Library·Moksopaya with Bhaskarakantha's Tika·5·5.36
आत्मन् सर्वपदातीत चिरात् संस्मृतिम् आगतः । दिष्ट्या लब्धो ऽसि भगवन् नमस् ते ऽस्तु चिदात्मने
ātman sarvapadātīta cirāt saṃsmṛtim āgataḥ / diṣṭyā labdho 'si bhagavan namas te 'stu cidātmane
Sanskrit only: no published translation is held for this verse.
अभिवन्द्यावलोक्यायम् अलम् आलिङ्ग्यसे मया । को ऽन्यस् स्याद् भगवन् बन्धुस् त्वदृते भुवनत्रये
abhivandyāvalokyāyam alam āliṅgyase mayā / ko 'nyas syād bhagavan bandhus tvadṛte bhuvanatraye
Sanskrit only: no published translation is held for this verse.
हंसि पासि ददासि त्वं स्तौषि यासि विवल्गसि । अयं प्राप्तो ऽसि दृष्टो ऽसि किं करोषि क्व गच्छसि
haṃsi pāsi dadāsi tvaṃ stauṣi yāsi vivalgasi / ayaṃ prāpto 'si dṛṣṭo 'si kiṃ karoṣi kva gacchasi
Sanskrit only: no published translation is held for this verse.
स्वसत्तापूरिताशेषविश्व विश्वजनीन हे । सर्वत्र लक्ष्यसे नित्यम् अधुना क्व पलायसे
svasattāpūritāśeṣaviśva viśvajanīna he / sarvatra lakṣyase nityam adhunā kva palāyase
Sanskrit only: no published translation is held for this verse.
आवयोर् अन्तरं भूरिजन्मव्यवहितान्तरम् । अदूरम् अद्य सम्पन्नं दिष्ट्या दृष्टो ऽसि बान्धव
āvayor antaraṃ bhūrijanmavyavahitāntaram / adūram adya sampannaṃ diṣṭyā dṛṣṭo 'si bāndhava
Sanskrit only: no published translation is held for this verse.
नमस् ते कृतकृत्याय कर्त्रे हर्त्रे नमो ऽस्तु ते । नमस् संसारनृत्याय नित्याय विमलात्मने
namas te kṛtakṛtyāya kartre hartre namo 'stu te / namas saṃsāranṛtyāya nityāya vimalātmane
Sanskrit only: no published translation is held for this verse.
नमश् चक्राब्जहस्ताय नमश् चन्द्रार्धधारिणे । नमो विबुधनाथाय नमस् ते पद्मजन्मने
namaś cakrābjahastāya namaś candrārdhadhāriṇe / namo vibudhanāthāya namas te padmajanmane
Sanskrit only: no published translation is held for this verse.
वाच्यवाचकदृष्ट्यैव भेदो यो ऽयम् इहावयोः । असत्या कल्पनैवैषा वीचिवीच्यम्भसोर् इव
vācyavācakadṛṣṭyaiva bhedo yo 'yam ihāvayoḥ / asatyā kalpanaivaiṣā vīcivīcyambhasor iva
Sanskrit only: no published translation is held for this verse.
त्वम् एवानन्तयानन्तवस्तुवैचित्र्यरूपया । भावाभावविलासिन्या नित्ययेह विजृम्भसे
tvam evānantayānantavastuvaicitryarūpayā / bhāvābhāvavilāsinyā nityayeha vijṛmbhase
Sanskrit only: no published translation is held for this verse.
नमो द्रष्ट्रे नमस् त्वष्ट्रे नमो ऽनन्तविकासिने । नमस् सर्वस्वभावाय नमस् ते सर्वगामिने
namo draṣṭre namas tvaṣṭre namo 'nantavikāsine / namas sarvasvabhāvāya namas te sarvagāmine
Sanskrit only: no published translation is held for this verse.
