Moksopaya with Bhaskarakantha's Tika 5.6

इमम् एवं परिस्पन्दं करोमीत्य् अस्तवासनम् । प्रवर्तते यः कार्येषु स मुक्त इति मे मतिः

imam evaṃ parispandaṃ karomīty astavāsanam / pravartate yaḥ kāryeṣu sa mukta iti me matiḥ

Sanskrit only: no published translation is held for this verse.

पौरुषीं तनुम् आश्रित्य केचिद् एते क्रियारताः । स्वर्गान् नरकम् आयान्ति स्वर्गं च नरकात् पुनः

pauruṣīṃ tanum āśritya kecid ete kriyāratāḥ / svargān narakam āyānti svargaṃ ca narakāt punaḥ

Sanskrit only: no published translation is held for this verse.

केचित् कुकर्मनिरता विरतास् स्वविवेकतः । नरकान् नरकं यान्ति दुःखाद् दुःखं भयाद् भयम्

kecit kukarmaniratā viratās svavivekataḥ / narakān narakaṃ yānti duḥkhād duḥkhaṃ bhayād bhayam

Sanskrit only: no published translation is held for this verse.

केचित् स्ववासनातन्तुबद्धाः कर्मावलोडिताः । तिर्यक्त्वात् स्थावरतनुं यान्ति तिर्यक्तनुं ततः

kecit svavāsanātantubaddhāḥ karmāvaloḍitāḥ / tiryaktvāt sthāvaratanuṃ yānti tiryaktanuṃ tataḥ

Sanskrit only: no published translation is held for this verse.

केचिद् आत्मविदो धन्या विचारितमनोदृशः । विच्छिन्नतृष्णानिगडा यान्ति निष्केवलं पदम्

kecid ātmavido dhanyā vicāritamanodṛśaḥ / vicchinnatṛṣṇānigaḍā yānti niṣkevalaṃ padam

Sanskrit only: no published translation is held for this verse.

पुरा कतिपयान्य् एव भुक्त्वा जन्मानि राघव । अस्मिञ् जन्मनि यो मुक्तस् स स्याद् राजससात्त्विकः

purā katipayāny eva bhuktvā janmāni rāghava / asmiñ janmani yo muktas sa syād rājasasāttvikaḥ

Sanskrit only: no published translation is held for this verse.

जातो ऽसौ वृद्धिम् अभ्येति पार्वणश् चन्द्रमा इव । कुटजं प्रावृषीवैनं सौभाग्यम् अनुगच्छति

jāto 'sau vṛddhim abhyeti pārvaṇaś candramā iva / kuṭajaṃ prāvṛṣīvainaṃ saubhāgyam anugacchati

Sanskrit only: no published translation is held for this verse.

यस्येदं जन्म पाश्चात्यं तम् आश्व् एव महामते । विशन्ति विद्या विमला मुक्ता वेणुम् इवोत्तमम्

yasyedaṃ janma pāścātyaṃ tam āśv eva mahāmate / viśanti vidyā vimalā muktā veṇum ivottamam

Sanskrit only: no published translation is held for this verse.

आर्यता हृद्यता मैत्री सोम्यता मुक्तता ज्ञता । समाश्रयन्ति तं नित्यम् अन्तःपुरम् इवाङ्गनाः

āryatā hṛdyatā maitrī somyatā muktatā jñatā / samāśrayanti taṃ nityam antaḥpuram ivāṅganāḥ

Sanskrit only: no published translation is held for this verse.

यः कुर्वन् सर्वकार्याणि पुष्टे नष्टे ऽथ तत्फले । समस् स सर्वकालेषु न तुष्यति न शोचति

yaḥ kurvan sarvakāryāṇi puṣṭe naṣṭe 'tha tatphale / samas sa sarvakāleṣu na tuṣyati na śocati

Sanskrit only: no published translation is held for this verse.

तमांसीव दिवा यान्ति तत्र द्वन्द्वानि सङ्क्षयम् । शरदीव घनास् तत्र गुणा गच्छन्ति शुद्धताम्

tamāṃsīva divā yānti tatra dvandvāni saṅkṣayam / śaradīva ghanās tatra guṇā gacchanti śuddhatām

Sanskrit only: no published translation is held for this verse.

पेशलाचारमधुरं सर्वे वाञ्छन्ति तं जनाः । वेणुं मधुरनिस्स्वानं वने मृगगणा इव

peśalācāramadhuraṃ sarve vāñchanti taṃ janāḥ / veṇuṃ madhuranissvānaṃ vane mṛgagaṇā iva

Sanskrit only: no published translation is held for this verse.

नरं पाश्चात्यजन्मानम् एवम्प्राया गुणश्रियः । जातम् एवानुधावन्ति बलाका इव वारिदम्

naraṃ pāścātyajanmānam evamprāyā guṇaśriyaḥ / jātam evānudhāvanti balākā iva vāridam

Sanskrit only: no published translation is held for this verse.

ततो ऽसौ गुणसम्पूर्णो गुरुम् एवानुगच्छति । स तम् एकं विवेकेन नियोजयति पावनम्

tato 'sau guṇasampūrṇo gurum evānugacchati / sa tam ekaṃ vivekena niyojayati pāvanam

Sanskrit only: no published translation is held for this verse.

विचारवैराग्यवता चेतसा गुणशालिना । देवं पश्यत्य् अथात्मानम् एकरूपम् अनामयम्

vicāravairāgyavatā cetasā guṇaśālinā / devaṃ paśyaty athātmānam ekarūpam anāmayam

Sanskrit only: no published translation is held for this verse.

अतो राम विचारेण चारुणा शान्तचेतसा । प्रबोधनीयं प्रथमं मनो मननमन्थरम्

ato rāma vicāreṇa cāruṇā śāntacetasā / prabodhanīyaṃ prathamaṃ mano mananamantharam

Sanskrit only: no published translation is held for this verse.

ये हि पाश्चात्यजन्मानस् ते हि सुप्तं मनोमृगम् । प्रबोधयन्ति प्रथमं गुणगीतैर् महागुणाः

ye hi pāścātyajanmānas te hi suptaṃ manomṛgam / prabodhayanti prathamaṃ guṇagītair mahāguṇāḥ

Sanskrit only: no published translation is held for this verse.

प्रथितगुणान् सुगुरून् निषेव्य यत्नाद् अमलधिया प्रविचार्य चित्तरत्नम् । गतिम् अमलाम् उपयाति मानवो ऽस्मिञ् जगति विलोक्य चिरं प्रकाशम् अन्तः

prathitaguṇān sugurūn niṣevya yatnād amaladhiyā pravicārya cittaratnam / gatim amalām upayāti mānavo 'smiñ jagati vilokya ciraṃ prakāśam antaḥ

Sanskrit only: no published translation is held for this verse.