Moksopaya with Bhaskarakantha's Tika 5.41

जगद्रत्नसमुद्गेन त्रैलोक्याद्भुतदर्शिना । इत्य् उक्ते पद्मनाभेन ज्योत्स्नाशीतलया गिरा

jagadratnasamudgena trailokyādbhutadarśinā / ity ukte padmanābhena jyotsnāśītalayā girā

Sanskrit only: no published translation is held for this verse.

प्रह्लादनामा देहो ऽसौ विकासिनयनाम्बुजः । मृदूवाच वचो धीरो गृहीतमननक्रमः

prahlādanāmā deho 'sau vikāsinayanāmbujaḥ / mṛdūvāca vaco dhīro gṛhītamananakramaḥ

Sanskrit only: no published translation is held for this verse.

चिरम् अन्तर् मया देव दृष्टो ऽस्य् अमलया धिया । पुनर् बहिर् अयं दृष्ट्या दिष्ट्या देवेश दृश्यसे

ciram antar mayā deva dṛṣṭo 'sy amalayā dhiyā / punar bahir ayaṃ dṛṣṭyā diṣṭyā deveśa dṛśyase

Sanskrit only: no published translation is held for this verse.

अहम् आसम् अनन्तायाम् अस्यां दृशि महेश्वर । सर्वसङ्कल्पमुक्तायां व्योम व्योम्नीव निर्मले

aham āsam anantāyām asyāṃ dṛśi maheśvara / sarvasaṅkalpamuktāyāṃ vyoma vyomnīva nirmale

Sanskrit only: no published translation is held for this verse.

न शोकेन न मोहेन न च वैराग्यचिन्तया । न देहत्यागकार्येण न संसारभयेन च

na śokena na mohena na ca vairāgyacintayā / na dehatyāgakāryeṇa na saṃsārabhayena ca

Sanskrit only: no published translation is held for this verse.

एकस्मिन् विद्यमाने हि कुतश् शोकः कुतः क्षतिः । कुतो देहः क्व संसारः क्व स्थितिः क्व भयाभये

ekasmin vidyamāne hi kutaś śokaḥ kutaḥ kṣatiḥ / kuto dehaḥ kva saṃsāraḥ kva sthitiḥ kva bhayābhaye

Sanskrit only: no published translation is held for this verse.

यथेच्छयैवामलया केवलं स्वसमुत्थया । एवं देवाहम् अवसं वितते पावने पदे

yathecchayaivāmalayā kevalaṃ svasamutthayā / evaṃ devāham avasaṃ vitate pāvane pade

Sanskrit only: no published translation is held for this verse.

हा विरक्तो ऽस्मि संसारं त्यजामीत्य् आशयेश्वर । अप्रबुद्धधियां चिन्ता हर्षशोकविकारदा

hā virakto 'smi saṃsāraṃ tyajāmīty āśayeśvara / aprabuddhadhiyāṃ cintā harṣaśokavikāradā

Sanskrit only: no published translation is held for this verse.

देहाभावे न दुःखानि देहे दुःखानि मे सति । इति चिन्ताविषव्याली मूर्खम् एवावलुम्पते

dehābhāve na duḥkhāni dehe duḥkhāni me sati / iti cintāviṣavyālī mūrkham evāvalumpate

Sanskrit only: no published translation is held for this verse.

इदं सुखम् इदं दुःखम् इदं नास्तीदम् अस्ति मे । इति दोलायितं चेतो मूढम् एव न पण्डितम्

idaṃ sukham idaṃ duḥkham idaṃ nāstīdam asti me / iti dolāyitaṃ ceto mūḍham eva na paṇḍitam

Sanskrit only: no published translation is held for this verse.

अयम् अन्यो ऽन्य एवाहम् इत्य् अज्ञानान्धवासनाः । दूरोदस्तास् सुबुद्धीनां रजन्यो ऽंशुमताम् इव

ayam anyo 'nya evāham ity ajñānāndhavāsanāḥ / dūrodastās subuddhīnāṃ rajanyo 'ṃśumatām iva

Sanskrit only: no published translation is held for this verse.

इदं त्याज्यम् इदं ग्राह्यम् इति मिथ्या मनोभ्रमः । नोन्मत्ततां नयत्य् अन्तर् ज्ञम् अज्ञम् इव दुर्धियम्

idaṃ tyājyam idaṃ grāhyam iti mithyā manobhramaḥ / nonmattatāṃ nayaty antar jñam ajñam iva durdhiyam

Sanskrit only: no published translation is held for this verse.

सर्वस्मिन्न् आत्मनि तते त्वयि तामरसेक्षण । हेयोपादेयपक्षस्था द्वितीया कलना कुतः

sarvasminn ātmani tate tvayi tāmarasekṣaṇa / heyopādeyapakṣasthā dvitīyā kalanā kutaḥ

Sanskrit only: no published translation is held for this verse.

