Moksopaya with Bhaskarakantha's Tika 5.59

इत्य् उक्त्वा भगवान् एनं सुरघुं रघुनन्दन । ययौ स्वाम् एव ककुभं माण्डव्यो मौनमण्डनः

ity uktvā bhagavān enaṃ suraghuṃ raghunandana / yayau svām eva kakubhaṃ māṇḍavyo maunamaṇḍanaḥ

Sanskrit only: no published translation is held for this verse.

गते वरमुनौ राजा गत्वैकान्तम् अनिन्दितम् । धिया सञ्चिन्तयाम् आस को नामाहम् इति स्वयम्

gate varamunau rājā gatvaikāntam aninditam / dhiyā sañcintayām āsa ko nāmāham iti svayam

Sanskrit only: no published translation is held for this verse.

नाहं मेरुर् न मे मेरुर् जगन् नाहं न मे जगत् । नाहं शैला न मे शैला न धराहं न मे धरा

nāhaṃ merur na me merur jagan nāhaṃ na me jagat / nāhaṃ śailā na me śailā na dharāhaṃ na me dharā

Sanskrit only: no published translation is held for this verse.

किरातमण्डलं नेदं मम नाहं च मण्डलम् । निजसङ्केतमात्रेण केवलं देश एष मे

kirātamaṇḍalaṃ nedaṃ mama nāhaṃ ca maṇḍalam / nijasaṅketamātreṇa kevalaṃ deśa eṣa me

Sanskrit only: no published translation is held for this verse.

त्यक्तो मयैष सङ्केतो नाहं देशो न चैष मे । इदानीं नगरं शिष्टम् एष एवात्र निश्चयः

tyakto mayaiṣa saṅketo nāhaṃ deśo na caiṣa me / idānīṃ nagaraṃ śiṣṭam eṣa evātra niścayaḥ

Sanskrit only: no published translation is held for this verse.

पताकापुरपट्टाढ्या भृत्योपवनसङ्कुला । गजाश्वसामन्तयुता पुरी नाहं न मे पुरी

patākāpurapaṭṭāḍhyā bhṛtyopavanasaṅkulā / gajāśvasāmantayutā purī nāhaṃ na me purī

Sanskrit only: no published translation is held for this verse.

व्यर्थसङ्केतसम्बद्धं सङ्केतविगमे क्षतम् । भोगवृन्दं कलत्रं च नाहं नैतन् ममाखिलम्

vyarthasaṅketasambaddhaṃ saṅketavigame kṣatam / bhogavṛndaṃ kalatraṃ ca nāhaṃ naitan mamākhilam

Sanskrit only: no published translation is held for this verse.

एवं सभृत्यं सबलं सवाहनपुरान्तरम् । नाहं राज्यं न मे राज्यं सङ्केतो ह्य् अयम् आकुलः

evaṃ sabhṛtyaṃ sabalaṃ savāhanapurāntaram / nāhaṃ rājyaṃ na me rājyaṃ saṅketo hy ayam ākulaḥ

Sanskrit only: no published translation is held for this verse.

देहमात्रम् अहं मन्ये हस्तपादादिसंयुतम् । तद् एतत् तावद् आश्व् अन्तर् अहम् आलोकयाम्य् अलम्

dehamātram ahaṃ manye hastapādādisaṃyutam / tad etat tāvad āśv antar aham ālokayāmy alam

Sanskrit only: no published translation is held for this verse.

तद् अत्र तावन् मांसास्थि नाहम् एतद् अचेतनं । न चैतन् मम संश्लेषम् एत्य् अब्जस्य यथा जलम्

tad atra tāvan māṃsāsthi nāham etad acetanaṃ / na caitan mama saṃśleṣam ety abjasya yathā jalam

Sanskrit only: no published translation is held for this verse.

मांसं जडं न तद् अहं नैवाहं रक्तम् अप्य् अलम् । जडान्य् अस्थीनि नैवाहं न चैतानि मम क्वचित्

māṃsaṃ jaḍaṃ na tad ahaṃ naivāhaṃ raktam apy alam / jaḍāny asthīni naivāhaṃ na caitāni mama kvacit

Sanskrit only: no published translation is held for this verse.

कर्मेन्द्रियाणि नैवाहं न च कर्मेन्द्रियाणि मे । जडं यत् किल देहे ऽस्मिंस् तद् अहं नैव चेतनः

karmendriyāṇi naivāhaṃ na ca karmendriyāṇi me / jaḍaṃ yat kila dehe 'smiṃs tad ahaṃ naiva cetanaḥ

Sanskrit only: no published translation is held for this verse.

नाहं भोगा न मे भोगा न मे बुद्धीन्द्रियाणि च । जडान्य् असत्स्वरूपाणि न च बुद्धीन्द्रियाण्य् अहम्

nāhaṃ bhogā na me bhogā na me buddhīndriyāṇi ca / jaḍāny asatsvarūpāṇi na ca buddhīndriyāṇy aham

Sanskrit only: no published translation is held for this verse.