प्रतिजन्म चिरं बह्व्यो दीर्घदुःखवता मया । त्वया मायोपदग्धेन दिग्धेन महतैनसा
pratijanma ciraṃ bahvyo dīrghaduḥkhavatā mayā / tvayā māyopadagdhena digdhena mahatainasā
Sanskrit only: no published translation is held for this verse.
आलोकिता लोकदशा दृष्टा दृष्टान्तदृष्टयः । न प्राप्तस् त्वं त्वया येन किञ्चिद् आसादितं भवेत्
ālokitā lokadaśā dṛṣṭā dṛṣṭāntadṛṣṭayaḥ / na prāptas tvaṃ tvayā yena kiñcid āsāditaṃ bhavet
Sanskrit only: no published translation is held for this verse.
सर्वं मृत्काष्ठपाषाणवारिमात्रम् इदं जगत् । नेहास्ति त्वदृते देव यत्प्राप्तौ नाभिवाञ्छ्यते
sarvaṃ mṛtkāṣṭhapāṣāṇavārimātram idaṃ jagat / nehāsti tvadṛte deva yatprāptau nābhivāñchyate
Sanskrit only: no published translation is held for this verse.
देवायम् अद्य लब्धो ऽसि दृष्टो ऽस्य् अधिगतो ऽसि च । सम्प्राप्तो ऽसि गृहीतो ऽसि नमस् ते ऽस्तु न मुच्यसे
devāyam adya labdho 'si dṛṣṭo 'sy adhigato 'si ca / samprāpto 'si gṛhīto 'si namas te 'stu na mucyase
Sanskrit only: no published translation is held for this verse.
यो ऽक्ष्णोः कनीनिकारश्मिजालप्रोतवपुस् स्थितः । देवो दर्शनरूपेण कथं सो ऽन्तर् न दृश्यते
yo 'kṣṇoḥ kanīnikāraśmijālaprotavapus sthitaḥ / devo darśanarūpeṇa kathaṃ so 'ntar na dṛśyate
Sanskrit only: no published translation is held for this verse.
यस् त्वक्पुष्पे स्पृशन् स्पर्शगन्धं तैलं तिले यथा । स्पर्शम् अन्तः करोत्य् एष स कथं नानुभूयते
yas tvakpuṣpe spṛśan sparśagandhaṃ tailaṃ tile yathā / sparśam antaḥ karoty eṣa sa kathaṃ nānubhūyate
Sanskrit only: no published translation is held for this verse.
यश् शब्दश्रवणाद् अन्तश् शब्दशक्तिं परामृशन् । रोमाञ्चं जनयत्य् अङ्गे स दूरस्थः कथं भवेत्
yaś śabdaśravaṇād antaś śabdaśaktiṃ parāmṛśan / romāñcaṃ janayaty aṅge sa dūrasthaḥ kathaṃ bhavet
Sanskrit only: no published translation is held for this verse.
जिह्वापल्लवलग्नानि स्वतीतस्याङ्गतो ऽपि च । स्वदन्ते यस्य वस्तूनि स्वदते स न कस्य वा
jihvāpallavalagnāni svatītasyāṅgato 'pi ca / svadante yasya vastūni svadate sa na kasya vā
Sanskrit only: no published translation is held for this verse.
पुष्पगन्धान् उपादाय घ्राणहस्तेन देहकम् । य आलेपयति प्रीत्या कस्यासौ न मुखे स्थितः
puṣpagandhān upādāya ghrāṇahastena dehakam / ya ālepayati prītyā kasyāsau na mukhe sthitaḥ
Sanskrit only: no published translation is held for this verse.
वेदवेदान्तसिद्धान्ततर्कपौराणगीतिभिः । यो गीतस् स कथं ह्य् आत्मा विज्ञातो याति विस्मृतिम्
vedavedāntasiddhāntatarkapaurāṇagītibhiḥ / yo gītas sa kathaṃ hy ātmā vijñāto yāti vismṛtim
Sanskrit only: no published translation is held for this verse.
