Moksopaya with Bhaskarakantha's Tika 5.65

मनसैव मनश् छित्त्वा यद्य् आत्मा नावलोक्यते । ममेत्य् अहम् इति त्यक्त्वा तत् तामरसलोचन

manasaiva manaś chittvā yady ātmā nāvalokyate / mamety aham iti tyaktvā tat tāmarasalocana

Sanskrit only: no published translation is held for this verse.

नास्तम् एति जगद्दुःखं यथा चित्रगतो रविः । आपद् आयात्य् अनन्तत्वं महार्णववद् आतता

nāstam eti jagadduḥkhaṃ yathā citragato raviḥ / āpad āyāty anantatvaṃ mahārṇavavad ātatā

Sanskrit only: no published translation is held for this verse.

पुनः पुनर् उपायाति जडकल्लोलकारिणी । मेघनीलतरुश्यामा संसृतिप्रावृड् आकुला

punaḥ punar upāyāti jaḍakallolakāriṇī / meghanīlataruśyāmā saṃsṛtiprāvṛḍ ākulā

Sanskrit only: no published translation is held for this verse.

अत्रैवोदाहरन्तीमम् इतिहासं पुरातनम् । संवादं सुहृदोस् सह्यसानौ भासविलासयोः

atraivodāharantīmam itihāsaṃ purātanam / saṃvādaṃ suhṛdos sahyasānau bhāsavilāsayoḥ

Sanskrit only: no published translation is held for this verse.

अस्त्य् उत्सेधजिताकाशः पीठेन जितभूतलः । तलेन जितपातालस् त्रिलोकविजयी गिरिः

asty utsedhajitākāśaḥ pīṭhena jitabhūtalaḥ / talena jitapātālas trilokavijayī giriḥ

Sanskrit only: no published translation is held for this verse.

असह्यकुसुमापूरो ऽसह्यनिर्मलनिर्झरः । गुह्यकारक्षितनिधिस् सह्यनामाविषह्यभाः

asahyakusumāpūro 'sahyanirmalanirjharaḥ / guhyakārakṣitanidhis sahyanāmāviṣahyabhāḥ

Sanskrit only: no published translation is held for this verse.

मुक्तापटलसम्पूर्णैर् धातुपाटलभित्तिभिः । भासुरः काञ्चनतटैः कटैर् इव सुरद्विपः

muktāpaṭalasampūrṇair dhātupāṭalabhittibhiḥ / bhāsuraḥ kāñcanataṭaiḥ kaṭair iva suradvipaḥ

Sanskrit only: no published translation is held for this verse.

क्वचित् पुष्पभराशारो धातुशारतरः क्वचित् । क्वचित् फुल्लसरश्शारो रत्नशारशिराः क्वचित्

kvacit puṣpabharāśāro dhātuśārataraḥ kvacit / kvacit phullasaraśśāro ratnaśāraśirāḥ kvacit

Sanskrit only: no published translation is held for this verse.

इतो रटन्निर्झरवान् इतः क्वणितकीचकः । इतो रटद्गुहावात इतष् षट्पदघुङ्घुमी

ito raṭannirjharavān itaḥ kvaṇitakīcakaḥ / ito raṭadguhāvāta itaṣ ṣaṭpadaghuṅghumī

Sanskrit only: no published translation is held for this verse.

सानौ गीताप्सरोवृन्दो वने मृदुखगारवः । अधित्यकायां मत्ताभ्रो गहनेषु मृगारवी

sānau gītāpsarovṛndo vane mṛdukhagāravaḥ / adhityakāyāṃ mattābhro gahaneṣu mṛgāravī

Sanskrit only: no published translation is held for this verse.

विद्याधरोद्गीतगुहो भृङ्गगीताम्बुजाकरः । किरातागीतपर्यन्तः खगागीतवनद्रुमः

vidyādharodgītaguho bhṛṅgagītāmbujākaraḥ / kirātāgītaparyantaḥ khagāgītavanadrumaḥ

Sanskrit only: no published translation is held for this verse.

