Moksopaya with Bhaskarakantha's Tika 5.37

इति सञ्चिन्तयन्न् एव प्रह्लादः परवीरहा । निर्विकल्पं परानन्दसमाधिं समुपाययौ

iti sañcintayann eva prahlādaḥ paravīrahā / nirvikalpaṃ parānandasamādhiṃ samupāyayau

Sanskrit only: no published translation is held for this verse.

निर्विकल्पसमाधिस्थश् चित्रार्पित इवाचलः । शैलाद् इव समुत्कीर्णो बभौ स्वपदम् आस्थितः

nirvikalpasamādhisthaś citrārpita ivācalaḥ / śailād iva samutkīrṇo babhau svapadam āsthitaḥ

Sanskrit only: no published translation is held for this verse.

तथाथ तिष्ठतस् तस्य कालो बहुतरो ययौ । स्वे गृहे भुवनस्थस्य मेरोर् इव सुरद्विषः

tathātha tiṣṭhatas tasya kālo bahutaro yayau / sve gṛhe bhuvanasthasya meror iva suradviṣaḥ

Sanskrit only: no published translation is held for this verse.

बोधितो ऽप्य् असुराधीशैर् नाबुध्यत महामतिः । अकाले बहुसेको ऽपि बीजकोशाद् इवाङ्कुरः

bodhito 'py asurādhīśair nābudhyata mahāmatiḥ / akāle bahuseko 'pi bījakośād ivāṅkuraḥ

Sanskrit only: no published translation is held for this verse.

पञ्चवर्षसहस्राणि पीनांसो ऽतिष्ठद् एकदृक् । शान्त एवासुरपुरे मत्तार्णव इवोपलः

pañcavarṣasahasrāṇi pīnāṃso 'tiṣṭhad ekadṛk / śānta evāsurapure mattārṇava ivopalaḥ

Sanskrit only: no published translation is held for this verse.

परानन्ददशैकान्तपरिणामितया तया । निरानन्दम् अनाभासम् इवाभासपदं गतः

parānandadaśaikāntapariṇāmitayā tayā / nirānandam anābhāsam ivābhāsapadaṃ gataḥ

Sanskrit only: no published translation is held for this verse.

एतावताथ कालेन तद्रसातलमण्डलम् । बभूवाराजकं तीक्ष्णमात्स्यन्यायकदर्थितम्

etāvatātha kālena tadrasātalamaṇḍalam / babhūvārājakaṃ tīkṣṇamātsyanyāyakadarthitam

Sanskrit only: no published translation is held for this verse.

हिरण्यकशिपौ क्षीणे समाधौ तत्सुते स्थिते । न बभूवापरः कश्चिद् राजा दनुसुतालये

hiraṇyakaśipau kṣīṇe samādhau tatsute sthite / na babhūvāparaḥ kaścid rājā danusutālaye

Sanskrit only: no published translation is held for this verse.

असुरेशार्थिनां तेषां दानवानां समाधितः । परेणापि प्रयत्नेन प्रह्लादो न व्यबुध्यत

asureśārthināṃ teṣāṃ dānavānāṃ samādhitaḥ / pareṇāpi prayatnena prahlādo na vyabudhyata

Sanskrit only: no published translation is held for this verse.

न प्रापुर् विकसद्रूपं पतिं तत्रामरारयः । लसत्पत्त्रप्रभाजालं निशि पद्मम् इवालयः

na prāpur vikasadrūpaṃ patiṃ tatrāmarārayaḥ / lasatpattraprabhājālaṃ niśi padmam ivālayaḥ

Sanskrit only: no published translation is held for this verse.

संविद्वातो न तस्यान्तर् अबुध्यत विचेतसः । भुवश् चेष्टाक्रम इव पौरुषो गतभास्वतः

saṃvidvāto na tasyāntar abudhyata vicetasaḥ / bhuvaś ceṣṭākrama iva pauruṣo gatabhāsvataḥ

Sanskrit only: no published translation is held for this verse.

अथोद्विग्नेषु दैत्येषु गतेष्व् अभिमता दिशः । विचरत्सु यथाकामम् अराजनि पुरे पुरे

athodvigneṣu daityeṣu gateṣv abhimatā diśaḥ / vicaratsu yathākāmam arājani pure pure

Sanskrit only: no published translation is held for this verse.

पातालमण्डलम् अभूद् अभूपालतया तया । मात्स्यन्यायविपर्यस्तम् अस्तङ्गतगुणक्रमम्

pātālamaṇḍalam abhūd abhūpālatayā tayā / mātsyanyāyaviparyastam astaṅgataguṇakramam

Sanskrit only: no published translation is held for this verse.

बलिभुक्ताबलपुरं मर्यादाक्रमवर्जितम् । सर्वगाशेषवनितं परस्परहतासुरम्

balibhuktābalapuraṃ maryādākramavarjitam / sarvagāśeṣavanitaṃ parasparahatāsuram

Sanskrit only: no published translation is held for this verse.

प्रलापाक्रन्दपरुषं विसंस्थानपुरान्तरम् । लुठदुद्याननगरं व्यर्थानर्थकदर्थितम्

pralāpākrandaparuṣaṃ visaṃsthānapurāntaram / luṭhadudyānanagaraṃ vyarthānarthakadarthitam

Sanskrit only: no published translation is held for this verse.

चिन्तापरासुरगणं निरन्नफलबान्धवम् । अकाण्डोत्पातविवशं ध्वस्ताशामुखमण्डलम्

cintāparāsuragaṇaṃ nirannaphalabāndhavam / akāṇḍotpātavivaśaṃ dhvastāśāmukhamaṇḍalam

Sanskrit only: no published translation is held for this verse.

सुरार्भकपराभूतं भूतैर् आक्रान्तम् अन्यजैः । भूतरिक्तम् अलक्ष्मीकम् उत्सन्नप्रायकोटरम्

surārbhakaparābhūtaṃ bhūtair ākrāntam anyajaiḥ / bhūtariktam alakṣmīkam utsannaprāyakoṭaram

Sanskrit only: no published translation is held for this verse.

अनियतवनितार्थमत्तयुद्धं हृतधनदारविरावितं समन्तात् । कलियुगसमयोद्भटोदराभं तद् असुरमण्डलम् आकुलं बभूव

aniyatavanitārthamattayuddhaṃ hṛtadhanadāravirāvitaṃ samantāt / kaliyugasamayodbhaṭodarābhaṃ tad asuramaṇḍalam ākulaṃ babhūva

Sanskrit only: no published translation is held for this verse.