सैवेह देव भोगाली सुभगापीयम् अद्य मे । अन्तर् न स्वदते स्वच्छे त्वयि दृष्टे परापरे
saiveha deva bhogālī subhagāpīyam adya me / antar na svadate svacche tvayi dṛṣṭe parāpare
Sanskrit only: no published translation is held for this verse.
त्वया विमलदीपेन भानुः प्रकटतां गतः । त्वया शीततुषारेण चन्द्रश् शिशिरतां गतः
tvayā vimaladīpena bhānuḥ prakaṭatāṃ gataḥ / tvayā śītatuṣāreṇa candraś śiśiratāṃ gataḥ
Sanskrit only: no published translation is held for this verse.
त्वयैते गुरवश् शैलास् त्वयैते द्युचरा धृताः । त्वयैवेयं धरा धीरा त्वयैवाम्बरम् अम्बरम्
tvayaite guravaś śailās tvayaite dyucarā dhṛtāḥ / tvayaiveyaṃ dharā dhīrā tvayaivāmbaram ambaram
Sanskrit only: no published translation is held for this verse.
दिष्ट्या मत्ताम् असि प्राप्तो दिष्ट्या त्वत्ताम् अहं गतः । अहं त्वं त्वम् अहं देव दिष्ट्या भेदो ऽस्ति नावयोः
diṣṭyā mattām asi prāpto diṣṭyā tvattām ahaṃ gataḥ / ahaṃ tvaṃ tvam ahaṃ deva diṣṭyā bhedo 'sti nāvayoḥ
Sanskrit only: no published translation is held for this verse.
अहं त्वम् इति शब्दाभ्यां पर्यायाभ्यां महात्मनः । तव वा मम वा साधो सम्पृक्ताभ्यां नमो नमः
ahaṃ tvam iti śabdābhyāṃ paryāyābhyāṃ mahātmanaḥ / tava vā mama vā sādho sampṛktābhyāṃ namo namaḥ
Sanskrit only: no published translation is held for this verse.
नमो मह्यम् अनन्ताय निरहङ्काररूपिणे । नमो मह्यम् अरूपाय नमश् शमनसद्मने
namo mahyam anantāya nirahaṅkārarūpiṇe / namo mahyam arūpāya namaś śamanasadmane
Sanskrit only: no published translation is held for this verse.
मय्य् आत्मनि समे स्वच्छे साक्षिभूते निराकृतौ । दिक्कालाद्यनवच्छिन्ने स्वात्मन्य् एवेह तिष्ठति
mayy ātmani same svacche sākṣibhūte nirākṛtau / dikkālādyanavacchinne svātmany eveha tiṣṭhati
Sanskrit only: no published translation is held for this verse.
मनः प्रक्षोभम् आयाति स्फुरन्तीन्द्रियसंविदः । शक्तिर् उल्लसति स्फारा प्राणापानप्रवाहिनी
manaḥ prakṣobham āyāti sphurantīndriyasaṃvidaḥ / śaktir ullasati sphārā prāṇāpānapravāhinī
Sanskrit only: no published translation is held for this verse.
वहन्ति देहयन्त्राणि कृष्टान्य् आशावरत्रया । चर्ममांसास्थिदिग्धानि मनस्सारथिमन्ति च
vahanti dehayantrāṇi kṛṣṭāny āśāvaratrayā / carmamāṃsāsthidigdhāni manassārathimanti ca
Sanskrit only: no published translation is held for this verse.
अयं संविद्वपुर् अहं न क्वचिन् न कृतास्पदः । देहः पततु वोदेतु स्वयाभिमतयेच्छया
ayaṃ saṃvidvapur ahaṃ na kvacin na kṛtāspadaḥ / dehaḥ patatu vodetu svayābhimatayecchayā
Sanskrit only: no published translation is held for this verse.
