इति निर्णीय ततया धिया धवलया मुनिः । बद्धपद्मासनस् तस्थाव् अर्धोन्मीलितलोचनः
iti nirṇīya tatayā dhiyā dhavalayā muniḥ / baddhapadmāsanas tasthāv ardhonmīlitalocanaḥ
Sanskrit only: no published translation is held for this verse.
Library·Moksopaya with Bhaskarakantha's Tika·5·5.54
Moksopaya with Bhaskarakantha's Tika 5.54
ओङ्कारम् अकरोत् तारस्वरम् ऊर्ध्वगतध्वनिम् । सम्यगाहतलाङ्गूलं घण्टाकुम्भम् इवारवम्
oṅkāram akarot tārasvaram ūrdhvagatadhvanim / samyagāhatalāṅgūlaṃ ghaṇṭākumbham ivāravam
Sanskrit only: no published translation is held for this verse.
ओमुच्चारयतस् तस्य संवित्तत्त्वे तदुन्मुखे । यावदोङ्कारम् ऊर्ध्वस्थे वितते विमलात्मनि
omuccārayatas tasya saṃvittattve tadunmukhe / yāvadoṅkāram ūrdhvasthe vitate vimalātmani
Sanskrit only: no published translation is held for this verse.
सार्धत्र्यंशात्ममात्रस्य प्रथमे ऽंशे स्फुटारवे । प्रणवस्य मनाक्क्षुब्धप्राणारणितदेहके
sārdhatryaṃśātmamātrasya prathame 'ṃśe sphuṭārave / praṇavasya manākkṣubdhaprāṇāraṇitadehake
Sanskrit only: no published translation is held for this verse.
रेचकाख्यो ऽखिलं कायं प्राणनिष्क्रमणक्रमः । रिक्तीचकार पीताम्बुर् अगस्त्य इव सागरम्
recakākhyo 'khilaṃ kāyaṃ prāṇaniṣkramaṇakramaḥ / riktīcakāra pītāmbur agastya iva sāgaram
Sanskrit only: no published translation is held for this verse.
अतिष्ठत् प्राणपवनश् चिद्रसापूरिते ऽम्बरे । त्यक्तदेहः परित्यक्तनीडः खग इवाम्बरे
atiṣṭhat prāṇapavanaś cidrasāpūrite 'mbare / tyaktadehaḥ parityaktanīḍaḥ khaga ivāmbare
Sanskrit only: no published translation is held for this verse.
हृदयाग्निर् ज्वलञ् ज्वाली ददाह मलिनं वपुः । उत्पातपवनोच्छूनो दावश् शुष्कम् इव द्रुमम्
hṛdayāgnir jvalañ jvālī dadāha malinaṃ vapuḥ / utpātapavanocchūno dāvaś śuṣkam iva drumam
Sanskrit only: no published translation is held for this verse.
यावदिच्छम् अवस्थैषा प्रणवप्रथमे क्रमे । बभूव न हठाद् एव हठयोगो हि दुःखदः
yāvadiccham avasthaiṣā praṇavaprathame krame / babhūva na haṭhād eva haṭhayogo hi duḥkhadaḥ
Sanskrit only: no published translation is held for this verse.
अथेतरांशावसरे प्रणवस्य समस्थितौ । निस्स्पन्दकुम्भको नाम प्राणानाम् अभवत् क्रमः
athetarāṃśāvasare praṇavasya samasthitau / nisspandakumbhako nāma prāṇānām abhavat kramaḥ
Sanskrit only: no published translation is held for this verse.
न बहिर् नान्तरे नाधो नोर्ध्वे नाशासु तत्र ते । सङ्क्षोभम् अगमन् प्राणा अर्धसंस्तम्भिता इव
na bahir nāntare nādho nordhve nāśāsu tatra te / saṅkṣobham agaman prāṇā ardhasaṃstambhitā iva
Sanskrit only: no published translation is held for this verse.
दग्धदेहपुरो वह्निश् शशामाशनिवत् क्षणात् । अदृश्यत सितं भस्म शारीरं हिमपाण्डुरम्
dagdhadehapuro vahniś śaśāmāśanivat kṣaṇāt / adṛśyata sitaṃ bhasma śārīraṃ himapāṇḍuram
Sanskrit only: no published translation is held for this verse.
