Moksopaya with Bhaskarakantha's Tika 5.57

यद् आत्ममरिचस्यान्तश् चित्त्वात् तीक्ष्णत्ववेदनम् । तद् अहन्त्वादि भेदादि देशकालादि वेत्त्य् अदः

yad ātmamaricasyāntaś cittvāt tīkṣṇatvavedanam / tad ahantvādi bhedādi deśakālādi vetty adaḥ

Sanskrit only: no published translation is held for this verse.

यद् आत्मलवणस्यान्तश् चित्त्वाल् लावण्यवेदनम् । तद् अहन्त्वादिभेदादिदेशकालादिमत् स्थितम्

yad ātmalavaṇasyāntaś cittvāl lāvaṇyavedanam / tad ahantvādibhedādideśakālādimat sthitam

Sanskrit only: no published translation is held for this verse.

स्वतो यद् अन्तर् आत्मेक्षोश् चित्त्वान् माधुर्यवेदनम् । तद् अहन्त्वादि भेदादि जगत्तादीति जृम्भितम्

svato yad antar ātmekṣoś cittvān mādhuryavedanam / tad ahantvādi bhedādi jagattādīti jṛmbhitam

Sanskrit only: no published translation is held for this verse.

स्वतो यद् आत्मदृषदश् चित्त्वात् काठिन्यवेदनम् । तद् अहन्त्वादिभेदादिदेशकालादितां गतम्

svato yad ātmadṛṣadaś cittvāt kāṭhinyavedanam / tad ahantvādibhedādideśakālāditāṃ gatam

Sanskrit only: no published translation is held for this verse.

स्वतो यद् आत्मशैलादिज्ञतया जाड्यवेदनम् । तद् अहन्त्वादि भेदादि भुवनादीति संस्थितम्

svato yad ātmaśailādijñatayā jāḍyavedanam / tad ahantvādi bhedādi bhuvanādīti saṃsthitam

Sanskrit only: no published translation is held for this verse.

स्वतो यद् आत्मतोयस्य चिद्द्रवत्वाद् विवर्तनम् । तद् आवर्ताद्य् अहन्तादि भेदाद्य् आकारितादि च

svato yad ātmatoyasya ciddravatvād vivartanam / tad āvartādy ahantādi bhedādy ākāritādi ca

Sanskrit only: no published translation is held for this verse.

स्वतो य आत्मवृक्षस्य शाखादिस् तस्य वेदनम् । तद् अहन्तादि भेदादि भुवनादीव संस्फुटम्

svato ya ātmavṛkṣasya śākhādis tasya vedanam / tad ahantādi bhedādi bhuvanādīva saṃsphuṭam

Sanskrit only: no published translation is held for this verse.

यद् आत्मगगनस्यान्तश् चित्त्वाच् छून्यत्ववेदनम् । तद् अहन्तादि भेदादि भावनादीति भावितम्

yad ātmagaganasyāntaś cittvāc chūnyatvavedanam / tad ahantādi bhedādi bhāvanādīti bhāvitam

Sanskrit only: no published translation is held for this verse.

यद् आत्मगगनस्यान्तश् चित्त्वात् सौषिर्यवेदनम् । तद् अहन्तादि चित्तादि शरीरादीव दीपितम्

yad ātmagaganasyāntaś cittvāt sauṣiryavedanam / tad ahantādi cittādi śarīrādīva dīpitam

Sanskrit only: no published translation is held for this verse.

स्वतो यद् आत्मकुड्यस्य नैरन्तर्यं निरन्तरम् । तद् अहन्तादिभेदेन चित्त्वाद् बहिर् इव स्थितम्

svato yad ātmakuḍyasya nairantaryaṃ nirantaram / tad ahantādibhedena cittvād bahir iva sthitam

Sanskrit only: no published translation is held for this verse.

स्वतो यद् आत्मसत्ताया वित्त्वात् सत्त्वैकवेदनम् । तद् अहन्त्वादि भेदादि चेतनादीति वा स्थितम्

svato yad ātmasattāyā vittvāt sattvaikavedanam / tad ahantvādi bhedādi cetanādīti vā sthitam

Sanskrit only: no published translation is held for this verse.

अन्तर् आत्मप्रकाशस्य स्वतो यद् अवभासनम् । तद् अहन्त्वादि वित्त्वादि जीव इत्य् एव वेत्त्य् असौ

antar ātmaprakāśasya svato yad avabhāsanam / tad ahantvādi vittvādi jīva ity eva vetty asau

Sanskrit only: no published translation is held for this verse.

अन्तर् अस्ति यद् आत्मेन्दोश् चिद्रूपं चिद्रसायनम् । स्वत आस्वाद्यते तेन तद् अहन्तादिनोदितम्

antar asti yad ātmendoś cidrūpaṃ cidrasāyanam / svata āsvādyate tena tad ahantādinoditam

Sanskrit only: no published translation is held for this verse.

परमात्मगुडस्यान्तर् यच् चित्स्वादूदयात्मकम् । तद् एवास्वाद्यते तेन स्वतो ऽहन्तादिनान्तरे

paramātmaguḍasyāntar yac citsvādūdayātmakam / tad evāsvādyate tena svato 'hantādināntare

Sanskrit only: no published translation is held for this verse.