चिराद् अहम् अहं जातस् स्वात्मलाभश् चिराद् अयम् । चिराद् उपशमं यामि कल्पस्यान्ते जगद् यथा
cirād aham ahaṃ jātas svātmalābhaś cirād ayam / cirād upaśamaṃ yāmi kalpasyānte jagad yathā
Sanskrit only: no published translation is held for this verse.
चिरात् संसारगामित्वाद् दीर्घसंसारवर्त्मनि । विश्रान्तो ऽस्मि चिरश्रान्तः कल्पस्यान्त इवानिलः
cirāt saṃsāragāmitvād dīrghasaṃsāravartmani / viśrānto 'smi ciraśrāntaḥ kalpasyānta ivānilaḥ
Sanskrit only: no published translation is held for this verse.
सर्वातीताय सर्वाय तुभ्यं मह्यं नमो नमः । तेभ्यो ऽपि च नमो ऽस्त्व् एव ये त्वां मां प्रवदन्ति वा
sarvātītāya sarvāya tubhyaṃ mahyaṃ namo namaḥ / tebhyo 'pi ca namo 'stv eva ye tvāṃ māṃ pravadanti vā
Sanskrit only: no published translation is held for this verse.
अखिलानन्तसम्भोगा न स्पृष्टा दोषदृष्टिभिः । जयत्य् अकृतसम्भारा साक्षिता परमात्मनः
akhilānantasambhogā na spṛṣṭā doṣadṛṣṭibhiḥ / jayaty akṛtasambhārā sākṣitā paramātmanaḥ
Sanskrit only: no published translation is held for this verse.
आत्मन् पुष्प इवामोदश् शस्त्रपिण्ड इवानलः । तिले तैलम् इवास्मिंस् त्वं सर्वत्र वपुषि स्थितः
ātman puṣpa ivāmodaś śastrapiṇḍa ivānalaḥ / tile tailam ivāsmiṃs tvaṃ sarvatra vapuṣi sthitaḥ
Sanskrit only: no published translation is held for this verse.
हंसि पासि ददासि त्वम् अवस्फूर्जसि वल्गसि । अनहङ्कृतिरूपो ऽपि चित्रेयं तव मायिता
haṃsi pāsi dadāsi tvam avasphūrjasi valgasi / anahaṅkṛtirūpo 'pi citreyaṃ tava māyitā
Sanskrit only: no published translation is held for this verse.
जयसीश ज्वलद्दीप्तिस् सर्वम् उन्मीलयञ् जगत् । जयस्य् अपगतारम्भं जगद् भूयो निमीलयन्
jayasīśa jvaladdīptis sarvam unmīlayañ jagat / jayasy apagatārambhaṃ jagad bhūyo nimīlayan
Sanskrit only: no published translation is held for this verse.
परमाणोस् तवैवान्तर् इदं संसारमण्डलम् । वटश् च वटधानायां बभूवास्ति भविष्यति
paramāṇos tavaivāntar idaṃ saṃsāramaṇḍalam / vaṭaś ca vaṭadhānāyāṃ babhūvāsti bhaviṣyati
Sanskrit only: no published translation is held for this verse.
हयद्विपरथाकारैर् यद्वत् खे दृश्यते ऽम्बुदः । तद्वद् आलक्ष्यसे देव पदार्थशतविभ्रमैः
hayadviparathākārair yadvat khe dṛśyate 'mbudaḥ / tadvad ālakṣyase deva padārthaśatavibhramaiḥ
Sanskrit only: no published translation is held for this verse.
भवानां भूरिभङ्गानाम् अभावाय भवाधिपः । भव भावविमुक्तात्मा भावाभावबहिष्कृतः
bhavānāṃ bhūribhaṅgānām abhāvāya bhavādhipaḥ / bhava bhāvavimuktātmā bhāvābhāvabahiṣkṛtaḥ
Sanskrit only: no published translation is held for this verse.
