Moksopaya with Bhaskarakantha's Tika 5.48

लुठितं श्वपचागारं पुनर् विस्मयवान् ययौ । गाधिर् मनो हि नायाति तृप्तिम् आश्चर्यदर्शने

luṭhitaṃ śvapacāgāraṃ punar vismayavān yayau / gādhir mano hi nāyāti tṛptim āścaryadarśane

Sanskrit only: no published translation is held for this verse.

तत्रावलोकयाम् आस स्थानानि सदनानि च । कल्पक्षोभविवृत्तानि जगन्तीवाम्बुजोद्भवः

tatrāvalokayām āsa sthānāni sadanāni ca / kalpakṣobhavivṛttāni jagantīvāmbujodbhavaḥ

Sanskrit only: no published translation is held for this verse.

उवाच स्वात्मनैवेदम् अरण्ये लुठितालये । शुष्कास्थिमालावलिते पिशाचक इव भ्रमन्

uvāca svātmanaivedam araṇye luṭhitālaye / śuṣkāsthimālāvalite piśācaka iva bhraman

Sanskrit only: no published translation is held for this verse.

इमास् ता मृतमातङ्गदन्तमाला वृतौ कृताः । अद्यापि संस्थिताः कल्पं प्रति मेरुशिखा इव

imās tā mṛtamātaṅgadantamālā vṛtau kṛtāḥ / adyāpi saṃsthitāḥ kalpaṃ prati meruśikhā iva

Sanskrit only: no published translation is held for this verse.

इह तद् वानरीमांसं पक्वं वंशाङ्कुरैस् सह । भुक्तं सुरासवोन्मत्तैस् सह श्वपचबन्धुभिः

iha tad vānarīmāṃsaṃ pakvaṃ vaṃśāṅkurais saha / bhuktaṃ surāsavonmattais saha śvapacabandhubhiḥ

Sanskrit only: no published translation is held for this verse.

आलिङ्ग्य श्वपचीं श्यामाम् इह केसरिचर्मणि । सुप्तम् आपीय मैरेयं तिक्तं गजमदैर् नवैः

āliṅgya śvapacīṃ śyāmām iha kesaricarmaṇi / suptam āpīya maireyaṃ tiktaṃ gajamadair navaiḥ

Sanskrit only: no published translation is held for this verse.

कौलेयककुटुम्बिन्यः पिण्याकपरिवर्धिताः । इह बद्धा वरत्राभिर् मृतेभरदकाष्ठके

kauleyakakuṭumbinyaḥ piṇyākaparivardhitāḥ / iha baddhā varatrābhir mṛtebharadakāṣṭhake

Sanskrit only: no published translation is held for this verse.

इह वारणमुक्तानां तद् आसीत् पिठिरत्रयम् । पिनद्धं माहिषेणोग्रचर्मणाम्बुदशोभिना

iha vāraṇamuktānāṃ tad āsīt piṭhiratrayam / pinaddhaṃ māhiṣeṇogracarmaṇāmbudaśobhinā

Sanskrit only: no published translation is held for this verse.

स्थलीष्व् एतासु तास्व् अत्र सह श्वपचबालकैः । चिरं विलुलितं चूतपत्त्रपुञ्जे पिकैर् इव

sthalīṣv etāsu tāsv atra saha śvapacabālakaiḥ / ciraṃ vilulitaṃ cūtapattrapuñje pikair iva

Sanskrit only: no published translation is held for this verse.

रूढतद्बालनिश्श्वासरणद्वंशानुवृत्तिमत् । गीतं पीतं शुनीरक्तसाधितासवतोषितैः

rūḍhatadbālaniśśvāsaraṇadvaṃśānuvṛttimat / gītaṃ pītaṃ śunīraktasādhitāsavatoṣitaiḥ

Sanskrit only: no published translation is held for this verse.

अत्र सार्धं कुटुम्बेन जन्यत्रेषु कुटुम्बिना । नृत्तं तत् कृतम् उन्नादं कल्लोलैर् जलधाव् इव

atra sārdhaṃ kuṭumbena janyatreṣu kuṭumbinā / nṛttaṃ tat kṛtam unnādaṃ kallolair jaladhāv iva

Sanskrit only: no published translation is held for this verse.

अत्रोड्डयनलोलानां काकभासपतत्रिणाम् । धृतानाम् अन्यघातार्थं ग्रथितं वंशपञ्जरम्

atroḍḍayanalolānāṃ kākabhāsapatatriṇām / dhṛtānām anyaghātārthaṃ grathitaṃ vaṃśapañjaram

Sanskrit only: no published translation is held for this verse.