स्कन्धेषु देवैर् वलितः पादेषु वलितो नरैः । पाताले वलितो नागैर् जगद्गेहम् इवापरम्

skandheṣu devair valitaḥ pādeṣu valito naraiḥ / pātāle valito nāgair jagadgeham ivāparam

Sanskrit only: no published translation is held for this verse.

कन्दरेषु श्रितस् सिद्धैर् निधानैर् अन्तर् आश्रितः । चन्दनेषु श्रितो नागैस् सिंहैश् शृङ्गशिखासु च

kandareṣu śritas siddhair nidhānair antar āśritaḥ / candaneṣu śrito nāgais siṃhaiś śṛṅgaśikhāsu ca

Sanskrit only: no published translation is held for this verse.

पुष्पाभ्रसंवीतवपुः पुष्परेण्वभ्रपांसुलः । पुष्पपत्त्राभ्रभृद्वातः पुष्पपादपपाण्डुरः

puṣpābhrasaṃvītavapuḥ puṣpareṇvabhrapāṃsulaḥ / puṣpapattrābhrabhṛdvātaḥ puṣpapādapapāṇḍuraḥ

Sanskrit only: no published translation is held for this verse.

धातुधूल्यभ्रकपिलो रत्नोपलतलस्थितिः । स दारुजैर् इव सुरस्त्रीगणैर् अलम् आश्रितः

dhātudhūlyabhrakapilo ratnopalatalasthitiḥ / sa dārujair iva surastrīgaṇair alam āśritaḥ

Sanskrit only: no published translation is held for this verse.

अभ्रनीलांशुकच्छन्ना मूकरत्नविभूषणाः । शिलाकनकसुन्दर्यो यत्र शृङ्गाभिसारिकाः

abhranīlāṃśukacchannā mūkaratnavibhūṣaṇāḥ / śilākanakasundaryo yatra śṛṅgābhisārikāḥ

Sanskrit only: no published translation is held for this verse.

तत्रोत्तरतटे सानाव् आनमत्फलपादपे । रत्नपुष्करिणीजालवहन्निर्झरवारिणि

tatrottarataṭe sānāv ānamatphalapādape / ratnapuṣkariṇījālavahannirjharavāriṇi

Sanskrit only: no published translation is held for this verse.

चूतद्रुमलतोन्मुक्तपुष्पस्तबकदन्तुरे । विदुलाङ्कोल्लपुन्नागनीपनीरन्ध्रदिक्तटे

cūtadrumalatonmuktapuṣpastabakadanture / vidulāṅkollapunnāganīpanīrandhradiktaṭe

Sanskrit only: no published translation is held for this verse.

लतावितानच्छन्नार्के रत्नांशुभरभासुरे । स्रवज्जम्बूरसक्नूते स्वर्लोकाह्लादकारिणि

latāvitānacchannārke ratnāṃśubharabhāsure / sravajjambūrasaknūte svarlokāhlādakāriṇi

Sanskrit only: no published translation is held for this verse.

ब्रह्मलोकसमस् स्वर्गरम्यश् शिवपुरोपमः । अत्रेर् अस्त्य् आश्रमश् श्रीमान् सिद्धश्रमहरो महान्

brahmalokasamas svargaramyaś śivapuropamaḥ / atrer asty āśramaś śrīmān siddhaśramaharo mahān

Sanskrit only: no published translation is held for this verse.

महत्य् अत्र्याश्रमे तस्मिंस् तापसौ द्वौ बभूवतुः । कौचिद् एव नभोमार्ग इव शुक्रबृहस्पती

mahaty atryāśrame tasmiṃs tāpasau dvau babhūvatuḥ / kaucid eva nabhomārga iva śukrabṛhaspatī

Sanskrit only: no published translation is held for this verse.