जहि मानं मदं कोपं कालुष्यं क्रूरतां तथा । न महान्तो निमज्जन्ति प्राकृते गुणसङ्कटे
jahi mānaṃ madaṃ kopaṃ kāluṣyaṃ krūratāṃ tathā / na mahānto nimajjanti prākṛte guṇasaṅkaṭe
Sanskrit only: no published translation is held for this verse.
प्राक्तनीर् दीर्घदौरात्म्यदशास् स्मृत्वा पुनः पुनः । को ऽहं किं तद् बभूवेति हस मुक्ताच्छटासितम्
prāktanīr dīrghadaurātmyadaśās smṛtvā punaḥ punaḥ / ko 'haṃ kiṃ tad babhūveti hasa muktācchaṭāsitam
Sanskrit only: no published translation is held for this verse.
ते प्रयातास् समारम्भा गतास् ते दग्धवासराः । येषु चिन्तानलज्वालाजालजीर्णो भवान् अभूत्
te prayātās samārambhā gatās te dagdhavāsarāḥ / yeṣu cintānalajvālājālajīrṇo bhavān abhūt
Sanskrit only: no published translation is held for this verse.
अद्य त्वं देहनगरे राजा स्फारमनोरथः । न दुःखैर् गृह्यसे नापि सुखैर् व्योम करैर् इव
adya tvaṃ dehanagare rājā sphāramanorathaḥ / na duḥkhair gṛhyase nāpi sukhair vyoma karair iva
Sanskrit only: no published translation is held for this verse.
अद्येन्द्रियदुरश्वांस् त्वं जित्वा जितमनोगजः । भोगारीन् अभितो भङ्क्त्वा साम्राज्यम् अधितिष्ठसि
adyendriyaduraśvāṃs tvaṃ jitvā jitamanogajaḥ / bhogārīn abhito bhaṅktvā sāmrājyam adhitiṣṭhasi
Sanskrit only: no published translation is held for this verse.
अपाराम्बरपान्थस् त्वम् अजस्रास्तमयोदयः । अवभासकरो नित्यं बहिर् अन्तश् च भास्करः
apārāmbarapānthas tvam ajasrāstamayodayaḥ / avabhāsakaro nityaṃ bahir antaś ca bhāskaraḥ
Sanskrit only: no published translation is held for this verse.
सर्वदैवासि संसुप्तश् शक्त्या संवेद्यसे विभो । भोगालोकनलीलार्थं कामिन्या कामुको यथा
sarvadaivāsi saṃsuptaś śaktyā saṃvedyase vibho / bhogālokanalīlārthaṃ kāminyā kāmuko yathā
Sanskrit only: no published translation is held for this verse.
दृक्क्षुद्राभिर् उपानीतं दूराद् रूपमधु त्वया । पीयते स्वीकृतं शक्त्या नेत्रवातायनस्थया
dṛkkṣudrābhir upānītaṃ dūrād rūpamadhu tvayā / pīyate svīkṛtaṃ śaktyā netravātāyanasthayā
Sanskrit only: no published translation is held for this verse.
ब्रह्माण्डकोटरोद्वान्ताः प्राणापानचरास् त्वया । गतागतैर् ब्रह्मपुरे सम्प्रेक्ष्यन्ते प्रतिक्षणम्
brahmāṇḍakoṭarodvāntāḥ prāṇāpānacarās tvayā / gatāgatair brahmapure samprekṣyante pratikṣaṇam
Sanskrit only: no published translation is held for this verse.
देहपुष्पे त्वम् आमोदो देहेन्दौ त्व् अमृतामृतम् । रसस् त्वं देहविटपे शैत्यं देहहिमे भवान्
dehapuṣpe tvam āmodo dehendau tv amṛtāmṛtam / rasas tvaṃ dehaviṭape śaityaṃ dehahime bhavān
Sanskrit only: no published translation is held for this verse.
