Moksopaya with Bhaskarakantha's Tika 5.62

अथैवम्प्रायया तत्र विश्रम्भकथया चिरम् । प्राक्तनस्नेहगर्भिण्या स्थित्वोवाचायुधाभिधः

athaivamprāyayā tatra viśrambhakathayā ciram / prāktanasnehagarbhiṇyā sthitvovācāyudhābhidhaḥ

Sanskrit only: no published translation is held for this verse.

यद् यत् संसारजाले ऽस्मिन् क्रियते कर्म भूमिप । तत् समाहितचित्तस्य सुखायान्यस्य नानघ

yad yat saṃsārajāle 'smin kriyate karma bhūmipa / tat samāhitacittasya sukhāyānyasya nānagha

Sanskrit only: no published translation is held for this verse.

कच्चित् सङ्कल्परहितं परं विश्रमणास्पदम् । परमोपशमश्रेयस् समाधिम् अनुतिष्ठसि

kaccit saṅkalparahitaṃ paraṃ viśramaṇāspadam / paramopaśamaśreyas samādhim anutiṣṭhasi

Sanskrit only: no published translation is held for this verse.

एतन् मे ब्रूहि भगवन् सर्वसङ्कल्पवर्जितम् । परमोपशमश्रेयस् समाधिर् हि किम् उच्यते

etan me brūhi bhagavan sarvasaṅkalpavarjitam / paramopaśamaśreyas samādhir hi kim ucyate

Sanskrit only: no published translation is held for this verse.

यो ज्ञो महात्मन् सततं तूष्णीं व्यवहरंश् च वा । असमाहितचित्तो ऽसौ कदा भवति कः किल

yo jño mahātman satataṃ tūṣṇīṃ vyavaharaṃś ca vā / asamāhitacitto 'sau kadā bhavati kaḥ kila

Sanskrit only: no published translation is held for this verse.

नित्यप्रबुद्धचित्तास् तु कुर्वन्तो ऽपि जगत्क्रियाः । आत्मैकतत्त्वतन्निष्ठास् सदैव सुसमाधयः

nityaprabuddhacittās tu kurvanto 'pi jagatkriyāḥ / ātmaikatattvatanniṣṭhās sadaiva susamādhayaḥ

Sanskrit only: no published translation is held for this verse.

बद्धपद्मासनस्यापि कृतब्रह्माञ्जलेर् अपि । अविश्रान्तस्वभावस्य कस् समाधिः कथं च वा

baddhapadmāsanasyāpi kṛtabrahmāñjaler api / aviśrāntasvabhāvasya kas samādhiḥ kathaṃ ca vā

Sanskrit only: no published translation is held for this verse.

तत्त्वावबोधो भगवन् सर्वाशातृणपावकः । प्रोक्तस् समाधिभेदेन न तु तूष्णीम् अवस्थितिः

tattvāvabodho bhagavan sarvāśātṛṇapāvakaḥ / proktas samādhibhedena na tu tūṣṇīm avasthitiḥ

Sanskrit only: no published translation is held for this verse.

समाहिता नित्यतृप्ता यथाभूतार्थदर्शिनी । साधो समाधिशब्देन परा प्रज्ञोच्यते बुधैः

samāhitā nityatṛptā yathābhūtārthadarśinī / sādho samādhiśabdena parā prajñocyate budhaiḥ

Sanskrit only: no published translation is held for this verse.

अक्षुब्धा निरहङ्कारा द्वन्द्वेष्व् अनभिपातिनी । प्रोक्ता समाधिशब्देन मेरोस् स्थिरतरा स्थितिः

akṣubdhā nirahaṅkārā dvandveṣv anabhipātinī / proktā samādhiśabdena meros sthiratarā sthitiḥ

Sanskrit only: no published translation is held for this verse.

निश्चिन्ता विगताभीष्टा हेयोपादेयवर्जिता । प्रोक्ता समाधिशब्देन परिपूर्णा मनोगतिः

niścintā vigatābhīṣṭā heyopādeyavarjitā / proktā samādhiśabdena paripūrṇā manogatiḥ

Sanskrit only: no published translation is held for this verse.

यतः प्रभृति बोधेन युक्तम् आत्यन्तिकं मनः । तद् आरभ्य समाधानम् अव्युच्छिन्नं महात्मनः

yataḥ prabhṛti bodhena yuktam ātyantikaṃ manaḥ / tad ārabhya samādhānam avyucchinnaṃ mahātmanaḥ

Sanskrit only: no published translation is held for this verse.

न हि प्रबुद्धमनसो भूत्वा विच्छिद्यते पुनः । समाधिर् दूरम् आकृष्टो बिसतन्तुश् शिशोर् इव

na hi prabuddhamanaso bhūtvā vicchidyate punaḥ / samādhir dūram ākṛṣṭo bisatantuś śiśor iva

Sanskrit only: no published translation is held for this verse.