यत्र कर्पूरशय्यायां सुप्तानीव सुखोचितम् । शरीरास्थीनि लक्ष्यन्ते निस्स्पन्दानि सितानि च
yatra karpūraśayyāyāṃ suptānīva sukhocitam / śarīrāsthīni lakṣyante nisspandāni sitāni ca
Sanskrit only: no published translation is held for this verse.
तद् भस्म पवनाधूतं सास्थि वायुर् अयोजयत् । स्वदेहे भृशम् उच्छूने त्रिनेत्रव्रतवान् इव
tad bhasma pavanādhūtaṃ sāsthi vāyur ayojayat / svadehe bhṛśam ucchūne trinetravratavān iva
Sanskrit only: no published translation is held for this verse.
तच् चण्डपवनोद्धूतम् आवृत्य गगनं क्षणात् । शरदीवाभ्रमिहिका क्वापि भस्मास्थिमद् ययौ
tac caṇḍapavanoddhūtam āvṛtya gaganaṃ kṣaṇāt / śaradīvābhramihikā kvāpi bhasmāsthimad yayau
Sanskrit only: no published translation is held for this verse.
यावदिच्छम् अवस्थैषा प्रणवस्यापरे क्रमे । बभूव न हठाद् एव हठयोगो हि दुःखदः
yāvadiccham avasthaiṣā praṇavasyāpare krame / babhūva na haṭhād eva haṭhayogo hi duḥkhadaḥ
Sanskrit only: no published translation is held for this verse.
ततस् तृतीयावसरे प्रणवस्योपशान्तिदे । पूरणात् पूरको नाम प्राणानाम् अभवत् क्रमः
tatas tṛtīyāvasare praṇavasyopaśāntide / pūraṇāt pūrako nāma prāṇānām abhavat kramaḥ
Sanskrit only: no published translation is held for this verse.
अस्मिन्न् अवसरे प्राणाश् चेतनामृतमध्यगाः । व्योम्नि शीतलताम् ईयुर् हिमसंस्पर्शसुन्दरीम्
asminn avasare prāṇāś cetanāmṛtamadhyagāḥ / vyomni śītalatām īyur himasaṃsparśasundarīm
Sanskrit only: no published translation is held for this verse.
क्रमाद् गगनमध्यस्थाश् चन्द्रमण्डलतां ययुः । धूमा गगनकोशस्थाश् शीतलाम्बुदताम् इव
kramād gaganamadhyasthāś candramaṇḍalatāṃ yayuḥ / dhūmā gaganakośasthāś śītalāmbudatām iva
Sanskrit only: no published translation is held for this verse.
कलाकलापसम्पूर्णे ते तस्मिंश् चन्द्रमण्डले । पुण्यराशाव् इवापूर्णे रसायनमहार्णवे
kalākalāpasampūrṇe te tasmiṃś candramaṇḍale / puṇyarāśāv ivāpūrṇe rasāyanamahārṇave
Sanskrit only: no published translation is held for this verse.
रसायनमहाधारास् सम्पन्नाः प्राणवायवः । मणियष्टिसमाकारा जलेष्व् इन्दोर् इवांशवः
rasāyanamahādhārās sampannāḥ prāṇavāyavaḥ / maṇiyaṣṭisamākārā jaleṣv indor ivāṃśavaḥ
Sanskrit only: no published translation is held for this verse.
सा पपाताम्बराद् धारा शेषे शारीरभस्मनि । रासायनी हरशिरःपतितेव सुरापगा
sā papātāmbarād dhārā śeṣe śārīrabhasmani / rāsāyanī haraśiraḥpatiteva surāpagā
Sanskrit only: no published translation is held for this verse.
उदभूद् इन्दुबिम्बाभं चतुर्बाहुवपुस् तया । प्रस्फुरन्मन्दराद् अब्धेः पारिजात इव द्रुमः
udabhūd indubimbābhaṃ caturbāhuvapus tayā / prasphuranmandarād abdheḥ pārijāta iva drumaḥ
Sanskrit only: no published translation is held for this verse.
उद्दालकशरीरं तन् नारायणतयोदितम् । प्रफुल्तचूतवत् कान्तम् आबभौ दीप्तिसुन्दरम्
uddālakaśarīraṃ tan nārāyaṇatayoditam / praphultacūtavat kāntam ābabhau dīptisundaram
Sanskrit only: no published translation is held for this verse.