एवम्प्रायास् स्मरन् गाधिः प्राक्तनीश् श्वपचक्रियाः । विस्मयोत्कम्पितशिरा धातुश् चेष्टाः परामृशन्

evamprāyās smaran gādhiḥ prāktanīś śvapacakriyāḥ / vismayotkampitaśirā dhātuś ceṣṭāḥ parāmṛśan

Sanskrit only: no published translation is held for this verse.

चचाल तस्माद् दीर्घेण देशात् कालेन कार्यवित् । हूनमण्डलम् उत्सृज्य प्राप देशान्तरं क्रमात्

cacāla tasmād dīrgheṇa deśāt kālena kāryavit / hūnamaṇḍalam utsṛjya prāpa deśāntaraṃ kramāt

Sanskrit only: no published translation is held for this verse.

समुल्लङ्घ्य नदीशैलमण्डलारण्यसन्ततिम् । आससाद तुषाराद्रिलग्नं कीरजनास्पदम्

samullaṅghya nadīśailamaṇḍalāraṇyasantatim / āsasāda tuṣārādrilagnaṃ kīrajanāspadam

Sanskrit only: no published translation is held for this verse.

तत्र प्राप महीपालनगरं नगसन्निभम् । जगद्भ्रमणखिन्नात्मा स्वर्लोकम् इव नारदः

tatra prāpa mahīpālanagaraṃ nagasannibham / jagadbhramaṇakhinnātmā svarlokam iva nāradaḥ

Sanskrit only: no published translation is held for this verse.

अथात्मनानुभूतानि दृष्टान्य् आसेवितानि च । स्थानानि नगरे पश्यन् पप्रच्छ जनम् आदृतः

athātmanānubhūtāni dṛṣṭāny āsevitāni ca / sthānāni nagare paśyan papraccha janam ādṛtaḥ

Sanskrit only: no published translation is held for this verse.

साधो स्मरसि कच्चित् त्वम् इह श्वपचम् ईश्वरम् । यदि जानासि तत् तन् मे कथयाशु यथाविधि

sādho smarasi kaccit tvam iha śvapacam īśvaram / yadi jānāsi tat tan me kathayāśu yathāvidhi

Sanskrit only: no published translation is held for this verse.

अभूद् इहाष्टौ वर्षाणि श्वपचो भूमिपो द्विज । राजत्वम् अर्पितं यस्य नवमङ्गलहस्तिना

abhūd ihāṣṭau varṣāṇi śvapaco bhūmipo dvija / rājatvam arpitaṃ yasya navamaṅgalahastinā

Sanskrit only: no published translation is held for this verse.

अन्ते स सम्परिज्ञातस् सम्प्रविष्टो हुताशनम् । अत्र द्वादशवर्शाणि समतीतानि तापस

ante sa samparijñātas sampraviṣṭo hutāśanam / atra dvādaśavarśāṇi samatītāni tāpasa

Sanskrit only: no published translation is held for this verse.

यं यं पृच्छत्य् असौ गाधिर् जनं जातकुतूहलः । तस्य तस्य मुखाद् एवं शृणोत्य् अनुभवत्य् अपि

yaṃ yaṃ pṛcchaty asau gādhir janaṃ jātakutūhalaḥ / tasya tasya mukhād evaṃ śṛṇoty anubhavaty api

Sanskrit only: no published translation is held for this verse.

अथापश्यत् पुरे तस्मिन् नृपं सबलवाहनम् । देवं चक्रधरं द्रष्टुं मन्दिरान् निर्गतं बहिः

athāpaśyat pure tasmin nṛpaṃ sabalavāhanam / devaṃ cakradharaṃ draṣṭuṃ mandirān nirgataṃ bahiḥ

Sanskrit only: no published translation is held for this verse.

तं दृष्ट्वा स्थगिताकाशं बलरेणुपयोधरैः । प्राक्तनीं राजताम् स्मृत्वा स्वाम् उवाचातिविस्मितः

taṃ dṛṣṭvā sthagitākāśaṃ balareṇupayodharaiḥ / prāktanīṃ rājatām smṛtvā svām uvācātivismitaḥ

Sanskrit only: no published translation is held for this verse.