समग्रं दिनम् आलोकाद् विरमत्य् अक्षि नो यथा । आजीवितान्तं मे प्रज्ञा तथा तत्त्वावलोकनात्

samagraṃ dinam ālokād viramaty akṣi no yathā / ājīvitāntaṃ me prajñā tathā tattvāvalokanāt

Sanskrit only: no published translation is held for this verse.

अजस्रम् अम्बु वहनाद् यथा नद्या न रुध्यते । तथा विज्ञानदृग् बोधात् क्षणमात्रं न रुध्यते

ajasram ambu vahanād yathā nadyā na rudhyate / tathā vijñānadṛg bodhāt kṣaṇamātraṃ na rudhyate

Sanskrit only: no published translation is held for this verse.

न विस्मरत्य् अविरतं यथा कालकला गतिम् । न विस्मरत्य् अविरतं स्वात्मानं प्राज्ञधीस् तथा

na vismaraty avirataṃ yathā kālakalā gatim / na vismaraty avirataṃ svātmānaṃ prājñadhīs tathā

Sanskrit only: no published translation is held for this verse.

न विस्मरति सर्वत्र यथा सततगो गतिम् । न विस्मरति निश्चेत्यं चिन्मात्रं प्राज्ञधीस् तथा

na vismarati sarvatra yathā satatago gatim / na vismarati niścetyaṃ cinmātraṃ prājñadhīs tathā

Sanskrit only: no published translation is held for this verse.

गतिं कालकला यद्वच् चिन्वाना समवस्थिता । चिच् चिरं चेत्यरहितं चिन्वानाङ्गं तथा स्थिता

gatiṃ kālakalā yadvac cinvānā samavasthitā / cic ciraṃ cetyarahitaṃ cinvānāṅgaṃ tathā sthitā

Sanskrit only: no published translation is held for this verse.

यथा सत्ताविहीनात्मा पदार्थो नोपलभ्यते । तथात्मज्ञानहीनात्मा कालो ज्ञस्य न लभ्यते

yathā sattāvihīnātmā padārtho nopalabhyate / tathātmajñānahīnātmā kālo jñasya na labhyate

Sanskrit only: no published translation is held for this verse.

न सम्भवति संसारे गुणहीनो गुणी यथा । न सम्भवत्य् आत्मसंविद्वर्जितो ह्य् आत्मवांस् तथा

na sambhavati saṃsāre guṇahīno guṇī yathā / na sambhavaty ātmasaṃvidvarjito hy ātmavāṃs tathā

Sanskrit only: no published translation is held for this verse.

सर्वदैवास्मि सम्बुद्धस् सर्वदैवास्मि निर्मलः । सर्वदैवास्मि शान्तात्मा सर्वदास्मि समाहितः

sarvadaivāsmi sambuddhas sarvadaivāsmi nirmalaḥ / sarvadaivāsmi śāntātmā sarvadāsmi samāhitaḥ

Sanskrit only: no published translation is held for this verse.

भेदः केन समाधेर् मे जन्यते कथम् एव वा । आत्मनो व्यतिरिक्तेन नित्यम् एवासदात्मना

bhedaḥ kena samādher me janyate katham eva vā / ātmano vyatiriktena nityam evāsadātmanā

Sanskrit only: no published translation is held for this verse.

तस्मात् कदाचिद् अपि मे न समाधिमयं मनः । न चासमाहितं नित्यम् आत्मतत्त्वैकसम्भवात्

tasmāt kadācid api me na samādhimayaṃ manaḥ / na cāsamāhitaṃ nityam ātmatattvaikasambhavāt

Sanskrit only: no published translation is held for this verse.

सर्वगस् सर्वदैवात्मा सर्वम् एव च सर्वथा । असमाधिर् हि को ऽसौ स्यात् समाधिर् अपि कस् स्मृतः

sarvagas sarvadaivātmā sarvam eva ca sarvathā / asamādhir hi ko 'sau syāt samādhir api kas smṛtaḥ

Sanskrit only: no published translation is held for this verse.

नित्यं समाहितधियस् सुशमा महान्तस् तिष्ठन्ति कार्यपरिणामविभागमुक्ताः । तेनासमाहितसमाहितभेदभङ्ग्या मिथ्योदितं न तु मदुत्तमवाक्प्रपञ्चः

nityaṃ samāhitadhiyas suśamā mahāntas tiṣṭhanti kāryapariṇāmavibhāgamuktāḥ / tenāsamāhitasamāhitabhedabhaṅgyā mithyoditaṃ na tu maduttamavākprapañcaḥ

Sanskrit only: no published translation is held for this verse.