रसायनमयाः प्राणास् तच्छरीरम् अपूरयन् । सरिदोघा इव सरो वृक्षं मधुरसा इव
rasāyanamayāḥ prāṇās taccharīram apūrayan / saridoghā iva saro vṛkṣaṃ madhurasā iva
Sanskrit only: no published translation is held for this verse.
अन्तः कुण्डलिनीं प्राणाः पूरयाम् आसुर् आदृताः । वक्रानुवक्रप्रसृतास् सरांसीव सरित्स्खदाम्
antaḥ kuṇḍalinīṃ prāṇāḥ pūrayām āsur ādṛtāḥ / vakrānuvakraprasṛtās sarāṃsīva saritskhadām
Sanskrit only: no published translation is held for this verse.
प्रकृतिस्थं बभूवास्य तच् छरीरं द्विजन्मनः । प्रावृट्संरम्भविगमे धौतं तलम् इवावनेः
prakṛtisthaṃ babhūvāsya tac charīraṃ dvijanmanaḥ / prāvṛṭsaṃrambhavigame dhautaṃ talam ivāvaneḥ
Sanskrit only: no published translation is held for this verse.
अथ पद्मासनगतः कृत्वा देहे स्थितिं दृढाम् । आलान इव मातङ्गं निबध्येन्द्रियपञ्चकम्
atha padmāsanagataḥ kṛtvā dehe sthitiṃ dṛḍhām / ālāna iva mātaṅgaṃ nibadhyendriyapañcakam
Sanskrit only: no published translation is held for this verse.
निर्विकल्पसमाध्यर्थं व्यवसायम् उपाददे । स्वभावं स्वच्छतां नेतुं शरत्काल इवामलः
nirvikalpasamādhyarthaṃ vyavasāyam upādade / svabhāvaṃ svacchatāṃ netuṃ śaratkāla ivāmalaḥ
Sanskrit only: no published translation is held for this verse.
स्वस्वान्तवातहरिणम् आशादिग्गणगामिनम् । चिन्तया हृदयं निन्ये दूराद् रज्ज्वेव कीलकम्
svasvāntavātahariṇam āśādiggaṇagāminam / cintayā hṛdayaṃ ninye dūrād rajjveva kīlakam
Sanskrit only: no published translation is held for this verse.
धावमानम् अधो मत्तं चित्तम् आबिलम् आकुलम् । बलात् संरोधयाम् आस सेतुर् जलम् इव द्रुतम्
dhāvamānam adho mattaṃ cittam ābilam ākulam / balāt saṃrodhayām āsa setur jalam iva drutam
Sanskrit only: no published translation is held for this verse.
न्यमीमिलद् दृशाव् अर्धं परिपक्ष्मलपक्ष्मके । निस्स्पन्दतारामधुपे सन्ध्याकाल इवाम्बुजे
nyamīmilad dṛśāv ardhaṃ paripakṣmalapakṣmake / nisspandatārāmadhupe sandhyākāla ivāmbuje
Sanskrit only: no published translation is held for this verse.
सोम्यताम् अनयन् मौनी प्राणापानजवं मुखे । श्वसनं श्रेयसे देशे प्रशस्तस् समयो यथा
somyatām anayan maunī prāṇāpānajavaṃ mukhe / śvasanaṃ śreyase deśe praśastas samayo yathā
Sanskrit only: no published translation is held for this verse.
तिलेभ्य इव तैलानि पृथक् चक्रे प्रयत्नतः । इन्द्रियाणीन्द्रियार्थेभ्यः कूर्मो ऽङ्गानीव गोपयन्
tilebhya iva tailāni pṛthak cakre prayatnataḥ / indriyāṇīndriyārthebhyaḥ kūrmo 'ṅgānīva gopayan
Sanskrit only: no published translation is held for this verse.
बाह्यान् स्पर्शान् अशेषेण जहौ दूरे शनैर् अरीन् । सहसा कुण्डकच्छन्नो मणिर् दूरं त्विषो यथा
bāhyān sparśān aśeṣeṇa jahau dūre śanair arīn / sahasā kuṇḍakacchanno maṇir dūraṃ tviṣo yathā
Sanskrit only: no published translation is held for this verse.