तयोर् अथैकास्पदयोस् तत्राभूतां सुताव् उभौ । कुलाङ्कुरौ शुद्धतनू सरस्वत्य् अम्बुजाव् इव

tayor athaikāspadayos tatrābhūtāṃ sutāv ubhau / kulāṅkurau śuddhatanū sarasvaty ambujāv iva

Sanskrit only: no published translation is held for this verse.

विलासभासनामानौ वृद्धिम् आययतुः क्रमात् । तौ पित्रोः पल्लवौ शीघ्रं लतापादपयोर् इव

vilāsabhāsanāmānau vṛddhim āyayatuḥ kramāt / tau pitroḥ pallavau śīghraṃ latāpādapayor iva

Sanskrit only: no published translation is held for this verse.

आस्ताम् अन्योऽन्यसुहृदौ सुस्निग्धौ वल्लभौ मिथः । तिलतैलवद् आश्लिष्टौ तौ पुष्पामोदवत् स्थितौ

āstām anyo'nyasuhṛdau susnigdhau vallabhau mithaḥ / tilatailavad āśliṣṭau tau puṣpāmodavat sthitau

Sanskrit only: no published translation is held for this verse.

नाभूतां विप्रयुक्तौ तौ सुरक्ताव् इव दम्पती । एकं द्वित्वम् इवापन्नं समम् आसीत् तयोर् मनः

nābhūtāṃ viprayuktau tau suraktāv iva dampatī / ekaṃ dvitvam ivāpannaṃ samam āsīt tayor manaḥ

Sanskrit only: no published translation is held for this verse.

तौ तथान्योऽन्यमुदितौ मनोहरतराकृती । तस्थतुस् स्वाश्रमे मौने सरोज इव षट्पदौ

tau tathānyo'nyamuditau manoharatarākṛtī / tasthatus svāśrame maune saroja iva ṣaṭpadau

Sanskrit only: no published translation is held for this verse.

प्रापतुर् यौवनं बाल्यम् उत्सृज्य जनवल्लभौ । कालेनाल्पतरेणैव चन्द्रसूर्याव् इवोदितौ

prāpatur yauvanaṃ bālyam utsṛjya janavallabhau / kālenālpatareṇaiva candrasūryāv ivoditau

Sanskrit only: no published translation is held for this verse.

जग्मतुर् देहम् उत्सृज्य ततस् तौ पितरौ तयोः । स्वर्गं जरार्ताव् उड्डीय नीडाद् इव विहङ्गमौ

jagmatur deham utsṛjya tatas tau pitarau tayoḥ / svargaṃ jarārtāv uḍḍīya nīḍād iva vihaṅgamau

Sanskrit only: no published translation is held for this verse.

पञ्चत्वं गतयोः पित्रोर् दीनवक्त्रौ बभूवतुः । सन्नाङ्गौ विगतोत्साहौ पद्माव् इव जलोद्धृतौ

pañcatvaṃ gatayoḥ pitror dīnavaktrau babhūvatuḥ / sannāṅgau vigatotsāhau padmāv iva jaloddhṛtau

Sanskrit only: no published translation is held for this verse.

तत्रौर्ध्वदैहिकं कृत्वा चक्राते परिदेवनम् । लोकस्थितिर् अलङ्घ्या हि महताम् अपि मानद

tatraurdhvadaihikaṃ kṛtvā cakrāte paridevanam / lokasthitir alaṅghyā hi mahatām api mānada

Sanskrit only: no published translation is held for this verse.

कृत्वौर्ध्वदैहिकम् अथो व्यथयाभिभूतौ शोकोत्थया करुणम् आर्तगिरा विलप्य । चित्रार्पिताव् इव निरस्तसमस्तचेष्टौ तौ संस्थितौ सुसमशून्यहृदादिनान्तम्

kṛtvaurdhvadaihikam atho vyathayābhibhūtau śokotthayā karuṇam ārtagirā vilapya / citrārpitāv iva nirastasamastaceṣṭau tau saṃsthitau susamaśūnyahṛdādināntam

Sanskrit only: no published translation is held for this verse.