इमास् ताः कीरकामिन्यः पद्मगर्भोपमत्वचः । कनकद्रववर्णिन्यो लोलनीलोत्पलेक्षणाः

imās tāḥ kīrakāminyaḥ padmagarbhopamatvacaḥ / kanakadravavarṇinyo lolanīlotpalekṣaṇāḥ

Sanskrit only: no published translation is held for this verse.

चामरौघा इमे चन्द्रकरसम्पिण्डपाण्डुराः । स्थिरनिर्झरसङ्काशाः काशपुष्पचया इव

cāmaraughā ime candrakarasampiṇḍapāṇḍurāḥ / sthiranirjharasaṅkāśāḥ kāśapuṣpacayā iva

Sanskrit only: no published translation is held for this verse.

कान्ताभिर् अवधूयन्ते वालव्यजनराशयः । इमास् ता नववल्लीभिः कुसुमानाम् इवर्द्धयः

kāntābhir avadhūyante vālavyajanarāśayaḥ / imās tā navavallībhiḥ kusumānām ivarddhayaḥ

Sanskrit only: no published translation is held for this verse.

इमास् ता मत्तमातङ्गघटा घटितमन्दिराः । सकल्पपादपा मेरोर् इव श्र्ङ्गपरम्पराः

imās tā mattamātaṅgaghaṭā ghaṭitamandirāḥ / sakalpapādapā meror iva śrṅgaparamparāḥ

Sanskrit only: no published translation is held for this verse.

एते ते यमशर्वेन्द्रकुबेरप्रतिमौजसः । सामन्ता वासवस्येव लोकपाला महीभृतः

ete te yamaśarvendrakuberapratimaujasaḥ / sāmantā vāsavasyeva lokapālā mahībhṛtaḥ

Sanskrit only: no published translation is held for this verse.

इमास् तास् सर्वरत्नाढ्यास् सर्वाभिमतदास् तताः । कल्पवृक्षलताकुञ्जसुन्दर्यो गृहपङ्क्तयः

imās tās sarvaratnāḍhyās sarvābhimatadās tatāḥ / kalpavṛkṣalatākuñjasundaryo gṛhapaṅktayaḥ

Sanskrit only: no published translation is held for this verse.

इदं तत् कीरजनताराज्यं प्राग् भुक्तम् अद्य मे । आत्मजन्मान्तराचार इव प्रत्यक्सतां गतम्

idaṃ tat kīrajanatārājyaṃ prāg bhuktam adya me / ātmajanmāntarācāra iva pratyaksatāṃ gatam

Sanskrit only: no published translation is held for this verse.

सत्यस्वप्न इवेदं मे जाग्रतो ऽपि पुरस् स्थितम् । न जाने किं कृतोत्थाना मायेयं प्रविजृम्भते

satyasvapna ivedaṃ me jāgrato 'pi puras sthitam / na jāne kiṃ kṛtotthānā māyeyaṃ pravijṛmbhate

Sanskrit only: no published translation is held for this verse.

अहो नु खलु दीर्घेण मनोमोहेन जृम्भता । वैवश्यम् उपनीतो ऽहं जालेनेव शकुन्तकः

aho nu khalu dīrgheṇa manomohena jṛmbhatā / vaivaśyam upanīto 'haṃ jāleneva śakuntakaḥ

Sanskrit only: no published translation is held for this verse.

हा धिक् कष्टम् अबुद्धं मे मनो वासनया हतम् । पश्यतो भ्रमजालानि वितनोति शिशोर् इव

hā dhik kaṣṭam abuddhaṃ me mano vāsanayā hatam / paśyato bhramajālāni vitanoti śiśor iva

Sanskrit only: no published translation is held for this verse.

एषा हि माया महती तेन मे चक्रपाणिना । दर्शितेत्य् अधुना साधु मया स्मृतम् अखण्डितम्

eṣā hi māyā mahatī tena me cakrapāṇinā / darśitety adhunā sādhu mayā smṛtam akhaṇḍitam

Sanskrit only: no published translation is held for this verse.

तद् इदानीं तथा यत्नं करिष्ये गिरिकन्दरे । यथातिसम्भ्रमस्यास्य जाने मर्म यथास्थितम्

tad idānīṃ tathā yatnaṃ kariṣye girikandare / yathātisambhramasyāsya jāne marma yathāsthitam

Sanskrit only: no published translation is held for this verse.