विलीनान् आन्तरांश् चक्रे स्पर्शान् उज्झितदर्शनान् । रसान् विटपकोशस्थान् मार्गशीर्ष इव द्रुमः
vilīnān āntarāṃś cakre sparśān ujjhitadarśanān / rasān viṭapakośasthān mārgaśīrṣa iva drumaḥ
Sanskrit only: no published translation is held for this verse.
रुरोध गुदसङ्कोचान् नवद्वारानिलान् अथ । मुखसंस्थगनात् कुम्भरन्ध्रकोशान् इवेतरान्
rurodha gudasaṅkocān navadvārānilān atha / mukhasaṃsthaganāt kumbharandhrakośān ivetarān
Sanskrit only: no published translation is held for this verse.
आत्मरत्नप्रकाशाढ्यां स्पष्टां कुसुमलाञ्छिताम् । दधार कन्धरां धीरां मेरुश् शृङ्गशिखाम् इव
ātmaratnaprakāśāḍhyāṃ spaṣṭāṃ kusumalāñchitām / dadhāra kandharāṃ dhīrāṃ meruś śṛṅgaśikhām iva
Sanskrit only: no published translation is held for this verse.
दधार हृदयाकाशे मनस् संयमम् आगतम् । विन्ध्यखात इवोन्मत्तं गजं युक्तिवशीकृतम्
dadhāra hṛdayākāśe manas saṃyamam āgatam / vindhyakhāta ivonmattaṃ gajaṃ yuktivaśīkṛtam
Sanskrit only: no published translation is held for this verse.
शरन्नभोवद् आसाद्य निर्मलाम् अतिसोम्यताम् । जहार परिपूर्णाब्धेर् मेरोश् चातरलां श्रियम्
śarannabhovad āsādya nirmalām atisomyatām / jahāra paripūrṇābdher meroś cātaralāṃ śriyam
Sanskrit only: no published translation is held for this verse.
दुधावाथ विकल्पौघान् प्रतिभासम् उपेयुषः । पुरःपरिस्फुरद्रूपान् मषकान् इव मारुतः
dudhāvātha vikalpaughān pratibhāsam upeyuṣaḥ / puraḥparisphuradrūpān maṣakān iva mārutaḥ
Sanskrit only: no published translation is held for this verse.
आगच्छतो यथाकामं प्रतिभासान् पुनः पुनः । अच्छिनन् मनसा शूरः खड्गेनेव रणे शरान्
āgacchato yathākāmaṃ pratibhāsān punaḥ punaḥ / acchinan manasā śūraḥ khaḍgeneva raṇe śarān
Sanskrit only: no published translation is held for this verse.
विकल्पौघे परालूने सो ऽपश्यद् धृदयाम्बरे । तमश् छन्नविवेकार्कं लोलकज्जलमेचकम्
vikalpaughe parālūne so 'paśyad dhṛdayāmbare / tamaś channavivekārkaṃ lolakajjalamecakam
Sanskrit only: no published translation is held for this verse.
तद् अप्य् उत्सारयाम् आस सम्यक् स्वान्तविवस्वता । सम्यग्ज्ञानोदितेनाशु पवनेनेव कज्जलम्
tad apy utsārayām āsa samyak svāntavivasvatā / samyagjñānoditenāśu pavaneneva kajjalam
Sanskrit only: no published translation is held for this verse.
तमस्य् उपरते कान्तं तेजःपुञ्जं ददर्श सः । शार्वरे तिमिरे शान्ते प्रातस् सान्ध्यम् इवाम्बुदम्
tamasy uparate kāntaṃ tejaḥpuñjaṃ dadarśa saḥ / śārvare timire śānte prātas sāndhyam ivāmbudam
Sanskrit only: no published translation is held for this verse.
तं लुलाव स्थलाब्जानां वनं बाल इव द्विपः । अपिबच् चाप्य् असृक्पूरं वेताल इव वेगतः
taṃ lulāva sthalābjānāṃ vanaṃ bāla iva dvipaḥ / apibac cāpy asṛkpūraṃ vetāla iva vegataḥ
Sanskrit only: no published translation is held for this verse.
तेजस्य् उपरते तस्य घूर्णमानं मनो मुनेः । निशाब्जवद् अगान् निद्रां लोलं क्षीववद् एव वा
tejasy uparate tasya ghūrṇamānaṃ mano muneḥ / niśābjavad agān nidrāṃ lolaṃ kṣīvavad eva vā
Sanskrit only: no published translation is held for this verse.
