhāya kṣīṇacittaurvavahnaye / ānandāmbudhaye tubhyaṃ mahyam ātman namo namaḥ

Sanskrit only: no published translation is held for this verse.

प्रफुल्तानन्दपद्माय शान्तचिन्तामहोर्मये । मह्यम् उन्मानसायात्मंस् तुभ्यम् अन्तर् नमो नमः

praphultānandapadmāya śāntacintāmahormaye / mahyam unmānasāyātmaṃs tubhyam antar namo namaḥ

Sanskrit only: no published translation is held for this verse.

संविदाभासपक्षाय पद्मकोटरवासिने । सर्वमानसहंसाय स्वात्मने ऽन्तर् नमो नमः

saṃvidābhāsapakṣāya padmakoṭaravāsine / sarvamānasahaṃsāya svātmane 'ntar namo namaḥ

Sanskrit only: no published translation is held for this verse.

कलाकलितरूपाय निष्कलायामितात्मने । सदोदितातिपूर्णात्मशशिने ते नमो नमः

kalākalitarūpāya niṣkalāyāmitātmane / sadoditātipūrṇātmaśaśine te namo namaḥ

Sanskrit only: no published translation is held for this verse.

सदोदिताय शीताय महाहृद्ध्वान्तहारिणे । सर्वगायाप्य् अदृश्याय चित्सूर्याय नमो नमः

sadoditāya śītāya mahāhṛddhvāntahāriṇe / sarvagāyāpy adṛśyāya citsūryāya namo namaḥ

Sanskrit only: no published translation is held for this verse.

अस्नेहस्नेहदीप्राय वर्त्यतिक्रान्तवर्तिने । स्वभावाधारधीराय चिद्दीपाय नमो नमः

asnehasnehadīprāya vartyatikrāntavartine / svabhāvādhāradhīrāya ciddīpāya namo namaḥ

Sanskrit only: no published translation is held for this verse.

मननानलसन्तप्तं शीतेन मनसा मनः । छिन्नम् अन्तर् मया तप्तम् अयसेव बलाद् अयः

mananānalasantaptaṃ śītena manasā manaḥ / chinnam antar mayā taptam ayaseva balād ayaḥ

Sanskrit only: no published translation is held for this verse.

इन्द्रियैर् इन्द्रियं छित्त्वा छित्त्वा च मनसा मनः । अहङ्कृतिम् अहङ्कृत्या छित्त्वा शेषो जयाम्य् अहम्

indriyair indriyaṃ chittvā chittvā ca manasā manaḥ / ahaṅkṛtim ahaṅkṛtyā chittvā śeṣo jayāmy aham

Sanskrit only: no published translation is held for this verse.

भावेन भावम् आमृद्य च्छित्त्वा तृष्णाम् अतृष्णया । निष्पिष्य प्रज्ञयाप्रज्ञां ज्ञे ऽज्ञस् संयोजितो मया

bhāvena bhāvam āmṛdya cchittvā tṛṣṇām atṛṣṇayā / niṣpiṣya prajñayāprajñāṃ jñe 'jñas saṃyojito mayā

Sanskrit only: no published translation is held for this verse.

मनसा मनसि च्छिन्ने निरहङ्कारतां गते । भावेन गलिते भावे स्वस्थस् तिष्ठामि केवलः

manasā manasi cchinne nirahaṅkāratāṃ gate / bhāvena galite bhāve svasthas tiṣṭhāmi kevalaḥ

Sanskrit only: no published translation is held for this verse.

निर्भावं निरहङ्कारम् अमनस्कम् अनीहितम् । केवलस्पन्दशुद्धात्म यन्त्रं तिष्ठति मे वपुः

nirbhāvaṃ nirahaṅkāram amanaskam anīhitam / kevalaspandaśuddhātma yantraṃ tiṣṭhati me vapuḥ

Sanskrit only: no published translation is held for this verse.