विज्ञानाभासम् अखिलं जगत् सदसतोस् स्थितम् । किं हेयं किम् उपादेयम् इति यत् त्यज्यते न वा

vijñānābhāsam akhilaṃ jagat sadasatos sthitam / kiṃ heyaṃ kim upādeyam iti yat tyajyate na vā

Sanskrit only: no published translation is held for this verse.

केवलं स्वस्वभावेन द्रष्टृदृश्ये विचारयन् । क्षणं विश्रान्तवान् अन्तर् अहम् आत्मात्मनात्मनि

kevalaṃ svasvabhāvena draṣṭṛdṛśye vicārayan / kṣaṇaṃ viśrāntavān antar aham ātmātmanātmani

Sanskrit only: no published translation is held for this verse.

भावाभावविनिर्मुक्तो हेयोपादेयवर्जितः । एवम् आसम् अहं पूर्वम् अधुनेत्थम् अवस्थितः

bhāvābhāvavinirmukto heyopādeyavarjitaḥ / evam āsam ahaṃ pūrvam adhunettham avasthitaḥ

Sanskrit only: no published translation is held for this verse.

शमम् आत्मीयम् आपन्नस् सर्वगात्मन् सतां गते । करोम्य् अहं महादेव तुभ्यं यत् परिरोचते

śamam ātmīyam āpannas sarvagātman satāṃ gate / karomy ahaṃ mahādeva tubhyaṃ yat parirocate

Sanskrit only: no published translation is held for this verse.

त्वम् अयं पुण्डरीकाक्ष पूज्यस् तावज् जगत्त्रये । तन् मत्तः प्रकृतप्राप्तां पूजाम् आदातुम् अर्हसि

tvam ayaṃ puṇḍarīkākṣa pūjyas tāvaj jagattraye / tan mattaḥ prakṛtaprāptāṃ pūjām ādātum arhasi

Sanskrit only: no published translation is held for this verse.

इत्य् उक्त्वा दानवाधीशः पुरः क्षीरोदशायिनः । शैलेन्द्र इव पूर्णेन्दुम् अर्घपात्रम् उपाददे

ity uktvā dānavādhīśaḥ puraḥ kṣīrodaśāyinaḥ / śailendra iva pūrṇendum arghapātram upādade

Sanskrit only: no published translation is held for this verse.

सायुधं साप्सरोवृन्दं ससुरं सखगाधिपम् । पुजयाम् आस गोविन्दं सत्रैलोक्यम् अथाग्रगम्

sāyudhaṃ sāpsarovṛndaṃ sasuraṃ sakhagādhipam / pujayām āsa govindaṃ satrailokyam athāgragam

Sanskrit only: no published translation is held for this verse.

सबाह्याभ्यन्तरक्रान्तभुवनं भुवनेश्वरम् । पूजयित्वोपविष्टं तम् उवाच कमलापतिः

sabāhyābhyantarakrāntabhuvanaṃ bhuvaneśvaram / pūjayitvopaviṣṭaṃ tam uvāca kamalāpatiḥ

Sanskrit only: no published translation is held for this verse.

उत्तिष्ठ दानवाधीश सिंहासनम् उपाश्रय । यावद् आश्व् अभिषेकं ते स्वयम् एव ददाम्य् अहम्

uttiṣṭha dānavādhīśa siṃhāsanam upāśraya / yāvad āśv abhiṣekaṃ te svayam eva dadāmy aham

Sanskrit only: no published translation is held for this verse.

पाञ्चजन्यरवं श्रुत्वा य इमे समुपागताः । सिद्धास् साध्यास् सुरौघास् ते कुर्वन्तु तव मङ्गलम्

pāñcajanyaravaṃ śrutvā ya ime samupāgatāḥ / siddhās sādhyās suraughās te kurvantu tava maṅgalam

Sanskrit only: no published translation is held for this verse.

इत्य् उक्त्वा पुण्डरीकाक्षो दानवं सिंहविष्टरे । योजयाम् आस योगान्ते मेरुशृङ्ग इवाम्बुदम्

ity uktvā puṇḍarīkākṣo dānavaṃ siṃhaviṣṭare / yojayām āsa yogānte meruśṛṅga ivāmbudam

Sanskrit only: no published translation is held for this verse.

अथैनं हरिर् आहूतैः क्षिरोदाद्यैर् महाब्धिभिः । गङ्गादिभिस् सरित्पूरैस् सर्वतीर्थजलैस् तथा

athainaṃ harir āhūtaiḥ kṣirodādyair mahābdhibhiḥ / gaṅgādibhis saritpūrais sarvatīrthajalais tathā

Sanskrit only: no published translation is held for this verse.

सर्वविप्रर्षिसङ्घैश् च सर्वसिद्धगणैस् तथा । मुनिविद्याधरयुतो लोकपालसमन्वितः

sarvaviprarṣisaṅghaiś ca sarvasiddhagaṇais tathā / munividyādharayuto lokapālasamanvitaḥ

Sanskrit only: no published translation is held for this verse.