मेघमालां इव मरुद् बालो नीलाब्जिनीम् इव । यामिनीम् इव तीक्ष्णांशुस् ताम् अप्य् आशु लुलाव सः
meghamālāṃ iva marud bālo nīlābjinīm iva / yāminīm iva tīkṣṇāṃśus tām apy āśu lulāva saḥ
Sanskrit only: no published translation is held for this verse.
निद्राव्युपशमे तस्य भावयाम् आस तन् मनः । व्योम श्यामलदृग् जन्तुर् नभसीव शिखण्डकम्
nidrāvyupaśame tasya bhāvayām āsa tan manaḥ / vyoma śyāmaladṛg jantur nabhasīva śikhaṇḍakam
Sanskrit only: no published translation is held for this verse.
पयोद इव तापिञ्छं नीहारम् इव मारुतः । तमो दीप इवाच्छात्मा तद् अप्य् आशु ममार्ज सः
payoda iva tāpiñchaṃ nīhāram iva mārutaḥ / tamo dīpa ivācchātmā tad apy āśu mamārja saḥ
Sanskrit only: no published translation is held for this verse.
व्योमसंविदि भग्नायां मूढं तस्याभवन् मनः । निद्रायां प्रविलीनायां मैरेयमदवान् इव
vyomasaṃvidi bhagnāyāṃ mūḍhaṃ tasyābhavan manaḥ / nidrāyāṃ pravilīnāyāṃ maireyamadavān iva
Sanskrit only: no published translation is held for this verse.
मोहम् अप्य् एष मनसस् तं ममार्ज महाशयः । यामिनीजनितं जाड्यं भुवनाद् इव भास्करः
moham apy eṣa manasas taṃ mamārja mahāśayaḥ / yāminījanitaṃ jāḍyaṃ bhuvanād iva bhāskaraḥ
Sanskrit only: no published translation is held for this verse.
ततस् तेजस्तमोनिद्रामोहादिपरिवर्जितम् । काम् अप्य् अवस्थाम् आसाद्य विशश्राम मनः क्षणम्
tatas tejastamonidrāmohādiparivarjitam / kām apy avasthām āsādya viśaśrāma manaḥ kṣaṇam
Sanskrit only: no published translation is held for this verse.
विश्रम्याशु पपाताङ्गसंविदं चित्स्वरूपिणीम् । सेतुरुद्धं सरोवारि प्रतीपं स्वम् इवास्पदम्
viśramyāśu papātāṅgasaṃvidaṃ citsvarūpiṇīm / seturuddhaṃ sarovāri pratīpaṃ svam ivāspadam
Sanskrit only: no published translation is held for this verse.
चिरानुसन्धानवशात् स्वदनाच् च स्वसंविदः । ततश् चिन्मयताम् आगाद् धेम नूपुरताम् इव
cirānusandhānavaśāt svadanāc ca svasaṃvidaḥ / tataś cinmayatām āgād dhema nūpuratām iva
Sanskrit only: no published translation is held for this verse.
चित्तत्वम् अथ सन्त्यज्य चित्तं चित्त्वं ततं गतं । अन्यद् एव बभूवाशु पङ्कः कुम्भस्थिताव् इव
cittatvam atha santyajya cittaṃ cittvaṃ tataṃ gataṃ / anyad eva babhūvāśu paṅkaḥ kumbhasthitāv iva
Sanskrit only: no published translation is held for this verse.
चेत्यं सन्त्यज्य चिच् छुद्धा चित्सामान्यम् अथाययौ । त्यक्तवीच्यादिभेदे ऽब्धौ वार्सामान्यम् इवैकधीः
cetyaṃ santyajya cic chuddhā citsāmānyam athāyayau / tyaktavīcyādibhede 'bdhau vārsāmānyam ivaikadhīḥ
Sanskrit only: no published translation is held for this verse.
त्यक्तभूतौघमननं ततो विश्वम्भरं बृहत् । चिदाकाशं ततं शुद्धं सो ऽभवद् बोधिम् आगतः
tyaktabhūtaughamananaṃ tato viśvambharaṃ bṛhat / cidākāśaṃ tataṃ śuddhaṃ so 'bhavad bodhim āgataḥ
Sanskrit only: no published translation is held for this verse.