इति सञ्चिन्त्य नगराद् गाधिस् तप्तुं जगाम ह । कन्दरं प्राप्य शैलस्य तस्थौ सुश्रान्तसिंहवत्

iti sañcintya nagarād gādhis taptuṃ jagāma ha / kandaraṃ prāpya śailasya tasthau suśrāntasiṃhavat

Sanskrit only: no published translation is held for this verse.

तत्र संवत्सरं सार्धं पयश्चुलकभोजनः । तपश् चक्रे महातेजास् तुष्टये शार्ङ्गधन्वनः

tatra saṃvatsaraṃ sārdhaṃ payaśculakabhojanaḥ / tapaś cakre mahātejās tuṣṭaye śārṅgadhanvanaḥ

Sanskrit only: no published translation is held for this verse.

अथास्य पुण्डरीकाक्षः पयोमूर्तिर् उपाययौ । प्रसादम् उत्पलश्यामश् शरदीव महाह्रदः

athāsya puṇḍarīkākṣaḥ payomūrtir upāyayau / prasādam utpalaśyāmaś śaradīva mahāhradaḥ

Sanskrit only: no published translation is held for this verse.

तम् आजगाम शैलेन्द्रकन्दरं द्विजमन्दिरम् । पयोधरवद् आत्माच्छच्छविर् व्योमन्य् अथावसत्

tam ājagāma śailendrakandaraṃ dvijamandiram / payodharavad ātmācchacchavir vyomany athāvasat

Sanskrit only: no published translation is held for this verse.

गाधे कच्चित् त्वया दृष्टा माया मम गरीयसी । दृष्टं त्वया जगज्जालचेष्टितं वेष्टितात्मकम्

gādhe kaccit tvayā dṛṣṭā māyā mama garīyasī / dṛṣṭaṃ tvayā jagajjālaceṣṭitaṃ veṣṭitātmakam

Sanskrit only: no published translation is held for this verse.

चित्ताभिमत एतस्मिन् प्राप्ते सम्यग् अनिन्दित । तपो गिरितटे कुर्वन् किम् अन्यद् अभिवाञ्छसि

cittābhimata etasmin prāpte samyag anindita / tapo giritaṭe kurvan kim anyad abhivāñchasi

Sanskrit only: no published translation is held for this verse.

एवं वदन्तम् आलोक्य हरिं गाधिर् द्विजोत्तमः । अर्चाकुसुमपूरेण पादयोः पर्यपूजयत्

evaṃ vadantam ālokya hariṃ gādhir dvijottamaḥ / arcākusumapūreṇa pādayoḥ paryapūjayat

Sanskrit only: no published translation is held for this verse.

दत्तार्घं कीर्णकुसुमं प्रणम्याशु प्रदक्षिणैः । विष्णुम् आह द्विजो वाक्यम् अम्भोदम् इव चातकः

dattārghaṃ kīrṇakusumaṃ praṇamyāśu pradakṣiṇaiḥ / viṣṇum āha dvijo vākyam ambhodam iva cātakaḥ

Sanskrit only: no published translation is held for this verse.

देव यैषा त्वया माया दर्शितातितमोमयी । महीं प्रातर् इवादित्यस् तां मे प्रकटतां नय

deva yaiṣā tvayā māyā darśitātitamomayī / mahīṃ prātar ivādityas tāṃ me prakaṭatāṃ naya

Sanskrit only: no published translation is held for this verse.

भ्रमं यत् पश्यति मनो वासनामलमालितम् । स्वप्नवत् स कथं देव जाग्रत्य् अपि हि दृश्यते

bhramaṃ yat paśyati mano vāsanāmalamālitam / svapnavat sa kathaṃ deva jāgraty api hi dṛśyate

Sanskrit only: no published translation is held for this verse.

मुहूर्तम् उपलब्धात्मा जलान्तस् स्वप्नविभ्रमः । कथं प्रत्यक्षतां प्राप्तो ममामलपदास्पद

muhūrtam upalabdhātmā jalāntas svapnavibhramaḥ / kathaṃ pratyakṣatāṃ prāpto mamāmalapadāspada

Sanskrit only: no published translation is held for this verse.

दैर्घ्यादैर्घ्ये च कालस्य शरीरस्य भवाभवौ । कथम् अत्र स्थितानि स्युर् मदीयश्वपचभ्रमे

dairghyādairghye ca kālasya śarīrasya bhavābhavau / katham atra sthitāni syur madīyaśvapacabhrame

Sanskrit only: no published translation is held for this verse.