त्वय्य् अस्ति चिन्मयस् स्नेहश् शरीरक्षीरसर्पिषि । त्वम् अन्तर् अस्य देहस्य दारुण्य् अग्निर् इव स्थितः
tvayy asti cinmayas snehaś śarīrakṣīrasarpiṣi / tvam antar asya dehasya dāruṇy agnir iva sthitaḥ
Sanskrit only: no published translation is held for this verse.
त्वम् अपाम् उत्तमास्वादः प्राकाश्यं तेजसाम् अपि । अवगन्ता त्वम् अर्थानां त्वं भासाम् अवभासकः
tvam apām uttamāsvādaḥ prākāśyaṃ tejasām api / avagantā tvam arthānāṃ tvaṃ bhāsām avabhāsakaḥ
Sanskrit only: no published translation is held for this verse.
स्पन्दस् त्वं सर्ववायूनां त्वं मनोहस्तिनो मदः । प्रज्ञानलशिखायास् त्वं प्राकाश्यं तैक्ष्ण्यम् एव च
spandas tvaṃ sarvavāyūnāṃ tvaṃ manohastino madaḥ / prajñānalaśikhāyās tvaṃ prākāśyaṃ taikṣṇyam eva ca
Sanskrit only: no published translation is held for this verse.
त्वद्वशाद् दीपवन् माया क्वापि सम्प्रविलीयते । दीपवत् पुनर् अन्यत्र समुदेति कुतो ऽपि सा
tvadvaśād dīpavan māyā kvāpi sampravilīyate / dīpavat punar anyatra samudeti kuto 'pi sā
Sanskrit only: no published translation is held for this verse.
त्वयि संसारवर्तिन्यः पदार्थावलयस् तथा । कटकाङ्गदकेयूरयुक्तयः कनके यथा
tvayi saṃsāravartinyaḥ padārthāvalayas tathā / kaṭakāṅgadakeyūrayuktayaḥ kanake yathā
Sanskrit only: no published translation is held for this verse.
भवान् अयम् अयं चाहं त्वं शब्दैर् एवमादिभिः । स्वयम् एवात्मनात्मानं लीलया स्तौषि वक्षि च
bhavān ayam ayaṃ cāhaṃ tvaṃ śabdair evamādibhiḥ / svayam evātmanātmānaṃ līlayā stauṣi vakṣi ca
Sanskrit only: no published translation is held for this verse.
मन्दानिलविनुन्नो ऽब्दो गजाश्वनरदृष्टिभिः । यथा संलक्ष्यते व्योम्नि तथा त्वं भूतदृष्टिभिः
mandānilavinunno 'bdo gajāśvanaradṛṣṭibhiḥ / yathā saṃlakṣyate vyomni tathā tvaṃ bhūtadṛṣṭibhiḥ
Sanskrit only: no published translation is held for this verse.
यथा हयगजाकारैर् ज्वाला लसति वह्निषु । तथैवाव्यतिरिक्तस् त्वं दृश्यैर् वससि सृष्टिषु
yathā hayagajākārair jvālā lasati vahniṣu / tathaivāvyatiriktas tvaṃ dṛśyair vasasi sṛṣṭiṣu
Sanskrit only: no published translation is held for this verse.
त्वं ब्रह्माण्डकमुक्तानाम् अच्छिन्नस् तन्तुर् आततः । क्षेत्रं त्वं भूतसस्यानां चिद्रसायनसेकिनाम्
tvaṃ brahmāṇḍakamuktānām acchinnas tantur ātataḥ / kṣetraṃ tvaṃ bhūtasasyānāṃ cidrasāyanasekinām
Sanskrit only: no published translation is held for this verse.