तत्र प्राप महानन्दं दृश्यदर्शनवर्जितम् । अनन्तम् उत्तमास्वादं रसायनम् इवार्णवम्
tatra prāpa mahānandaṃ dṛśyadarśanavarjitam / anantam uttamāsvādaṃ rasāyanam ivārṇavam
Sanskrit only: no published translation is held for this verse.
शरीरात् समतीतो ऽसौ काम् अप्य् अवनिम् आगतः । सत्तासामान्यरूपात्मा बभूवानन्दसागरः
śarīrāt samatīto 'sau kām apy avanim āgataḥ / sattāsāmānyarūpātmā babhūvānandasāgaraḥ
Sanskrit only: no published translation is held for this verse.
द्विजचेतनहंसो ऽसाव् आनन्दसरसि स्थिरे । अतिष्ठच् छरदच्छे खे कलापूर्ण इवोडुपः
dvijacetanahaṃso 'sāv ānandasarasi sthire / atiṣṭhac charadacche khe kalāpūrṇa ivoḍupaḥ
Sanskrit only: no published translation is held for this verse.
बभूवावातदीपाभो लिपिकर्मार्पितोपमः । वीतवेलाम्बुधिप्रख्यो वृष्टमूकाम्बुदस्थितिः
babhūvāvātadīpābho lipikarmārpitopamaḥ / vītavelāmbudhiprakhyo vṛṣṭamūkāmbudasthitiḥ
Sanskrit only: no published translation is held for this verse.
अथैतस्मिन् महालोके तिष्ठन्न् उद्दालकश् चिरम् । अपश्यद् व्योमगान् सिद्धान् अमरान् इव भूरिशः
athaitasmin mahāloke tiṣṭhann uddālakaś ciram / apaśyad vyomagān siddhān amarān iva bhūriśaḥ
Sanskrit only: no published translation is held for this verse.
आगतानि विचित्राणि सिद्धजालानि चाभितः । शक्रार्कपददातॄणि नीरन्ध्राण्य् अप्सरोगणैः
āgatāni vicitrāṇi siddhajālāni cābhitaḥ / śakrārkapadadātṝṇi nīrandhrāṇy apsarogaṇaiḥ
Sanskrit only: no published translation is held for this verse.
तानि नादरयां चक्रे सिद्धवृन्दानि स द्विजः । गम्भीरमतिर् अक्षुब्धो विलासान् इव शैशवान्
tāni nādarayāṃ cakre siddhavṛndāni sa dvijaḥ / gambhīramatir akṣubdho vilāsān iva śaiśavān
Sanskrit only: no published translation is held for this verse.
सिद्धसार्थम् अनादृत्य तस्मिन् स्वानन्दमन्दिरे । अतिष्ठद् अथ षण्मासान् दिक्तटे ऽर्क इवोत्तरे
siddhasārtham anādṛtya tasmin svānandamandire / atiṣṭhad atha ṣaṇmāsān diktaṭe 'rka ivottare
Sanskrit only: no published translation is held for this verse.
जीवन्मुक्तपदं तत् तद् यत् स सम्प्राप्तवान् द्विजः । तत्र सिद्धास् सुरास् साध्यास् स्थिता ब्रह्महरादयः
jīvanmuktapadaṃ tat tad yat sa samprāptavān dvijaḥ / tatra siddhās surās sādhyās sthitā brahmaharādayaḥ
Sanskrit only: no published translation is held for this verse.
आनन्दपरिणामित्वाद् अनानन्दपदं गताः । नानन्दे न निरानन्दे ततस् तत्संविद् आबभौ
ānandapariṇāmitvād anānandapadaṃ gatāḥ / nānande na nirānande tatas tatsaṃvid ābabhau
Sanskrit only: no published translation is held for this verse.
क्षणं वर्षसहस्रं वा तत्र लब्ध्वा स्थितिं मनः । रतिम् एति न भोगौघे दृष्टस्वर्ग इवावनौ
kṣaṇaṃ varṣasahasraṃ vā tatra labdhvā sthitiṃ manaḥ / ratim eti na bhogaughe dṛṣṭasvarga ivāvanau
Sanskrit only: no published translation is held for this verse.
तत् पदं सा गतिश् शान्ता तच् छ्रेयश् शाश्वतं शिवम् । तत्र विश्रान्तिम् आप्तस्य न भूयो जायते श्रमः
tat padaṃ sā gatiś śāntā tac chreyaś śāśvataṃ śivam / tatra viśrāntim āptasya na bhūyo jāyate śramaḥ
Sanskrit only: no published translation is held for this verse.