अभ्यषिञ्चद् अमेयात्मा दैत्यराज्ये महासुरम् । मरुद्गणैस् स्तूयमाणं पूर्वसर्गे हरिं यथा

abhyaṣiñcad ameyātmā daityarājye mahāsuram / marudgaṇais stūyamāṇaṃ pūrvasarge hariṃ yathā

Sanskrit only: no published translation is held for this verse.

सुरासुरैस् स्तूयमानं स्तूयमानस् सुरासुरैः । अभिषिक्तम् उवाचेदं प्रह्लादं मधुसूदनः

surāsurais stūyamānaṃ stūyamānas surāsuraiḥ / abhiṣiktam uvācedaṃ prahlādaṃ madhusūdanaḥ

Sanskrit only: no published translation is held for this verse.

यावन् मेरुर् धरा यावद् यावच् चन्द्रार्कमण्डले । अखण्डितगुणश्लाघी तावद् राजा भवानघ

yāvan merur dharā yāvad yāvac candrārkamaṇḍale / akhaṇḍitaguṇaślāghī tāvad rājā bhavānagha

Sanskrit only: no published translation is held for this verse.

इष्टानिष्टफलं त्यक्त्वा समदर्शनया धिया । वीतरागभयक्रोधो राज्यं समनुपालय

iṣṭāniṣṭaphalaṃ tyaktvā samadarśanayā dhiyā / vītarāgabhayakrodho rājyaṃ samanupālaya

Sanskrit only: no published translation is held for this verse.

राज्ये ऽस्मिन् भोगसम्पूर्णे दृष्टानुत्तमभूमिना । न गन्तव्यस् त्वयोद्वेगस् स्वर्गे वा नरके ऽथ वा

rājye 'smin bhogasampūrṇe dṛṣṭānuttamabhūminā / na gantavyas tvayodvegas svarge vā narake 'tha vā

Sanskrit only: no published translation is held for this verse.

देशकालक्रियाकारैर् यथाप्राप्तासु दृष्टिषु । प्रकृतं कार्यम् आतिष्ठंस् त्यक्तवासनम् आस्स्व भोः

deśakālakriyākārair yathāprāptāsu dṛṣṭiṣu / prakṛtaṃ kāryam ātiṣṭhaṃs tyaktavāsanam āssva bhoḥ

Sanskrit only: no published translation is held for this verse.

अतिहेयतयादत्तं ममतापरिवर्जितम् । भावाभावे समं कार्यं कुर्वन्न् इह न बध्यसे

atiheyatayādattaṃ mamatāparivarjitam / bhāvābhāve samaṃ kāryaṃ kurvann iha na badhyase

Sanskrit only: no published translation is held for this verse.

दृष्टसंसारपर्यायस् तुलितातुलतत्पदः । सर्वं सर्वत्र जानासि किम् अन्यद् उपदिश्यते

dṛṣṭasaṃsāraparyāyas tulitātulatatpadaḥ / sarvaṃ sarvatra jānāsi kim anyad upadiśyate

Sanskrit only: no published translation is held for this verse.

वीतरागभयक्रोधे त्वयि राजनि राजति । भूमिः पास्यति नेदानीं दुर्गृध्रीवासृग् आसुरम्

vītarāgabhayakrodhe tvayi rājani rājati / bhūmiḥ pāsyati nedānīṃ durgṛdhrīvāsṛg āsuram

Sanskrit only: no published translation is held for this verse.

दलयिष्यति बाष्पश्रीर् नासुरीकर्णमञ्जरीम् । वनराजीम् इवौघोत्था सरित् तारतरङ्गिणी

dalayiṣyati bāṣpaśrīr nāsurīkarṇamañjarīm / vanarājīm ivaughotthā sarit tārataraṅgiṇī

Sanskrit only: no published translation is held for this verse.

अद्यप्रभृति संशान्तदानवामरसङ्गरम् । निर्मन्दराम्भोनिधिवज् जगत् स्वस्थम् अवस्थितम्

adyaprabhṛti saṃśāntadānavāmarasaṅgaram / nirmandarāmbhonidhivaj jagat svastham avasthitam

Sanskrit only: no published translation is held for this verse.

देवासुरकुटुम्बिन्यो भर्तृष्व् अन्तःपुरेषु च । स्वेष्व् एव यान्तु विश्वासम् अपरस्परम् आहृताः

devāsurakuṭumbinyo bhartṛṣv antaḥpureṣu ca / sveṣv eva yāntu viśvāsam aparasparam āhṛtāḥ

Sanskrit only: no published translation is held for this verse.

भव बहुलनिशानितान्तनिद्रातिमिरम् अपास्य सदोदिताशयश्रीः । दनुसुत वनिताविलासरम्यां चिरम् अजिताम् उपभुङ्क्ष्व राज्यलक्ष्मीम्

bhava bahulaniśānitāntanidrātimiram apāsya sadoditāśayaśrīḥ / danusuta vanitāvilāsaramyāṃ ciram ajitām upabhuṅkṣva rājyalakṣmīm

Sanskrit only: no published translation is held for this verse.