असत् तद् अनभिव्यक्तं पदार्थानां प्रकाश्यते । त्वया तत्त्वं यथा पक्त्रा मांसानां स्वादवेदनम्
asat tad anabhivyaktaṃ padārthānāṃ prakāśyate / tvayā tattvaṃ yathā paktrā māṃsānāṃ svādavedanam
Sanskrit only: no published translation is held for this verse.
विद्यमानापि वस्तुश्रीर् न स्थिता त्वयि न स्थिते । वनितारूपलावण्यसत्तेव गतचक्षुषः
vidyamānāpi vastuśrīr na sthitā tvayi na sthite / vanitārūpalāvaṇyasatteva gatacakṣuṣaḥ
Sanskrit only: no published translation is held for this verse.
सद् अपीह न सत्तायै वस्तु नाकलितं त्वया । तुष्टये न स्वलावण्यं मकुराप्रतिबिम्बितम्
sad apīha na sattāyai vastu nākalitaṃ tvayā / tuṣṭaye na svalāvaṇyaṃ makurāpratibimbitam
Sanskrit only: no published translation is held for this verse.
लुठति त्वां विना देहः काष्ठलोष्टसमः क्षितौ । सन्न् अप्य् असत्तयैवात्तो यामास्व् इव रविं विना
luṭhati tvāṃ vinā dehaḥ kāṣṭhaloṣṭasamaḥ kṣitau / sann apy asattayaivātto yāmāsv iva raviṃ vinā
Sanskrit only: no published translation is held for this verse.
सुखदुःखक्रमः प्राप्य भवन्तं परिनश्यति । प्राकाश्यम् आसाद्य यथा तमस् तेजो ऽथ वा हिमम्
sukhaduḥkhakramaḥ prāpya bhavantaṃ parinaśyati / prākāśyam āsādya yathā tamas tejo 'tha vā himam
Sanskrit only: no published translation is held for this verse.
त्वदालोकनयैवैते स्थितिं यान्ति सुखादयः । सूर्यालोकनया प्रातर् वर्णाश् शुक्लादयो यथा
tvadālokanayaivaite sthitiṃ yānti sukhādayaḥ / sūryālokanayā prātar varṇāś śuklādayo yathā
Sanskrit only: no published translation is held for this verse.
लब्धात्मानो विनश्यन्ति सम्बन्धक्षण एव ते । ते तमांसीव दीपस्य दृष्टाव् एव व्रजन्त्य् अलम्
labdhātmāno vinaśyanti sambandhakṣaṇa eva te / te tamāṃsīva dīpasya dṛṣṭāv eva vrajanty alam
Sanskrit only: no published translation is held for this verse.
तमस्ता तमसो दीपासत्तायां स्फुटतां गता । दीपसम्बन्धसमये सा चोत्पत्य विनश्यति
tamastā tamaso dīpāsattāyāṃ sphuṭatāṃ gatā / dīpasambandhasamaye sā cotpatya vinaśyati
Sanskrit only: no published translation is held for this verse.
तथैव सुखदुःखश्रीर् दृष्ट्वैव त्वाम् अनामयम् । जायते जातमात्रैव सर्वनाशेन नश्यति
tathaiva sukhaduḥkhaśrīr dṛṣṭvaiva tvām anāmayam / jāyate jātamātraiva sarvanāśena naśyati
Sanskrit only: no published translation is held for this verse.
भङ्गुरत्वाद् इह स्थातुं कालं नाणुम् अपि क्षमा । निमेषलक्षभागाख्या तन्वी कालकला यथा
bhaṅguratvād iha sthātuṃ kālaṃ nāṇum api kṣamā / nimeṣalakṣabhāgākhyā tanvī kālakalā yathā
Sanskrit only: no published translation is held for this verse.
गत्वरी नश्वरी तन्वी सुखदुःखादिभावना । स्फुरति त्वत्प्रसादेन त्वयि दृष्टे विलीयते
gatvarī naśvarī tanvī sukhaduḥkhādibhāvanā / sphurati tvatprasādena tvayi dṛṣṭe vilīyate
Sanskrit only: no published translation is held for this verse.