तत् पदं साधवः प्राप्य दृश्यदृष्टिम् इमां पुनः । न यान्ति खदिरोद्यानं लब्धचैत्ररथा इव
tat padaṃ sādhavaḥ prāpya dṛśyadṛṣṭim imāṃ punaḥ / na yānti khadirodyānaṃ labdhacaitrarathā iva
Sanskrit only: no published translation is held for this verse.
तां महानन्दपदवीं चित्तान्य् आसाद्य देहिनाम् । दृश्यं न बहु मन्यन्ते राजानो दीनताम् इव
tāṃ mahānandapadavīṃ cittāny āsādya dehinām / dṛśyaṃ na bahu manyante rājāno dīnatām iva
Sanskrit only: no published translation is held for this verse.
चेतस् तत्पदविश्रान्तं बुद्धं दृश्यदशां प्रति । कदर्थाद् बोधम् आयाति न यात्य् एवाथ वानघ
cetas tatpadaviśrāntaṃ buddhaṃ dṛśyadaśāṃ prati / kadarthād bodham āyāti na yāty evātha vānagha
Sanskrit only: no published translation is held for this verse.
उद्दालको ऽथ षण्मासान् दूरोत्सारितसिद्धभूः । उषित्वोन्मिषतो ऽम्भोदकोशाद् अर्को मधाव् इव
uddālako 'tha ṣaṇmāsān dūrotsāritasiddhabhūḥ / uṣitvonmiṣato 'mbhodakośād arko madhāv iva
Sanskrit only: no published translation is held for this verse.
ददर्श सम्प्रबुद्धात्मा पुनः परमतेजसः । प्रणामलालसान् सिद्धांश् चन्द्रबिम्बवपुर्धरान्
dadarśa samprabuddhātmā punaḥ paramatejasaḥ / praṇāmalālasān siddhāṃś candrabimbavapurdharān
Sanskrit only: no published translation is held for this verse.
रमणीर् गौरमन्दाररेण्वभ्रामलचामराः । स्फुरत्पताकापटला द्युविमानपरम्पराः
ramaṇīr gauramandārareṇvabhrāmalacāmarāḥ / sphuratpatākāpaṭalā dyuvimānaparamparāḥ
Sanskrit only: no published translation is held for this verse.
अस्मदादीन् मुनीन् दर्भपवित्राङ्ककराम्बुजान् । विद्याधरीभिर् वलितान् विद्याधरपतीन् अपि
asmadādīn munīn darbhapavitrāṅkakarāmbujān / vidyādharībhir valitān vidyādharapatīn api
Sanskrit only: no published translation is held for this verse.
ते तम् ऊचुर् महात्मानम् उद्दालकमुनिं तदा । प्रसादेन प्रणामान् नो भगवन्न् अवलोकय
te tam ūcur mahātmānam uddālakamuniṃ tadā / prasādena praṇāmān no bhagavann avalokaya
Sanskrit only: no published translation is held for this verse.
आरुह्येमं विमानं त्वम् एहि त्रैविष्टपं पुरं । स्वर्ग एव हि सीमान्तो जगत्सम्भोगसम्पदाम्
āruhyemaṃ vimānaṃ tvam ehi traiviṣṭapaṃ puraṃ / svarga eva hi sīmānto jagatsambhogasampadām
Sanskrit only: no published translation is held for this verse.
आकल्पम् उचितान् भुङ्क्ष्व भोगान् अभिमतान् विभो । स्वर्गादिफलभोगार्थम् एवाशेषतपःक्रियाः
ākalpam ucitān bhuṅkṣva bhogān abhimatān vibho / svargādiphalabhogārtham evāśeṣatapaḥkriyāḥ
Sanskrit only: no published translation is held for this verse.
हारचामरधारिण्यो विद्याधरवराङ्गनाः । पश्येमास् त्वाम् उपासीनाः करिण्यः करिणं यथा
hāracāmaradhāriṇyo vidyādharavarāṅganāḥ / paśyemās tvām upāsīnāḥ kariṇyaḥ kariṇaṃ yathā
Sanskrit only: no published translation is held for this verse.