परमात्ममणेश् चित्त्वाद् यद् अन्तः कचनं स्वयम् । चेतनात्म तद् एवान्तर् अहम् इत्यादि वेत्त्य् असौ

paramātmamaṇeś cittvād yad antaḥ kacanaṃ svayam / cetanātma tad evāntar aham ityādi vetty asau

Sanskrit only: no published translation is held for this verse.

न च किञ्चन वेत्त्य् अन्तर् वेद्यस्यासम्भवाद् इह । न चास्वादयति स्वादु स्वाद्यस्यासम्भवाद् अलम्

na ca kiñcana vetty antar vedyasyāsambhavād iha / na cāsvādayati svādu svādyasyāsambhavād alam

Sanskrit only: no published translation is held for this verse.

न च किञ्चिच् चिनोत्य् अन्तश् चेत्यस्यासम्भवे सति । वेद्यते न च वा किञ्चिद् वेद्यस्यासम्भवाद् असौ

na ca kiñcic cinoty antaś cetyasyāsambhave sati / vedyate na ca vā kiñcid vedyasyāsambhavād asau

Sanskrit only: no published translation is held for this verse.

असदाभास एवात्मा अनन्तो भरिताकृतिः । स्थितस् सदैवैकघनो महाशैल इवात्मनि

asadābhāsa evātmā ananto bharitākṛtiḥ / sthitas sadaivaikaghano mahāśaila ivātmani

Sanskrit only: no published translation is held for this verse.

अनया तु वचोभङ्ग्या मया वो रघुनन्दन । नाहन्तादिजगत्तादिभेदो ऽस्तीति निदर्शितम्

anayā tu vacobhaṅgyā mayā vo raghunandana / nāhantādijagattādibhedo 'stīti nidarśitam

Sanskrit only: no published translation is held for this verse.

न चित्तम् अस्ति नो चेत्ता न जगत्तादिविभ्रमः । दृषदीवाम्बरम् अतश् शान्तं शाम्यति केवलम्

na cittam asti no cettā na jagattādivibhramaḥ / dṛṣadīvāmbaram ataś śāntaṃ śāmyati kevalam

Sanskrit only: no published translation is held for this verse.

यथावर्तादिताम् एति द्रवत्वाद् वारि वारिणि । तथाहन्तादिताम् एति ज्ञत्वाज् ज्ञप्तौ ज्ञ आत्मनि

yathāvartāditām eti dravatvād vāri vāriṇi / tathāhantāditām eti jñatvāj jñaptau jña ātmani

Sanskrit only: no published translation is held for this verse.

यथा द्रवत्वं पयसि यथा स्पन्दस् सदागतौ । अहन्तादेशकालादि तथा ज्ञे ज्ञप्तिमात्रके

yathā dravatvaṃ payasi yathā spandas sadāgatau / ahantādeśakālādi tathā jñe jñaptimātrake

Sanskrit only: no published translation is held for this verse.

ज्ञो ज्ञतायां हि यज् ज्ञानं जानाति ज्ञानबृंहया । ज्ञायते तद् अहन्तादि जीवाद्य् अप्य् अभिजीवनैः

jño jñatāyāṃ hi yaj jñānaṃ jānāti jñānabṛṃhayā / jñāyate tad ahantādi jīvādy apy abhijīvanaiḥ

Sanskrit only: no published translation is held for this verse.

यथोदेति यदा ज्ञस्य ज्ञप्तिर् ज्ञानेन यादृशी । अनन्यैवान्यतां बुद्ध्वा सा तदा जृम्भते तथा

yathodeti yadā jñasya jñaptir jñānena yādṛśī / ananyaivānyatāṃ buddhvā sā tadā jṛmbhate tathā

Sanskrit only: no published translation is held for this verse.

जीवस्य जीवितं ज्ञानं ज्ञतायां जीवजीवने । अणुर् अप्य् अस्ति नो भेदो विरूपत्वे ज्ञजीवयोः

jīvasya jīvitaṃ jñānaṃ jñatāyāṃ jīvajīvane / aṇur apy asti no bhedo virūpatve jñajīvayoḥ

Sanskrit only: no published translation is held for this verse.

यथा ज्ञजीवयोर् नास्ति भेदो राम तथैतयोः । भेदो ऽस्ति न ज्ञजगतोर् विद्धि शान्तम् अखण्डितम्

yathā jñajīvayor nāsti bhedo rāma tathaitayoḥ / bhedo 'sti na jñajagator viddhi śāntam akhaṇḍitam

Sanskrit only: no published translation is held for this verse.

सर्वं प्रशान्तम् अजम् एकम् अनादिमध्यम् आभासनं स्वदनमात्रम् अचेत्यचिह्नम् । सर्वं प्रशान्तम् अति शब्दमयी तु दृष्टिर् बोधार्थम् एव हि मुधैव तद् ओम् इतीदम्

sarvaṃ praśāntam ajam ekam anādimadhyam ābhāsanaṃ svadanamātram acetyacihnam / sarvaṃ praśāntam ati śabdamayī tu dṛṣṭir bodhārtham eva hi mudhaiva tad om itīdam

Sanskrit only: no published translation is held for this verse.