मूलं संसृतिदोषस्य मनो नाहं जडं हि तत् । अथ बुद्धिर् अहङ्कार इति दृष्टिर् मनोमयी

mūlaṃ saṃsṛtidoṣasya mano nāhaṃ jaḍaṃ hi tat / atha buddhir ahaṅkāra iti dṛṣṭir manomayī

Sanskrit only: no published translation is held for this verse.

मनोबुद्धीन्द्रियाद्यन्तो भूतकोशश् च तद् वपुः । नाहम् एवं शरीरादि शिष्टम् आलोकयाम्य् अहम्

manobuddhīndriyādyanto bhūtakośaś ca tad vapuḥ / nāham evaṃ śarīrādi śiṣṭam ālokayāmy aham

Sanskrit only: no published translation is held for this verse.

शेषस् तु चेतनाजीवस् स च चेत्येन चेतति । अन्येन बोध्यमानो ऽसौ नात्मतत्त्ववपुर् भवेत्

śeṣas tu cetanājīvas sa ca cetyena cetati / anyena bodhyamāno 'sau nātmatattvavapur bhavet

Sanskrit only: no published translation is held for this verse.

एवं त्यजामि संवेद्यं चेत्यं नाहं हि तत् किल । शेषो विकल्परहितो विशुद्धा चिद् अहं स्थितः

evaṃ tyajāmi saṃvedyaṃ cetyaṃ nāhaṃ hi tat kila / śeṣo vikalparahito viśuddhā cid ahaṃ sthitaḥ

Sanskrit only: no published translation is held for this verse.

चित्रम् एषो ऽस्मि लब्धात्मा जातः कालेन कार्यवित् । एष सो ऽहम् अनन्तात्मा क्वान्तो ऽस्य परमात्मनः

citram eṣo 'smi labdhātmā jātaḥ kālena kāryavit / eṣa so 'ham anantātmā kvānto 'sya paramātmanaḥ

Sanskrit only: no published translation is held for this verse.

ब्रह्मणीन्द्रे यमे वायौ सर्वभूतगणे तथा । स एष भगवान् आत्मा तन्तुर् मुक्तास्व् इव स्थितः

brahmaṇīndre yame vāyau sarvabhūtagaṇe tathā / sa eṣa bhagavān ātmā tantur muktāsv iva sthitaḥ

Sanskrit only: no published translation is held for this verse.

चिच्छक्तिर् अमला सैषा चेत्यामयविवर्जिता । भरिताशेषदिक्कुञ्जा भैरवाकारधारिणी

cicchaktir amalā saiṣā cetyāmayavivarjitā / bharitāśeṣadikkuñjā bhairavākāradhāriṇī

Sanskrit only: no published translation is held for this verse.

सर्वभावगता सूक्ष्मा भावाभावविवर्जिता । आब्रह्मभुवनान्तस्था सर्वशक्तिसमुद्गिका

sarvabhāvagatā sūkṣmā bhāvābhāvavivarjitā / ābrahmabhuvanāntasthā sarvaśaktisamudgikā

Sanskrit only: no published translation is held for this verse.

सर्वसौन्दर्यसुभगा सर्वप्राकाश्यदीपिका । सर्वसंसारमुक्तानां तन्तुर् आततरूपिणी

sarvasaundaryasubhagā sarvaprākāśyadīpikā / sarvasaṃsāramuktānāṃ tantur ātatarūpiṇī

Sanskrit only: no published translation is held for this verse.

सर्वाकारविकाराढ्या सर्वाकारविवर्जिता । सर्वभूतौघतां याता सर्वदा सर्वतां गता

sarvākāravikārāḍhyā sarvākāravivarjitā / sarvabhūtaughatāṃ yātā sarvadā sarvatāṃ gatā

Sanskrit only: no published translation is held for this verse.

चतुर्दशविधान्य् एषा भूतानि भुवनोदरे । एतन्मयीयं कलना जागती वेदनात्मिका

caturdaśavidhāny eṣā bhūtāni bhuvanodare / etanmayīyaṃ kalanā jāgatī vedanātmikā

Sanskrit only: no published translation is held for this verse.

मिथ्यावभासमात्रं तु सर्वदुःखदशागतिः । नानाकारमयाभासं सर्वम् आत्मैव चित् परा

mithyāvabhāsamātraṃ tu sarvaduḥkhadaśāgatiḥ / nānākāramayābhāsaṃ sarvam ātmaiva cit parā

Sanskrit only: no published translation is held for this verse.

सेयम् आत्मा मम व्यापी सेयं मदवबोधनम् । सेयम् आकलिताङ्गेहा करोति नृपतिभ्रमम्

seyam ātmā mama vyāpī seyaṃ madavabodhanam / seyam ākalitāṅgehā karoti nṛpatibhramam

Sanskrit only: no published translation is held for this verse.

