Moksopaya with Bhaskarakantha's Tika 5.42

इत्य् उक्त्वा पुण्डरीकाक्षस् सनरामरकिन्नरः । द्वितीय इव संसारश् चचालासुरमन्दिरात्

ity uktvā puṇḍarīkākṣas sanarāmarakinnaraḥ / dvitīya iva saṃsāraś cacālāsuramandirāt

Sanskrit only: no published translation is held for this verse.

प्रह्लादादिविनिर्मुक्तैः पश्चात् पुष्पाञ्जलिव्रजैः । पूर्यमाणविहङ्गेशपाश्चात्याङ्गरुहोत्करः

prahlādādivinirmuktaiḥ paścāt puṣpāñjalivrajaiḥ / pūryamāṇavihaṅgeśapāścātyāṅgaruhotkaraḥ

Sanskrit only: no published translation is held for this verse.

क्रमात् क्षीरोदम् आसाद्य विसृज्य सुरवाहिनीम् । भोगिभोगासने तस्थौ श्वेताब्ज इव षट्पदः

kramāt kṣīrodam āsādya visṛjya suravāhinīm / bhogibhogāsane tasthau śvetābja iva ṣaṭpadaḥ

Sanskrit only: no published translation is held for this verse.

भोगिभोगासने विष्णुश् शक्रस् स्वर्गे सहामरैः । पाताले दानवाधीश इति तस्थुर् गतज्वराः

bhogibhogāsane viṣṇuś śakras svarge sahāmaraiḥ / pātāle dānavādhīśa iti tasthur gatajvarāḥ

Sanskrit only: no published translation is held for this verse.

एषा ते कथिता राम निश्शेषमलनाशिनी । प्राह्लादी बोधसम्प्राप्तिर् ऐन्दवद्रवशीतला

eṣā te kathitā rāma niśśeṣamalanāśinī / prāhlādī bodhasamprāptir aindavadravaśītalā

Sanskrit only: no published translation is held for this verse.

य एतां मानवा लोके बहुदुष्कृतिनो ऽपि हि । धिया विचारयिष्यन्ति ते प्राप्स्यन्त्य् अचिरात् पदम्

ya etāṃ mānavā loke bahuduṣkṛtino 'pi hi / dhiyā vicārayiṣyanti te prāpsyanty acirāt padam

Sanskrit only: no published translation is held for this verse.

सामान्येन विचारेण क्षयम् आयाति दुष्कृतम् । योगवाक्यविचारेण को न याति परं पदम्

sāmānyena vicāreṇa kṣayam āyāti duṣkṛtam / yogavākyavicāreṇa ko na yāti paraṃ padam

Sanskrit only: no published translation is held for this verse.

अज्ञानम् उच्यते पापं तद् विचारेण नश्यति । पापमूलच्छिदं तस्माद् विचारं न परित्यजेत्

ajñānam ucyate pāpaṃ tad vicāreṇa naśyati / pāpamūlacchidaṃ tasmād vicāraṃ na parityajet

Sanskrit only: no published translation is held for this verse.

इमां प्रह्लादसंसिद्धिं प्रविचारयतां नृणाम् । सप्तजन्मकृतं पापं क्षयम् आप्नोत्य् असंशयम्

imāṃ prahlādasaṃsiddhiṃ pravicārayatāṃ nṛṇām / saptajanmakṛtaṃ pāpaṃ kṣayam āpnoty asaṃśayam

Sanskrit only: no published translation is held for this verse.

परे पदे परिणतं पाञ्चजन्यस्वनैर् मनः । कथं प्रबुद्धं भगवन् प्रह्लादस्य महात्मनः

pare pade pariṇataṃ pāñcajanyasvanair manaḥ / kathaṃ prabuddhaṃ bhagavan prahlādasya mahātmanaḥ

Sanskrit only: no published translation is held for this verse.

द्विविधा मुक्तता लोके सम्भवत्य् अनघाकृते । सदेहैका विदेहान्या विभागो ऽयं तयोश् शृणु

dvividhā muktatā loke sambhavaty anaghākṛte / sadehaikā videhānyā vibhāgo 'yaṃ tayoś śṛṇu

Sanskrit only: no published translation is held for this verse.

असंसक्तमतेर् यस्य त्यागादानेषु कर्मणाम् । नैषणा तत्स्थितिं विद्धि त्वं जीवन्मुक्तताम् इह

asaṃsaktamater yasya tyāgādāneṣu karmaṇām / naiṣaṇā tatsthitiṃ viddhi tvaṃ jīvanmuktatām iha

Sanskrit only: no published translation is held for this verse.