गाधे स्वाधिविधूतस्य रूपम् अस्यैतद् आत्मजम् । चेतसो ऽदृष्टतत्त्वस्य यत् पश्यत्य् उरुविभ्रमम्

gādhe svādhividhūtasya rūpam asyaitad ātmajam / cetaso 'dṛṣṭatattvasya yat paśyaty uruvibhramam

Sanskrit only: no published translation is held for this verse.

बहिर् न किञ्चिद् अप्य् अस्ति खाद्रिद्यूर्वीदिगादिकम् । एतत् स्वचित्त एवास्ति पत्त्रपुञ्ज इवाङ्कुरे

bahir na kiñcid apy asti khādridyūrvīdigādikam / etat svacitta evāsti pattrapuñja ivāṅkure

Sanskrit only: no published translation is held for this verse.

फलादि स्फारताम् एति यथैव बहिर् अङ्कुरात् । बहिः प्रकटतां याति तथा पृथ्व्यादि चेतसः

phalādi sphāratām eti yathaiva bahir aṅkurāt / bahiḥ prakaṭatāṃ yāti tathā pṛthvyādi cetasaḥ

Sanskrit only: no published translation is held for this verse.

सत्यं पृथ्व्यादि चित्तस्थं न बहिस्स्थं कदाचन । अङ्कुरस्थं फलं वस्तु तस्माद् यस्मात् फलश्रियः

satyaṃ pṛthvyādi cittasthaṃ na bahissthaṃ kadācana / aṅkurasthaṃ phalaṃ vastu tasmād yasmāt phalaśriyaḥ

Sanskrit only: no published translation is held for this verse.

रूपालोकमनस्कारान् सत्ताकालक्रियाक्रमान् । कुम्भकारो घटम् इव चेतो हन्ति करोति च

rūpālokamanaskārān sattākālakriyākramān / kumbhakāro ghaṭam iva ceto hanti karoti ca

Sanskrit only: no published translation is held for this verse.

आबालम् एतत् पुरुषैस् सर्वैर् एवानुभूयते । स्वप्नभ्रमवद् आवेगरागरोगादिदृष्टिषु

ābālam etat puruṣais sarvair evānubhūyate / svapnabhramavad āvegarāgarogādidṛṣṭiṣu

Sanskrit only: no published translation is held for this verse.

चित्ते वृत्तान्तलक्षाणि संस्थितान्य् आत्तवासने । पादपे फलपुष्पाणि मूलाक्रान्तावनाव् इव

citte vṛttāntalakṣāṇi saṃsthitāny āttavāsane / pādape phalapuṣpāṇi mūlākrāntāvanāv iva

Sanskrit only: no published translation is held for this verse.

त्यक्तावनेर् विटपिनो भूयः पत्त्राणि नो यथा । निर्वासनस्य जीवस्य पुनर् जन्मादि नो तथा

tyaktāvaner viṭapino bhūyaḥ pattrāṇi no yathā / nirvāsanasya jīvasya punar janmādi no tathā

Sanskrit only: no published translation is held for this verse.

यत्रानन्तं जगज्जालं संस्थितं तेन चेतसा । श्वपचत्वं प्रकटितं यदि तद् विस्मयो ऽत्र किम्

yatrānantaṃ jagajjālaṃ saṃsthitaṃ tena cetasā / śvapacatvaṃ prakaṭitaṃ yadi tad vismayo 'tra kim

Sanskrit only: no published translation is held for this verse.

अवबुद्धा श्वपचता प्रतिभासवशात् त्वया । यथैवानल्पसंरम्भा विचित्रापि विकारदा

avabuddhā śvapacatā pratibhāsavaśāt tvayā / yathaivānalpasaṃrambhā vicitrāpi vikāradā

Sanskrit only: no published translation is held for this verse.

तथैवातिथिर् आयातो भुक्तवान् सुप्तवान् द्विजः । कथां कथितवांश् चेति दृष्टवान् असि विभ्रमम्

tathaivātithir āyāto bhuktavān suptavān dvijaḥ / kathāṃ kathitavāṃś ceti dṛṣṭavān asi vibhramam

Sanskrit only: no published translation is held for this verse.

तथैवोत्थाय गच्छामि प्राप्तो ऽहं हूनमण्डलम् । इमे हूना इमे ग्रामा दृष्टवान् इत्य् असि भ्रमम्

tathaivotthāya gacchāmi prāpto 'haṃ hūnamaṇḍalam / ime hūnā ime grāmā dṛṣṭavān ity asi bhramam

Sanskrit only: no published translation is held for this verse.

