Moksopaya with Bhaskarakantha's Tika 5.69

सर्वदा सर्वसंस्थेन सर्वेण सह तिष्ठता । सर्वकर्मरतेनापि मनः कार्यं विजानता

sarvadā sarvasaṃsthena sarveṇa saha tiṣṭhatā / sarvakarmaratenāpi manaḥ kāryaṃ vijānatā

Sanskrit only: no published translation is held for this verse.

न सक्तम् इह चिन्तासु न चेष्टासु न वस्तुषु । नाकाशे नाप्य् अधोभागे न दिक्षु न लतासु च

na saktam iha cintāsu na ceṣṭāsu na vastuṣu / nākāśe nāpy adhobhāge na dikṣu na latāsu ca

Sanskrit only: no published translation is held for this verse.

न बहिर् विपुलाभोगे न चैवेन्द्रियवृत्तिषु । नाभ्यन्तरे न च प्राणे न मूर्धनि न तालुनि

na bahir vipulābhoge na caivendriyavṛttiṣu / nābhyantare na ca prāṇe na mūrdhani na tāluni

Sanskrit only: no published translation is held for this verse.

न भ्रूमध्ये न नासान्ते न मुखे न खतारके । नान्धकारे न चाभासे न चास्मिन् हृदयाम्बरे

na bhrūmadhye na nāsānte na mukhe na khatārake / nāndhakāre na cābhāse na cāsmin hṛdayāmbare

Sanskrit only: no published translation is held for this verse.

न जाग्रति न च स्वप्ने न सुषुप्ते न निर्मले । नासिते न च वा पीते रक्तादौ शबले ऽपि च

na jāgrati na ca svapne na suṣupte na nirmale / nāsite na ca vā pīte raktādau śabale 'pi ca

Sanskrit only: no published translation is held for this verse.

न स्थिरे न चले नादौ न मध्ये नेतरत्र च । न दूरे नान्तिके नाङ्गे न पदार्थे न चात्मनि

na sthire na cale nādau na madhye netaratra ca / na dūre nāntike nāṅge na padārthe na cātmani

Sanskrit only: no published translation is held for this verse.

न शब्दस्पर्शरूपेषु न मोहानन्दवृत्तिषु । न गमागमचेष्टासु न कालकलनासु च

na śabdasparśarūpeṣu na mohānandavṛttiṣu / na gamāgamaceṣṭāsu na kālakalanāsu ca

Sanskrit only: no published translation is held for this verse.

केवलं चिति विश्रम्य किञ्चिच् चेत्यावलम्बतः । सर्वत्र नीरसम् इव तिष्ठत्व् आत्मरसं मनः

kevalaṃ citi viśramya kiñcic cetyāvalambataḥ / sarvatra nīrasam iva tiṣṭhatv ātmarasaṃ manaḥ

Sanskrit only: no published translation is held for this verse.

तत्रस्थो विगतासङ्गो जीवो ऽजीवत्वम् आगतः । व्यवहारम् इमं सर्वं मा करोतु करोतु वा

tatrastho vigatāsaṅgo jīvo 'jīvatvam āgataḥ / vyavahāram imaṃ sarvaṃ mā karotu karotu vā

Sanskrit only: no published translation is held for this verse.

अकुर्वन् वापि कुर्वन् वा जीवस् स्वात्मरतिक्रियाम् । क्रियाफलैर् न सम्बन्धम् आयाति खम् इवाम्बुदैः

akurvan vāpi kurvan vā jīvas svātmaratikriyām / kriyāphalair na sambandham āyāti kham ivāmbudaiḥ

Sanskrit only: no published translation is held for this verse.

अथ वा तम् अपि त्यक्त्वा चेत्यांशं शान्तचिद्घनः । जीवस् तिष्ठतु संशान्तं ज्वलन् मणिर् इवात्मनि

atha vā tam api tyaktvā cetyāṃśaṃ śāntacidghanaḥ / jīvas tiṣṭhatu saṃśāntaṃ jvalan maṇir ivātmani

Sanskrit only: no published translation is held for this verse.

निर्वाणम् आत्मनि गतस् सततोदितात्मा जीवो भुवि व्यवहरन्न् अपि रामभद्र । नासङ्गम् एति गतसङ्गतया फलेन कर्मोद्भवेन हसतीव च देहम् आरात्

nirvāṇam ātmani gatas satatoditātmā jīvo bhuvi vyavaharann api rāmabhadra / nāsaṅgam eti gatasaṅgatayā phalena karmodbhavena hasatīva ca deham ārāt

Sanskrit only: no published translation is held for this verse.