त्वदालोकक्षणोद्भूता त्वदालोकक्षणक्षया । मृतैव जाता जातैव मृता केनोपलक्ष्यते
tvadālokakṣaṇodbhūtā tvadālokakṣaṇakṣayā / mṛtaiva jātā jātaiva mṛtā kenopalakṣyate
Sanskrit only: no published translation is held for this verse.
क्षणम् अप्य् अस्थिरं वस्तु कथं कार्यकरं भवेत् । तरङ्गैर् उत्पलाकारैर् माला कथम् इवोम्भ्यते
kṣaṇam apy asthiraṃ vastu kathaṃ kāryakaraṃ bhavet / taraṅgair utpalākārair mālā katham ivombhyate
Sanskrit only: no published translation is held for this verse.
यदि जातविनिर्नष्टं क्रियां वस्त्व् अकरिष्यत । तदारंस्यत लोको ऽयं मालां कृत्वा तडिद्गुणैः
yadi jātavinirnaṣṭaṃ kriyāṃ vastv akariṣyata / tadāraṃsyata loko 'yaṃ mālāṃ kṛtvā taḍidguṇaiḥ
Sanskrit only: no published translation is held for this verse.
इमां सुखादिकां लक्ष्मीं विवेकिजनचेतसि । स्थितस् सन् नैव गृह्णासि न जहासि समस्थिते
imāṃ sukhādikāṃ lakṣmīṃ vivekijanacetasi / sthitas san naiva gṛhṇāsi na jahāsi samasthite
Sanskrit only: no published translation is held for this verse.
अविवेकिनि यो ऽसि त्वं स भवात्मन् यदृच्छया । तद्रूपकथनेनालं ममामलपदास्पद
avivekini yo 'si tvaṃ sa bhavātman yadṛcchayā / tadrūpakathanenālaṃ mamāmalapadāspada
Sanskrit only: no published translation is held for this verse.
निरीहेण निरंशेन निरहङ्कृतिना त्वया । सतैवाप्य् असतेवापि कर्तृत्वम् उररीकृतम्
nirīheṇa niraṃśena nirahaṅkṛtinā tvayā / sataivāpy asatevāpi kartṛtvam urarīkṛtam
Sanskrit only: no published translation is held for this verse.
जय प्रोड्डामराकार जय शान्तिपरायण । जय सर्वागमातीत जय सर्वागमास्पद
jaya proḍḍāmarākāra jaya śāntiparāyaṇa / jaya sarvāgamātīta jaya sarvāgamāspada
Sanskrit only: no published translation is held for this verse.
जय जात जयाजात जय क्षत जयाक्षत । जय भाव जयाभाव जय जेय जयाजय
jaya jāta jayājāta jaya kṣata jayākṣata / jaya bhāva jayābhāva jaya jeya jayājaya
Sanskrit only: no published translation is held for this verse.
उल्लसाम्य् उपशाम्यामि तिष्ठाम्य् अतिगतो ऽस्मि च । जयी जयामि जीवामि नमो मह्यं नमो ऽस्तु ते
ullasāmy upaśāmyāmi tiṣṭhāmy atigato 'smi ca / jayī jayāmi jīvāmi namo mahyaṃ namo 'stu te
Sanskrit only: no published translation is held for this verse.
त्वयि स्थिते मयि विगतामयात्मनि स्वसंस्थितौ व्यपगतरागरञ्जने । क्व बन्धवः क्व च विपदः क्व सम्पदो भवाभवौ क्व शमम् उपैमि शाश्वतम्
tvayi sthite mayi vigatāmayātmani svasaṃsthitau vyapagatarāgarañjane / kva bandhavaḥ kva ca vipadaḥ kva sampado bhavābhavau kva śamam upaimi śāśvatam
Sanskrit only: no published translation is held for this verse.