हेलानुकल्पितानन्तविश्वैकव्यवसायिनी । परमोपशमोपेता जातेयं मम निर्वृतिः

helānukalpitānantaviśvaikavyavasāyinī / paramopaśamopetā jāteyaṃ mama nirvṛtiḥ

Sanskrit only: no published translation is held for this verse.

प्रशान्तमोहवेतालो गताहङ्कारराक्षसः । कदाशारूपिकामुक्तो जातो ऽस्मि विगतज्वरः

praśāntamohavetālo gatāhaṅkārarākṣasaḥ / kadāśārūpikāmukto jāto 'smi vigatajvaraḥ

Sanskrit only: no published translation is held for this verse.

तृष्णारज्जुगणं छित्त्वा मच्छरीरकपञ्जरात् । न जाने क्व गतोड्डीय दुरहङ्कृतिपक्षिणी

tṛṣṇārajjugaṇaṃ chittvā maccharīrakapañjarāt / na jāne kva gatoḍḍīya durahaṅkṛtipakṣiṇī

Sanskrit only: no published translation is held for this verse.

उद्धूलिते घनाज्ञानकुलाये कायपादपात् । न जाने गत उड्डीय क्वाहम्भावविहङ्गमः

uddhūlite ghanājñānakulāye kāyapādapāt / na jāne gata uḍḍīya kvāhambhāvavihaṅgamaḥ

Sanskrit only: no published translation is held for this verse.

दुराशादीर्घदौरात्म्या धूसरा भोगभस्मना । भयभोगिहता दिष्ट्या वयस्या वासना मृता

durāśādīrghadaurātmyā dhūsarā bhogabhasmanā / bhayabhogihatā diṣṭyā vayasyā vāsanā mṛtā

Sanskrit only: no published translation is held for this verse.

एतावन्तम् अहं कालं को ऽभूवं चित्तम् ईदृशम् । येनाहम् एव मिथ्यैव दृढाहङ्कारतां गतः

etāvantam ahaṃ kālaṃ ko 'bhūvaṃ cittam īdṛśam / yenāham eva mithyaiva dṛḍhāhaṅkāratāṃ gataḥ

Sanskrit only: no published translation is held for this verse.

अद्याहम् अस्मि जातो ऽयम् अहम् अद्य महामतिः । अहङ्कारमहाभ्रेण यः कृष्णेनालम् उज्झितः

adyāham asmi jāto 'yam aham adya mahāmatiḥ / ahaṅkāramahābhreṇa yaḥ kṛṣṇenālam ujjhitaḥ

Sanskrit only: no published translation is held for this verse.

दृष्टो ऽयम् आत्मा भगवान् अन्तश् चाधिगतो मया । आलब्धश् चानुभूतो ऽङ्गे सानुभूतिर् नियोजितः

dṛṣṭo 'yam ātmā bhagavān antaś cādhigato mayā / ālabdhaś cānubhūto 'ṅge sānubhūtir niyojitaḥ

Sanskrit only: no published translation is held for this verse.

गतास्पदं गतमननं गतैषणं तिरस्कृतं निपुणम् अहङ्कृतिभ्रमे । निरीहितं व्यपगतरागरञ्जनं विकौतुकं प्रशमम् इदं गतं मनः

gatāspadaṃ gatamananaṃ gataiṣaṇaṃ tiraskṛtaṃ nipuṇam ahaṅkṛtibhrame / nirīhitaṃ vyapagatarāgarañjanaṃ vikautukaṃ praśamam idaṃ gataṃ manaḥ

Sanskrit only: no published translation is held for this verse.

दुरुत्तरास् समविषमा महापदस् सुदुस्सहाः प्रभवनदीर्घदोषदाः । गताः क्षयं समधिगतो महेश्वरश् चिदव्ययो व्यपगतचित्तम् अन्तरे

duruttarās samaviṣamā mahāpadas sudussahāḥ prabhavanadīrghadoṣadāḥ / gatāḥ kṣayaṃ samadhigato maheśvaraś cidavyayo vyapagatacittam antare

Sanskrit only: no published translation is held for this verse.