अस्या एव प्रसादेन मनो देहरथस्थितम् । संसारजाललीलासु याति वल्गति नृत्यति

asyā eva prasādena mano deharathasthitam / saṃsārajālalīlāsu yāti valgati nṛtyati

Sanskrit only: no published translation is held for this verse.

इदं मनश् शरीरादि न किञ्चित् अपि वस्तुतः । नष्टे न किञ्चित् अप्य् अस्मिन् परिनश्यति पेलवे

idaṃ manaś śarīrādi na kiñcit api vastutaḥ / naṣṭe na kiñcit apy asmin parinaśyati pelave

Sanskrit only: no published translation is held for this verse.

जगज्जालमयं नृत्तम् इदं चित्तनटैस् ततम् । एतयैवैकया पङ्क्त्या दृश्यते दीपलेखया

jagajjālamayaṃ nṛttam idaṃ cittanaṭais tatam / etayaivaikayā paṅktyā dṛśyate dīpalekhayā

Sanskrit only: no published translation is held for this verse.

कष्टं मुधैव मे चिन्ता निग्रहानुग्रहस्थितौ । बभूव देहनिष्ठैव न किञ्चिद् अपि देहकः

kaṣṭaṃ mudhaiva me cintā nigrahānugrahasthitau / babhūva dehaniṣṭhaiva na kiñcid api dehakaḥ

Sanskrit only: no published translation is held for this verse.

नन्व् अहो सम्प्रबुद्धो ऽस्मि गतं दुर्दर्शनं मम । दृष्टं द्रष्टव्यं अखिलं प्राप्तं प्राप्यम् इदं मया

nanv aho samprabuddho 'smi gataṃ durdarśanaṃ mama / dṛṣṭaṃ draṣṭavyaṃ akhilaṃ prāptaṃ prāpyam idaṃ mayā

Sanskrit only: no published translation is held for this verse.

सर्वं किञ्चित् इदं दृश्यं दृश्यते यज् जगद्गतम् । चिन्निष्ष्यन्दांशमात्रं तन् नान्यत् किञ्चन शाश्वतम्

sarvaṃ kiñcit idaṃ dṛśyaṃ dṛśyate yaj jagadgatam / cinniṣṣyandāṃśamātraṃ tan nānyat kiñcana śāśvatam

Sanskrit only: no published translation is held for this verse.

क्व तौ कीदृग्विधौ वापि किंनिष्ठौ वा किमात्मकौ । निग्रहानुग्रहौ लोके हर्षामर्षक्रमौ तथा

kva tau kīdṛgvidhau vāpi kiṃniṣṭhau vā kimātmakau / nigrahānugrahau loke harṣāmarṣakramau tathā

Sanskrit only: no published translation is held for this verse.

किं सुखं किं च वा दुःखं सर्वं ब्रह्मेदम् आततम् । अहम् आसं मुधा मूढो दिष्ट्यामूढो ऽस्म्य् अहं स्थितः

kiṃ sukhaṃ kiṃ ca vā duḥkhaṃ sarvaṃ brahmedam ātatam / aham āsaṃ mudhā mūḍho diṣṭyāmūḍho 'smy ahaṃ sthitaḥ

Sanskrit only: no published translation is held for this verse.

किम् अस्मिन्न् एवम् आलोके शोच्यते किं विमुह्यते । किं प्रेक्ष्यते किम् क्रियते स्थीयते क्व क्व गम्यते

kim asminn evam āloke śocyate kiṃ vimuhyate / kiṃ prekṣyate kim kriyate sthīyate kva kva gamyate

Sanskrit only: no published translation is held for this verse.

किञ्चित् इत्थम् इदं नाम चिदाभासं विराजते । नमो नमस् ते निस्तत्त्व दृष्टदृश्यो ऽसि सुन्दर

kiñcit ittham idaṃ nāma cidābhāsaṃ virājate / namo namas te nistattva dṛṣṭadṛśyo 'si sundara

Sanskrit only: no published translation is held for this verse.

अहो नु सम्प्रबुद्धो ऽस्मि सम्यग् ज्ञातम् अलं मया । नमो मह्यम् अनन्ताय सम्यग्ज्ञानोदयाय च

aho nu samprabuddho 'smi samyag jñātam alaṃ mayā / namo mahyam anantāya samyagjñānodayāya ca

Sanskrit only: no published translation is held for this verse.

विगतरञ्जननिर्विषयस्थितिर् गतभवभ्रम ईहितवर्जितः । स्थिरसुषुप्तकलातिगतस् ततस् समसमं निवसाम्य् अहम् आत्मनि

vigatarañjananirviṣayasthitir gatabhavabhrama īhitavarjitaḥ / sthirasuṣuptakalātigatas tatas samasamaṃ nivasāmy aham ātmani

Sanskrit only: no published translation is held for this verse.