Moksopaya with Bhaskarakantha's Tika 5.60

इति हेमजटाधीशो लेभे पदम् अनुत्तमम् । विवेकाध्यवसायेन ब्राह्मण्यम् इव गाधिजः

iti hemajaṭādhīśo lebhe padam anuttamam / vivekādhyavasāyena brāhmaṇyam iva gādhijaḥ

Sanskrit only: no published translation is held for this verse.

अनन्ताकारकार्यासु नासीच् चेष्टासु खेदवान् । भूयो भूयः प्रयुक्तासु दिनमालास्व् इवेश्वरः

anantākārakāryāsu nāsīc ceṣṭāsu khedavān / bhūyo bhūyaḥ prayuktāsu dinamālāsv iveśvaraḥ

Sanskrit only: no published translation is held for this verse.

ततः प्रभृति सो ऽतिष्ठत् सर्वेहाविगतज्वरम् । समासमे स्वके कार्ये जलौघो ऽग्र इवानते

tataḥ prabhṛti so 'tiṣṭhat sarvehāvigatajvaram / samāsame svake kārye jalaugho 'gra ivānate

Sanskrit only: no published translation is held for this verse.

हर्षामर्षविनिर्मुक्तः प्रकृतं कार्यम् आचरन् । उदारगम्भीरवपुर् जहाराम्बुनिधेश् श्रियम्

harṣāmarṣavinirmuktaḥ prakṛtaṃ kāryam ācaran / udāragambhīravapur jahārāmbunidheś śriyam

Sanskrit only: no published translation is held for this verse.

सुषुप्तसमधर्मिण्या चित्तवृत्त्या व्यराजत । निष्कम्पया प्रकाशिन्या दीपस् स्वशिखयेव सः

suṣuptasamadharmiṇyā cittavṛttyā vyarājata / niṣkampayā prakāśinyā dīpas svaśikhayeva saḥ

Sanskrit only: no published translation is held for this verse.

न निर्घृणो दयावान् नो न द्वन्द्वी नाप्य् अमत्सरः । न सुखी नासुखी नार्थी नानर्थी स बभूव ह

na nirghṛṇo dayāvān no na dvandvī nāpy amatsaraḥ / na sukhī nāsukhī nārthī nānarthī sa babhūva ha

Sanskrit only: no published translation is held for this verse.

समदर्शनया नित्यं वृत्त्या चामलधीरया । अन्तश्शीतलया रेजे परिपूर्णेन्दुबिम्बवत्

samadarśanayā nityaṃ vṛttyā cāmaladhīrayā / antaśśītalayā reje paripūrṇendubimbavat

Sanskrit only: no published translation is held for this verse.

सर्वं चित्तत्त्वकचनं जगद् इत्य् अवलोक्य सा । प्रशान्तसुखदुःखश्रीस् तस्य पूर्णा मतिर् बभौ

sarvaṃ cittattvakacanaṃ jagad ity avalokya sā / praśāntasukhaduḥkhaśrīs tasya pūrṇā matir babhau

Sanskrit only: no published translation is held for this verse.

उल्लसन् विलसन् घूर्णंस् तिष्ठन् गच्छञ् श्वसन् स्वपन् । अभूत् स स्वसमाधिस्थः प्रबुद्धश् चिल्लयं गतः

ullasan vilasan ghūrṇaṃs tiṣṭhan gacchañ śvasan svapan / abhūt sa svasamādhisthaḥ prabuddhaś cillayaṃ gataḥ

Sanskrit only: no published translation is held for this verse.

स कुर्वन् विगतासङ्गं राज्यं राजीवलोचनः । अतिष्ठद् अक्षताकारो भूरिवर्षशतान्य् अथ

sa kurvan vigatāsaṅgaṃ rājyaṃ rājīvalocanaḥ / atiṣṭhad akṣatākāro bhūrivarṣaśatāny atha

Sanskrit only: no published translation is held for this verse.

सन्निवेशम् इमं देहनामकं तदनु स्वयम् । स जहौ तेजसाक्रान्तो रूपं हिमकणो यथा

sanniveśam imaṃ dehanāmakaṃ tadanu svayam / sa jahau tejasākrānto rūpaṃ himakaṇo yathā

Sanskrit only: no published translation is held for this verse.

विवेश परम् आद्यं तत् कारणं कारणेश्वरम् । प्रज्ञया सरिता वारिपूरः पूर्णम् इवाम्बुधिम्

viveśa param ādyaṃ tat kāraṇaṃ kāraṇeśvaram / prajñayā saritā vāripūraḥ pūrṇam ivāmbudhim

Sanskrit only: no published translation is held for this verse.

अधिगतविमलैकरूपतेजा गगनदशां समुपेत्य शान्तशोकः । अलम् अभवद् असौ परं स्वरूपं घटखम् इवाम्बरसंयुतं महात्मा

adhigatavimalaikarūpatejā gaganadaśāṃ samupetya śāntaśokaḥ / alam abhavad asau paraṃ svarūpaṃ ghaṭakham ivāmbarasaṃyutaṃ mahātmā

Sanskrit only: no published translation is held for this verse.