सैव देहक्षये राम पुनर्जननवर्जिता । विदेहमुक्तता प्रोक्ता तत्स्था नायान्ति दृश्यताम्

saiva dehakṣaye rāma punarjananavarjitā / videhamuktatā proktā tatsthā nāyānti dṛśyatām

Sanskrit only: no published translation is held for this verse.

भृष्टबीजोपमा भूयोजन्माङ्कुरविवर्जिता । हृदि जीवद्विमुक्तानां शुद्धा भवति वासना

bhṛṣṭabījopamā bhūyojanmāṅkuravivarjitā / hṛdi jīvadvimuktānāṃ śuddhā bhavati vāsanā

Sanskrit only: no published translation is held for this verse.

पावनी परमोदारा सत्त्वमात्रानुपातिनी । आत्मध्यानमयी नित्यं सुषुप्तस्थेव तिष्ठति

pāvanī paramodārā sattvamātrānupātinī / ātmadhyānamayī nityaṃ suṣuptastheva tiṣṭhati

Sanskrit only: no published translation is held for this verse.

अपि वर्षसहस्रान्ते ते तयैवान्तरस्थया । सति देहे प्रबुध्यन्ते जीवन्मुक्ता रघूद्वह

api varṣasahasrānte te tayaivāntarasthayā / sati dehe prabudhyante jīvanmuktā raghūdvaha

Sanskrit only: no published translation is held for this verse.

प्रह्लादो ऽन्तस्स्थया शुद्धसत्त्ववासनया स्वया । बोधम् आप महाबाहो शङ्खशब्दावबुद्धया

prahlādo 'ntassthayā śuddhasattvavāsanayā svayā / bodham āpa mahābāho śaṅkhaśabdāvabuddhayā

Sanskrit only: no published translation is held for this verse.

हरिर् आत्मा हि भूतानां तस्य यत् प्रतिभासते । तत् तथैव भवत्य् आशु सर्वत्रात्मैव कारणम्

harir ātmā hi bhūtānāṃ tasya yat pratibhāsate / tat tathaiva bhavaty āśu sarvatrātmaiva kāraṇam

Sanskrit only: no published translation is held for this verse.

प्रबोधम् एतु प्रह्लादो यदैवेति विचिन्तितम् । निमेषाद् वासुदेवेन तदैव तद् उपस्थितम्

prabodham etu prahlādo yadaiveti vicintitam / nimeṣād vāsudevena tadaiva tad upasthitam

Sanskrit only: no published translation is held for this verse.

आत्मन्य् अकारणेनैव भूतानां कारणेन च । सृष्ट्यर्थं वपुर् आत्तं तद् वासुदेवीयम् आत्मना

ātmany akāraṇenaiva bhūtānāṃ kāraṇena ca / sṛṣṭyarthaṃ vapur āttaṃ tad vāsudevīyam ātmanā

Sanskrit only: no published translation is held for this verse.

आत्मावलोकनेनाशु माधवः परिदृश्यते । माधवाराधनेनाशु स्वयम् आत्मावलोक्यते

ātmāvalokanenāśu mādhavaḥ paridṛśyate / mādhavārādhanenāśu svayam ātmāvalokyate

Sanskrit only: no published translation is held for this verse.

एतां दृष्टिम् अवष्टभ्य राघवात्मावलोकने । विहराशु विराडात्मा पदं प्राप्स्यसि शाश्वतम्

etāṃ dṛṣṭim avaṣṭabhya rāghavātmāvalokane / viharāśu virāḍātmā padaṃ prāpsyasi śāśvatam

Sanskrit only: no published translation is held for this verse.

सुखासारवती राम संसारप्रावृड् आतता । जाड्यं ददाति परमं विचारार्कम् अपश्यतः

sukhāsāravatī rāma saṃsāraprāvṛḍ ātatā / jāḍyaṃ dadāti paramaṃ vicārārkam apaśyataḥ

Sanskrit only: no published translation is held for this verse.

प्रसादाद् आत्मनो विष्णोर् मायेयम् अतिभासुरा । प्रबाधते न धीरांस् तु यक्षी मन्त्रवतो यथा

prasādād ātmano viṣṇor māyeyam atibhāsurā / prabādhate na dhīrāṃs tu yakṣī mantravato yathā

Sanskrit only: no published translation is held for this verse.

आत्मेच्छयैव घनतां समुपागतान्तर् आत्मेच्छयैव तनुताम् उपयाति काले । संसारजालरचनेयम् अनन्तमाया ज्वालेव वातकलयानघ पावकस्य

ātmecchayaiva ghanatāṃ samupāgatāntar ātmecchayaiva tanutām upayāti kāle / saṃsārajālaracaneyam anantamāyā jvāleva vātakalayānagha pāvakasya

Sanskrit only: no published translation is held for this verse.