कामो धर्मार्थयोस् सारः कामसाराश् शुचिस्मिताः । वसन्त इव मञ्जर्यस् स्वर्ग एव भवन्ति ताः
kāmo dharmārthayos sāraḥ kāmasārāś śucismitāḥ / vasanta iva mañjaryas svarga eva bhavanti tāḥ
Sanskrit only: no published translation is held for this verse.
एवं कथयतस् सिद्धान् अतिथीन् इत्य् असौ मुनिः । परिपूज्य यथान्यायम् अतिष्ठद् गतसम्भ्रमम्
evaṃ kathayatas siddhān atithīn ity asau muniḥ / paripūjya yathānyāyam atiṣṭhad gatasambhramam
Sanskrit only: no published translation is held for this verse.
नाभ्यनन्दन् न तत्याज तां विभूतिं स धीरधीः । भोस् सिद्धा व्रजतेत्य् उक्त्वा स्वव्यापारपरो ऽभवत्
nābhyanandan na tatyāja tāṃ vibhūtiṃ sa dhīradhīḥ / bhos siddhā vrajatety uktvā svavyāpāraparo 'bhavat
Sanskrit only: no published translation is held for this verse.
अथ स्वकर्मनिरतं भोगेष्व् अरतिम् आगतम् । तम् उपास्य ययुस् सिद्धा दिनैः कतिपयैस् स्वयम्
atha svakarmanirataṃ bhogeṣv aratim āgatam / tam upāsya yayus siddhā dinaiḥ katipayais svayam
Sanskrit only: no published translation is held for this verse.
जीवन्मुक्तस् स च मुनिर् विजहार यथासुखम् । यावदिच्छं वनान्तेषु मुनीनाम् आश्रमेषु च
jīvanmuktas sa ca munir vijahāra yathāsukham / yāvadicchaṃ vanānteṣu munīnām āśrameṣu ca
Sanskrit only: no published translation is held for this verse.
मेरुमन्दरकैलासहिमवद्विन्ध्यसानुषु । द्वीपोपवनदिक्कुञ्जजङ्गलारण्यभूमिषु
merumandarakailāsahimavadvindhyasānuṣu / dvīpopavanadikkuñjajaṅgalāraṇyabhūmiṣu
Sanskrit only: no published translation is held for this verse.
ततः प्रभृति सम्प्राप्तपद उद्दालको द्विजः । गुहासु गिरिकुक्षीणां न्यवसद् ध्यानलीलया
tataḥ prabhṛti samprāptapada uddālako dvijaḥ / guhāsu girikukṣīṇāṃ nyavasad dhyānalīlayā
Sanskrit only: no published translation is held for this verse.
कदाचिद् अह्ना मासेन कदाचिद् वत्सरेण च । कदाचिद् वत्सरौघेन ध्यानासक्तो व्यबुध्यत
kadācid ahnā māsena kadācid vatsareṇa ca / kadācid vatsaraughena dhyānāsakto vyabudhyata
Sanskrit only: no published translation is held for this verse.
उद्दालकस् तद् आरभ्य व्यवहारपरो ऽपि सन् । सुसमाहित एवासीच् चित्तत्त्वैकत्वम् आगतः
uddālakas tad ārabhya vyavahāraparo 'pi san / susamāhita evāsīc cittattvaikatvam āgataḥ
Sanskrit only: no published translation is held for this verse.
चित्तत्त्वैकघनाभ्यासान् महाचित्त्वम् उपेत्य सः । दृश्ये ऽस्मिंश् चित्ररविवन् नास्तम् आयान् न चोदयम्
cittattvaikaghanābhyāsān mahācittvam upetya saḥ / dṛśye 'smiṃś citraravivan nāstam āyān na codayam
Sanskrit only: no published translation is held for this verse.
समपरपदलाभप्राप्तिसंशान्तचेता दलितजननपाशः क्षीणसन्देहदोलः । शरदि खम् इव कान्तं व्याततं चोर्जितं च स्फुटम् अमलम् अलेखं तत् वपुस् स्वं बभार
samaparapadalābhaprāptisaṃśāntacetā dalitajananapāśaḥ kṣīṇasandehadolaḥ / śaradi kham iva kāntaṃ vyātataṃ corjitaṃ ca sphuṭam amalam alekhaṃ tat vapus svaṃ babhāra
Sanskrit only: no published translation is held for this verse.