तथैवेदं कटञ्जस्य प्राक्तनं लुठितं गृहम् । जनैर् उक्तः कटञ्जश् च दृष्टवान् इत्य् असि भ्रमम्

tathaivedaṃ kaṭañjasya prāktanaṃ luṭhitaṃ gṛham / janair uktaḥ kaṭañjaś ca dṛṣṭavān ity asi bhramam

Sanskrit only: no published translation is held for this verse.

तथैव कीरनगरं प्राप्तो ऽस्मि कथितं च मे । कीरैश् श्वपचराजत्वं दृष्टवान् इत्य् असि भ्रमम्

tathaiva kīranagaraṃ prāpto 'smi kathitaṃ ca me / kīraiś śvapacarājatvaṃ dṛṣṭavān ity asi bhramam

Sanskrit only: no published translation is held for this verse.

एवं सर्वं त्वया दृष्टं मोहजालं द्विजोत्तम । यत् सत्यम् इति जानासि यच् चासत्यम् अवैषि च

evaṃ sarvaṃ tvayā dṛṣṭaṃ mohajālaṃ dvijottama / yat satyam iti jānāsi yac cāsatyam avaiṣi ca

Sanskrit only: no published translation is held for this verse.

वासनावलितं चेतः किं नाम न न पश्यति । साधितं दृश्यते स्वप्ने वर्षसाध्यं प्रयोजनम्

vāsanāvalitaṃ cetaḥ kiṃ nāma na na paśyati / sādhitaṃ dṛśyate svapne varṣasādhyaṃ prayojanam

Sanskrit only: no published translation is held for this verse.

नातिथिर् न च हूनास् ते न कीरास् ते न तत् पुरम् । सर्वम् एव महाबुद्धे व्यामोहाद् दृष्टवान् असि

nātithir na ca hūnās te na kīrās te na tat puram / sarvam eva mahābuddhe vyāmohād dṛṣṭavān asi

Sanskrit only: no published translation is held for this verse.

गच्छता भवता हूनदेशं पान्थेन कन्दरे । कस्मिंश्चिद् विप्र विश्रान्तं कुरङ्गेणेव कानने

gacchatā bhavatā hūnadeśaṃ pānthena kandare / kasmiṃścid vipra viśrāntaṃ kuraṅgeṇeva kānane

Sanskrit only: no published translation is held for this verse.

तथैव श्रममूढत्वाद् इदं तद् धूनमण्डलम् । इदं तच् छ्वपचागारम् इति दृष्टं न सत्यतः

tathaiva śramamūḍhatvād idaṃ tad dhūnamaṇḍalam / idaṃ tac chvapacāgāram iti dṛṣṭaṃ na satyataḥ

Sanskrit only: no published translation is held for this verse.

तथैव कीरनगरं दृष्टवान् असि तत् तथा । तथैव नान्यथा वापि मायार्थी हि भवान् द्विज

tathaiva kīranagaraṃ dṛṣṭavān asi tat tathā / tathaiva nānyathā vāpi māyārthī hi bhavān dvija

Sanskrit only: no published translation is held for this verse.

सर्वदैव समग्रासु विहरन्न् असि दृष्टवान् । दिक्षु प्रोन्मत्तक इव विभ्रमं मनसा मुने

sarvadaiva samagrāsu viharann asi dṛṣṭavān / dikṣu pronmattaka iva vibhramaṃ manasā mune

Sanskrit only: no published translation is held for this verse.

तद् उत्तिष्ठ निजम् कर्म कुर्वंस् तिष्ठोपशान्तधीः । न स्वकर्म विना श्रेयः प्राप्नुवन्तीह मानवाः

tad uttiṣṭha nijam karma kurvaṃs tiṣṭhopaśāntadhīḥ / na svakarma vinā śreyaḥ prāpnuvantīha mānavāḥ

Sanskrit only: no published translation is held for this verse.

इति निगदितवान् स पद्मनाभो वनगततापसवृन्दपूज्यमानः । विबुधमुनिगणैः पवित्रहस्तैर् वृत उदधिं निजम् आस्पदं जगाम

iti nigaditavān sa padmanābho vanagatatāpasavṛndapūjyamānaḥ / vibudhamunigaṇaiḥ pavitrahastair vṛta udadhiṃ nijam āspadaṃ jagāma

Sanskrit only: no published translation is held for this verse.